Մարիա.
Բարև ձեզ: Մանկավարժը աշխատանքի է ընդունվել համայնքապետարանում որպես աշխատակազմի քարտուղար: Համայնքապետարան գալիս է շաբաթական 4 լիարժեք օր 8 ժամ աշխատանքի, մեկ օր՝ 4 ժամ: Խնդրում եմ, ասեք՝ ինչպե՞ս է ձևակերպվելու հաշվապահությունում համայնքապետարանի աշխատավարձը, պահումները, տեղեկագիրը, արձակուրդը: Ավելացնեմ, որ մանկավարժը աշխատում է դպրոցում:
Նախ պետք է հաշվի առնեք, որ համատեղությամբ աշխատելու դեպքում օրական 12 ժամը պետք է չգերազանցեք։ Աշխատավարձի չափը համատեղության հետ կապ չունի։
Այդ դեպքում դպրոցում աշխատելը կդիտարկվի որպես մանկավարժական աշխատանք ժամավճարով, համայնքային ծառայողը օրենքով դպրոցում մանկավարժ աշխատելու կամ որոշ ժամեր ունենալու խնդիր չունի: Պետք է համայնքապետարանը դիտարկվի որպես հիմնական աշխատավայր:
Ճիշտ կլինի հաշվարկը կատարել ժամավճարով:
Այս դեպքում իր հիմնական աշխատավայրը դառնում է համայնքապետարանը, իսկ դպրոցում իրավունք ունի դասավանդել շաբաթական 8 ժամից ոչ ավել, սակայն արձակուրդը մնում է նույնը 35 աշխատանքային օր, իսկ տաբելում պիտի նշեք ըստ դասերի, թե օրական կամ շաբաթվա մեջ քանի օր կգա և որքան ժամ կդասավանդի: