Հայկ.

Բարև Ձեզ: Հարգելիներ, կարո՞ղ եք օգնել: Եթե ԱՁ-ն 2022թ. ընթացքում աշխատել է 2 ամիս՝ շրջհարկով: Շահութահարկը ստացվում է 5000դրx2: Հիմա 240 ձևը լրացնելիս միայն 107 տո՞ղը պետք է լրացնել 10000 և վե՞րջ: Եկամուները և ծախսերը երբ լրացնում եմ ըստ շրջանառության հարկի հաշվարկի, ստացվում է, որ վնասով է աշխատել և հարկման բազան 0 է: Այդպես ճի՞շտ է: Նախապես շնորհակալություն։

Լիլիթ․

Բարև ձեզ։ Կարո՞ղ է արդյոք կրոնական կազմակերպության հոգևոր առաջնորդը լինել չվճարվող, կամավոր հիմունքներով աշխատող։ Այդ դեպքում հարկայինում պե՞տք է արդյոք ուղարկել զրոյական հաշվետվություն։

Աննա․

Հարգելի գործընկերներ, Խնդրում եմ օգնել հետևյալ մի քանի հարցերում.

1. Ընկերությունը զբաղվում է գյուղատնտեսական արտադրանքի արտադրությամբ: 2022թ ունեցել է նաև այլ եկամուտներ, որոնց տեսակարար կշիռը համախառն եկամտի մեջ գերազանցում է 10%-ը: Խնդիրն այն է, որ և գյուղատնտեսական արտադրանքի իրացումից, և այլ եկամոտների մասով առաջանում է վնաս: Հարցս հետևյալն է՝ ինչպե՞ս շահութահարկի հաշվարկը լրացնել այնպես, որ այլ եկամուտների մասով հաջորդ տարիներ տեղափոխվող հարկային վնասը ճիշտ արտացոլվի հաշվարկի 85-րդ տողում: Եթե գյուղատնտեսականի մասով եկամուտներն ու ծախսերը հավասարեցնենք, ապա այդ խնդիրը կլուծվի, բայց արդյո՞ք այդ մոտեցումը ճիշտ է։ Այդ դեպքում հաշվարկի 8-րդ աղյուսակում էլ պատրաստի արտադրանքի շարժը պետք է համապատասխանի բաժին 1-ի մատակարարված արտադրանքի արտադրության հետ անմիջականորեն կապված ծախսերին՝ արտադրանքի ինքնարժեքին, որը չի համապատասխանի իրական թվին:

2. Ըստ Հոդված 126 1 մասի՝ Մինչև 2024 թվականի դեկտեմբերի 31-ը ներառյալ ընդգրկված հարկային տարիների համար շահութահարկի վճարումից ազատվում են գյուղատնտեսական արտադրանքի արտադրությամբ զբաղված շահութահարկ վճարողները` իրենց կողմից գյուղատնտեսական արտադրանքի իրացումից ստացվող եկամտի, ինչպես նաև այլ ակտիվների իրացումից ստացվող և այլ եկամուտների մասով, եթե այլ ակտիվների իրացումից ստացվող և այլ եկամուտների տեսակարար կշիռը համապատասխան հարկային տարվա համախառն եկամտի մեջ չի գերազանցում տասը տոկոսը: Այլ ակտիվների իրացումից ստացվող և այլ եկամուտների տեսակարար կշիռը համապատասխան հարկային տարվա համախառն եկամտի մեջ տասը տոկոսը գերազանցելու դեպքում սույն մասով նախատեսված արտոնությունը գործում է միայն գյուղատնտեսական արտադրանքի իրացումից ստացվող եկամտի մասով: Ժամկետանց կրեդիտորական պարտքի դուրս գրումը, որպես այլ եկամուտ մասնակցում է տեսակարար կշռի որոշման մեջ: Այդ դեպքում շահութահարկի հաշվարկի 9-րդ բաժինը ինչպես լրացնեմ, եթե այն նախատեսված է միայն ըստ գործունեության տեսակների եկամուտների համար:

Նախապես շնորհակալություն:

Մելինե․

Բարև ձեզ։ Եթե այս ամիս 3 ամսվա նախորդ երեք ամիսների հաշիվներ եմ չեղյալ արել (դիմացի կողմի խնդրանքով), և մեկ նոր հաշիվ եմ դուրս գրել (այդ երեք ամիսների+պլյուս հունվար համար)՝ մատակարման ամսաթիվն նշելով 31.01.2022։ Ես հիմա ԱԱՀ-ի հաշվարկներում ճշտելու բան ունե՞մ։ Նշեմ, որ այդ հաշիվների վճարումները ստացած են եղել։ Շնորհակալություն։

Սաթեն․

Խնդրում եմ պատասխանեք: Կազմակերպությունն ունի 2 հիմնադիր 90% և10%: 10%ի սեփականատերը մահացել է 2011թ-ին, և անհնար է գտնել հարազատներին: Իրական շահառուի հայտարարագրի համար ի՞նչ անեմ, միայն մեկի՞ն ներկայացնեմ։

Աննա․

Հարգելի հաշվապահներ, իրական շահառուների հետ կապված մի հարց․ տեղադրում եմ նույնականացման քարտը, մուտք գործում, որից հետո նշում եմ ընդերքօգտագործող և պետ ռեգիստրի համար, բերում է կազմակերպության անունը, և գրանցման համարը։ Նշեմ՝ ՍՊԸ բացվել է 2022թ մայիսին, ուրիշ ոչ մի բան չի բերում, որ ավելացնեմ իրական շահառուին: Կանխավ շնորհակալ եմ։

Կցված նկար

Նաիրա․

Բարև Ձեզ, դպրոց ՊՈԱԿ-ը ԻՇ հայտարարագիր ներկայացնու՞մ է։

Կարեն․

Բարև ձեզ, ի՞նչ է ԵՏՄ համապատասխանության հայտարագիրը, ի՞նչ է իրենից ներկայացնում։

Ալվարդ․

Բարև Ձեզ: ժամանակավորապես կասեցված ՍՊԸ-ն ԻՇ հայտարարագիր պիտի ներկայացնի՞, թե՞ ոչ:

Արմեն․

Հարգելի հաշվապահներ, իրական շահառուների վերաբերյալ հայտարարագիրը ո՞վ է ստորագրում՝ հիմնադի՞րը, թե՞ տնօրենը։ Շնորհակալություն։

Աննա․

Բարև Ձեզ: Հարցս հետևյալն է: Աշխատողը, որը գրանցված էր որպես ծառայություն մատուցող (քաղաքացիաիրավական պայմանագրով) մահացել է հունվարին և մահվան օրը ազարվել աշխատանքից: Հունվար ամսվա աշխատավարձի հաշվետվության մեջ լրացրել եմ այդ աշխատողի աշխատավարձի չափը, բայց հաշվետվությունը չի գրանցում սխալի պատճառով: Գրում է, որ հնարավոր չէ այդ անձի համար ներկայացնել անձնավորված հաշվարկ, պետք է դադարեցնել իրավահարաբերությունը այդ ֆիզ անձի հետ: Խնդրում եմ հուշեք՝ ո՞նց վարվեմ: Կանխավ շնորհակալություն:

Gegham Bagrazyan.

Հարգելիներս, կարո՞ղ եք ասել գրանցման հայտի վերաբերյալ՝ եթե աշխատողը ընդունված է աշխատանքի 1 դրույք, և ներակայացվել է գրանցման հայտ, և նրա վրա հետագայում դրվում է այլ աշխատանք կամ հավելում 25-50 տոկոսի չափով, կա հրաման, պե՞տք է արդյոք այդ հավելումի կամ աշխատավարձի համար ներկայացնել գրանցման հայտ։

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

Արտյոմ․

Խնդրում եմ օգնել, իրական շահառուների հայտարարագիրը լրացնելիս պետռեգիստրի համարը նշում եմ, որից հետո համակարգը տեղեկացնում է, որ այդպիսի կազմակերպություն գոյություն չունի։ Փորձել եմ տարբեր կազմակերպություններով, տարբեր ֆորմատներով։ Ի՞նչ խնդիր կարող է լինել։

Մարիամ․

Բարև Ձեզ։ Կասե՞ք խնդրեմ՝ հացի փուռ, որն շխատում է շրջհարկով, մինչև ե՞րբ պետք է հանձնի 219. Բնապահպանական հարկի և բնօգտագործման վճարների միասնական հարկային հաշվարկ ձևը, և ուշացնելու դեպքում ի՞նչ տուգանքներ կան։

Հասմիկ․

Բարև ձեզ։ Ա/Ձ աշխատում է միկրոյի դաշտում, միկրոյի հայտարարությունը տրվել է փետրվարի 04-ին, իսկ աշխատողի համար եկամտային հարկի հաշվարկ հունվար ամսվա համար լրացնելիս գրում է՝ միկրոյի հայտարարություն չեք տվել, միգուցե որ փետրվարին է տրվել, դա՞ է պատճառը, ի՞նչ խորհուրդ կտաք, ի՞նչ անեմ։

Քրիստինե․

Բարև Ձեզ, հարգելի հաշվապահներ։ Խնդրում եմ կասե՞ք՝ ՊՈԱԿ-ի դեպքում իրական շահառու հանդիսանալու հիմքը ո՞րն է, և հատուկ մասնակցության դաշտում ի՞նչ ենք լրացնում։ Դպրոց, որի լիազոր մարմինը հանդիսանում է մարզպետարանը։

Արթուր․

Եթե աշխատողի համար հաշվարկվել և վճարվել է արձակուրդային հունվար ամսվա մեջ, բայց փետրվար ամսվա համար, ապա ո՞ր ամսվա հաշվետվության մեջ պետք է ներկայացնեք։

Վերոնիկա․

Խնդրում եմ ասեք՝ եթե տնօրենը փոխվել է, կարելի՞ է էլեկտրոնային հաշվետվությունների համակարգում թողնել լիազորը և միայն նոր օգտվող գրանցվել։

Անահիտ․

Բարև Ձեզ, հարգելի գործընկերներ։ Խնդրում եմ օգնեք՝ ինչպե՞ս է լրացվում “Հաշվարկ անհատ ձեռնարկատիրոջ և նոտարի սոցիալական վճարի” (244 ձև) հաշվետվությունը, ամբո՞ղջ տարվա եկամուտը, թե՞ տարվա եկամուտից հանած ծախսի մնացորդը։ Օգնության համար շնորհակալ կլինեմ։

Եվա․

Խնդրում եմ կասե՞ք, եթե և՛ 2022թ, և՛ 2023թ ունեցել ենք մասնակիցների փոփոխություն, այս դեպքում ինչպե՞ս պետք է լրացնել իրական շահառուների հայտարարագիրը։

Աննա․

Հարգելի հաշվապահներ, ՍՊԸ, որ գրանցվել է 2022թ-ին, գործունեության տեսակը Կրաքարի և գիպսի արդյունահանում, բայց դեռ գործունեություն չի ծավալել, ներկայացնում է 0-ական հաշվետվություններ: Հիմա իրական շահառուների վերաբերյալ հայտարարագիրը լրացնելիս պետք է ընտրի ընդերքի օգտագործմա՞ն, թե՞ ընդանուր տիպի: Կանխավ շնորհակալ եմ:

Տիրուհի․

Բարև Ձեզ։ ԵՏՄ արտահանման դեպքում արտահանման հարկային հայտարարագիրը ի՞նչ ժամկետներում է պետք ներկայացնե՞լ։ Իսկ trade gov վիճակագրական հաշվետվությու՞նը։ Կանխավ շնորհակալ եմ։

Ռուզան․

Բարև Ձեզ, ես շրջ. հարկի հայտարարություն եմ տվել ԱՁ գրանցելուց: Դեռ եկամուտ չունեմ, բայց կտոր եմ ներմուծել կտորից տոպրակներ կարելու համար: Շրջհարկի հաշվետվության մեջ ո՞ր տողում պետք է լրացնել 0 շրջանառությունն ու X արժեքի ձեռքբերված կտորը:

Հրաչ․

Բարև ձեզ, հարգելի հաշվապահներ։ Խնդրում եմ կասե՞ք՝ ՀԿ-ն իրական շահառուի հայտարարագիր լրացնելիս ու՞մ է համարում իրական շահառու։ ՀԿ-ն աշխատել է դրամաշնորհային ծրագրերով, այլ (առևտրային) գործունեություն չի իրականացրել։

Լիանա․

Բարև Ձեզ: Եթե ներկայացնում եմ շրջ. հարկով աշխատող խանութի իրական շահառուի հայտարարագիրը, որտեղ իրական շահառուն 1 հոգի է 100% բաժնեմասով, անհրաժեշտ՞ է լրացնել իրական շահառու հանդիսանալու հիմքը էջը, և եթե այո՝ ի՞նչ պետք է ընտրեմ այստեղ։ Շնորհակություն։

Կցված նկար…

Լուսինե․

Բարև Ձեզ: Խնդրում եմ ասել՝ արտադրությամբ զբաղվող ՍՊԸ-ն ի՞նչ վիճակագրական հաշվետվություններ է հանձնում:

Ալլա․

Շրջարկով աշխատող ԱՁ-ն, ով ՌԴ քաղաքացի է, որի համար 244 ձև պիտի հանձնեմ, գումարի ընտրության համապատասխան տողը պասիվ է, չի բացում, ի՞նչ պետք է անել։

Արամ․

Հաշվապահներ ջան, կասե՞ք՝ նոր բացված ՀԿ-ի համար որևիցե դիմում կամ հաշվետվություն կա՞, որ պետք է տամ թաքսերվիսով։

Մարիամ․

Բարև ձեզ, ինչպե՞ս պետք է լրացնեմ 256 ձևը: Հիմնարկը կատարում է դերասանի վարպետության դասընթացներ:

Iskan.

Բարև Ձեզ, հունվարի 20-ին բացել եմ ԱՁ, ՏՏ ոլորտում եմ աշխատում, հունվարի 23-ին ներկայացրել եմ հաշվետվություն շրջանառության հարկով աշխատելու վերաբերյալ։ Աշխատելու եմ Ռուսաստանում գտնվող կազմակերպության հետ, սակայն գործը ավարտելուց հետո (կավարտեմ մինչը 31․01․2023) ցանկանում եմ գործունեության ժամանակավոր դադարեցման հայտ ներկայացնել։ Խնդրում եմ կասե՞ք՝ ի՞նչ հաշվետվություններ պետք է ներկայացնեմ, ե՞րբ, և ի՞նչ հարկեր պետք է վճարեմ, բացի շրջհարկից։ Եվ 232 հաշվետվության ո՞ր տողում պետք է լրացնեմ ստացված եկամտիս չափը։ Կանխավ շնորհակալություն։

Սոնա․

Բարև Ձեզ։ Խնդրում եմ ասեք՝ անաշխատունակության թերթիկի դեպքում աշխատողի հայտի հետ կապված ի՞նչ գործողություններ պետք է կատարվի։

Մելինե․

Բարև ձեզ։ Շրջհարկի դաշտից անցել ենք ԱԱՀ հոկտեմբերի 6-ից, հիմա հոկտեմբերի համար ԱԱՀ հաշվարկ ներկայացնելիս արդյո՞ք պետք է համամասնություն կիրառվի հարկման բազայի, հաշվանցման ենթակա ԱԱՀ-ի համար (վերցվի 15 օրվանը)։ Եթե ունեցել ենք ընդամենը 3 հաշիվ վավերագիր դուրս գրած (երբ կարծել ենք, որ շրջհարկով ենք աշխատում ), ու 3 ի դիմացի կողմն էլ ազատված են ԱԱՀ-ից, կարի՞ք կա հաշիվները չեղյալ համարելու և ԱԱՀ-ով նոր հաշիվ գրելու։ Եվ վերջին հարցս՝ այդ ազատված գործարքների մասով գումարը ավտոմատ լրացվում է հաշվարկի մեջ 13Ա-ում, հիմա ես 9Ա-ն այդքանով պակաս պե՞տք է լրացնեմ, այո՞։ Շնորհակալ կլինեմ, եթե արձագանքեք։

Ռուսլան․

Բարև ձեզ: Կազմակերպությունը ԵՏՄ-ից ներմուծել է մեքենայի շարժիչային յուղ, որի համար հաշվարկվել է ակցիզային հարկ: Խնդրում եմ օգնել հետևյալ հարցում՝ ներմուծման հայտարարության 14-րդ, 16-րդ, 17-րդ և 19-րդ սյունակներում ինչպե՞ս արտացոլել ակցիզը, եթե մաքսային արժեքը եղել է 100 000 դրամ, ակցիզը հաշվարկվել է կգ ի համար 530 դրամ։ Հնարավո՞ր է տվյալ սյունակներում ոչինչ չգրել, բայց ԱԱՀ-ի հարկման բազա 15-րդ սյունակում գրել մաքսային արժեք + ակցիզային հարկ։

Լուսինե․

Բարի օր։ Կասե՞ք՝ ՀԿ-ն տարեկան ուղարկվող ի՞նչ հաշվետվություն պիտի ուղարկվի ու մինչև ե՞րբ։ Կանխավ շնորհակալ եմ։

Արմեն․

Բարև ձեզ, 2022 թ. Նոյեմբեր ամսին գրանցվել է ՍՊԸ, գործունեություն չի ծավալվել դեռ և մինչ հիմա ոչ մի հաշվետվություն չի ներկայացվել։ Ի՞նչ պետք է անել տվյալ դեպքում և ի՞նչ հաշվետվություններ պետք է պարտադիր ներկայացվեն։

Անի․

Հարգելի գործընկերներ, Իրական շահառուների հայտարարության վերջնաժամկետը ե՞րբ է։

Անահիտ․

Բարև Ձեզ, հարգելի գործընկերներ։ ԱՁ-ն 2022թ.-ին աշխատել է ԱԱՀ-ով, բացի եկամտային հարկի և սոց. վճարի և ավելացված արժեքի հարկի ամսական հաշվետվություններից էլ ի՞նչ հաշվետվություններ պետք է ներկայացնեմ և մինչև ե՞րբ:

Սվետլանա․

Իրական շահառուի հայտարարության լրացման կարգը ԱՁ և ՍՊԸ-ի համար երբվանի՞ց գործողներին է վերաբերում։

Gegham Bagrazyan․

2023-ին ԱԱՀ վճարող համարվելու համար կամ ամեն տարի պե՞տք է հայտարարություն գրվի, եթե 2022թ-ին արդեն գրվել է։

Տաթև․

Բարև ձեզ, հարգելիներս: ՍՊԸ-ն աշխատում է միկրոյի դաշտում, հիմնադիրը (սեփականատերը) և տնօրենը նույն անձն է: Այս դեպքում Իրական շահառուների մասին հայտարարագիրը նույնպե՞ս պետք է ներկայացնել: Կանխավ շնորհակալ եմ:

Մարի․

Հարգելիներս, նախ շնորհակալություն հարցերին արագ և հստակ պատասխան տալու համար:

Հիմա հարցս` ՍՊԸ-ն համարվում է միկրոձեռնարկատիրության սուբյեկտ, գրանցված է միայն տնօրենը, այլ գրանցված աշխատող չունի, նշեմ նաև, որ գործունեությունը իրականացնում է մարզում, 79.11.0 դասակարգչի տակ է աշխատում, 257 ձևը հանձնել ենք 2023թ․ համար, կարելի է ասել 2022թ․ եկամուտ չի ունեցել, տնօրենի 189 ձևը 0-ական է լրացվել, միայն դեկտեմբերին կատարել է մեկ աշխատանք, որի համար հաշիվ է դուրս գրել, որպես հաշվարկային փաստաթուղթ: Դա է եղել միակ արված գործը:

Հիմա 256 ձևի մեջ այդ դուրս գրված հաշվի թիվը պե՞տք է գրենք։ Նաև խնդրում եմ ասեք՝ ՍՊԸ-ն տարեկան դրոշմանիշային վճար 18 000 վճարու՞մ է, թե՞ ոչ:

Մի բան էլ ավելացնեմ, որ տարածք է վարձակալել, որպես աշխատանքային սենյակ, վարձատու կողմը հաշիվ է դուրս գրել, մենք ամեն ամիս անկախ այն բանից, որ եկամուտ չենք ունեցել, այդ վարձը վճարել ենք:

Կարեն․

Բարև Ձեզ։ Շրջակա միջավայրի նախարարությունից պահանջել են ներկայացնել ջրօգտագործման և ջրահեռացման (ՋՋ), ինչպես նաև կեղտաջրերում պարունակող վնասակար նյութերի թույատրել սահմանային արտահոսքի (ԹՍԱ) անհատական նորմաներ։ Կասե՞ք՝ որ կազմակերպությանը դիմեմ այսպիսի տեղեկատվություն ստանալու համար։

Վահագն․

Բարև Ձեզ։ Շրջանառության հարկի դաշտում աշխատող ԱՁ-ն 2022թ. -ի համար պե՞տք է ներկայացնել Իրական շահառուի հայտարարագիր, և եթե այո, ապա ո՞ր հաշվետվության ձևն է taxservice.am կայքով, թե՞ այլ կայքով։

Mari.

Բարև Ձեզ, մի հարց ունեմ։ Եթե ԱՁ-ն միկրոձեռնարկատիրության դիմում չի ներկայացրել, ավտոմատ ԱԱՀ-ի դաշտում է հայտնվել, տարվա ընթացքում ոչ մի գործարք չի արել, նաև հաշվետվություն չի ներկայացրել։ Հիմա նախորդ տարվա 12 ամիսների ԱԱՀ-ները 0-ական ներկայացնե՞մ։

Արտյոմ․

Բարև ձեզ, խնդրում եմ ասեք․ միկրոյի դաշտում աշխատող ԱՁ-ն բացի 256 ձևից, 240-ը և 244 ձևերն է՞լ է լրացելու։ Շնորհակալություն։

Գոհար․

Բարև ձեզ, հագելի հաշվապահներ։ Կասե՞ք՝ տարեկան ի՞նչ հաշվետվություններ պետք է ներկայացնի ՍՊԸ-ն, որը որսորդական խանութ է, գործում է շրջանառության հարկով, ունի 2 գրանցված աշխատող՝ վաճառողը և տնօրենը, ով նաև հիմնադիրն է։ Մի հարց էլ․ եթե խանութը հունվարին չի աշխատում, կարո՞ղ եմ աշխատավարձը 0 փակեմ աշխատողի և տնօրենի համար։

Կարինե․

Բարև ձեզ, հարգելի հաշվապահներ։ Ընկերությունը զբաղվում է զբոսաշրջությամբ, հարկվում է շրջ․ հարկով և ՍՊԸ է։ Խնդրում եմ օգնել․ ես պետք է հանձնեմ բացի եռամսյակայինից, ամսականից (201, 189, 232) նաև տարեկան 163-ը և վե՞րջ։

Աննա.

Հարգելի հաշվապահներ, կազմակերպությունը աշխատում է հարկման ընդհանուր համակարգում, սակայն ոչ մի տեսակ գործունեություն չի իրականացվել, 0-ական հաշվետվությունները ներկայացվել է։ Կա՞ տարեկան հաշվետվություններ ներկայացնելու։ Կանխավ շնորհակալ եմ:

Հայկ.

Բարև Ձեզ: 2022թ. դեկտեմբերի համար ԱԱՀ հաշվարկ եմ լրացնում, ունեմ 03.01.2023թ. ամսաթվով ստացված հարկային հաշիվներ, որոնց մատակարարման ամսաթիվը սակայն 2022թ. դեկտեմբերին է վերաբերում: Հարկայինի ծրագիրը ավտոմատ լրացնելիս այդ հաշիվների գումարը չի ներառում , ի՞նչն է պատճառը: Խնդիր կլինի՞, եթե ես ձեռքով փոխեմ գումարը : Նախապես շնորհակալություն։