Category: Գործընկերներ

Վարդուհի.

Բարև Ձեզ: Խնդրում եմ ինձ օգնել ՀԾ Հաշվապահ 6 մուտքի կամ ելքի օրդեր լրացնել: Ամենավերևում տրված է դրամարկղ, որը պետք է լրացնել, խնդրում եմ ասել այդ տողի լրացման ձևը, քանի որ ես փորձել եմ, բայց չի ստացվել: Նախորդ տարբերակի մեջ չկա նման տող:

“Աշխատանք” բաժնում ավելացվել են նոր հայտարարություններ թափուր աշխատատեղերի վերաբերյալ “Market РФ” և “Տանժեռ” ընկերությունների կողմից:

Անդրանիկ.

Բարև Ձեզ:
Խնդրում եմ պատասխանել հետևյալ հարցերին՝
– Գործատուն պարտավոր է սկսնակ աշխատողի համար լրացնել աշխատանքային գրքույկ, սա նշանակու՞մ է, որ նաև պիտի տրամադրի աշխատանքային գրքույկը:
– Որոշակի ժամկետով պայմանագիր կնքվում է միայն հատո՞ւկ կատեգորիայի պաշտոնների դեպքում, թե նաև կարելի է, օրինակ, խոհարար կամ գանձապահ հաստիքի դեպքում ևս կնքել որոշակի ժամկետով աշխատանքային պայմանագիր:
Կանխավ` շնորհակալություն:

Արտակ.

Կազմակերպությունը 2012թ-ին կանխավճար է ստացել, որպեսզի հետագայում շինարարական ծառայություն մատուցի ստացված կանխավճարի դիմաց: Պայմանագրի մեջ նշված է, որ ծառայությունը պետք է մատուցվի մինչև 2014թ-ի դեկտեմբերի 31-ը:
(Նշեմ նաև, որ ծառայության մատուցման ժամկետի երկարատևությունը պայմանավորված է մի շարք հիմնավոր գործոններով):
Արդյո՞ք մեր կազմակերպության կողմից ստացված կանխավճարը դիտարկվում է որպես անհուսալի կրեդիտորական պարտք, և հարկվու՞մ է արդյոք շահութահարկով:

Արթուր.

Հարգելի գործընկերներ, եթե դժվար չէ, խնդրում եմ, պատասխանեք հետևյալ հարցին: Ինչպե՞ս ձեզ հայտնի է, վերջին շրջանում առևտրային գործարքների փաստաթղթաշրջանառության իրական ծավալները ֆիքսելու կամ ստվերը կրճատելու ուղղությամբ իրականացվում է համեմատաբար կոշտ հարկային վարչարարություն. օպերատիվ միջոցառումներ, տրանսպորտային միջոցների հաճախակի ստուգումներ, ստուգումների այլ տեսակներ և այլն, որոնք կրում են, որոշակի առումով, խնդիրը լուծելու պարտադրական տարրեր: Ի՞նչ տարբերակներ կմատնանշեք, որպեսզի բիզնեսը չթաքցնի իր հարկերը և բարեխղճորեն վճարի՝ հիմնված ինքնահայտարարագրման սկզբունքի վրա, և միաժամանակ իրականացվի թեթև հարկային վարչարարություն: Կխնդրեի՝ վերջինիս պատասխանը հնարավորինս առարկայական ձևակերպեիք՝ ինչպե՞ս թեթևացնել կոշտ վարչարարությունը՝ բարձրացնելով դրա իրականացման արդյունավետությունը: Նախապես շնորհակալություն:

Արթուր.

Հարգելի հաշվապահներ,
Ապրանք (հագուստ, սպիտակեղեն) արտահանելու ժամանակ մաքսային ի՞նչ վճարներ են սահմանված, և այդ դեպքում ո՞ր հարկատեսակով պետք է հարկվի տվյալ արտադրությունը` ԱԱՀ, թե՞ շրջանառության հարկ: Կանխավ շնորհակալություն:

zara.

Ապրանքների ներմուծման դեպքում ինքնարժեքը հաշվարկելիս հիմք ենք ընդունում մաքսային հայտարարագրու՞մ նշված USD կուրսը, թե՞ invoce-ի օրվա կենտրոնական բանկի տված կուրսը: Կանխավ շնորհակալ եմ:

1C կառավարման ավտոմատացված համակարգը բարդ, դինամիկ փոփոխվող մեխանիզմ է, որի հուսալիությունն ու ֆունկցիոնալությունը պարբերական վերլուծության և վերահսկողության կարիք ունեն:

Ամեն տարի 1C տեղեկատվական համակարգերը կատարելագործվում են, առաջ են գալիս նոր հնարավորություններ, նրանց հետ աշխատանքը դառնում է ավելի հարմար և հետաքրքիր:

Միևնույն ժամանակ աճում են 1C համակարգի օգտատերերի և այն մատուցող մասնագետների որակավորման հանդեպ պահանջները: Դա առավել շատ վերաբերում է խոշոր ծրագրային պրոդուկտներին:

Ի՞նչն է մտնում 1C համակարգի Տեխնիկական սպասարկման հասկացության մեջ:

• 1C համակարգով աշխատանքում խորհրդատվության տրամադրում
• 1С համակարգում կանխարգելիչ և կանոնակարգված աշխատանքների իրականացում
• Դիագնոստիկա և թերությունների վերացում
• 1С համակարգի արագ ազդեցության վերլուծություն և օպտիմալացում
• Անհրաժեշտության դեպքում համակարգի ֆունկցիոնալության զարգացում

Կախված 1С համակարգում ծագող բարդություններից՝ խորհրդատվական ծառայությունները (1С – ի տեխնիկական սպասարկում) կարող են կրել տեխնիկական կամ մեթոդաբանական բնույթ և մատուցվել հետևյալ աշխատանքների գծով՝
• Կանոնակարգված օպերացիաների կատարման հաջորդականության մշակում
• Հաշվետու տվյալների ձևակերպում
• Տեղեկատուների, փաստաթղթերի կամ հաշվետու տվյալների լրացման կարգը
• Վերլուծական հատվածների արտացոլումը՝ դրանց միջոցով մասնագիտացված հաշվետվությունների ձևերի ձևակերպման հնարավորությամբ
• Հաշվապահական և հարկային հաշվառման ամբողջական և հավաստի պարամետրերի ավտոմատ լրացման ձև:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ LEGAL AUDIT ընկերության կողմից:

Անի.

Հարգելի հաշվապահներ, խնդում եմ ինձ օգնեք հետևյալ հարցում. A կազմակերպությունը վարձակալությամբ վերցրել է B կազմակերպությանը պատկանող մի գործարան և արտադրում է X ապրանք: Վարձակալության պայմանագրում նշված է, որ գործարանի շահագործման հետ կապված բոլոր ծախսերը կատարվելու են A կազմակերպության կողմից: Գործարանի էլեկտրաէներգիայի վճարը վճարելու է A կազմակրպությունը, սակայն ո՞ր կազմակերպությունն իրավունք ունի հաշվանցելու էլեկտրաէներգիայի ԱԱՀ-ն:

Սաթիկ.

Հարգելի հաշվապահներ, խնդրում եմ պատասխանել: ՓՄՁ-ների համար նոր սերնդի ՀԴՄ-ների կիրառումը 2014թ. հուլիսի 1-ից մտնու՞մ է ուժի մեջ, թե՞ ոչ: Եթե այո, ապա ինչպե՞ս ձեռք բերել և ի՞նչ գնով:

Լիլիթ.

Բարև ձեզ: Ասացեք, խնդրեմ, աշխատողին նոր հաստիքի նշանակելը համարվու՞մ է արդյոք աշխատանքի էական պայմանի փոփոխություն, և եթե այո, ապա ինչքա՞ն ժամանակ առաջ պետք է ծանուցել նրան այդ մասին: Նախապես շնորհակալ եմ:

Ռաֆայել.

Ողջույն, հարգելի հաշվապահներ, ինձ հետաքրքրում է, թե արդյոք պետք է վճարենք, ես կամ վաճառողը, եկամտային հարկ, կամ այլ հարկատեսակ, գույքի առքուվաճառքի գործարքի համար:

Ես Ֆիզ. անձ եմ ու այս ամիս ձեռք եմ բերել թվային ֆոտոխցիկ և 50 X 70 չափսի տպագրված նկար (Գեղամա լեռների բնանկար), այլ ֆիզ.անձից: Երկուսս էլ ՀՀ քաղաքացիներ ենք, գործարքը վավերացրել ենք պայմանագրով, և գործարքի ընդհանուր արժեքը կազմել է 1 000 ԱՄՆ դոլար (410 000 ՀՀ դրամ): Վաճառողը ասում է, որ պետք է ևս 41 000 դրամ վճարեմ` եկամտային հարկի համար, այդպե՞ս է արդյոք: Կանխավ շնորհակալ եմ պատասխանելու համար:

Gayane.

Բարև ձեզ: Խնդրում եմ օգնեք պարզել, թե ինչ հարկեր կամ այլ վճարներ պետք է կատարի ֆիզիկական անձը, ով արտերկրում գրանցված ընկերությունից ամսական գումար է ստանում խորհրդատվական ծառայությունների դիմաց:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ ԱՐԳՈ ՍՊԸ – ի կողմից:

Մանե.

Հարգելի գործընկերներ, խնդրում եմ պատասխանեք իմ հարցին: Գործունեությունը դադարեցրած կազմակերպությունը ունի տրանսպորտային միջոց: Կազմակերպությունը կարո՞ղ է այդ տրանսպորտային միջոցը անհատույց օգտագործման տալ ֆիզիկական անձին: Կառաջանա՞ն արդյոք հարկային պարտավորություններ:

“Աշխատանք” բաժնում ավելացվել է նոր հայտարարություն թափուր աշխատատեղի վերաբերյալ “Էլբատ” ՓԲԸ – ի կողմից:

Աննա.

Բարև Ձեզ: Մեր կազմակերպությունը աշխատում է ԱԱՀ-ով, զբաղվում է առևտրով, հիմա ավելացել է նաև ռեստորան, որի մակերեսը 600 քմ-ից ավել է: Այս դեպքում մենք պե՞տք է այդ գործունեության մասով, այսինքն` հարային սննդի մասով, նույնպես աշխատենք ԱԱՀ-ով, տեղադրենք ՀԴՄ: Իսկ հարկային գնալ, դիմում գրել անհրաժե՞շտ է, թե միայն էլեկտրոնային հայտը բավական է:

Աննա.

Ինչպե՞ս կարող եմ ՀԾ ծրագրից Աշխատավարձի հաշվարկը արտահանել XML ֆայլով Եկամտային հարկի հաշվետվության համար:
Կանխավ շնորհակալ եմ:

Մասնակցե´ք Accountant.am – ի նոր հարցմանը:

Ավարտված հարցումների արդյունքները կարող եք տեսնել այստեղ…

“Աշխատանք” բաժնում ավելացվել են նոր հայտարարություններ թափուր աշխատատեղերի վերաբերյալ “Ապրանքներ ներմուծող կազմակերպության” և “Ներմուծող/արտահանող մեծածախ առևտրով զբաղվող կազմակերպության” կողմից:

Լենա.

ՍՊԸ աշխատում է շրջանառության հարկով: Մեկ այլ կազմակերպությունից անհատույց ստացվել է հիմնական միջոց: Արդյո՞ք այդ ՀՄ կհամարվի եկամուտ, և ինչպիսի՞ ձևակերպում տալ դրան: Շնորհակալություն պատասխանի համար:

Մխիթար.

Բարև Ձեզ:
Աշխատում եմ ՀԾ ծրագրով:
Հունիս 2013 թ-ին աշխատավարձի ավել հաշվարկ եմ կատարել: Չեմ կարողանում այդ հաշվարկը հանել: Տալիս եմ 5271-7131 ձևակերպումը, չի ստացվում:

Արև.

Բարև ձեզ:
Ուզում եմ իմանալ` որտեղի՞ց է հնրավոր բեռնել “ՀԾ հաշվապահություն” ծրագրի ուսուցողական գիրքը կամ օնլայն սովորել ՀԾ ծրագիրը: Նախապես շնորհակալ եմ:

Հարություն.

Հարգելի գործընկերներ, ունեմ 2 հարց վարկերի հետ կապված.

1. Եթե վարկը հաշվառենք միայն երկարաժամկետ մասով` առանց կարճաժամկետ մասի ձևակերպման, ի՞նչ հետևանքներ կլինեն: Արդյո՞ք խիստ անհրաժեշտ է երկարաժամկետ վարկի հաշվառումը կարճաժամկետ մասերով:

2. Երկարաժամկետ վարկի` ժամկետից շուտ մարման դեպքում ինչպիսի՞ ձևակերպումներ են տրվում:

Նախապես շնորհակալություն:

“Աշխատանք” բաժնում ավելացվել են նոր հայտարարություններ թափուր աշխատատեղերի վերաբերյալ “Տուրիստական գործակալություն” և “Արնդանե” ՍՊ ընկերությունների կողմից:

manushak.

Եթե շահութահարկի նվազագույն գումարներ չեն վճարվել, դա համարվու՞մ է հարկային պարտավորություն: Եվ հարկային մարմինները կարո՞ղ են կալանք դնել կազմակերպության հաշիվների վրա գումարները չվճարելու համար: Նախապես շնորհակալություն:

Hamest.

Բարև ձեզ, հարգելի հաշվապահներ, խնդրում եմ պատասխանել հետևյալ հարցիս. եթե կազմակերպությունը, որը աշխատում է ԱԱՀ հարկատեսակով, սակայն էլեկտրոնային հարկային հաշիվներ կան, որոնք վավերականացրել են ոչ թե էլեկտրոնային եղանակով, այլ թղթային տարբերակով: Դա անվավե՞ր է ճանաչվում, թե՞ ոչ, իսկ եթե և էլ. եղանակով ստորագրվեր և թղթային, դա արդյո՞ք չի դիտվի կրկնակի մուտքագրում:

Դավիթ.

Բարև ձեզ: Կազմակերպությունը, որը աշխատում է առանց ԱԱՀ` շրջանառության հարկով 1-ին կիսամյակ, ձեռք է բերել դիզելային վառելիզ: Այնուհետև 2 կիսամյակից իր դիմումի համաձայն հաշվառվել է ԱԱՀ վճարող, և գնված դիզ. վառելիքը վաճառել է կապալառու կազմակերպությանը` իր կողմից պատվիրված շինարարության աշխատանքների համար օգտագործելու նպատակով:

Խնդրում եմ պատասխանել` ի՞նչ ձևակերպումներ պետք է տալ վերոնշյալ գործարքի համար վաճառելուց, և ԱԱՀ-ի հաշվարկի մեջ ո՞ր տողերը պետք է լրացվեն:

Դիզելային վառելիքի վաճառքը ազատվա՞ծ է ԱԱՀ-ից, թե՞ 0-ական դրույքաչափով է հարկվում: