Accountant.am

Արմինե.

Բարև Ձեզ։ Աշխատողը հրաժարվում է օգտվել այս տարվա ամենամյա արձակուրդից, կարո՞ղ եմ դիմումի միջոցով տեղափոխել հաջորդ տարի կամ ի՞նչ անել, որ օրենքի սահմանում լինի։

Արմինե.

Բարև Ձեզ։ Վառելիքի հիմնավորող փաստաթղթի ձև ունե՞ք, որ խնդրեմ կուղարկե՞ք։

Կարինե.

Խնդրում եմ պատասխանեք` կարո՞ղ է արդյոք կազմակերպությունը աշխատել որոշ աշխատողների համար հնգօրյա, մյուսների համար վեցօրյա աշխատանքային շաբաթով, և արդյո՞ք դա չի համարվի հանգստյան օրերին աշխատողներին աշխատանքի ներգրավելու արգելք։ Տեղեկացնեմ նաև, որ աշխատաժամանակի առավելագույն տևողությունը չի անցնում շաբաթվա ընթացքում 48 ժամը:

Աննա.

Հարգելի հաշվապահներ, կասեք խնդրեմ՝ ավտոմեքենաների վրա տեղադրված գազաբալոնների ստուգաչափման գործընթացը ի՞նչ դասակարգիչ է լինում ՀԴՄ-ի վրա: ՍՊԸ աշխատում է ԱԱՀ-ով: Կանխավ շնորհակալ եմ:

Աննա.

Ողջույն բոլորին։ Խնդրում եմ ասեք՝ ինչպե՞ս վարվել հետևյալ իրավիճակում: Ուրեմն, Ա/Ձ-ն զբաղվում է կահույքի արտադրանքով և ունի դպրոցի հետ պայմանագիր: Որպես արտադրող ներկայացրել ենք միկրո համարվելու հաշվետվություն: Այս ընթացքում դուրս ենք գրել 4 հաշիվ Բ-ով: Այսօր ստանում ենք կամերալ, որտեղ նշված է, որ ներկայացված չէ օգոստոս ամսվա համար ԱԱՀ-ի հաշվետվություն: Հարց 1՝ արդյո՞ք կարող ենք չհամաձայնվել հարկային մարմնի կայացրած որոշման հետ և համարվել միկրոձեռնակարատիրության սուբյեկտ, որպես արտադրող: Հարց 2՝ համաձայն լինելով հարկայինի որոշման հետ, ի՞նչ տվյալներ նշել ԱԱՀ-ի հաշվետվության մեջ, եթե դուրս են գրվել հաշվարկային փաստաթղթեր:

Կանխավ շնորհակալ եմ։

Սնանկ կազմակերպությունից ինչպե՞ս վերադարձնել մեր գումարը։ Կարո՞ղ եք տրամադրել դիմումի ձևը։

Բարև ձեզ։ Ինձ հետաքրքրում է Ռուսաստանի դաշնությունում պայմանագիր կնքելու դեպքում որպես Ա/Ձ, կիսաթանկարժեք քարեր և այլն մշակելու և արտահանելու դեպքում ի՞նչ պայմաններով է գործելու հարկային դաշտը։

Տիգրան.

Ասացեք խնդրեմ՝ գազալցակայանը շրջհարկով աշխատելու դեպքում ակցիզային հարկը հանվու՞մ նոր է հարկվում շրջհարկով։

Մարգարիտա.

Բարև ձեզ։ Քաղաաքացին ուզում է Ա/Ձ գրանցվի ներկայացուցիչի միջոցով, հիմա պետ ռեգիստր ներկայանալու համար անհատի անձնագրի բնօրինա՞կն են ուզելու, թե՞ պատճենը բավարար կլինի։ Կանխավ շնորհակալ եմ։

Բարև ձեզ։ Ծրագրավորման դասընթացները կարո՞ղ է լինել միկրո, և լիցենզավորման ենթակա է, թե՞ ոչ։

Նարե.

Կարո՞ղ եք ասել՝ չվճարվող արձակուրդը վերջանալու դեպքում tax-ով նորից անհրաժե՞շտ է գրանցման հայտ ներկայացնել։

Բարև Ձեզ։ Խնդրում եմ պատասխանել՝ դեղատունը, որը մանրածախ առևտրով է զբաղվում, կարո՞ղ է հաշիվ դուրս գրել օրինակ՝ դպրոցի համար, որին մատակարարել է առաջին օգնության դեղեր։

Երվանդ.

Բարև ձեզ: ՈՒնեմ երկու հարցեր.

1) Եթե շրջ. հարկով աշխատող ՍՊԸ-ի համար գնումներ է կատարում այդ ընկերության տնօրենը (գնորդ չկա), ապա նրա աշխատավարձը ներառվու՞մ է արդյոք շրջ. հարկի հաշվետվությունում՝ նշվող ձեռք բերումների գումարում։

2) Շրջ. հարկով աշխատող ՍՊԸ-ի գնված ապրանքների ներքին սպառումը ծախս համարվու՞մ է, թե` ոչ:

Նախապես շնորհակալ եմ:

Անուշ.

Բարև ձեզ։ Կասեք՝ աշխատողը 2018թ. մայիսից աշխատում է մանկապարտեզում, և 2022թ. հոկտեմբերից ամենամյա արձակուրդի մեջ է՝ 25 օր, և արձակուրդից հետո ուզում է ազատվել աշխատանքից։ Իրավունք ունե՞նք ազատել, թե՞ պիտի հետ գանձում անենք արձակուրդայինից։ Ասում են, որ նրան չի հասնում արձակուրդ, եթե ուզենա հիմա ազատվել։

Հայարփի.

Հարգելի հաշվապահներ, ինչպե՞ս վարել հաշվառումը ժամավճարով վարձատրվող դասապատրաստողների, եթե ընդունվելուց կնքվում է աշխատանքային պայմանագիր և շաբաթական ժամ ֆիքսվում և նույն ժամը նշվում 79 ձև հայտի մեջ, սակայն ամեն ամիս տարբեր լինում։ Արդյո՞ք սահմանվում է արտաժամյա, եթե տարբերվում է պայմանագրի գրաֆիկից։ Ինչպե՞ս կարգավորել որպեսզի ճիշտ լինի։ Շնորհակալություն

Աննա.

Բարև Ձեզ։ ԱԱՀ-ով աշխատողը կազմակերպությունը զբաղվում է մեքենայի առքուվաճառքով։ Ավտոմեքենան ներմուծելիս վճարված ԱԱՀ-ի գումարը ե՞րբ կարող է ստանալ որպես ԱԱՀ-ի փոխհատուցվող գումար։ Նկատի ունեմ, ԱԱՀ-ի հաշվետվությամբ ներմուծումից առաջացած դեբետային գումարը ե՞րբ է մուտքագրվում միասնական հաշվին։ (Համապատասխան դիմումը 261 ձևը ներկայացնելուց հետո նկատի ունեմ)։

Suren Tumanyan.

Խնդրում եմ ինձ կասե՞ք՝ համադրելի գումարը ո՞րն է։ Մասնավորապես, ՀՀՄՍ 21-ի 39 կետում եմ կարդացել, ուզում եմ հասկանալ՝ դա դրամայի՞ն է, թե՞ ոչ դրամային։

Suren Tumanyan.

Բարև Ձեզ, ունեմ նման հարց։ Հիմնադիրը իրեն պատկանող ֆիրմայի 100 տոկոս բաժնեմասն ուզում է իրացնել անվանական արժեքով։ Ի՞նչ հարկեր է դրանից առաջանում։

Գրիգոր․

Բարև Ձեզ: Բուհը ունի դրամաշնորհներ, որտեղ օտարերկրյա գործուղման ծախսերը ծրագիրը նախատեսում է հաստատուն օրապահիկի արժեք։ Կա, որ ավելի բարձր է, քան 2335-Ն որոշմամբ նախատեսված է, և կա, որ ավելի ցածր է: Նույնը նախատեսված է նաև ճանապարհածախսի համար: Ի՞նչ թղթակցություններ պետք է տրվի ավել կամ պակաս տրված առհաշիվ գումարի ծախսագրման համար, և արդյո՞ք կարել է ավելի պակաս կամ ավել վճարել, քան նախատեսում է 2335-Ն որոշումը:

Անի․

Բարև Ձեզ։

Եթե աշխատողը իրեն հասանելիք 20 օրվա արձակուրդից 10 օր է օգտվել 2020 թվականին և դրանից հետո անցել է երեխայի խնամքի արձակուրդի, 2022 թվականի ապրիլից նորից անցել է աշխատանքի: Հիմա նա կարո՞ղ է օգտվել իր մնացած 10 օրվա արձակուրդից, թե ոչ, և արդյո՞ք նրա արձակուրդում գտնվելու օրերի համար արձակուրդ է ձևավորվում թե ոչ:

Աննա․

Հարգելի հաշվապահներ, այսպիսի հարց․ ֆիզ. անձն անձնական օգտագործման համար պատվիրել է ծխախոտ (սիգարիլլաներ) 200 հատիկ: Պարզվել է, որ թույլատրելի չափաքանակն փոխվել է՝ առաջվա 200-ի փոխարեն դարձել է 50: Մաքսայինում զննելուց հետո պահել են: Ֆիզ. անձն նաև Ա/Ձ է: Ներմուծված ապրանքն այդ քանակով օրենքով չի համարվում անձնական օգտագործման: Հնարավո՞ր է խախտնան համար տուգանք վճարել և մաքսազերծել որպես Ա/Ձ՝ ակցիզային հարկ վճարելով:

Մարիաննա․

Բարև ձեզ, հարգելի հաշվապահներ։ Եթե ՍՊԸ ատամնաբուժարան է և աշխատում է միայն անկանխիկ եղանակով, և սխալմամբ կանխիկի չեկ է տպել, ի՞նչ կարելի է անել։

Suren Tumanyan.

Բարև Ձեզ, ունեմ հարց շահութահարկից․

1-եթե շուկայից ձեռքբերում ունեմ , որտեղ վաճառողի տվյալ չկա, կարո՞ղ եմ դա ծախսագրել թե ոչ

2-քաղիրավական աշխատողի աշխատավարձը ծա՞խս է, թե ոչ

3-եթե ժամկետանց ապրանք ունեմ, որը դուրս ա գրվել, դա ծա՞խս է, թե ոչ

4-եթե անհատույց հողամաս ունեմ, դրա մասով ի՞նչը կարամ ծախսագրեմ, ի՞նչ նրբություն կա, օրինակ՝ դրա մասով մաշվածքը ծա՞խս է, թե ոչ։

Խնդրում եմ հոդվածներով ասեք, որ նաև կարդամ։

Հայկ.

Բարև Ձեզ: Հարգելի հաշվապահներ, նախկինում աշխատել ենք շրջհարկով, հիմա ներկայացրել եմ 01.11.2022թ-ից ԱԱՀ վճարող համարվելու հաշվետվություն։ Ցանկանում եմ իմանալ՝ ի՞նչ պարտադիր հաշվետվություններ պիտի ուղարկեմ, և ի՞նչ առանձնահատկություններ կան ԱԱՀ-ի հետ կապված, որ պետք է իմանալ: Շնորհակալություն

Բաբկեն.

Բարև Ձեզ։ Երևանում ցանկանում եմ փոքր գործունեություն վարել՝ Game Zone բացել: Ա/Ձ եմ գրանցվելու և աշխատող չեմ ունենալու: Կասե՞ք՝ ի՞նչ հարկատեսակներով պետք է հարկվեմ, արդյոք հնարավո՞ր է միկրոյի դաշտում գործել: Պե՞տք է ՀԴՄ սարք:

Մարիամ.

Բարև Ձեզ։ Ֆիզիկական անձը 2021 թվականին ընկերությանը պարբերաբար մատուցել է խորհրդատվական ծառայություն՝ առանց պայմանագրի։ Անձը ենթադրել է, քանի որ գումարը ստանում է բանկային փոխանցումների միջոցով (20 000 դոլար) և գործարքի մյուս կողմը հանդիսանում է իրավաբանական անձ, հարկերը վճարելու է ընկերությունը, բայց բանկային հաշիվների ստուգումից հետո պարզել է, որ գումարները փոխանցվել են ոչ թե ընկերության բանկային հաշվից, այլ փոխանցումները իրականացրել են ֆիզիկական անձանց կողմից։ Արդյո՞ք անձը կարող է այս իրավիճակում որևէ ձևով ազատվել հարկային պատասխանատվությունից։ Գրանվցելու դեպքում և 2021թ. պարտավորությունները կատարելու դեպքում, արդյո՞ք ՊԵԿ-ը կարող է կիրառել հարկային օրենսգրքի 407-րդ հոդվածը կամ ենթարկել քրեական պատասխանատվության ապօրինի ձեռնարկատիրության համար։ Շնորհակալություն։