ԱԱՀ դեբետային մնացորդ
Նաիրա.
ԱԱՀ ունենք գերավճար դեբետում՝ ինչպե՞ս անել, որ այդ գումարով փակենք դրոշմանիշի և շահութահարկի գումարները։
ՀԴՄ կտրոնի վրա նշված չէ ՀՎՀՀ
Անի.
Հարգելի՛ հաշվապահներ, հարցս վերաբերում է ՀԴՄ կտրոններին. եթե ՀԴՄ-ի վրա նշված չէ գնորդի ՀՎՀՀ, կարելի՞ է արդյոք այդ կտրոնը ներառել ծախսերի մեջ: Շահութահարկի հաշվետվության մեջ ներառվու՞մ է: Կազմակերպությունն աշխատում է ԱԱՀ-ով:
Աշխատավարձի հաշվարկման տեղեկագրի ձև
Մելինե.
Բարև ձեզ։ Կարո՞ղ եք ինձ ուղարկել աշխատավարձի հաշվարկման և վճարման տեղեկագրի օրինակելի ձև /mel93.93 շնիկ mail.ru/:
Շնորհակալություն։
Լիցենզիայի ստացում
Հերմինե.
Նկարչական կենտրոնի համար որպես Ա/Ձ ինչպե՞ս կարող եմ լիցենզիա հանել և արդյո՞ք դա կարևոր է։
Արձակման նպաստի արտացոլում հաշվետվության մեջ
Արթուր.
Բարև ձեզ: Խնդրում եմ հայտնեք “189. ՀԱՇՎԱՐԿ՝ Եկամտային հարկի և սոցիալական վճարի ամսական” հաշվետվության մեջ արձակման նպաստը նշվու՞մ է, թե՞ ոչ:
Աշխատաժամանակի հաշվարկ
Աննա.
Բարև ձեզ: Խնդրում եմ կասեք՝ եթե աշխատողի դրույքը 0.75 է, ինչպե՞ս հաշվեմ ժամերը, մենք աշխատում ենք 8 ժամ։
Մայրության նպաստ
Գոհար.
Բարև ձեզ, հարգելի հաշվապահներ։ Ես մայիսի 2-ից աշխատելու եմ մանկապարտեզում, որպես դաստիրակի օգնական և 4 ամսից գնալու եմ ֆիզարձակուրտ։ Դրանից առաջ մարտի կեսից մինչև ապրիլի վերջ (1,5) աշխատել եմ դեղատանը։ Ուզում եմ իմանալ՝ 4 ամիս աշխատելու դեպքում ֆիզարձակուրդային կստանա՞մ և երեխայի ծնվելուց հետո մայրության նպաստ ինձ կտրամադրվի, թե՞ ոչ։ Նշեմ, որ գյուղաբնակ եմ։
Արդյո՞ք տարակարգի գումարը հարկվում է
Անի.
Հարգելի հաշվապահներ, տարակարգը հարկվու՞մ է։
Դրոշմանիշային վճար
Աննա.
Բարև Ձեզ, հարգելի գործընկերներ: Կարո՞ղ եք ասել, եթե աշխատողի մեկ դրույքը 95 000 դրամ է (մինիմում դրույքից բարձր), բայց աաշխատում է կես դրույքով (47 500), այս դեպքում՝ դրոշմանիշի գումարը պետք է պահվի աշխատողից, թե՞ վճարելու է գործատուն:
Եկամտային հարկի հաշվետվություն
Գոռ.
Եթե աշխատողը հիմնական աշխատող չէ ընկերությունում և գնում է հղիության ու ծննդաբերության արձակուրդ, ինչպե՞ս պետք է եկամտային հարկի հաշվետվությունում դա արտացոլել և ներկայացնել։
Փորձաշրջանի հետ կապված
Նանե.
Բարև ձեզ: Խնդրում եմ օգնեք խորհրդով: Ես մայիսի 2-ից անցնելու եմ աշխատանքի որպես փորձնակ՝ բանկում, 3 ամիս տևողությամբ, այնուհետև դա հաղթահարելուց հետո անցնելու եմ հիմնական աշխատանքի: Ես ամսի 2-ով հրամանագրվելու եմ: Այժմ պարզել եմ, որ հղի եմ 5 շաբաթական: Խնդրում եմ կասեք իմ հետագա քայլերը, արդյո՞ք իրավունք ունի գործատուն հեռացնել աշխատանքից։
Մայրության նպաստ
Հասմիկ.
Բարև Ձեզ: Եթե ես գրանցված եմ ՍՊԸ-ում, որի սեփականատերը ամուսնուս մայրը և եղբայրն են, ինձ մայրության նպաստ կվճարվի՞: Եթե այո, կասե՞ք՝ ինչպես է վճարվելու՝ գործատուն վճարելու է ինձ, այնուհետև պետությունը փոխանցելու է գործատուի՞ն։ Նշեմ, որ միկրոբիզնես է, և մաքուր աշխատավարձս կազմում է 160 000 դրամ։ Կխնդրեմ նշել նաև՝ ինչքան կկազմի նպաստի չափը:
Կանոնադրական կապիտալի ավելացում
Արթուր.
Բարև Ձեզ: Խնդրում եմ օգնել հետևյալ հարցով. ուրեմն ՍՊԸ-ի գործադիր տնօրենը ցանկանում է ավելացնել կանոնադրական կապիտալը, ներդնելով շարժական գույք՝ մարդատար ավտոբուս: Հիմա հարցս. պետռեգիստրում գրանցման համար ի՞նչ փաստաթղթեր պետք է ներկայացվի և կա՞ն արդյոք այլ ընթացակարգեր այն կազմակերպելու համար։ Եվ ձևակերպումը ո՞նց է տրվում հաշվապահորեն։
Բյուլետենի հաշվարկ
Անի.
Հարգելի հաշվապահներ, աշխատակիցս բյուլետեն է բերել հունվարի 24-ից 31-ը ներառյալ, պետք է ներկայանա փետրվարի 1-ին։ Հաշվարկին հունվար ամիսը մտնու՞մ է։
Աշխատանք համատեղությամբ
Ալլա.
Բարև ձեզ։ Կարո՞ղ է մանկապարտեզի երաժշտության դաստիարակը՝ 0.75 դրույթով աշխատող, համատեղության կարգով շաբաթը 3օր աշխատել մասնավոր մանկապարտեզում։
Թոշակի հետ կապված
Արփինե.
Բարև ձեզ։ Ֆիզիկական անձը ոստիկանության աշխատակից է եղել և թոշակի է անցել արտոնյալ պայմաններով` 55 տարեկանում։ Եթե իր անունով ԱՁ գրանցվի և գործունեություն ծավալի, դա թոշակի վրա ինչ-որ կերպ կազդի՞։ Նախապես շնորհակալ եմ։
Դրամարկղային գիրք արտարժույթի համար
Անի.
Բարև Ձեզ, հարգելի հաշվապահներ: ՍՊԸ-ն ունի դոլարի և ռուբլու դրամարկղային գրքեր, քանի որ կատարում է արտարժույթով կանխիկ գործարքներ: Այդ գրքերում գումարի մուտքն ու ելքը արտարժույթո՞վ պիտի կատարվի, թե՞ համարժեք դրամով։
Ու էլի մի հարց. դրամարկղային գիրքը 3 ամսվա կտրվածքով կարելի՞ է լրացնել, քանի որ գործարքները քիչ են։
ԱԱՀ վճարող Ա/Ձ հարկեր
Նունե.
Բարև ձեզ։ ԱԱՀ վճարող Ա/Ձ֊ն՝ ՏՏ ոլորտ, ի՞նչ հարկեր պետք է վճարի՝ շահութարկի կանխավճար, սոց., դրոշմանիշ ու քանի՞ տոկոս, ե՞րբ։
Գնումների համակարգողի որակավորման քննության հարցաշար
Վարդուհի.
Որտեղի՞ց կարող եմ վերցնել գնումների համակարգողների որակավորման քննությունների հարցաշար։
Կանոնադրության օրինակելի ձև
Սյուզաննա.
Անհրաժեշտ է արվեստի դպրոցի կանոնադրության օրինակելի ձև։
Ծանուցում փոխարինող աշխատակցին
Աննա.
Բարև Ձեզ։ Հարցս հետևյալն է. կազմակերպության վարորդին ուղարկում ենք հերթական արձակուրդ, նրա պարտականությունները պետք է դնենք նույն կազմակերպության այլ վարորդի վրա: Արդյո՞ք պետք է փոխարինող վարորդին ծանուցել այդ մասին և կազմել համաձայնագիր: Կանխավ շնորհակալություն:
Ձեռագործ զարդերի առցանց վաճառք
Լուսինե.
Բարև Ձեզ: Ցանկանում եմ իմ կողմից, տնային պայմաններում պատրաստված, ձեռագործ զարդերը (ոչ մետաղական, ոչ թանկարժեք) վաճառել համացանցով (հավանաբար ինստագրամյան էջով): Խնդրում եմ ասել.
1. Պարտադի՞ր է հաշվառվել/գրանցվել որպես Ա/Ձ, թե՞ ոչ։
2. Եթե այո, ապա ի՞նչ հարկեր/տուրքեր/վճարներ են առաջանալու։
Նախապես շնորհակալ եմ:
Տոնական օրերի վարձատրություն
Անուշ.
Բարև ձեզ։ Օրենքի հղում կտա՞ք պահակների վճարումը տոնական օրերին։
Դուրսգրման ակտի ձև
Թագուհի.
Բարև Ձեզ, հարգելիներս։ Խոտանված դեղորայքի դուրս գրման ակտի ձև է պետք, խնդրում եմ արձագանքել:
Տալ հաշվապահական ձևակերպումներ
Հայկ.
Բարև Ձեզ: Ունենք աշխատակից, որի աշխատավարձից յուրաքանչյուր ամիս պահում եմ 30% հարկադիրի գումարը: Կասե՞ք՝ ինչպե՞ս տալ ձևակերպումները, որ ճիշտ լինի: Շնորհակալություն։
Մայրության նպաստի հաշվարկ
Աննա.
Բարև ձեզ: Խնդրում եմ կասեք՝ ինչպե՞ս հաշվեմ ֆիզը։ Եթե աշխատել է ամիս ու կես, իր աշխատավարձը կազմում է 67 200, 5 օրյա աշխատող ենք։
ՏՏ ոլորտի ծառայությունների մատուցում
Անի.
Բարև Ձեզ, հարգելիներս։ Խնդրում եմ օգնեք՝ ցանկանում ենք ՍՊԸ բացել Հայաստանում, որը ՏՏ ոլորտի ծառայություններ է մատուցելու ոչ ռեզիդենտ կազմակերպությանը, որը Հայաստանում մշտական հաստատություն չունի: Հարց 1. ԱԱՀ-ի 0-ական դրույքաչափ կկիրառվի՞ արդյոք։ Հարց 2. ՏՏ ոլորտի արտոնությունից կարո՞ղ ենք օգտվել, եթե աշխատակիցների թիվը լինի 1։
Ա/Ձ զբաղվում է մետաղի ջարդոնի առևտրով
Ռուզաննա.
Բարև Ձեզ: ԱՁ-ն աշխաում է շրջհարկով և զբաղվում է սև մետաղի ջարդոնի մեծածախ առևտրով: Ապրանքի ձեռքբերումը կատարվում է տարբեր ֆիզ. անձանցից: Այժմ ԱՁ-ն պիտի անցնի ԱԱՀ դաշտ: 1. Այս դեպքում ձեռքբերված ապրանքները որպես ծախս հիմնավորելու համար արդյո՞ք պետք է կազմի երկկողմանի գնման ակտ և վճարի 10% եկ. հարկ: 2. Արդյո՞ք երկկողմանի գնման ակտով հիմնավորված, ձեռքբերված ապրանքների արժեքը կարող է նվազեցնել որպես ծախս շահութահարկի հաշվարկում:
Հարկային օրենսդրության վերաբերյալ դասընթացներ
Աստղիկ.
Սիրելի հաշվապահներ, որտե՞ղ կարող եմ մասնակցել հարկային օրենսդրության դասընթացների։ Որտեղ նայում եմ, հաշվապահական դասեր են, որոնց մի մասը վերաբերում են հարկայինին, բայց ինձ պետք է կոնկրետ հարկային օրենսդրությունը առավել խորը, քանի որ հաշվապահական դասընթացը արդեն անցել եմ։
Գործուղման հրամանի ձև
Անի.
Հարգելի՛ հաշվապահներ, 1. ինձ կարո՞ղ եք ՀՀ տարածքում գործուղման հրամանի ձև և վերադարձի հաշվետվության ձև ուղարկել կամ հղում տալ: 2. Եթե ՍՊԸ-ի տնօրենը նույն ինքը հիմնադիրն է, այլ աշխատակից չունի, ինչպե՞ս տեղեկանք գրել եկամուտների մասով բանկ ներկայացնելու համար: Ինչ-որ հատուկ ձև կա՞: Շնորհակալ եմ։