Accountant.am

Մարինա.

Բարև Ձեզ: Դեկտեմբեր ամսվա եկամտային հաշվետվությունը ճշգրտելու անհրաժեշտություն կա, քանի որ քաղաքացիաիրավական աշխատողների ստացած եկամուտը սխալ եմ հաշվարկել՝ ավելի շատ եմ հաշվարկել, քան կա։ Հարկերը վճարված են։ Սա ի՞նչ խնդիր կարող է առաջացնել։

Անահիտ.

Բարև Ձեզ։ Ես ունեմ իմ Ա/Ձ-ն, սպասում եմ 3-րդ երեխայիս։ Ուզում եմ իմանամ՝ ի՞նչ ձևով են հաշվում մայրության նպաստը և մինչև 2 տարեկան երեխայի խնամքի նպաստ կարո՞ղ եմ ստանալ։

Սեդա.

Մանկական զարգացման կենտրոն հիմնելու համար մանրամասն տեղեկություն որտեղի՞ց կարող եմ ստանալ: Բոլոր անհրաժեշտ քայլերը հերթականությամբ, պահանջվող փաստաթղթերը, ինչպե՞ս նաև աշխատակիցների լիցենզավորման անհրաժեշտություն կա արդյո՞ք, թե՞ ոչ:

Անի.

Բարև Ձեզ: Աշխատողի հղիության և ծննդաբերության արձակուրդը լրանում է փետրվարի 18-ին /մինչև փետրվարի 17-ը ներառյալ գտնվելու է արձակուրդի մեջ/: Ե՞րբ պետք է գրել երեխայի խնամքի արձակուրդի հրամանը:

Անի.

Բարև Ձեզ, հարգելի հաշվապահներ։ Արդյո՞ք շինարարության լիցենզիայի համար նախատեսված պետական տուրքը վճարման հատուկ ժամկետ ունի:

Բարի լույս բոլորին, հարգելի կոլեգաներ, այսպիսի մի հարց․

Պետական ոչ առևտրային կազմակերպության տնօրենի անհատական և ներքին իրավական ակտերի հաշվառման համար ի՞նչ օրենք է գործում այս պահին, անհատական և ներքին իրավական ակտերի հաշվառման մատյանների օրինակ (ձև) որտեղի՞ց կարող ենք ձեռք բերել, և արդյո՞ք պետք է պահել աշխատանքային պայմանագրերի գրանցման մատյան: Կանխավ շնորհակալություն։

Ռազ.

Բարև Ձեզ, սիրելի հաշվապահներ: Կօգնե՞ք ընտրել ախտահանիչ հեղուկների արտադրության դասակարգիչը:

Գայանե.

Բարև Ձեզ: Ատամնատեխնիկը իրավունք ունի՞ արդյոք բացելու ատամնաբուժական Ա/Ձ իր անունով:

Կարինե.

Բարև Ձեզ: 256 ձևի լրացման ժամանակ, եթե միկրոձեռնարկատերը բեռնափոխադրող է, ապա ո՞ր կետով պետք է լրացվի իրացման գուրծունեության տեսակը:

Լիլիթ.

Ողջույն!

Խնդրում եմ` պարզաբանել, թե ո՞ր կետերը/դաշտերը լրացնել 2020թ-ի համար 244 հաշվետվության մեջ 2020թ-ի սեպտեմբեր 8-ից գրանցված Ա/Ձ-ի համար, որը մինչ տարվա վերջ աշխատել է ԱԱՀ դաշտում։
Նշեմ, որ գործունեությունը սկսելուց ի վեր որևէ եկամուտ չի ստացվել։

Շնորհակալություն

Անի.

Բարև Ձեզ: Դպրոցը, կախված համավարակի հետ, աշխատում է 6 օրյա գրաֆիկով։ Հունվարի 9 աշխատանքայի՞ն օր է։

Ընկերություն՝ Այլոֆթ ՍՊԸ
Հասցե՝ ք. Երևան, Մելքումովի փող. 11/2
Հեռախոս՝ 096234500
Էլ. փոստ՝ hr շնիկ iloft.am
Թափուր աշխատատեղ՝ Հաշվապահ
Աշխատանքի նկարագրություն՝ Ներմուծմամբ և մանրամեծածախ վաճառքով զբաղվող ընկերությունը փնտրում է փորձառու հաշվապահի՝ թափուր հաստիքը համալրելու նպատակով: Պարտականություններ՝
– Իրականացնել հաշվապահական հաշվառում
– Ներմուծման գործարքների հաշվառում /ԵԱՏՄ և 3-րդ երկրներ/
– Պահեստի ապրանքների մուտքերի և ելքերի հաշվառում
– Բանկային հաշիվների շարժի մուտքագրում
– Գործընկերների դեբիտորների և կրեդիտորների վարում ՀԾ հաշվապահ ծրագրով
– Հաշվետվությունների կազմում, հաշիվ ապրանքագրերի դուրս գրում
– Ընթացիկ դրամական հոսքերի վերահսկողություն
– Ներքին ֆինանսական հաշվետվությունների կազմում և փաստաթղթաշրջանառության վարում:
Հմտություններ՝
– Ֆինանսական կամ տնտեսագիտական կրթություն
– Աշխատանքային փորձը պարտադիր է
– ՀԾ հաշվապահ ծրագրի գերազանց իմացությունը պարտադիր է
– ՀԾ վաճառքի իմացությունը պարտադիր է
– Excel-ի գերազանց իմացություն
– Ռուսերենի իմացությունը պարտադիր է:
– Աշխատանքի օպերատիվ կազմակերպման հմտություններ:
Աշխատավարձ՝ 120 000 – 150 000 դրամ
Այլ նշումներ՝ Աշխատանքային ժամեր՝ 5-օրյա աշխատանքային գրաֆիկ, 09:00-18:00, կիրակի՝ հանգիստ: Բոլոր համապատասխան թեկնածուները կարող են ուղարկել իրենց ինքնակենսագրականները hr շնիկ iloft.am էլ. փոստի հասցեին:

Ընկերություն՝ Այլոֆթ ՍՊԸ
Հասցե՝ ՀՀ, ք. Երևան, Մելքումովի փող. 11/2
Հեռախոս՝ 096234500
Էլ. փոստ` hr շնիկ iloft.am
Թափուր աշխատատեղ՝ Հաշվետար-օպերատոր
Աշխատանքի նկարագրություն՝ Ներմուծմամբ և մանրամեծածախ վաճառքով զբաղվող կազմակերպությանն անհրաժեշտ են հաշվետարներ հետևյալ գործառույթներն իրականացնելու նպատակով։
Պարտականություններ՝
– Գործընկերների տվյալների մուտքագրում ՀԾ ծրագիր
– Վաճառքների ձևակերպում ՀԾ ծրագրում
– Պահեստի ապրանքների մուտքի և ելքի վարում
– Պահեստի շարժի ապահովում և անհրաժեշտ պահեստային մնացորդների վերահսկում
– Հաշվետվությունների ներկայացում:
Պահանջվող հմտություններ՝
– Բարձրագույն կրթությունը տնտեսագիտության կամ հաշվապահության ոլորտում պարտադիր է
– ՀՀ հարկային օրենսդրության և հաշվապահական հաշվառման ստանդարտների իմացություն
– Համակարգչային գիտելիքներ՝ MS Excel-ի լավ իմացություն
– ՀԾ ծրագրերի լավ իմացությունը պարտադիր է /ՀԾ վաճառքների իմացությունը ցանկալի է/
– 2 տարվա աշխատանքային փորձը պարտադիր է
– Խնդիրների արագ և արդյունավետ լուծման կարողություններ
– Սթրեսակայունություն
– Պատասխանատվության զգացում
– Մեծ ծավալի տեղեկատվության հետ աշխատելու ունակություն:
Աշխատավարձ՝ սկսած 100 000 դրամից
Այլ նշումներ՝
Աշխատաժամեր՝ 5-օրյա աշխատանքային գրաֆիկ, 09:00-18:00-ն: Հաստիքին համապատասխանող թեկնածուները կարող են իրենց ինքնակենսագրականներն ուղարկել hr շնիկ iloft.am էլ. փոստին:

Յանա.

Բարև Ձեզ։ Արդյո՞ք ազատման հրամանը պարտադիր է, եթե առկա է աշխատողի ազատման դիմումը և դիմումի վրա տնօրենը նշել է՝ “չեմ առարկում”։
Կանխավ շնորհակալություն

Ընկերություն՝ Անդակո
Հասցե՝ Իսակովի 10/12
Հեռախոս՝ 044280050
Էլ. փոստ՝ job շնիկ andaco.am
Թափուր աշխատատեղ՝ Հաշվապահ
Պահանջները՝ Հարկային օրենսդրության լավ իմացություն, առնվազն 3 տարվա համապատասխան աշխատանքային փորձ։ Համակարգչային գիտելիքները՝ MS Office, ՀԾ։
Աշխատավարձը՝ Հարցազրույցի արդյունքից ելնելով։
Այլ նշումներ՝ Աշխատանքային ժամերը՝ 09:30-18:30: Հանգստյան օրերը՝ շաբաթ և կիրակի։ Դիմելու ընթացակարգը` բոլոր հետաքրքրվող անձինք կարող են իրենց ինքնակենսագրականները ուղարկել job շնիկ andaco.am հասցեին, թեմա դաշտում նշելով հաստիքի անվանումը:

Լիաննա.

Բարև Ձեզ: Եթե աշխատողը ներկայացրել է մայրության նպաստի թերթիկ՝ այդ դեպքում սոց. փաթեթը դադարու՞մ է:

Արթուր.

Բարև Ձեզ:
Խնդրում եմ՝ օգնել:
Աշխատանքից դուրս եմ գալիս և արդեն փետրվարի 1-ից այլևս չեմ աշխատելու: Դիմում եմ գրել, որ փետրվարի 1-ից ազատեն ինձ աշխատանքից:
Այսօր հաշվապահությունից թուղթ ստացա, որտեղ նշում էր, որ աշխատանքից դուրս եմ գալու հունվարի 29-ից, հաշվապահի հետ խոսալուց հետո ինձ համոզում էր, որ նույնն է: Կարող եք ասել՝ ինչո՞վ է տարբերվում:

Ինչպես նաև վերջնահաշվարկս որքա՞ն եմ ստանալու: Վերջին անգամ գնացել եմ 2019 թվականի նոյեմբեր ամսին, ստացել եմ 153 597 մաքուր աշխատավարձ, սեպտեմբեր ամսվանից այն դարձել է 173 597, 2020թ. մարտ ամիսը ամբողջությամբ եմ աշխատել, ապրիլ ամիսը աշխատել եմ 10 օր, մայիս ամսվանից կրկին ամբողջ դրույքով, աշխատել եմ շաբաթական 5 աշխատանքային օրով:

Կանխավ շնորհակալություն

Արա.

Կազմակերպությունը հանդիսանում է միկրոձեռնարկատիրության սյուբեկտ։ Կազակերպություններին մատուցել է բեռնափոխադրման ծառայություն, սակայն նաև մեկ կազմակերպության վաճառել է մետաղական դռներ։ Հիմա հաշվետվություն ուղղարկելու ժամանակ դա պե՞տք է ցույց տրվի, դա կհանդիսանա պատճառ, որ կազմակերպությունը այս տարի չկարողանա գործել միկրոյի դաշտում:

Մելինե.

Բարև Ձեզ: Եթե կազմակերպությունը վարձակալում է տարածք կազմակերպությունից՝ տվյալ դեպքում եկամտային հարկի հաշվետվությունով ո՞ր կազմակերպությունն է ցույց տալիս:

Ընկերություն՝ Թի Էլ Էլ Քոնսալթինգ ՍՊԸ
Հասցե՝ Երևան, Տերյան 1/1-7,
Հեռախոս՝ 011222552
Էլ. փոստ՝ info շնիկ tmlconultant.com
Թափուր աշխատատեղ՝ Հաշվապահներ 1C ծրագրի իմացությամբ
Աշխատանքային պարտականությունները՝
– Հաշապահական և հարկային հաշվառման վարում
– Հաշվետվությունների կազմում և ներկայացում
– Փաստաթղթերի կազմում և փաստաթղթաշրջանառության վարում
– Հաշվապահական ձևակերպումների իրականացում
– Հաշիվ ապրանքագրերի պատրաստում
– Ապրանքանյութական պաշարների անալիտիկ հաշվառման վարում
– Դրամական միջոցների հաշվառման ապահովում, դրանց շարժի հետ կապված գործառնությունների արտացոլում հաշվապահական հաշվառման մեջ
– Համապատասխան ծրագրային մուտքերի իրականացում
– Դեբիտորական և կրեդիտորական պարտքերի անալիտիկայի վարում
– Ներքին հաշվետվությունների կազմում:
Պահանջվող որակավորումներ՝ Բարձրագույն կրթություն հաշվապահի և (կամ) ֆինանսիստի և (կամ) տնտեսագետի մասնագիտությամբ: Առնվազն 3 տարվա մասնագիտական աշխատանքային փորձ հաշվապահության ոլորտում: ՀՀ հարկային օրենսդրության և այլ հարակից իրավական ակտերի իմացություն: 1C 8․3 և 1C ERP ծրագրերի իմացություն Excel, Word, Outlook ծրագրերով աշխատելու կարողություն: Ռուսերենի լեզվի իմացություն: Պատասխանատու և պարտաճանաչ մոտեցում աշխատանքին: Թիմային աշխատանքներ կատարելու ունակություն:
Այլ նշումներ՝ Դիմելու ընթացակարգը՝ վերոնշյալ պահանջներին համապատասխանող անձանց խնդրում ենք ուղարկել CV-ն info շնիկ tmlconsultant.com էլեկտրոնային հասցեին: Նամակի բովանդակություն տողում (Subject line) նշել հաստիքը (Accountant):

Ընկերություն՝ Երեմյան Փրոջեքթս
Հասցե՝ ք. Երևան
Էլ. փոստ՝ hr շնիկ yeremyanprojects.com
Թափուր աշխատատեղ՝ Ծրագրի ֆինանսական ղեկավար
Աշխատանքի նկարագրություն՝ Երեմյան Փրոջեքթս ընկերությունը փնտրում է թեկնածու Ծրագրի Ֆինանսական ղեկավարի թափուր հաստիքը համալրելու նպատակով։
Պարտականություններ՝
– Ծրագրի շրջանակներում կառավարել ֆինանսական պլանավորման, վերլուծական, կանխատեսման և հաշվետվության գործընթացը:
– Կանոնակարգել Ֆինանսական հաշվառման հիմնական սկզբունքները /ակտիվների, պարտավորությունների հաշվառման, ծախսերի բաշխման, մաշվածքի հաշվառման և այլն/:
– Կազմել ֆինանսական հաշվառման հաշվետվությունները /հաշվեկշիռ, ֆինանսական արդյունքների մասին հաշվետվություն, դրամական հոսքերի մասին հաշվետվություն/ և ներկայացնել հաշվետվություններ ֆինանսական տնօրենին:
– Ստուգել ծրագրին վերաբերող պայմանագրերը, համապատասխանության դեպքում վիզավորել:
– Տրամադրել խորհրդատվություն ֆինանսական ռիսկերի վերաբերյալ:
– Ապահովել հիմնական և շրջանառու միջոցների հաշվառման և գույքագրման ընթացակարգը:
– Կառավարել արդյունավետ բյուջետավորման գործընթացի ամբողջական փուլը:
– Ծրագրի շրջանակներում կատարել ֆինանսական վերլուծություն, մասնավորապես մարժաների վերաբերյալ:
Անհրաժեշտ որակավորումներ՝
– Բարձրագույն կրթություն տնտեսագիտության, ֆինանսների կամ հաշվապահության ոլորտում:
– Նվազագույնը 5 տարվա աշխատանքային փորձ ֆինանսների, հաշվապահության, ինքնարժեքի հաշվառման ոլորտում:
– Ռազմավարական մտածողություն:
– Ղեկավարման հմտություններ:
– Արդյունավետ պլանավորման հմտություններ:
– Խնդիրների արագ և արդյունավետ լուծման կարողություններ:
– Մեծ ծավալի տեղեկատվության հետ աշխատելու ունակություն:
– Պատասխանատվության զգացում:
– Հայկական ծրագրերի իմացություն:
– Հարկային և աշխատանքային օրենսդրության լավ իմացություն:
Այլ նշումներ՝ Դիմելու կարգ՝ վերը նշված պահանջներին համապատասխանող թեկնածուները կարող են ինքնակենսագրություն (CV) ուղարկել hr շնիկ yeremyanprojects.com էլ. փոստին՝ թեմա դաշտում նշելով թափուր հաստիքի անվանումը:

Արփինե.

Հարգելի հաշվապահներ, Ա/Ձ-ն, որը գործունեություն է իրականացնելու մարզում և զբաղվելու է հացի /նաև լավաշի/ արտադրությամբ, որը վաճառվելու է տեղում ՀԴՄ-ով, կարո՞ղ է աշխատել միկրո համակարգում, թե՞ պետք է գործի շրջհարկի դաշտում, և էլ ի՞նչ հաշվետվություններ պետք է ներկայացնի 2 դեպքում էլ:
1. Միկոյի դեպքում՝ տարեկան՝ շրջանառության վերաբերյալ, եռամսյակային՝ ֆիզիկական ծավալների մասով, ամսական՝ աշխատողների մասով եկամտայինի հաշվարկ:
2. Շրջհարկի դեպքում՝ եռամսյակային՝ շրջանառության հաշվարկ, և ֆիզիկական ծավալների մասով, ամսական՝ աշխատողների մասով եկամտայինի հաշվարկ, տարեկան՝ Ա/Ձ-ի շահութահարկի և սոց. վճարի հաշվարկ։

Լիաննա.

Բարև Ձեզ: Եթե ուսուցչուհին ներկայացրել է հունվարին մայրության նպաստ և հունվարին աշխատել է 2 օր՝ ես վճարելու եմ մայրության նպաստը փետրվարին: Այդ դեպքում նպաստի գումարը պե՞տք է գումարեմ հունվարի աշխատած օրերի գումարին նոր պահումներ անեմ, թե՞ փետրվարի աշխատավարձի ժամանակ ցույց տամ մայրության նպաստը:

Արա.

ՔՊ կատարողը կարո՞ղ է ներգրավել երրորդ անձանց աշխատանքների կատարմանը։ Հարգելի հաշվապահներ, խնդրում եմ ինձ բացատրեք, թե ի՞նչ է նշանակում հետևյալ տողը “ՔՊ. Կատարողը կարող է ներգրավել երրորդ անձանց աշխատանքների կատարմանը”: Այսինքն, եթե աշխատանք մատուցողը ներգրավի այլ անձանց այդ աշխատանքի կատարման համար, ապա ներգրաված աշխատակիցներին չգրանցելու և նրանց մասով պահումներ չկատարելու համար գործատուն որևէ պատասխանատվության չի՞ ենթարկվի, թե՞ այդ մարդկանց չգրանցելը կարող է դիտարկվել որպես օրենքի խաղտում:

Մելինե.

Բարև Ձեզ: Եթե կազմակերպությունը ֆիզ. անձից ձեռք է բերել մեքենա 2021 հունվարին՝ պե՞տք է հանձնի 163 ձևը հաշվետվություն 2022թ-ին, թե՞ հունվար ամսվա եկամտային հարկի հաշվետվությունում 10%-ով հարկվելը բավարար է:

Անի.

Բարև Ձեզ, հարգելի հաշվապահներ: Շրջանառության հարկի դաշտում գործող Ա/Ձ-ն կատարել է ներմուծում Ռուսաստանից և ներմուծման տարանցման հայտարարագրի մեջ նշված է՝ ՊՐԻՆՑԻՊԱԼ, կազմակերպության անվանում։ Այս դեպքում ո՞նց պետք է կատարվի հաշվետվությունների ներկայացումը և հարկի վճարումը, ո՞վ պետք է վճարի ներմուծումից առաջացող ԱԱՀ-ն, և այս Ա/Ձ-ն, այսինքն՝ ծառայությունների մատուցման համա՞ր է հարկվելու, եթե կարող եք գրել հեռախոսահամար մանրամասն ճշտեմ, շտապ է:

Տիգրան.

Բարև Ձեզ։ Եթե գործող ՍՊԸ-ի տնօրենը, ով նաև սեփականատերն է և հիմնադիրը, հանկարծամահ է եղել, ինչպե՞ս կարելի է շարունակել ՍՊԸ-ի գործունեությունը կամ դադարեցնել այն։

Գայանե.

Բարև Ձեզ, հարգելի հաշվապահներ: 2 հարց ունեմ:
1. Երբ աշխատողը նվազագույն աշխատավարձից ցածր է վարձատրվում, դրոշմանիշային գումարը վճարում է գործատուն, իսկ երբ աշխատողը 0.5 դրույք է աշխատում, կրկին գործատուն է վճարու՞մ: Եթե այո, խնդրում եմ՝ օրենքի ո՞ր հոդվածն է: Ես չգտա 0.5 դրույքի մասով, ինձ ասացին 0.5 դրույքի դեպքում աշխատողից ես պահում:
2 -րդ հարց: Մանկապարտեզը ամբողջ 2020 թվականը չի գործել covid-ի պատճառով: Աշխատողները 2020 թվականը ամբողջությամբ հարկադիր պարապուրդ են վճարվել 2/3-ով: Աշխատողներին արձակուրդ հասնու՞մ է, թե՞ ոչ: Կրկին ինձ ասացին, որ չի հասնում արձակուրդ, այսինքն՝ վերջնահաշվարկի դեպքում 2020 թվականը հաշվարկից դու՞րս է՝ այո: Կանխավ շատ շնորհակալ եմ:

Բարև Ձեզ: Սեպտեմբերի 30-ին ես գրանցել եմ շրջանառության հարկով սոցիալական մեդիա մարքեթինգի ծառայություններ մատուցելու Ա/Ձ, աշխատողներ չունեմ: Խնդրում եմ՝ Ձեզ, հուշել՝ ի՞նչ կետեր պետք է լրացնեմ 240 և 244 ձևերի մեջ։
Կանխավ շնորհակալություն:

Ընկերություն՝ Գրոսմեյստեր ՍՊԸ
Հասցե՝ Ծովակալ Իսակով 48
Հեռախոս՝ 077215999
Էլ. փոստ՝ info շնիկ grossmeister.am
Թափուր աշխատատեղ՝ Գլխավոր հաշվապահ
Աշխատանքի նկարագրություն՝ Ներմուծող կազմակերպություն է, աշխատում է ԱԱՀ-ով, ունի 25 աշխատող, աշխատում է 1C 8.3 Առևտուր և ՀԾ 7 հաշվապահություն ծրագրերով:
Աշխատավարձ՝ 300 000 դրամ
Այլ նշումներ՝ Օգնականներ և հաշվետարներ չկան, ազատ գրաֆիկով չի լինի, հաշվապահական ընկերություններ պետք չեն: