Անի․

Հարգելի հաշվապահներ, եթե աշխատակիցս 15օր երկարացրել է մայրության նպաստը, ներկայացրել է հունիսին և վճարել եմ հունիսին, հուլիսի 27-ից օգոստոսի 11-ի համար, ճի՞շտ է, հաշվետվության մեջ էլ հունիսին էլ արտացոլել եմ, ճի՞շտ է։

Դիանա.

Բարև ձեզ: Խնդրում եմ ասել, եթե աշխատողը պետք է գնա ֆիզարձակուրդ հղիության 7-րդ ամսից, բայց ուզում է աշխատել մինչև ծննդաբերությունը, այս դեպքում չի՞ ստանալու հղիության և ծննդաբերության նպաստը: Երեխայի ծնվելուց հետո 70 օրը լրանալուց հետո պե՞տք է ուղարկել խնամքի արձակուրդ: Եվ մի հարց էլ. եթե արդեն խնամքի արձակուրդում է՝ պե՞տք է եկամտային հաշվարկ ներկայացնել իր համար արձակուրդի ընթացքում, թե՞ պետք չի: Շնորհակալ եմ:

Մերի.

Բարև ձեզ, հարգելի հաշվապահներ: Ո՞վ է տեղյակ, եթե համայնքապետարանի աշխատակիցը գտնվում է ֆիզ. արձակուրդում, և նրա արձակուրդի ընթացքում համայնքը խոշորանում է (միացել է այլ համայնքի), ապա այս դեպքում այդ աշխատակիցը երեխայի խնամքի նպաստի 26 500 դրամը կարո՞ղ է ստանալ:

Անի.

Բարև ձեզ: Ես վարձու աշխատող եմ, կցանկանայի իմանալ՝ որքա՞ն ժամանակ գրանցված աշխատող պետք է լինեմ, որ երեխայի նպաստ ստանամ: Եվ ո՞վ է վճարում՝ գործատու՞ն, թե՞ պետությունը:

Արթուր.

Բարև ձեզ: Քաղիրավական պայմանագրով աշխատողին դեկրետ գնալուց գործատուն վճարու՞մ է, թե՞ ոչ:

Մարիամ.

Կարո՞ղ է հարգելի համարվել աշխատողի բացակայությունը, եթե բյուլետեն չունի, բայց ունի տեղեկանք:

Մելինե.

Բարև ձեզ։ Եթե աշխատողը գտնվել է մինչև 3 տարեկան երեխայի խնամքի արձակուրդում, որի ավարտից հետո ազատվել է աշխատանքից՝ 2021թ.-ի մարտին, 2021-ի հունիս ամսին պետք է գնա ֆիզ., այդ դեպքում ինչպե՞ս է հաշվարկվում ֆիզ.-ը։

Անի.

Բարև ձեզ: Ես 2020 թվականի նոյեմբերի 19-ից ֆիզ. արձակուրդում եմ: Արդյո՞ք վճարովի արձակուրդային աշխատավարձ ստանալու եմ։ Կանխավ շնորհակալ եմ։

Լուսինե.

Բարև ձեզ: Կասե՞ք, եթե որպես գրանցված աշխատող եղել եմ 4 ամիս՝ կստանա՞մ արդյոք դեկրետային: Ես դիմահարդար եմ և ֆիզ. արձակուրդում եմ գտնվում հունիսի 11-ից: Կասեք նաև, թե ե՞րբ կստանամ:

Դիանա․

Խնդրում եմ ասել. եթե ԱՁ-ն ունի 1 աշխատող , որը գտնվում է մինչև 3 տարեկան երեխայի խնամքի արձակուրդում, նրա համար էլ չե՞նք հանձնում 189 ձևը խնամքի արձակուրդ գնալու օրվանից։ Նախապես շնորհակալ եմ։

Խաթուն․

Անաշխատունակության թերթիկի հաշվառման ձև կասե՞ք՝ ինչպե՞ս ներբեռնենք։

Գայանե․

Բարև Ձեզ։ Կասե՞ք՝ անաշխատունակության նպաստից դրոշմանիշային վճար հաշվարկվու՞մ է, թե՞ ոչ։

Անուշ.
Բարև ձեզ, սիրելի հաշվապահներ: Եթե աշխատակիցը գտնվում է երեք տարեկան երեխայի խնամքի արձակուրդում և ներկայացնում է անաշխատունակության թերթիկ նորից ֆիզ. գնալու համար.
1. Ինչպե՞ս է վճարվելու ֆիզի գումարը:
2. Հրամանը ի՞նչ բովանդակությամբ պետք է տալ:

Արմինե.

Բարև Ձեզ: Ինչքա՞ն կկազմի իմ ֆիզարձակուրդի գումարը: Ուսուցչուհի եմ, մաքուր աշխատավարձը կազմում է 69 000 դրամ։

Հարգելի հաշվապահներ, եթե աշխատողը հունիսի 29-ից ֆիզ. արձակուրդ է գնում, ապա հաշվարկի մեջ հունիսին աշխատած օրերն էլ ե՞ն մտնում, թե՞ հետհաշվարկը կատարվում է մայիսից:

Դիանա.

Բարև ձեզ: Խնդրում եմ նշել՝ երբվանի՞ց է հաշվարկվում մայրության նպաստը, և երբվանի՞ց է աշխատողը ուղարկվում ֆիզ. արձակուրդ: Եկամտային հաշվարկի մեջ նշվելու՞ է ավարտ, ֆիզ. գնալու ամսաթիվը, թե՞ մինչև 3 տարեկան երեխայի խնամքի արձակուրդ գնալու ամսաթիվը: Կանխավ շնորհակալ եմ:

Կարինե.

Բարև ձեզ: Անաշխատունակության նպաստ հաշվարկելիս՝ 12 ամիս հետ հաշվարկելիս արդյո՞ք այդ 12 ամիսների ընթացքում արձակուրդայինը և պարգևատրումը հաշվարկվում է, թե՞ ոչ:

Մանե.

Բարև ձեզ: Ինչպե՞ս են հաշվարկում ֆիզը:

Աննա.

Բարև ձեզ: Ու՞մ կարող ենք դիմել, եթե 5 ամիս է արդեն ֆիզ. արձակուրդի մեջ եմ, բայց գումարը գործատուն չի վճարել:

Արմինե.

Բարև ձեզ: Խնդրում եմ, օգնեք:
Աշխատողն ընդունվել է հունիսի 1-ից, աշխատավարձը 73 900 դրամ, հուլիսի 10-ից հղ. և մայրության արձակուրդ պետք է գնա։ Այս դեպքում ինչպե՞ս պետք է հաշվել, եթե ընդամենը 1 ամիս է աշխատում և մի քանի օր մյուս ամիս։ Ե՞րբ վճարել, և որքա՞ն կկազմի գումարը։ Նպաստն առանձին վճարե՞լ, հուլիսի աշխատավարձն առանձի՞ն։ Նշեմ, որ հունիսի աշխատավարձը մինչև ամսի ավարտն է վճարվում աշխատողներին։
Խնդրում եմ մանրակրկիտ գրել՝ ինչպես վարվել, երբ վճարել, որքան և հաշվետվությունը որ ամսով։
Շնորհակալություն:

Մելինե.

Բարև ձեզ: Ինչպե՞ս է հաշվարկվում Ա/Ձ-ի մայրության նպաստը, եթե Ա/Ձ-ն բացվել է 2021թ.-ի մարտ ամսին և աշխատում է միկրոձեռնարկատիրության հարկման դաշտում: Ֆիզ. արձակուրդի սկիզբը՝ 2021թ. մայիսի 30:

Լիլի․

Բարև ձեզ։ Խնդրում եմ, ասեք՝ որքա՞ն կկազմի իմ դեկրետային գումարը։ Ստանում եմ 97 000 (մաքուր) աշխատավարձ, աշխատում եմ 6-օրյա գրաֆիկով։ Նախապես շնորհակալ եմ։

Անուշ.

Բարև ձեզ: Եթե աշխատակիցն աշխատել է մինչև ամսվա կեսը և այնուհետև գնացել է հղ. և ծննդ. արձակուրդ, վերադառնալուց հետո գնում է ամենամյա արձակուրդ, կուտակված արձակուրդայինի օրերի վրա գումարվու՞մ է կես ամսվա աշխատած ամիսը:

Ելենա.

Բարև ձեզ։ Ես ուսուցիչ եմ և ժամաքանակով եմ վարձատրվում, դրույքաչափ չունեմ: Առաջին կիսամյակում ստացել եմ 16 000, իսկ երկրորդում՝ 33 000 դրամ։ Կարո՞ղ եք ասել՝ ինչպե՞ս հաշվեմ իմ դեկրետի գումարը, և եթե այն քիչ լինի 156 000-ից, կարո՞ղ եմ օգտվել այդ գումարից։ Նախապես շնորհակալություն:

Sona Asatryan.

Բարև Ձեզ: Ես գտնվում եմ ֆիզարձակուրդում և պատրաստվում եմ գնալ 2-րդ ֆիզարձակուրդ: Կարո՞ղ եմ իմանալ, որքա՞ն գումար եմ ստանալու 140 օրվա համար: Մաքուր աշխատավարձիս չափը 130 000 դրամ է:

Լաուրա.

Բարև ձեզ: Եթե աշխատողը գտնվում է մինչև երեք տարեկան երեխայի խամքի համար տրամադրվող արձակուրդի մեջ, բայց երկու տարին լրանալուց հետո ցանկանում է վերադառնալ աշխատանքի, կարելի՞ է աշխատողին հետ վերադարձնել աշխատանքի դիմումի համաձայն:

Մելինե.

Բարև ձեզ: Մայրության նպաստի համար անհրաժեշտ փաստաթղթերը մինչև ե՞րբ կարող ենք ներկայացնել սոցապ, ի՞նչ ժամկետում: Եվ սոցապից հետո տարվու՞մ է հարկային որ փոխանցեն գումարը:

Մարիա.

Բարև Ձեզ: Եթե անձը աշխատում է 2 տեղ և անաշխատունակության թերթիկ ներկայացնում է մեկ աշխատավայր, իսկ երկրորդում ներկայացնում է տվյալ թերթիկի պատճենը՝ կնիքով, որ համապատասխանում է բնօրինակին։ Այդ երկրորդ տեղում էլ պե՞տք է հաշվարկել և վճարել։

Նարինե.

Խմդրում եմ, օգնեք. կինը ծննդաբերել է կեսարյանով՝ ժամանակից շուտ: Ինչպե՞ս հաշվեմ մայրության նպաստը:

Լուսինե.

1. Ինչպե՞ս լրացնել անաշխատունակության նպաստի տվյալները եկամտային հարկի հաշվարկում։
2. Ինչպե՞ս հաշվարկել անաշխատունակության նպաստը, եթե աշխատողն աշխատում է հերթափոխով:

Անգելինա.

Բարև Ձեզ: Ես գրանցված եմ եղել և գնացել եմ ֆիզարձակուրդ ընդամենը 3 ամիս, որից հետո այդ կազմակերպությունը սնանկ է ճանաչվել: Կա՞ արդյոք տարբերակ, որպեսզի ես շարունակեմ մայրության նպաստը ստանալ:

Սեդա.

Բարև Ձեզ: Ինձ մեկ հարց է հետաքրքրում, եթե ես աշխատանքի եմ ընդունվել քաղիրավական պայմանագրով և հիմա հղի եմ, կարող եմ օգտվել ֆիզ. արձակուրդի գումարից: Նշեմ նաև, որ գյուղաբնակ եմ և աշխատում եմ գյուղում: Եվ մեկ հարց էլ. նախկին աշխատատեղից կրճատվել եմ 16.01.2021թ. և աշխատանքի եմ ընդունվել այլ տեղ 15.04.2021թ, ներկա պահին հղի եմ և ցանկանում եմ իմանալ՝ նախկին աշխատատեղից ես կարող եմ թուղթ ներկայացնել դեկրետի գումար ստանալու համար:

Սերինե.

Բարև Ձեզ: Խոսքը հղիության և ծննդաբերության նպաստի մասին է: Համաձայն Աշխատանքային օրենսգրքի հոդված 172-ի՝ բարդ ծննդաբերության դեպքում տրամադրվում է 155 օր հղիության և ծննդաբերության արձակուրդ (70 օր` հղիության, 85 օր` ծննդաբերության): Բարդ ծննդաբերության դեպքում տրվում է երկրորդ անաշխատունակության թերթիկը, ըստ որի հաշվարկվում է նպաստը` արդեն ոչ թե 140, այլ 155 օրվա համար: Ուզում էի հաշվարկի ձև իմանալ:

Լուսինե.

Բարև ձեզ: Կասե՞ք՝ կապ ունի, թե քանի ամիս պետք է գրանցված աշխատեմ, որ գնամ դեկրետ: Եվ, եթե հաշվում են 12 ամսվա կտրվածքով և ես աշխատել եմ նաև այլ տեղ՝ այս աշխատանքից առաջ, հնարավո՞ր է ներկայացնել տեղեկանք նախորդ աշխատատեղից աշխատավարձի վերաբերյալ, որ հաշվարկը ճիշտ լինի:

Լուսինե.

Բարև Ձեզ: Աշխատում եմ դպրոցում արդեն 1,5 տարի, հունիս ամսից ֆիզ. արձակուրդ պետք է գնամ: Խնդրում եմ ասեք՝ կարո՞ղ եմ օգտվել նաև ուսուցիչների համար նախատեսվող ամառային արձակուրդի գումարից։

Հեղինե.

Բարև ձեզ: Գտնվում եմ հղիության 27 շաբաթում, այս պահին հիվանդ եմ և հիվանդության արձակուրդ եմ վերցրել, եթե տերմինը ճիշտ գիտեմ: Այսօր տեղեկացա, որ տնօրենս, առանց ինձ հետ անձամբ զրուցելու, առանց իմ կողմից դեկրետ գնալու հայտ ներկայացնելու, որոշել է, որ մայիսի հստակ օր ես աշխատանքս դադարում եմ: Հենց այդ օրը նոր լրանում է իմ 30 շաբաթական հղիությունը, և այդ օրվանից հետո նոր ես կարող եմ թուղթ վերցնել իմ հղիությունը վարող հաստատությունից գործատուին ներկայացնելու համար: Հարց. արդյո՞ք իրավունք ունեն նման կերպ ինձ “ուղարկելու” դեկրետ, թե՞ ես կարող եմ աշխատել այնքան, ինչքան ես կցանկանամ: Օրինակ՝ ամբողջ մայիս ամիսը: Շնորհակալություն:

Աելիտա.

Բարև Ձեզ: Խնդրում եմ կասեք՝ ինչպե՞ս է վճարվում երեխայի հիվանդության համար բացված անաշխատության թերթիկը, մայրը մանկավարժ է:
Նախապես շնորհակալ եմ։

Արամ.

Բարև ձեզ, հարգելի հաշվապահներ: Հարցս վերաբերվում է մինչև 2 տարեկան երեխայի խնամքի արձակուրդում գտնվող անձի նպաստ ստանալուն: Որքա՞ն է տվյալ պահին ամսական նպաստի չափը: Եվ արդյո՞ք մարզի գրանցում ունեցող անձի նպաստը ավելի բարձր է քան Երևանի գրանցում ունեցողինը:

Ամալյա.

Բարև Ձեզ: Եթե ես աշխատում եմ դեկրետի տեղ, իսկ հիմա ես էլ եմ դեկրետ գնում, ինչպե՞ս է այս ամենը լինում, ու ի՞նչ իրավունքներ ունեմ ես:

Արամ.

Հարգելի գործընկերներ, կազմակերպության աշխատակցի համար հաշվարկվել է անաշխատունակության նպաստ մարտ ամսվա վերջում, սակայն վճարվել է նպաստը ապրիլին: Հարցս հետևյալն է՝ ո՞ր ամսվա եկամտային հարկի հաշվարկում պետք է արտացոլել նպաստի հաշվարկը: Նախապես շնորհակալություն:

Սեդա.

Բարև Ձեզ, հարգելի հաշվապահներ: Ես 9 տարի աշխատել եմ դեղագործ նույն դեղատանը, հետո դուրս եմ եկել, մի ամիս հետո ընդունվել եմ այլ դեղատուն աշխատանքի, որտեղ պետք է աշխատեմ 5 ամիս և գնամ դեկրետ: Խնդրում եմ ինձ ասեք՝ իմ դեկրետը ինչպե՞ս պետք է հաշվվի, արդյոք պե՞տք է հաշվվի նախորդ գործատուիս մոտ աշխատածն էլ, թ՞ ոչ։

Արմինե.

Բարև Ձեզ: Եթե աշխատակցին տրվել է ծննդաբերության արձակուրդ և հիմա ցանկանում է գնալ մինչև 3 տարեկան երեխայի խնամքի արձակուրդ՝ կազմակերպությունը որևէ կերպ կարո՞ղ է չընդունել արձակուրդի դիմումը և աշխատանքից ազատել աշխատակցին: Խնդրում եմ նշեք օրենքի հոդվածը:
Նախապես շնորհակալություն:

Բարև Ձեզ, հարգելի հաշվապահներ: Աշխատակիցս աշխատում է համատեղությամբ՝ հիմնական աշխատավայրը մեզ մոտ՝ 6 ամիս: Մայրության նպաստի հաշվարկման ժամանակ մեր և մյուս կազմակերպության աշխատավարձերը պե՞տք է գումարել միջինը ստանալու համար:

Անի.

Հարգելի հաշվապահներ, դպրոցը 6 օրյա գրաֆիկով է աշխատում և մարտ ամսին 26 աշխատանքային օր է. ուսուցիչը 6 օր բյուլետենում է եղել և վճարվել 6 օրվա համար: Հիմա ես պետք է ամսվա աշխատավարձը բաժանե՞մ 26-ի անգամ 20՝ վճարե՞մ 20 օրվա աշխատավարձ:

Արփինե.

Աշխատակցին նշանակվել է մայրության նպաստ՝ 09.03.21թ-ից, աշխատակիցը ընդունվել է աշխատանքի 02.07.20թ-ին, քանի որ 12 ամիս չի ձևավորվում ըստ օրենքի հաշվի ենք առնում նաև հաշվարկային ժամանկահատվածում այլ գործատուի կողմից վճարված եկամուտը անկախ աշխատանքային հարաբերությունների ավարտից: 03, 04, 05 ամիսներին ստացել է եկամուտ, սակայն 03 ամսին աշխատել է համատեղությամբ և 2 գործատուների կողմից է ստացել եկամուտ, բայց ըստ օրենքի նույն ամսվա համար միայն մեկ գործատուի կողմից վճարված եկամուտը կարո՞ղ ենք հաշվի առնել չէ, և հաշվարկին 03 ամսվա միայն մեկ գործատուի կողմից վճարված եկամուտն եմ հաշվարկել, արդյո՞ք ճիշտ եմ հաշվարկել։
Նախապես շնորհակալ եմ:

Մելինե.

Բարև ձեզ: Եթե անաշխատունակության նպաստի ժամանակ 12 ամիսները չեն ձևավորվում, կարո՞ղ ենք վերցնել նախորդ գործատուի մոտ աշխատած ամիսները, և ընդհանուր գումարը բաժանվում է 12-ի, թե՞ ամիսների քանակի վրա:

Նաիրա.

Բարև Ձեզ: Կորոնավիրուսի հիվանդության դեպքում անաշխատունակության նպաստը ինչպե՞ս է վճարվում:

Աշխեն.

Բարև Ձեզ։ Ես աշխատող մայր եմ։ Առաջին երեխաս ծնվել է 21/11/2019 թվականին և դեկրետի ժամկետն ավարտելուց հետո ֆիզ. արձակուրդի դիմում գրեցի գոծատուի մոտ ու համապատասխանաբար ստանում եմ երեխայի խնամքի նպաստ։ 01/01/2021 թվականին ծնվեց իմ երկրորդ երեխան, և երեկ դեկրետի ժամկետն ավարտվեց, ու նորից գնացի գոծատուի մոտ դիմում գրելու, որպեսզի հարկային դաշտում իմ երեխայի տվյալները մուտքագրելուց հետո ստանամ նաև երկրորդ երեխայի խնամքի նպաստ։ Այսօր հաշվապահը զանգել, ինձ ասում է, որ հարկայինում իմ տվյալները հնարավոր չի լինում մուտքագրել, որովհետև հնարավոր չի իբրև երկու երեխաների խնամքի նպաստները ստանալ։ Հիմա հարցերս այսպիսին են՝ ինձ ֆիզ.-ից ֆիզ. չի՞ հասնում, ինձ երկու երեխայի համար էլ առանձին-առանձին նպաստ չի՞ հասնում։ Կամ առհասարակ հարկայինում ինչու՞ “Մուտքագրեք” հնարավոր չի լինում տվյալները։ Խնդրում եմ, օգնել հասկանամ, խնդիրն ինչումն է։ Նշեմ նաև, որ սոցապ բաժնում ինձ ասել են, որ նպաստ ստանալու եմ երկու երեխաներին առանձին-առանձին, մինչև երկու երեխաների երկու տարեկանները լրանալը։

Լոլիտա.

Բարև Ձեզ: Ես 25 տարվա մանկավարժական ստաժ ունեմ, աշխատում եմ դպրոցում, 6 օրյա ռեժիմով ստանում եմ 124 000 մաքուր աշխատավարձ, այսօրվանից 14 օրով բացել եմ բյուլետեն, ուզում եմ իմանալ ինչքա՞ն գումար կստանամ /25.03.21-07.04.21/:

Աննա.

Բարև Ձեզ: Խնդրում եմ ասեք՝ ՔՈՎԻԴ-ի պատճառով ուսուցչի համար բացված անաշխատունակության թերթիկի աշխատավարձի չափը ինչպե՞ս է հաշվարկվում, երբ նրան փոխարինել են, իսկ այդ ընթացքում դասերի մի մասը եղել է օնլայն: Փոխարինող ուսուցիչն էլ պե՞տք է վարձատրվի այդ գումարից /ընդհանուր օրերը 02.03-22.03/: