Sofa.
Բարև ձեզ։ Կասեի՞ք՝ գործատուի միջոցներին որքանը գրեմ, պետ. բյուջեինը որքանը՝ եկամտային հարկի 189 հաշվետվության մեջ հիվանդության նպաստի հաշվարկը, եթե անաշխատունակության թերթիկում 22.12.2021-05.01.2022թթ. նշված աշխատավարձը 60 000*12, աշխատանքայի՞ն օր են հաշվում, թե՞ օրացուցային։
Վարձու աշխատողի անաշխատունակության նպաստը վճարվում է ժամանակավոր անաշխատունակության ժամանակաշրջանի աշխատանքային օրերի համար: Հաշվի առեք որ օրենքով սահմանված ոչ աշխատանքային տոնական օրեր են համընկել բյուլետենի ժամկետում. «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքով սահմանված ոչ աշխատանքային տոնական և հիշատակի օրերի համար անաշխատունակության նպաստ վճարվում է, եթե այդ օրերը չեն համընկնում ընդհանուր հանգստյան օրերի հետ:
Մի հարց կարելի՞ է. իսկ Հասարակական կազմակերպության նախագահը կարո՞ղ է բյուլետեն բացի և վճարվի ՀԿ-ով։
ՀԿ-ի նախագահը պետք է գրանցված աշխատող հանդես գա, որ բուժհաստատությունը բյուլետեն տա:
Սոֆա ջան, դեկտեմբերի 22-ից հունվարի 5-ը ընկած ժամանակահատվածում հաշվարկվում են միայն աշխատանքային օրերը, Ձեր դեպքում 10 օր է։ Սկզբի 5 օրը գործատուի հաշվին է, մնացած 5 և ավել օրերը՝ պետ. բյուջեի։ Ձեր դեպքը եթե 5 աշխատանքային օր գրաֆիկով է, ես հաշվեցի, եղավ՝ 1. գործատու սյունակում՝ 17857, և 2. պետբյուջե սյունակում՝ 17857։ Եթե հարց կա, ասեք, էլի պատասխանեմ։
Շատ շնորհակալ եմ, Լիլիթ ջան։ Եթե կարելի է, կասե՞ք՝ 17857 ինչպես եք ստացել։
Վարձու աշխատողի ժամանակավոր անաշխատունակության նպաստը ժամանակավոր անաշխատունակության առաջին հինգ աշխատանքային օրերի համար վճարվում է գործատուի միջոցների հաշվին, որը չի փոխհատուցվում, իսկ նպաստի մնացած մասը՝ Հայաստանի Հանրապետության պետական բյուջեի միջոցների հաշվին։
Անաշխատունակության նպաստը վճարվում է աշխատանքային օրերի համար, ինչպես նաև՝ տոնական օրերի համար, եթե հանգստյան օրվա հետ չի համընկնում։ Օրինակ՝ Ձեր դեպքում դեկտեմբերի 31-ը տոնական օր է, բայց ուրբաթ օր է, հետևաբար այդ օրը ներառվում է հաշվարկում։
Եթե 5-օրյա աշխատանքային շաբաթ է ապա վճարելու եք 5 օր գործատուի հաշվին, 5 օր բյուջեի, եթե 6-օրյա է, ապա՝ 5 օր գործատուի հաշվին, 6 օր բյուջեի։
Հնգօրյա աշխատանքային շաբաթի դեպքում՝ 5 օր գործատուի միջոցների հաշվին և 5 օր Պետական բյուջեի միջոցների հաշվին. Հաշվարկը հետևյալն է՝ միջին ամսական եկամուտը՝ 60000*80%=48000 ՀՀ դրամ, միջին օրական եկամուտը՝ 48000/21=2285.7 ՀՀ դրամ, հաշվարկային նպաստի չափը՝ 2285.7*10=22857, որից գործատուի միջոցների հաշվին՝ 2285,7*5=11429 ՀՀ դրամ և Պետական բյուջեի միջոցների հաշվին՝ 2285,7*5=11429 ՀՀ դրամ, հաշվարկված եկամտային հարկի չափը՝ 22857*21%=4800 ՀՀ դրամ, նպաստի վճարման ենթակա չափը կլինի՝22857-4800=18057 ՀՀ դրամ