Tag: ոչ առևտրային

ՍՊԸ-ն նախարարությունից գումար է ստացել

Գոհար.

Բարև ձեզ, հարգելի գործընկերներ: Մի այսպիսի վիճելի հարց է առաջացել. ՍՊԸ-ն նախարարությունից ստացել է, ասենք թե, 5 000 000 գումար ՀԿ-ի համար՝ գիրք տպագրելու նպատակով: Այդ գումարից ՍՊԸ-ն ծախսել է տպագրության վրա, իսկ ստացած գումարի 60 տոկոսը՝ 3 մլն, կազմում է հոնորարը: Հոնորարը ստացել է ՀԿ-ի նախագահը՝ գիրքը գրելու համար: Ես կցանկանայի իմանալ՝ ինչ կարգի վճարումներ են արվում: Ես գիտեմ, որ հոնորարի 10 տոկոսը պետք է փոխանցվի պետ. բյուջե: Եթե այլ պատասխաններ կլինեն, ես երախտապարտ կլինեմ ձեզ:

Պե՞տք է արդյոք հաշվետվություն ներկայացնել

Արփինե.

Բարև ձեզ։ Խնդրում եմ ինձ հուշել՝ եթե Իրավաբանական անձանց պետական ռեգիստրում գրանցվել է Հասարակական կազմակերպություն, որը ֆինանսական շրջանառություն դեռևս չի իրականացրել, արդյոք այդ կազմակերպությունը պե՞տք է հաշվետվություն ներկայացնի Պետական եկամուտների կոմիտեին։ Եթե այո, ապա ի՞նչ պարբերականությամբ։ Շնորհակալ եմ։

Ի՞նչ հաշվետվություններ պետք է ներկայացնել

Արփի.

Հարգելի մասնագետներ, եթե հասարակական կազմակերպությունը կազմակերպել է դրամաշնորհ՝ հիվանդ երեխաներին օգնելու նպատակով, այս մասով ինչ-որ հատուկ հաշվետվություններ պե՞տք է ներկայացնի հարկային տեսչություն, և ի՞նչ տեսակի պարտավորություններ են առաջանում։

Կանխավ շնորհակալություն։

ՀԿ գրանցելու համար

Գևորգ.

Բարև ձեզ։

Որքա՞ն է ՀԿ-ն գրանցելու միանվագ վճարումը։ Եվ ի՞նչ կարգով պետք է ներկայացնել կանոնադրությունը պետ. ռեգիստր։

Ինչպե՞ս ձևակերպել ելքի օրդերը

Աննա.

ՀԿ-ն ավիատոմսեր է գնել կանխիկ գումարով այլ երկրում ծրագրի մասնակցելու համար, սակայն յուրաքանչյուր ավիատոմսի գումարը 300 000 դրամից ավել է, ինչպե՞ս ձևակերպել ելքի օրդերը:

Ի՞նչ պայմանագիր պետք է կնքել

Ռուզան.

ՀԿ-ն ցանկանում է իրեն պատկանող տրակտորները փոխանցել իր կողմից հիմնադրված ՍՊԸ-ին՝ նրան փոխանցելով սեփականության իրավունքը։ Ի՞նչ տիպի պայմանագրով պետք է կատարվի փոխանցումը և արդյո՞ք այդ փոխանցումը կառաջացնի հարկային պարտավորություններ։

Շնորհակալություն։

Ինչպե՞ս հիմնադրել ՀԿ

Ռոզա.

Ինչպե՞ս կարող ենք բացել ՀԿ:

Անձը ցանկանում է կազմակերպություն հիմնադրել

Արման Հարությունյան.

Բարև ձեզ:

Ունեմ սենց մի հարց. ես ցանկանում եմ հիմնել երկու ստարտափ թիմեր, որոնք աշխատելու են և՛ կրթական ոլորտում, և՛ ՏՏ ոլորտում:

Հարցս կայանում է նրանում, որ ի՞նչ տեսակի կազմակերպություն կարող եմ բացել, որի միջոցով կարող եմ երկու կազմակերպություններն էլ միաժամանակ կառավարել: Օրինակ՝ ես գիտեմ, որ օրենքով սահմանված կարգով հասարակական կազմակերպությունը իրավունք ունի զբաղվելու բիզնես գործունեությամբ՝ ըստ 2016 թվականի որոշման:

Հիմա կուզեմ իմանալ՝ ինչ հարկեր եմ վճարելու, ինչ կարգով և այլն:

ՀԿ-ն չի ներկայացրել շրջանառության հարկ վճարող համարվելու դիմում

Աննա.

Բարև ձեզ: Եթե ՀԿ-ն ապրանք է վաճառում և տարվա սկզբին չի ներկայացրել շրջանառության հարկ վճարող համարվելու դիմում, արդյո՞ք պետք է դուրս գրի հարկային հաշիվ և արտացոլի այն ԱԱՀ հաշվարկում:

Շնորհակալություն:

Եթե անձը անցնի երկրորդ աշխատանքի ՀԿ-ում

Սարգիս.

Բարև ձեզ։ Եթե անձը, աշխատելով պետական համակարգում, անցնի երկրորդ աշխատանքի ՀԿ-ում ամբողջական դրույքով և չգերազանցի օրական սահմանված 12 ժամը, պարտադի՞ր է կնքվող պայմանագրում նշել, որ համատեղության կարգով է անցնում աշխատանքի։

ՀԿ-ի գործունեության դադարեցում

Դավիթ.

Բարև ձեզ: Ես հանդիսանում եմ ՀԿ-ի նախագահ և ցանկանում եմ ժամանակավորապես դադարեցնել այն։ Ինչպիսի՞ գործընթաց պետք է իրականացվի, և հաջողությամբ իրականացնելուց հետո ինչ-որ հաշվետվություններ պե՞տք է ներկայացվեն հարկային, թե՞ ոչ:

Կանխավ շնորհակալ եմ:

Հասարակական կազմակերպության վերաբերյալ

Գևորգ.

Բարև ձեզ։

Հասարակական կազմակերպությանը պետությունը պարտադիր կերպով գույք և աշխատասենյակ տրամադրու՞մ է, թե՞ ոչ։ Եվ​ ՀԿ նախագահը ստանու՞մ է պետության կողմից աշխատավարձ, թե՞ ոչ (եթե չի զբաղվում ձեռնարկատիրությամբ):

Կանխավ շնորհակալ Եմ։

Շահույթ չհետապնդող հասարակական կազմակերպություն

Ռազմիկ.

Բարև ձեզ, հարգելի գործընկերներ: Կխնդրեի պատասխանել հետևյալ հարցին` արդյո՞ք հկ-ի նախագահին (տնօրենին) պետք է գրանցել, եթե եկամուտ չի ստանում, և եթե ոչ, կխնդրեի ասել՝ ո՞ր օրենքով է կարգավորվում։

ՀԿ գրանցելուց հետո ի՞նչ գործողություններ է պետք իրականացնել

Անի.

Բարև ձեզ:

ՀԿ գրանցելուց հետո ի՞նչ գործողություններ է պետք իրականացնել էլ. համակարգում: Կա՞ արդյոք ձև, որը պետք է լրացնել, և արդյո՞ք պետք է գրանցել գործադիր մարմնի ղեկավարին համակարգում…

Կանխավ շնորհակալ եմ:

ԱՁ-ն հանդիսանում է նաև հասարակական կազմակերպության նախագահ

Սոնա.

Բարև ձեզ: Խնդրում եմ պատասխանել՝ եթե ԱՁ-ն հանդիսանում է նաև հասարակական կազմակերպության նախագահ, ապա ԱՁ-ն արդեն 20 տոկոս ԱԱՀ-ո՞վ է հարկվում:

Շնորհակալություն:

Ի՞նչ հաշվետվություններ է ներկայացնում ՀԿ-ն

Մանե.

Բարև ձեզ: Ի՞նչ հաշվետվություններ պետք է ներկայացնի ՀԿ-ն 2018թ.-ից սկսած:

ՀԿ-ն իրականացնում է ծառայությունների անհատույց մատուցում

Աննա.

Բարև ձեզ, հարգելի մասնագետներ:
Հասարակական կազմակերպությունն իրականացնում է ծառայությունների անհատույց մատուցում, որը հանդիսանում է ԱԱՀ-ից ազատված գործարք (Հարկային օրենսգրքի 64-րդ հոդվածի 2-րդ կետի 7-րդ ենթակետ):
1. Արդյո՞ք պետք է ներկայացնի ԱԱՀ հաշվարկ
2. Արդյո՞ք պետք է դուրս գրի հաշիվ վավերագիր
3. Արդյո՞ք ԱԱՀ շեմ կա բացառապես ազատված գործարքներ իրականացնելու դեպքում

Կանխավ շնորհակալ եմ:

Վճարու՞մ է արդյոք ՀԿ-ն եկամտահարկ

Կարինա.

Բարև ձեզ: Ինձ կօգնե՞ք ստանալ հետևյալ հարցերի պատասխանը`
1) Եթե ՀԿ-ն իրականացնում է շահույթ հետապնդող գործունեություն, բայց եկամուտը օգտագործվում է կազմակերպության վրա, եկամտահարկ վճարվու՞մ է:
2) Տարածք վարձող և տարածքի համար վճարող սեմինարներ վարողները հարկ վճարու՞մ են, թե՞ ոչ:

Նախապես շնորհակալություն:

ՀԿ-ն ցանկանում է ֆիզիկական անձի հետ կնքել վարձակալության պայմանագիր

Ստելլա.

Բարև ձեզ: Հասարակական կազմակերպությունը ցանկանում է ֆիզիկական անձի հետ կնքել վարձակալության պայմանագիր: Ի՞նչ հարկային պարտավորություններ են առաջանում հասարակական կազմակերպության համար: Ինչպե՞ս պետք է վճարել հարկերը: Վարձակալության գումարը ինչպե՞ս պետք է վճարել, և վճարումը հավաստող ի՞նչ փաստաթղթեր են պետք, որպեսզի դրանք ներկայացվեն երրորդ անձանց:

ՀԿ զբաղվում է ձեռագործ աշխատանքների վաճառքով

Կարինե.

Եթե ՀԿ զբաղվում է ձեռագործ աշխատանքների վաճառքով, ապա հարկման դաշտը ո՞րն է՝ Տարեկան շահութահարկ, ԱԱՀ, թե՞ շրջանառության հարկ:

Արդյո՞ք ՀՈԱԿ-ը կարող է աշխատել առանց հաշվապահի

Հասմիկ.

Խնդրում եմ պարզաբանել` արդյո՞ք ՀՈԱԿ-ը կարող է աշխատել առանց հաշվապահի, և կարո՞ղ է համայնքի ֆինանսական բաժինը կատարի ՀՈԱԿ-ի հաշվապահությունը:

Արդյո՞ք կառաջանա հարկային պարտավորություն

Կարինե Ա.

Բարև ձեզ, խնդրում եմ պատասխանեք, թե հասարակական կազմակերպությունը կարո՞ղ է արտասահմանում գտնվող ՀԿ-ի նախագահի անձնական հաշվին գումար փոխանցել, դա արդյո՞ք հարկային պարտավորություն չի ենթադրում Հայաստանում:

Ի՞նչ նոր հաշվետվություններ պետք է ներկայացնի հասարակական կազմակերպությունը

Նարչիկ.

Ի՞նչ նոր հաշվետվություններ պետք է ներկայացնի հասարակական կազմակերպությունը: Առաջ տարին մեկ ներկայացնում էինք շահութահարկի զրոյական հաշվարկ, իսկ նոր օրենսգրքի համաձա՞յն, խնդրում եմ, հուշեք: Նշեմ, որ պետական և համայնքային աղբյուրներից ֆինանսավորում չենք ստանում:

Կարո՞ղ է հասարակական կազմակերպությունը դուրս գրել հաշիվ իրեն փոխանցած գումարի համար

Narchik.

Բարև ձեզ: Հարցս վերաբերվում է նրան, թե կարող է հասարակական կազմակերպությունը դուրս գրել հաշիվ իրեն փոխանցած գումարի համար, եթե այդ գումարով կատարել ենք աշխատանքի վարձատրություններ, փոխանցել ենք տպագրական ծախսեր և այլն: Գումարը տրվել է որպես դրամաշնորհ:

ՀԿ կանոնադրություն նոր օրենսդրությանը համապատասխան

Գրիգոր.

Ընկերներ ջան, ո՞վ կարող է նոր օրենդրությանը համապատասխան ՀԿ կանոնադրությամբ կիսվել: Կանխավ շնորհակալ եմ:

Արդյո՞ք անձը կարող է ՀԿ տնօրեն լինել համատեղությամբ

Արաքսյա.

Խնդրում եմ ասեք, եթե ես լրիվ դրույքով աշխատանք ունեմ ԲՈՒՀ-ում, կարո՞ղ եմ մեկ այլ հասարակական կազմակերպության տնօրեն լինել նաև:

Շնորհակալ եմ:

Ի՞նչ տուգանք է նախատեսված դրամարկղային գիրք չունենալու համար

Peri.

Բարև ձեզ:
Հարգելի հաշվապահներ, ՀԿ-ները արդյո՞ք պետք է ունենան դրամարկղային գիրք, եթե այո, ու 3 տարի շարունակ հիմնադրման պահից չեն ունեցել, այդ պարագայում ի՞նչ տուգանք է սահմանվում:

ՀԿ-ն հին օրենքի ժամանակ իրականացրել է ծառայության մատուցում

Sahun.

Հարգելի գործընկերներ, կարծիք տվեք խնդրում եմ.
ՀԿ-ն հին օրենքի ժամանակ իրականացրել է ծառայության մատուցում, որի համար չի նախատեսել ԱԱՀ: Այժմ դա կարելի՞ է համարել ապօրինի ձեռնարկատիրություն և հարկերից խուսափում:

Արդյո՞ք ՀԿ-ները կարող են զբաղվել ձեռնարկատիրական գործունեությամբ

Կարեն.

Հարգելի գործընկերներ, լսել եմ, որ օրենքի փոփոխությունների հետևանքով հասարակական կազմակերպությունները կարող են զբաղվել ձեռնարկատիրական գործունեությամբ: Արդյո՞ք դա այդպես է:

ՀԿ-ն կազմակերպում է ճամբար

Լիանա.

Հարգելի հաշվապահներ,

ՀԿ-ն կազմակերպում է ճամբար, որի ընթացքում փոխհատուցելու է ճամբարի մասնակիցների ճանապարհածախսերը (մասնակիցները ՀՀ տարբեր մարզերից են): Նշված ծախսերը հիմնավորելու համար ի՞նչ փաստաթղթեր է անհրաժեշտ ներկայացնել:

Շնորհակալություն:

ՀԿ կարո՞ղ է հաշվարկային փաստաթուղթ դուրս գրել

Liana.

Հարգելի հաշվապահներ,

հասարակական կազմակերպությունը կարո՞ղ է ծառայությունների մատուցման համար հաշվարկային փաստաթուղթ դուրս գրել:
Դուրս գրման և գումարի ստացման դեպքում հարկային պարտավորություններ առաջանու՞մ են, թե՞ ոչ:

Շնորհակալություն:

Կոլեկցիոներների հասարակական միություն

Hakob Avagyan.

Հարգելի հաշվապահներ,
Ցանկանում եմ կոլեկցիոներների հասարակական միություն ստեղծել (որը շահույթ չի հետապնդելու) և գրանցվել պետական ռեգիստրում: Արդյո՞ք պետք է որևէ տեսակի հարկային հաշվետվություններ ներկայացնել հարկային մարմիններին, թե՞ ոչ:
Կանխավ շնորհակալ եմ պատասխանների համար:

ՀԿ-ն 2015թ. ստացել է դրամաշնորհ

Արամ.

Հարգելի գործընկերներ,
ՀԿ-ն 2015թ. ստացել է դրամաշնորհ մինչև տարվա վերջ, որի երկրորդ մասը փոխանցվել է ուշացումով 2016թ. ապրիլին՝ 145 000 դրամ: Տվյալ գումարը փոխանցվել է 2015թ. նոյեմբեր-դեկտեմբեր ամիսների աշխատավարձ մեկ աշխատողի և մատուցված ծառայությունների համար: Եկամտային հարկերը աշխատողի փոխանցվել են դեկտեմբեր-հունվար ամիսներին (գումարի առաջին բաժնեմասից) և 2016թ.-ին այլ մուտքեր չեն եղել: Հիմա հարկային տարեկան հաշվետվությունը կարո՞ղ է ներկայացնել զրոյական: Դա ճի՞շտ է, թե ոչ:
Պատասխանողներին կանխավ շնորհակալություն:

ՊՈԱԿ-ը ստացել է դասախոսություններ կազմակերպելու ծրագիր

Սամ.

Ունենք ՊՈԱԿ, որը ծրագիր է ստացել դասախոսություններ կազմակերպելու և ստացել է 12 մլն դրամ, որից 4 մլնը աշխատավարձ, 1 մլնը ձեռք է բերել գրքեր, 7 մլնը ուսումնական կենտրոնի ծախսեր: Մենք պետք է հարկենք այդ գումարները, ճի՞շտ է: 4 մլն աշխատավարձը` եկամտային հարկով, մյուս երկուսը հարկու՞մ ենք, թե՞ ոչ, եթե այո, ապա ԱԱՀ-ո՞վ, թե՞ այլ հարկով:

Արդյո՞ք պետք է ներկայացնել եկամտային հարկի զրոյական հաշվարկ

Արմեն.

Հարգելի գործընկերներ, հասարակական կազմակերպությունը կնքել է ծառայությունների մատուցման քաղաքացիաիրավական պայմանագրեր քաղաքացիների հետ: Հունվար ամսվա ընթացքում վճարումներ այդ անձանց չեն եղել: Արդյո՞ք պետք է ներկայացնել եկամտային հարկի զրոյական հաշվարկ: Շնորհակալություն:

Հասարակական կազմակերպություն հիմնադրելու համար

Միշել.

Բարև ձեզ: Մենք ցանկանում ենք ՀԿ հիմնադրել: Ի՞նչ փաստաթղթեր են անհրաժեշտ և ի՞նչ վճարումներ պետք է կատարել: Նախապես շնորհակալություն:

Արդյո՞ք ՀԿ պետք է դուրս գրի հաշիվ

channa.

Արդյո՞ք հասարակական կազմակերպությունը անդամավճար ընդունելու համար պետք է էլեկտրոնային հաշիվ դուրս գրի:

ՀԿ գրանցելու համար

Anahit.

Խնդրում եմ ինձ ուղարկել հասարակական կազակերպության կանոնադրության, արձանագրության տիպային նմուշ և այլ անհրաժեշտ փաստաթղթերի նմուշներ, որոնք անհրաժեշտ են ՀԿ գրանցելու համար: Շնորհակալություն
8a.asatryan շնիկ gmail.com

Հաշվապահական հաշվառման քաղաքականության օրինակելի ձև

Գոհար.

Բարև ձեզ: Խնդրում եմ իմ էլ. փոստին ուղարկել ՊՈԱԿ-ի հաշվապահական հաշվառման քաղաքականության օրինակելի ձև: Կանխավ շնորհակալություն:

ՀԿ գրանցման համար անհրաժեշտ փաստաթղթեր

Լենա.

Հարգելի հաշվապահներ, մենք ուզում ենք հիմնել ՀԿ: Կարո՞ղ եք ուղարկել պետական գրանցման համար անհրաժեշտ բոլոր փաստաթղթերի ձևանմուշները՝

1. Դիմում

2. Կանոնադրություն

3. Հիմնադիրների ժողովի արձանագրություն

5. Իրական շահառուների վերաբերյալ հայտարարություն

Էլ. փոստ՝ tadevosyan.lena շնիկ gmail.com

Կանխավ շնորհակալություն:

ՀԿ հիմնադիրների միջև կնքվող պայմանագրի օրինակելի ձև

Սերգեյ.

Խնդրում եմ ինձ ուղարկել ՀԿ հիմնադիրների միջև կնքվող պայմանագրի օրինակելի ձևը և հիմնադիրների ժողովի արձանագրության օրինակելի ձևը: Կանխավ շնորհակալ եմ:

ՊՈԱԿ-ը իր բուֆետում ցանկանում է սնունդ մատակարարել ուսանողներին

Syuzi.

Հարգելի հաշվապահներ, խնդրում եմ ինձ օգնեք: ՊՈԱԿ-ը իր բուֆետում ցանկանում է սնունդ մատակարարել ուսանողներին: Բուֆետապան ենք ընդունել աշխատանքի: Մենք շահույթ չենք հետապնդում, սնունդը պետք է վաճառվի որ գնով որ բերել ենք, նույն գնով վաճառենք ուսանողներին: Եթե հնարավոր է` բացատրեք փաստաթղթային շարժը:

Հարկման ո՞ր դաշտում են գտնվում հասարակական կազմակերպությունները

Սաթե.

Խնդրում եմ պատասխանել, թե հարկման ո՞ր դաշտում են գտնվում հասարակական կազմակերպությունները և ի՞նչ հաշվետվություններ են ներկայացնում: Կանխավ շնորհակալություն:

Կանխավճարի փոխանցման հաշվի օրինակ

Սուսաննա.

Հարգելի հաշվապահներ, անչափ շնորհակալ կլինեմ, եթե ինձ տրամադրեք կանխավճարի փոխանցման հաշվի օրինակ: Մենք նորաբաց ՀԿ ենք և մատուցելու ենք մեր առաջին ծառայությունը: Կանխավ շնորհակալ եմ:

ՀԿ-ին գումար են փոխանցել միջոցառում կազմակերպելու համար

Siranush.

Բարև ձեզ, սիրելի հաշվապահներ: Խնդրում եմ պատասխանել. եթե հասարակական կազմակերպությանը գումար են փոխանցել միջոցառում կազմակերպոլու համար, ապա ի՞նչ փաստաթուղթ պետք է ներկայացնի այդ կազմակերպությանը ՀԿ-ն (պայմանագիր, հաշվարկային փաստաթուղթ), թե՞ ոչինչ պետք չէ: Խնդրում եմ օգնեք ինձ: Շնորհակալություն:

Ֆիզիկական անձը ծառայություն է մատուցում հասարակական կազմակերպությանը

Սարգիս.

Բարև ձեզ,
խնդրում եմ պատասխանել հետևյալ հարցին.
Ֆիզիկական անձը որոշակի ծառայություն է մատուցում շահույթ չհետապնդող հասարակական կազմակերպությանը (օրինակ՝ ինտերնետային կայքի պատրաստում կամ ինչ-որ հետազոտություն կամ տվյալների հավաքագրում), կողմերի միջև ի՞նչ պայմանագիր պետք է կնքվի, ի՞նչ հարկեր պետք է վճարվի և ո՞վ պետք է վճարի հարկերը:

Նախապես շնորհակալ եմ:

ՀԿ գրանցելու համար

Sate.

Հարգելի ընկերներ, խնդրում եմ ասել` որքան է կազմում հասարակական կազմակերպության գրանցման համար նախատեսված պետական տուրքը: Եվ ես ունեմ բոլոր անհրաժեշտ փաստաթղթերը, արդյո՞ք հնարավոր է մերժեն ՀԿ գրանցումը: Շնորհակալություն:

Հասարակական կազմակերպության գրանցում

Իրինա.

Բարև ձեզ, հարգելի կոլեգաներ: Ես ցանկանում եմ հիմնադրել հասարակական կազմակերպություն: Խնդրում եմ հնարավորինս արագ արձագանքեք` ինչի՞ց սկսեմ, որտե՞ղ դիմեմ: Նախապես շնորհակալ եմ:

ՊՈԱԿ-ն ունի բյուջե և արտաբյուջե

Վարդուհի.

Բարև ձեզ, ձեր օգնության կարիքն ունեմ:
ՊՈԱԿ-ն ունի բյուջե և արտաբյուջե: Ինչպե՞ս ավելի ճիշտ կլինի` ամեն ծախսի համար տամ 2 ձևակերպում %-ային հարաբերությամբ բաշխած, թե՞ ավելի ռացիոնալ տարբերակ կա:

ՀԿ հիմնադիրների միջև կնքվող պայմանագրի օրինակելի ձև

Էմիլ.

Ողջույն, կարո՞ղ եք հուշել` որտեղից կարելի է գտնել ՀԿ հիմնադիրների միջև կնքվող պայմանագրի օրինակելի ձև և հիմնադիրների ժողովի արձանագրության օրինակելի ձև: Եթե ունեք, խնդրում եմ ուղարկել emilord շնիկ mail.ru էլ. հասցեով: Նախապես շնորհակալ եմ: