Tag: ԱԱՀ

Հասմիկ․

Հարգելի հաշվապահներ, ԱԱՀ վճարող ընկերությունը ծառայություն է մատուցում ԱԱՀ-ից ազատված ընկերությանը։ Խնդրում եմ մեկնաբանել, ճի՞շտ է արդյոք, որ Ծառայություն մատուցողը դուրս գրի հաշիվ վավերագիր, գործարքի տեսակը նշելով՝ “ԱԱՀ-ից ազատված”: Կանխավ շնորհակալություն։

Նարե․

Բարի օր։ Փետրվար ամսին բացել եմ ԱՁ, որը զբաղվելու է մազակալների վաճառքով։ Մազակալները ներմուծված էին շատ վաղուց, ուստի ձեռքբերման ոչ մի փաստաթուղթ չունեմ։ Բացի այդ նախատեսում էի միկրոձեռնարկատեր համարվելու հայտարարություն տալ։ Սա տեխնիկական խնդրի պատճառով չէր ներկայացվել, որի համար տուգանք նշանակվեց, և համարվեցի ԱԱՀ վճարվող։ Խնդրում եմ կհուշե՞ք՝ ի՞նչ պետք է անեմ։ Արդյո՞ք պետք է փետրվար ամսվանից սկսած ԱԱՀ հաշվարկ ներկայացնեմ և եթե այո, ապա ինչպե՞ս վարվեմ մինչ այս դուրս գրված “Բ”-ով հաշիվներին։ Արդյո՞ք սրանց 20%-ի մասով ԱԱՀ պետք է վճարեմ։ Շատ շնորհակալ կլինեմ ուղղորդելու համար։

Հասմիկ․

Բարև Ձեզ, հարգելի մասնագետներ։ Խնդրում եմ օգնել, կազմակերպությունն աշխատում է շրջանառության հարկով, նվազեցվող ծախսերը հաշվելիս եթե հաշիվը դուրս է գրվել ԱԱՀ-ով, ԱԱՀ-ն նույնպե՞ս ծախս ենք հաշվում, թե՞ առանց ԱԱՀ գումարն ենք հաշվում։

Լիլիթ․

Հարգելի հաշվապահներ, մարտ ամսին ԵԱՏՄ երկրից ՀՀ տարածք է ներմուծվել ցորեն, որը սահմանին հարկվել է ԱԱՀ-ով , որը վաճառվել է մայիս ամսին հարկային հաշվով, ՊԵԿ դիմումից հետո պարզ դարձավ, որ պետք է ՀՕ 64 հոդվածի համաձայն դուրս գրվեր հաշիվ վավերագիր, հարցս հետևյալն է՝ ԱԱՀ-ի վերաձևակերպումը ո՞ր ամսում պետք է անել և ինչպե՞ս։ ԿԱՆԽԱՎ ՇՆՈՐՀԱԿԱԼՈՒԹՅՈՒՆ։

Agata.

Բարև Ձեզ: ԱԱՀ վճարող կազմակերպությունն ունի ստացված հարկային հաշիվ, սակայն տվյալ ձեռքբերումը անմիջապես չի վերաբերում կազմակերպության գործունեությանը, այլ մշակութային բնույթի ծախս է (ներկայացման համար դահլիճի վարձակալություն): Արդյո՞ք տվյալ հաշվի ԱԱՀ-ն հաշվանցման ենթակա է: Եթե ոչ, ապա պակասեցումը ո՞ր հոդվածի համաձայն պետք է կատարել: Շնորհակալություն։

Արազ․

Բարև ձեզ, գրանցված եմ որպես ԱՁ և տարվա սկզբին մոռացել եմ շրջհարկի հետ կապված հայտարարություն ներկայացնեմ: 08.04.2025 ներկայացրե եմ ձև 216 օնլայն հարթակում, իսկ հիմա, երբ ուզում եմ լրացնեմ 286 ձևը 2025 երկրորդ եռամսյակի համար, համակարգը նշում է, որ տվյալ ժամանակահատվածում չեմ համարվել շրջանառության հարկ վճարող: Իսկ ԱԱՀ հաշվետվություն ներկայացնելուց էլ նշվում է՝ այս տարվա համար չեմ գրանցվել որպես ԱԱՀ վճարող: Կասե՞ք՝ ինչ պետք է անեմ:

Նարինե․

Բարև Ձեզ, եթե մի կազմակերպությունը ԱԱՀ-ով հարկվող ՍՊԸ է, ցանկանում է ստեղծել այլ ՍՊԸ, որտեղ ինքը հանդիսանում է որպես 100% բաժնետեր, ապա նոր ստեղծված ՍՊԸ-ն ի՞նչ հարկով է հարկվելու։ Տվյալ նոր ՍՊԸ-ն եթե շահաբաժին է վճարում իր հիմնադիր ընկերությանը, ապա դրանից ի՞նչ հարկեր են առաջանում։ Հիմնադիր ընկերությունը նոր ստեղծած ընկերության ծախսերի համար ներդրումները ի՞նչ ձևով կարող է անել՝ փոխանցման, թե՞ փոխառության ձևով։

Հայկ․

Բարև Ձեզ։ Հարկային օրենսգրքի 60-րդ հոդվածի 3-րդ մասի համաձայն՝
Բեռների, փոստի և (կամ) ուղևորների` ցանկացած տեսակի տրանսպորտային միջոցով փոխադրման տրանսպորտային ծառայության մատուցման գործարքը ԱԱՀ-ով հարկման օբյեկտ չի համարվում, եթե այն սկսվում և ավարտվում է Հայաստանի Հանրապետության տարածքից դուրս: Սույն մասի կիրառության իմաստով` տրանսպորտային ծառայություն է համարվում նաև այլ կազմակերպությունների և (կամ) ֆիզիկական անձանց միջոցով (ներգրավմամբ) Հայաստանի Հանրապետության տարածքից դուրս սկսվող և Հայաստանի Հանրապետության տարածքից դուրս ավարտվող բեռների, փոստի և (կամ) ուղևորների փոխադրման կազմակերպման միջնորդական գործունեությունը:

Հարց. ՀՀ ռեզիդենտ կազմակերպությունն իրականացրել է բեռնափոխադրում օտարերկյա Ա երկրից դեբի Բ երկիր։ Այս դեպքում ՀՀ ռեզիդենտ կազմակերպությունը հաշիվ չի՞ գրելու և եթե այս գործարքը ԱԱՀ-ով հարկվող օբյեկտ չի, ի՞նչ նրբություն կա։

Հերմինե․

Բարև Ձեզ։ Շրջանառության հարկով աշխատող ԱՁ-ն կարո՞ղ է դուրս գրել հարկային հաշիվ, հանձնել ԱԱՀ հաշվարկ և վճարել ԱԱՀ, եթե գործընկերը միայն այդ պայմանով է համաձայն համագործակցել։ Շահութահարկի դաշտ անցնելու ռիսկ կա։

Սուրեն․

Հարգելի հաշվապահներ, 2021 թվականին Ա/Ձ- ն իրականացրել է ներկրում ՌԴ -ից, որի արդյունքում առաջացել է ԱԱՀ 200 000 դրամի չափով, ինչը ամբողջությամբ մարվել է: Սակայն ներկրման հայտարարագիրը լրացվել է սխալ, քանի որ հայտարարագրում նշվել է հետաձգված ԱԱՀ: Ա/Ձ- ն 2022 թվականին դադարեձրել է իր գործունեությունը: 2025 թվականի հունվարին էլեկտրոնային համակարգում արտացոլվել է 200 000 ՀՀ դրամ ԱԱՀ պարտավորություն: Խնդրում եմ ասեք՝ ի՞նչ կարելի է անել, որպեսզի նույն հարկը կրկնակի չվճարենք: Հայտարարագրի ճշգրտում անել հնարավոր չէ կատարել, քանի որ լրացնելու պահից անցել է ավելի քան 3 տարի:

Հայկ․

Բարև Ձեզ։ ԱԱՀ-ով աշխատող ընկերությունն անվադողեր է ներմուծել (ԱՏԳԱ 4011)։ ՀՀ-ում վաճառելու է 25 000 ՀՀ դրամով՝ ներառյալ ԱԱՀ-ն։ 171 հոդվածի համնաձայն բնապահպանական վճարը 1 տոկոս է։

Հարց 1. ՀՀ վաճառքից պե՞տք է 208 ՀՀ դրամ բնապահպանական հարկ վճարի։
Հարց 2. Բնապահպանական հաշվետվություն հանձնելու՞ է։
Հարց 3. Ներմուծման ժամանակ վճարված բնապահպանական հարկը ինքնարժե՞ք է մտնում

Արևիկ․

Բարև Ձեզ։ Ընկերությունը աշխատում է ԱԱՀ-ով, Հայաստանից վաճառում է ապրանքների Wildberries – ի միջոցով և Հայաստանի ներսում և դուրս։
Երկու երկրների իրացումների համար միայն դուրս է գրվում հաշիվ ապրանքագիր, թե՞ Ռուսաստանի վաճառքների համար գրվում է հաշիվ վավերագիր։

Եվս Մեկ հարց․ եթե նախորդ ամիսներից հայտնաբերվել են պակաս դուրս գրված հաշիվներ, որոնք եղել են Վայդբերրիզ ՍՊԸ-ի ժամանակ, ոչ թե ԻՄՎԲԱՄ-ի, կարո՞ղ եմ հիմա Վայդբերրիզին գրել դրա հաշիվը:

Կարեն․

Բարև Ձեզ։ Ինքնահաշիվ գրելուց ԱԱՀ-ի դեբետի թիվը ԱԱՀ-ի հաշվետվության մեջ ո՞ր տողում է գրվում:

Սարգիս․

Բարև Ձեզ: ՀՀ Ռեզիդենտ ԱԱՀ վճարողը բեռնափադրում է կատարել A օտար երկրից B օտար երկիր։ Այս դեպքում հարկային օրենսգրքով ԱԱՀ-ով հարկման օբյեկտ չի համարվում, իսկ երբ ՀՀ-ից դեպի A օտար երկիր է բեռնափոխադրում, զրոյական դրույքաչափով է հարկվում։ Կասե՞ք՝ ի՞նչ տարբերություն կա այս դեպքերում։

Հայկ․

Բարև Ձեզ: Խնդրում եմ հուշեք՝ որտե՞ղ կարող եմ տեսնել ԱՁ-ի համար ներմուծման ԱԱՀ-ի և բնապահպանական հարկի վճարման հաշվեհամարները: Նախապես շնորհակալություն։

Քրիստինե․

Ոչ ռեզիդենտ կազմակերպությունից հաշիվ ենք ստացել, ծրագրի սպասարկման հաշիվ է։

1․ Ի՞նչ հաշվետվություններ պետք է տալ

2․ Այդ հաշիվը կարո՞ղ ենք ներառել ԱԱՀ-ի հաշվարկի մեջ

3․ Ի՞նչ հարկային պարտավորություններ կառաջանան

Շնորհակալ եմ նախապես։

Կոնստանտին Արզաքանյան․

Որպես ԱՁ ավտոսրահից բեռնատար ավտոմեքենա գնելու դեպքում, ԱԱՀ-ն հնարավո՞ր է որևէ կերպ հետ ստանալ։

Հասմիկ․

Խնդրում եմ պատասխանել հետևյալ հարցին՝ Դիվանագիտական ներկայացուցչության աշխատող ոչ ռեզիդենտ ֆիզ․ անձը ծառայություն է ստանում ՀՀ-ում գրանցված ԱԱՀ վճարող ընկերությունից։ Արդյո՞ք կարող եմ կիրառել ՀՀ Հարկային օրենսգրքի 65-րդ հոդվածով սահմանված ԱԱՀ-ի զրոյական դրույքաչափը՝ դիվանագիտական ներկայացուցչության կողմից տրամադրված տեղեկանքի հիման վրա։

Добрый день!

Уважаемые знатоки, подскажите, пожалуйста, какая сумма будет базой для исчисления НДС по предоставлению услуг организацией-нерезидентом. Например, поставщик из России оказывает армянской организации информационно-консультационные услуги. Стоимость 100 000 рублей. Услуги оказаны на территории Армении. Армянская организация, согласно ст. 70, выступает налоговым агентом, должна исчислить НДС и отразить его в отчетность. Какая сумма будет налоговой базой: 1) 100 000 руб. (в драмовом эквиваленте) с НДС 100 000*20%=20000 или 2) 83 333 с НДС 83 333*20%=16 667. Поставщику за услуги оплачены 100 000 руб. Заранее благодарю за ответы.

Գայանե․

Բարև Ձեզ, հարգելի հաշվապահներ, խնդրում եմ օգնել հետևյալ հարցում։ ՍՊԸ-ն, որի գործունեությունը արվեստի բնագավառն է, ունի միայն տնօրեն գրանցված, միջոցառումներ է կազմակերպում, մրցույթ փառատոններ, երեխաներն էլ անդամավճար են մուծում կազմակերպության հաշվին։ Նախորդ տարիների աշխատել է շրջհարկով, այս տարի շրջհարկի դիմումը չի ներկայացվել, մոռացել են։ Հիմա արդեն ԱԱՀ-ի դաշտ են ընկել։

Հարց 1․ Հիմա պե՞տք է նորից ԱԱՀ-ի հայտարարություն տալ

Հարց 2․ Կազմակերպությունը մեքենա է գնել, և 451 000 դրամ հարկ է վճարել։ Հիմա որ ԱԱՀ-ի դաշտ է ընկել, հնարավո՞ր է 20 % -ից նվազեցնել, և եթե հնարավոր է, ինչպե՞ս պետք է անել։

Խնդրում եմ օգնել, նախապես շնորհակալ եմ։

Վահե․

Հարգելի հաշվապահներ, կազմակերպությունը աշխատում է ընդհանուր հարկման դաշտում և զբաղվում է սննդամթերքի արտադրությամբ, ժամկետանց իրացված ապրանքի վերադարձի ժամանակ նվազեցնում է այդ ապրանքի արտադրության հետ կապված ԱԱՀ։ Հարց․ Շահութահարկի հաշվարկում այդ չնվազեցված ԱԱՀ կարելի՞ է ծախս ճանաչել, խնդրում եմ հղում տալ օրենքի հոդվածին:

Արմինե․

Բարև Ձեզ, հարգելի հաշվապահներ։ Խնդրում եմ ուղղորդել հետևյալ հարցում. Կազմակերպությունը (ԱԱՀ-ի դաշտում աշխատող) 2025թ.-ի փետրվար ամսին լիզինգով ձեռք է բերել ավտոմեքենա, որի համար վճարել է կանխավճար: Կանխավճարի համար լիզինգատու բանկի կողմից դուրս է գրվել հարկային հաշիվ, որում ԱԱՀ-ի գումարը կազմել է 3 200 200 դրամ: Այն ստորագրվել է մեր կողմից և արտացոլվել Փետրվար ամսվա ԱԱՀ-ի հաշվարկում: Արդյունքում մարտ ամսվա համար առաջացել է 1 500 000 դրամ դեբետային մնացորդ: Խնդրում եմ պատասխանել՝ մարտ ամսվա հաշվարկի 20-րդ տողում ինչպե՞ս լրացնեմ, որ ճիշտ լինի: Իմ իմանալով 20 տող Ավելացում /Ա/ 1 500 000, 20/1/ տող 1 500 000 հոդված 72 հոդված, 1-ին մաս, 9-րդ կետ: Արդյո՞ք ճիշտ եմ: Կանխավ շնորհակալություն։

Նոնա․

Բարև Ձեզ։ Ռեզիդենտ կազմակերպությունը 2024թ.-ին ՀՀ տարածքում հարկային հաշվով ձեռք է բերել 9406 90 310 0 ԱՏԳԱԱ ծածկագրով ջերմատուն կոնստրուկցիաներով՝ որի ներմուծումը ազատված է եղել ԱԱՀ-ից ՀՕ 64-րդ հոդվածի 2-րդ մասի 20-րդ կետի հիմքով։ Ջերմատունը շահագործման համար մատչելի դարձնելու համար ձեռք են բերվել անհրաժեշտ նյութեր և որոշակի աշխատանքներ, այդ թվում՝

• ջեռուցման համակարգի ներդրում,
• ավտոմատ կառավարման համակարգի տեղադրում,
• հողային և այլ աշխատանքներ,

Ներկայումս կազմակերպությունը նախատեսում է ջերմոցը՝ արդեն շահագործման համար պատրաստ վիճակում օտարել։ Ցանկանում եմ նշել նաև, որ համաձայն ՊԵԿ-ի 2020 թվականի սեպտեմբերի 24-ի թիվ 79 իրազեկման թերթիկի՝ 9406 90 310 0 ԱՏԳ ԱԱ ծածկագրով ապրանքի օտարումը ևս համարվում է ԱԱՀ-ից ազատված: Արդյո՞ք շահագործման համար պատրաստ վիճակում գտնվող ջերմոցի օտարումը, պահպանելով նույն ԱՏԳԱԱ կոդը, համարվում է ԱԱՀ-ից ազատված գործարք՝ հիմք ընդունելով ՀՕ 64-րդ հոդվածի 2-րդ մասի 20-րդ կետը։

Արմինե․

Բարև ձեզ։ ԱԱՀ-ով աշխատող կազմակերպությունը սեպտեմբերին ԱՄՆ-ից ներմուծել է մարդատար ավտոմեքենա, որի մաքսային արժեքը կազմում է 2 821 244, վճարվել է ներմուծման մաքսատուրք՝ 564 249, բնապահպանական հարկ՝112 850 և ԱԱՀ՝ 677 099։ Վաճառվել է 28․03․2025-ին, 4 140 000 դրամով (ներառյալ ԱԱՀ)։ Հաշվարկվել է մաշվածություն 218 650 դրամ։ Խնդրում եմ ասել, թե որքան շահութահարկ կառաջանա այս դեպքում։ Կանխավ շնորհակալ եմ։

Նարեկ․

Բարև Ձեզ։ Շրջանառության հարկով աշխատող կազմակերպությունը ներմուծում է ապրանք, որի ժամանակ առաջանում է մաքսատուրք և ԱԱՀ։ Հարցս հետևյալն է՝ մաքսատուրքը և ԱԱՀ-ն ավելանու՞մ է ապրանքի արժեքին և համարվու՞մ է ծախս 2025թ-ի համար։

Տիգրան․

Բարև Ձեզ, հարցս գյուղատնտեսությամբ զբաղվող կազմակերպության մասին է։ ԱՁ -ն նոր է բացվել և չի տվել շրջհարկի կամ միկրոյի հայտարարություն։ Հարկայինը ճանաչել էր ԱՁ-ին ԱԱՀ վճարող։

Արմինե․

Բարև Ձեզ։ Կազմակերպությունն արտադրում է հիդրոպոն համակարգ և վաճառում։ Կասե՞ք՝ գործարքն ԱԱՀ-ից ազատվում է, թե՞ ոչ։

Սամվել․

Հարգելի գործընկերներ, արդյո՞ք ԱԱՀ վճարող համարվող կազմակերպությունը կարող է այլ կազմակերպությանը փոխառություն տրամադրել, և ի՞նչ հարկային պարտավորություններ կառաջանան։

Վիկա․

Բարև ձեզ։ ԱԱՀ–ով աշխատող կազմակերպությունը կատարել է աշխատանք ՌԴ համար, որն էլ համարվում է աշխատանքների կատարման վայր։ Ըստ ԵԱՏՄ պայմանագրի, աշխատանքի կատարման համար 20/120 տոկոս ԱԱՀ–ն վճարում է ՌԴ–ն՝ պահելով մեզանից հարկի գումարը։ Ինչպիսի՞ հաշիվ պետք է դուրս գրենք՝ 0%։ Իսկ ԱԱՀ–՞ն։ Շնորհակալ եմ։

Ալլա․

Բարև ձեզ։ Եթե պետական ոչ առևտրային հաստատությունը շինարարական աշխատանքների գնում է իրականացնում, որը պետության կողմից տրամադրված սուբվենցիայի հիման վրա է ֆինանսավորվում։ Նման դեպքում կապալառու կազմակերպությունը ԱԱՀ ազատվածի հաշիվ է դուրս գրում, թե՞ կապալառու կազմակերպության համար ֆինանսավորման աղբյուրը կապ չունի, ինքը սովորական հարկային հաշիվ է դուրս գրում։