Tag: դադարեցում

Հեղինե․

Բարև ձեզ։ Հարգելի հաշվապահներ, խնդրում եմ օգնեք։ Ֆիրման 2022թ գրանցվել է և աշխատել ԱԱՀ դաշտում։ Տարվա վերջին դիմել է լուծարման համար։ Լուծարման պրոցեսը դեռ չավարտված, տնօրենը գրանցել է ԱՁ, շրջհարկի դաշտում։ Հարցս հետևյալն է. տնօրենն իրավունք չունի՞ աշխատելու շրջհարկով, քանի դեռ ֆիրման լուծարման փուլում է։ Կանխավ շնորհակալ եմ։

Iskan.

Բարև Ձեզ, հունվարի 20-ին բացել եմ ԱՁ, ՏՏ ոլորտում եմ աշխատում, հունվարի 23-ին ներկայացրել եմ հաշվետվություն շրջանառության հարկով աշխատելու վերաբերյալ։ Աշխատելու եմ Ռուսաստանում գտնվող կազմակերպության հետ, սակայն գործը ավարտելուց հետո (կավարտեմ մինչը 31․01․2023) ցանկանում եմ գործունեության ժամանակավոր դադարեցման հայտ ներկայացնել։ Խնդրում եմ կասե՞ք՝ ի՞նչ հաշվետվություններ պետք է ներկայացնեմ, ե՞րբ, և ի՞նչ հարկեր պետք է վճարեմ, բացի շրջհարկից։ Եվ 232 հաշվետվության ո՞ր տողում պետք է լրացնեմ ստացված եկամտիս չափը։ Կանխավ շնորհակալություն։

Տիրուհի․

Բարև Ձեզ։ Եթե ԱՁ-ն անորոշ ժամկետով դադարեցրել է գործունեությունը դեկտեմբերի 20-ին, դեկտեմբեր ամսվա շահութահարկը և սոց․ վճարը, համապատասխան հաշվետվությունը ներկայացվել է, հունվարից այլևս շահութահարկ չի վճարելու 125հ-ի 3,1 համաձայն, իսկ սոց․ վճար և՞ս չի վճարելու։ 2022թ աշխատում էր։

Մարիամ․

Բարև ձեզ, ԱՁ-ն հաշվառումից հանելուց հետո անհրաժե՞շտ են արդյոք որևէ այլ գործողություններ՝ հաշվի առնելով, որ չեմ պլանավորում երբևիցե վերսկսել:

Լիլիթ․

Բարի Ձեզ, հարցս հետևյալն է․ եթե ՍՊԸ -ն 2022-ին գործունեության դադարեցման հայտարարություն է տվել և մինչ այժմ վերսկսում չի տվել, շրջհարկ վճարող համարվելու դիմում 2023-ի համար հիմա՞ պետք է տա , թե՞ գործունեությունը վերսկսելուց հետո։

Արթուր․

Բարև Ձեզ, ես ցանկանում եմ իմ ԱՁ-ն ժամանակավոր դադարեցնել, լրացրել եմ 207 ձևը, սակայն 9 ձևը չկա իմ հաշվետվությունների ցանկում: Ինչպե՞ս գտնել, որ կարողանամ ՀԴՄ-ն էլ դադարեցնեմ:

Տիրուհի․

Բարև Ձեզ։ ԱՁ-ն բացվել է 10․12․2022 թ-ին, սակայն գործունեություն իրականացնելու է հունվարից։ Շրջանառության հարկով աշխատելու դիմումը ներկայացվել է։ Ժամանակավոր գործունեությունը դադարեցնելու դիմում տալու դեպքում արդյո՞ք պետք է վճարվի դեկտեմբեր ամսվա 5 000 շահութահարկի և 5 000 սոց վճարի գումարները։

Սվետա․

Բարև Ձեզ։ Խնդրում եմ օգնել ինձ։ ԱՁ -ն աշխատում շրջ. հարկով մայիս ամսվանից: Չունի գրանցվաց աշխատող և չի վճարում սոց վճար: Հարցեր.

1․ Եթե ցանկանա ժամանակավոր դադարեցում տալ, ինչպե՞ս է դա արվում

2․ Եթե ամսական կտրվածքով չի վճարել եկամտային հարկ, ապա դա պիտի անի մինչև ապրիլի 20-ը, թե՞ դադար ձևակերպելուց հետո

3․ Նաև տարեկան հաշվետվությունները․ խնդրում եմ ասել հաշվետվության ձևերը, որը պիտի լրացնել (շրջանառության հարկը վճարվել է ժամանակին):

Շնորհակալ եմ:

Սուրեն Գեղամյան․

Բարև Ձեզ, գրանցել եմ ԱՁ, որը դեռևս չի գործում: Խնդրում եմ պարզաբանել՝ չգործող ԱՁ-ն ունի՞ հարկային պարտավորություն, և ո՞րն է դա: Շնորհակալություն:

Մելինե.

Բարև Ձեզ։ Եթե նոր Ա/Ձ ենք բացել /դեռ 20 օրը չի լրացել/ և դեռ հարկային դաշտի ընտրության որևէ հայտարարություն չենք ներկայացրել ու հիմա անհրաժեշտություն է առաջացել Ա/Ձ-ն փակել։ Արդյո՞ք կարող եմ առանց որևէ հարկային դաշտի ընտրության լրացնել Ա/Ձ-ի գործունեության դադարեցման 207 ձևը: Եվ արդյո՞ք որևէ հարկային պարտավորություն կունենամ։

Սիրանուշ․

Հաշվապահներ ջան, մի այսպիսի հարց ունեմ։ ԱՁ-ն այս ամսվա վերջին պետք է ժամանակավոր դադարեցում տամ։ ԱՁ-ն ունի դեբիտորական և կրեդիտորական պարտավորություններ։ Ի՞նչ խնդիրներ կունենամ։

Լիանա․

Բարև Ձեզ։ ԱՁ-ն աշխատում է հարկման ընդհանուր դաշտում (շահութահարկ / ԱԱՀ), սոց․ վճար վճարող է, աշխատող չունի, աշխատել է մի քանի ամիս, պետք է դադարեցում տա, շրջանառությունը 0 է։ Ամսական 5 000 սոցիալական վճար և 5 000 եկամտային հարկ ունի՞ վճարելու։ Դրոշմանիշային վճար չունի, չէ՞։

Բարև բոլորին: Ինձ ո՞վ կարող է ասել՝ կազմակերպությունը հուլիսին գրանցվել է ու չի մոտեցել հաշվապահություն, ոչ էլ գործ է արել, անցել է ԱԱՀ։ Հիմա պետք է ես զրոյականներ ուղարկե՞մ ու դադար տամ, հունվարից նորի՞ց բացեմ, որ միկրո կարողնամ հայտ տամ։

Լիանա.

Բարև ձեզ։ Ա/Ձ-ն պետք է դադար տա։ Աշխատող չունի, շրջանառությունը 0 է։ Զրոյական հաշվետվեւթյուններից բացի հարկային պարտավորություններ կա՞ն՝ սոց. 5000, եկ․ 5000 և դրոշմանիշային։ Հարկատեսակը կա՞պ ունի։

Մարիաննա.

Բարև ձեզ, հարգելի հաշվապահներ։ Ա/Ձ բացել եմ 2022-ի սեպտեմբերի 30-ին և գործունեությունը դրսի հետ է՝ ՏՏ ոլորտ։ Այս ամիս աշխատավարձը հաշվին կնստի և եռամսյակային շրջհարկ հունվարին կտամ։ Կարո՞ղ եմ նոյեմբերի 1-ով Ա/Ձ-ի ժամանակավոր կասեցում տալ։ Եվ եթե այդպես անեմ, 2023-ին մինչև ապրիլ 240 և 244 ձևերը միայն հոկտեմբեր ամսվա համար կլինի տա՞մ։ Կանխավ շնորհակալություն։

Մաշա․

Ողջույն, հարգելի հաշվապահներ։ Դեղատունը գտնվում է ժամանակավոր դադարի մեջ, դեղերի մեծ մասը վաճառել է այլ դեղատնային գործունեություն իրականացնող տնտեսվարողի, որի համար գրվել է հաշվարկային փաստաթուղթ, բայց կա նաև մոտ 20 մլն-ի ապրանքային մնացորդ։ Ի՞նչ խնդիր կա, եթե ապրանքը ուղղակի մնա և ոչինչ չարվի, կազմակերպությունը աշխատում է շրջ․ հարկով։ Կանխավ շնորհակալ եմ։

Լուսինե.

Բարև ձեզ: Խնդրեմ ինձ հստակ պատասխան կտա՞ք, եթե Ա/Ձ-ն՝ միկրոյի հարկման դաշտում աշխատող, 15.10.2022 գնալու է ֆիզ. արձակուրդ, ե՞րբ պետք է Ա/Ձ դադարեցում տամ։

Երվանդ.

Շրջ. հարկով աշխատող ՍՊԸ 2022թ. օգոստոսի 1-ից գործունեությունը անորոշ ժամանակով դադարեցրել է: Այդ ՍՊԸ ցանկանում է փակվել: Խնդրում եմ նշել փակման գործընթացի քայլերը: Կանխավ շնորհակալ եմ:

Սերյոժա.

Հարգելի մասնագետներ,
Ա/Ձ-ն բացվել է մի քանի օր առաջ (դեռ 20-օրյա ժամկետի մեջ է), ոչ մի դիմում կամ գործարք իրականացված չկա։ Հիմա ուզում եմ ժամանակավոր դադարեցնել գործունեությունը։
1․ Որևէ հաշվետվություն պե՞տք է ներկայացնել։
2․ Հետագայում նորից գործունեությունը սկսելու համար որևէ խնդիր կունենա՞մ։

Լիլի.

Բարև Ձեզ, հարգելի հաշվապահներ։ ԱԱՀ֊ով աշխատող ՍՊԸ-ն հունիսից ժամանակավոր դադար եմ տվել (ՍՊԸ֊ն գրանցվել է ապրիլին, լրիվ զրոյական է եղել, չի աշխատել)։ Այսօր եմ տեսել, որ տնօրենին չեմ ազատել։ Հիմա, եթե ազատեմ` խնդիր կլինի՞, թե՞ ազատեմ ու տամ 0-ական 189, 260 հուլիսի և օգոստոսի համար։

Գոհար.

Բարև Ձեզ։ Ինչպե՞ս կարող եմ կասեցնել Ա/Ձ գործունեությունը։ Կանխավ շնորհակալ եմ։

Լուսինե.

Խնդրում եմ հուշեք, թե ո՞րն է լինելու իմ քայլերը: ԱՁ-ն բացվել է հուլիսին ու դադարեցման հայտ պետք է տամ օգոստոսի համար: ԱԱՀ-ի հարկման դաշտում է: Մինչև դադարեցում տալը ի՞նչ հաշվետվություն պետք է տամ, ի՞նչ վճարումներ պետք է լինեն:

Աննա․

Բարև Ձեզ, կարո՞ղ եք ինձ օգնել սկզբնական շրջանում, առաջին անգամ եմ ԱԱՀ-ով աշխատում։ ԱՁ բացվել է մոտ 8 տարի առաջ որպես հագուստ վաճառող, բայց բացվել էր զուտ վարկ վերցնի, երբեք գործունեությամբ չի զբաղվել, ներկայացրել էր որպես շրջհարկով կազմակերպություն, մեկ տարի հետո վարչական է վճարել, հիմա դարձել է ԱԱՀ վճարող։ 01.08.2022-ից սկսում է այլ գործունեությամբ աշխատել, պե՞տք է հարկային հայտ ներկայացնել, որ գործունեություն է սկսվում, թե միայն ՀԴՄ միացնելով արդեն պարզ էր, և մի հարց էլ՝ ԱՁ-ի մոտ հնարավո՞ր է հաստիք զբաղեցնել, թե՞ ոչ։

Իսկ եթե ԱՁ աշխատում է ԱԱՀ -ով, վաճառքը կատարվում է և՜ ՀԴՄ-ով, և՜ հաշիվ ֆակտուրայով: Հարցս հետևյալն է՝ 20% պիտի վճարեմ և՜ ՀԴՄ վաճառքից, և՜ հֆ-ի՞ց։

Հասմիկ․

Բարի օր, հարգելի կոլեգաներ։
2022թ․ մայիսի 1-ից ժամանակավոր դադարի 207 ձև եմ ուղարկել: Աշխատակիցները ազատվել են: Հիմա 01 օգոստոսից սկսում ենք աշխատել: Ուղարկել եմ 207 ձև և աշխատակիցներին ընդունել եմ աշխատանքի: Հարցս հետևյալ է․ 201 ձև նորից ուղարկվու՞մ է:

Ժաննա.

Բարև Ձեզ։ Անհատ ձեռնարկատերը առևտուր է իրականացնում և աշխատում է միկրոյով, գրանցված աշխատող չունի։ Եթե գնալու է ֆիզ. արձակուրդ՝ դեկրետ, պե՞տք է դադարեցնի Ա/Ձ, որպեսզի ստանա ֆիզ. արձակուրդի գումարը, և կխնդրեի մոտովոր չափը ստանալիք գումարի:

Գոհար.

Բարև ձեզ։ ՍՊԸ-ն բացվել է, հայտարարությունը տվել ենք շրջհարկի, բայց 1 օր անց դադարեցրել ենք։ Կասեք՝ ի՞նչ հարկային պարտավորություն կառաջանա։ Նշեմ, որ գրանցված աշխատող չունի և ֆինանսական խորհրդատվական կազմակերպություն է։

Սյուզաննա․

Բարև Ձեզ, հարգելի ընկերներ։

Ա/Ձ հունվարից դադարեցում եմ տվել, ՀԴՄ դադարեցրել եմ, բայց հաշվետվությունների ներկայացման էլ․ համակարգի իմ էջում դրոշմանիշայն հարկ է երևում 96 000։ Խնդրում եմ ասեք՝ արդյո՞ք դա այդպես պետք է լինի։

Գոհար.

Բարև ձեզ։
Մի երկու ամիս առաջ Ա/Ձ եմ բացել, բայց ոչ մի գործարք չեմ կատարել։ Այսինքն՝ չեմ «աշխատացրել»։ Փակելու դեպքում գումար պե՞տք է վճարենք։

Սոֆյա.

Հարգելի հաշվապահներ, եթե ԱՁ-ն որոշել է ժամանակավոր դադարեցնել իր գործունեությունը, սակայն ունի մեկ աշխատող ով գտնվում է երեխայի խնամքի արձակուրդում, կարո՞ղ է արդյոք դեկրետայինի գումար հաշվարկել նրան գործունեության դադար տալուց հետո ներկայացրած երկրորդ երեխայի համար:

Վարդուհի․

Բարև ձեզ: Հարգելի հաշվապահներ, այսպիսի հարց ունեմ․ ԱՁ-ն եթե անորոշ ժամկետով կասեցնում կամ լուծարվում է, և այդ ընթացքում 3 տ երեխայի խնամքի արձակուրդում աշխատակից է ունենում, ի՞նչ պետք է անի, ծանուցի աշխատակցին դադարի մասին, եթե վերականգնի գործունեությունը, կարո՞ղ է աշխատակիցը նորից ստանալ խնամքի գումարը։