Tag: ծախսի հիմնավորում

Ինչպե՞ս ստեղծել պահուստային ֆոնդ

Թամարա․

Բարև Ձեզ, հարգելի հաշվապահներ։ Ասացեք խնդրեմ՝ ինչպե՞ս են ստեղծում պահուստային ֆոնդ անհուսալի դեբիտորական պարտքը ծախսագրելու համար, ի՞նչ ձևակերպումներ կան, և կա՞ արդյոք վաղեմության ժամկետ։ Շնորհակալություն:

Ներմուծում երրորդ երկրից

Սերգեյ․

Բարև ձեզ։ Ես ԱՁ եմ, աշխատում եմ միկրոյով, երրորդ երկրից ներմուծման պատվեր ունեմ (գրանտային ծրագրով)։ Ազատված եմ ԱԱՀ և մաքսայինից։
Հարց.
1. Ներմուծման ծախս եմ հաշվելու սարքավորումների արժեքը և բեռնափոխադրման վճարը, իսկ մնացածի համար վճարում եմ 18%՞
2. եթե ուզում եմ մարդ վարձել, որ գնա արտասահման ու ստուգի սարքավորումների սարքինությունը և հետևի բարձման գործընթացին, ապա կարո՞ղ եմ դա ծախս ներկայացնել։ Եթե այո, ապա թղթաբանորեն ինչպե՞ս ձևակերպել

Կանխավ շնորհակալություն։

Դեբիտորական պարտքերի դուրսգրում

Նելլի․

Բարև ձեզ, հարգելի հաշվապահներ։ Եթե կազմակերպությունը ունի դեբիտորական պարտքեր, որոնք չեն մարվել արդեն 3-4 տարի, կարո՞ղ եմ լրիվ դուրս գրել և շահութահարկով ծախս ճանաչել։ Ասեմ, որ ոչ մի տարում պահուստային ֆոնդ չի եղել ստեղծված։ Շնորհակալություն։

Համակարգչի ձեռքբերում ԱՁ կողմից

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Ձեռքբերում գյուղացուց

Լիանա․

Բարև Ձեզ։ Գյուղացուց փաստաթղթավորված (ոչ էլեկտրոնային) ձեռքբերումը կարո՞ղ ենք շարունակել ծախս ճանաչել։ Հարցս վերաբերում է շրջանառության հարկով և ԱԱՀ- ով հարկվող կազմակերպություններին։

Ծախսի հիմնավորում

Անի Աբրահամյան․

Աշխատակիցը մասնակցել է մասնագիտական դասընթացների ու ներկայացրել է կտրոն։ Արդյո՞ք բավական է դա ծախսը որպես հիմնավորված ծախս ձևակերպելու համար։

Արդյո՞ք ծախսերը ենթակա են նվազեցման

Աննա․

Ընկերությունն իր գործունեությունը սկսելու համար կատարել է իրեն չպատկանող նոր ճանապարհի կառուցման և ասֆալտապատման աշխատանքներ: Այդ ծախսերը շահութահարկով չնվազեցվո՞ղ են համարվում։ Նախապես շնորհակալ եմ պատասխանների համար:

ԱՁ հաշվի քարտով գնումների կատարում

Անի․

Ողջույն։ Արդյո՞ք ԱՁ-ի հաշվի քարտով գնումներ կատարելիս, հետագայում որպես ծախս ձևակերպելու հնարավորություն ունենալու համար, պարտադիր է նշել, որ ԱՁ-ի համար է կամ օնլայն քարտի անունն լրացնելիս նշել ԱՁ:

Իմ հասկանալով՝ պարտադիր չէ: ԱՁ-ն համարվում է Ֆիզ. անձ և իր գույքով է պատասխանատու: Բացի այդ, բիզնես հաշիվ ունենալն օրենքով պարտադիր չէ, զուտ ցանկալի է հարկային գործերն հեշտացնելու համար: Այս տրամաբանությամբ, ստացվում է՝ նույնիսկ անձնական հաշվից բիզնեսի ծախս անելն ընդունելի պետք է լինի: Իսկ բիզնես հաշվից ծախսն, նույնիսկ առանց ԱՁ նշելու, ինքնին ենթադրում է բիզնեսի ծախս:

Տրանսպորտային ծախսերի ձևակերպում

Գայանե․

Բարև Ձեզ, հարգելի հաշվապահներ։ Ինձ կօգնե՞ք հետևյալ հարցում․ հասարակական կազմակերպությունը հաշմանդամություն ունեցող երեխաների ծրագրով է աշխատում, երեխաներին էքսկուրսիա տանելու համար տրանսպորտային ծախսը ինչպե՞ս կարող եմ իրականացնել։ Մենք ունենք տաքսու վարորդ՝ պայմանագիրը թեթև մարդատար մեքենայի է։ Հիմա մեզ պետք է 15 տեղանոց մեքենա։ Ինչպե՞ս իրականացնեմ ծախսերս։ Վարորդին պետք է քաղաքացիաիրավականով գրանցել, թե՞ ոչ, կամ այլ տարբերակ կա՞ արդյոք։Կանխավ շնորհակալ եմ։

Վճարում ԱՁ քարտից

Էրիկ․

Բարև ձեզ, կխնդրեմ օգնեք։ ԱՁ ունեմ, կայք է ինֆորմատիվ, սերվերի վճար եմ կատարում գերմանական ընկերությունում ԱՁ քարտից։ Դրա համար ի՞նչ փաստաթուղթ է պետք ստեղծել, որպեսզի արտացոլվի կատարած ծախսերի մեջ հարկայինում։

Պե՞տք է գրել ինքնահաշիվ

Նունե․

Հարգելի հաշվապահներ, ԱԱՀ-ով աշխատող կազմակերպությանը ծառայություն է մատուցել Ռուսաստանում գրանցված և հարկեր մուծող կազմակերպությունը, ունեմ invoice։

1. Պե՞տք է գրել ինքնահաշիվ

2. Շահութահարկից նվազեցվու՞մ է այդ ծախսը

Ընկերությունը ունի իրանցի աշխատակից

Կարեն․

Բարև Ձեզ։ Ընկերությունը ունի իրանցի աշխատակից, ով չունի ՀՀ անձնագիր, սոց․ քարտ, կացության քարտ։

Հարց 1․ Այդ աշխատակցի հետ կար՞ող եմ կնքել պայմանագիր

Հարց 2․ Առանց այդ փաստաթղթերի որքա՞ն ժամանակ կարող է աշխատել։

Հարց 3․ Այդ աշխատակցին վճարված աշխատավարձը պե՞տք է հարկեմ եկամտային հարկով 20 տոկոս՝ ցույց տալով եկամտային հարկի հաշվետվությունում այլ տողի մեջ։

Հարց 4․ Շահութահարկից կար՞ող եմ նվազեցնել այդ աշխատավարձը։

Ոչ ռեզիդենտի շահութահարկի ձևակերպում

Նարեկ․

Հարգելի հաշվապահներ, խնդրում եմ օգնել տալ հաշվապահական ձևակերպումները ոչ ռեզիդենտից ստացված ծառայությունների մասով, օրինակ՝ 01․09․2023-ին ստացվել է ծառայություն ոչ ռեզիդենտ կազմակերպությունից՝ 100 դոլար արժեքով, վճարվել է քարտով 01․09․2023-ին 100 դոլար, ինքնահաշիվ դուրս է գրվել 07․09․2023-ին, խնդրում եմ տալ հաշվապահական ձևակերպումները և պատասխանել հարցին՝ ո՞ր փոխարժեքով արժեքը հիմք վերցնել ծառայությունը ծախս ճանաչելու համար՝ ինքնահաշվի փոխարժեքը, թե՞ վճարման օրվա փոխարժեքը։

Ինչպե՞ս կազմել առհաշիվ հաշվետվությունը

Նարե․

Բարև Ձեզ։ Հարգելի հաշվապահներ, եթե կազմակերպության աշխատողին փոխանցվել է գումար կազմակերպության մեքենայի նորոգման համար, ինչպե՞ս պետք է կազմել առհաշիվի հաշվետվություն, եթե բոլոր ծառայություններն ու ապրանքները ձեռք են բերվել շուկայից առանց ՀԴՄ կտրոնների։

Լողավազանի աբոնեմենտի նվիրատվություն

Շուշանիկ․

Բարև ձեզ, հարգելի գործընկերներ: Խնդրում եմ պատասխանել հարցիս: Խնդիրը հետևյալն է` ընկերությունը մի անձի համար գնում է լողավազանի աբոնեմենտ, որը նրա աշխատակիցը չէ: Այսպես ասած՝ ընկերության կողմից ինչ որ նվեր: Ի՞նչ օրենքով է կարգավորվելու այդ աբոնենտի գումարը տվյալ ընկերությունը: Արդյո՞ք կարող է եկամտային հարկ առաջանա, և արդյո՞ք կարող է շահութահարկի գծով ծախս ճանաչվել ընկերության կողմից: Կանխավ շնորհակալ կլինեմ պատասխանի համար։

Փոփոխությունները նոտարով չեն հաստատվել

Հայկ․

Բարև Ձեզ: 2010 թվականից ունենք անշարժ գույքի վարձակալության պայմանագիր՝ հաստատված նոտարով: Ժամանակի ընթացքում պայմանագրի գնի փոփոխություններ են եղել, որոնք չեն հաստատվել նոտարով: Շրջհարկով աշխատելու ընթացքում վարձակալության վճարները ծախս եմ ճանաչել: Այժմ արդեն աշխատում ենք ընդհանուր հարկման դաշտում: Կարո՞ղ եմ արդյոք հաշվանցել ԱԱՀ-ն և գումարը շահութահարկով ծախս ճանաչել: Եթե ոչ, ապա ի՞նչ պետք է անել: Շնորհակալություն։

Ծախսեր առանց հիմնավորող փաստաթղթերի

Շուշանիկ․

Ի՞նչ գումարի սահմաններում և ի՞նչ տիպի ծախս կարող է կատարել տնօրենը կազմակերպության հաշվից (շրջհարկով աշխատող, ծառայություն մատուցող կազմակերպության դեպքում), առանց ծախսը հիմնավորող փաստաթղթերի։

Շահութահարկի նվազեցում

Արեն․

Բարև ձեզ, հարգելի հաշվապահներ: Խնդրում եմ օգնեք հետևյալ հարցում: Կազմակերպությունը հանդիսանում է ԱԱՀ վճարող: Իրականցնում է ՏՏ ոլորտի ծառայությունների մատուցում օտարերկրյա կազմակերպություններին: 2023 թվականին հունիսի 30 ին կատարել է ՏՏ ոլորտի ծառայության մատուցում 45 000 դոլլարի չափով:

ՀՀ կազմակերպությունը այլ ոչ ռեզիդենտ կազմակերպության հետ ունի պայմանագիր և 01.03.2023 թվականից մինչև 2023 թվականի դեկտեմբերի 31 ը ոչ ռեզիդենտ կազմակերպությունը ՀՀ կազմակերպությանը պետք է մատուցի խորհրդատվական, մարկետինգային և վերապատրաստման ծառայություններ ամբողջ արժեքը 30 000 ԱՄՆ դոլլար:

Հարց 2023 թվականի շահութահարկը հաշվարկելիս կարո՞ղ է ՀՀ կազմակերպությունը 45 000 դոլլար համախառն եկամտից նվազեցնել 30 000 ԱՄՆ դոլլար ծախսը։ Կա՞ որևէ սահմանափակում։

ԱՁ անալիտիկ հաշվառում

Թինա․

Բարև Ձեզ, հարգելի հաշվապահներ։ ԱՁ-ն աշխատում է միկրոյի դաշտում: Զբաղվում է մանրածախ առևտրով: Արդյո՞ք ՀԴՄ կտրոնը կհամարվի հիմնավորող փաստաթուղթ։

Եվ խնդրում եմ հուշել անալիտիկ հաշվառման հետ կապված, այն պարտադի՞ր է բոլոր ԱՁ-ների համար անկախ հարկման տեսակից։ Խնդրում եմ անալիտիկ հաշվառման օրենքին հղում տալ:

Շնորհակալություն:

Հանրային սննդի գործունեություն

Շուշանիկ․

Խնդրում եմ պարզաբանել․ ԱՁ-ն, որը աշխատում է շրջանառության հարկով հանրային սննդի ոլորտում և դեռ աշխատող չունի, ի՞նչ հարկային հաշվետվություններ և վճարներ պետք է ներկայացնի։ Եվ արդյո՞ք շրջ. հարկի հաշվետվության ծախսերի տողում պետք է ներառել աշխատավարձը։

Ապրանքի վաճառք գնման ակտով

Էդիտ․

Բարև ձեզ, հարգելի հաշվապահներ։ Կխնդրեմ օգնել այսպիսի մի հարցում: Ֆիզ անձը, ով ներմուծել է էլեկտրոնային սիգարետներ ԵՏՄ-ից, կարո՞ղ է ՍՊԸ-ի վրա այդ քանակը վաճառել գնման ակտով: Եվ արդյո՞ք ՍՊԸ -ն այդ ակտը կարող է ծախսագրել որպես ապրանքների ինքնարժեք: Կանխավ շնորհակալություն։

Գործուղման ժամանակ ծախսի հիմնավորում

Կարապետ․

Հարգելի հաշվապահներ, խնդրում եմ օգնեք՝ եթե աշխատակիցը մեկնել է գործուղման և արտերկրում ձեռք է բերել բջջային քարտ, պարտադի՞ր է ծախս ձևակերպելու համար ներկայացնի վճարման կտրոնը և հաշիվը, թե՞ միայն վճարման կտրոնը բավական է:

Подтверждение суточных расходов

Екатерина.

Добрый день! Сотрудник летит в РФ. Согласно Постановлению, суточные в день 51 доллар, проживание в день 94 доллара. В течение трех дней после возвращения сотрудник обязан предоставить подтверждающие документы. С документами на проживание проблем быть не должно, а вот суточные далеко не всегда подтверждаются какими – то документами… Что делать в таком случае? Или подтверждения документами требуют расходы только сверх 51 доллара? Спасибо.

Օրապահիկի ձևակերպում

Կարեն․

Բարև Ձեզ։ Կազմակերպությունը օրապահիկ է տալիս աշխատակիցներին՝ օրական 6 000 ՀՀ դրամ։ Կխնդրեի հուշեք․

1․ Ի՞նչպես պետք է փաստաթղթավորեմ։

2․ Շահութահարկով ծախս համարվելու՞ է։

3․ Եկամտային հարկով հարկվելու՞ է։

Կխնդրեի ասեք նաև՝ օրապահիկի հետ կապված ո՞ր օրենքը կարդամ։

Շինանյութի ԱԱՀ հաշվանցում

Կարեն․

Բարև Ձեզ։ Ընկերությունը իր տարածքում կատարում է շինարարական աշխատանքներ, որի համար օգտագործվող շինանյութի համար հարկային հաշիվներ է ստանում։ Կասե՞ք՝ այդ հարկային հաշիվներում ստացված ԱԱՀ-ն կարո՞ղ եմ հաշվանցել, և ծախս ճանաչելու համար ինչպե՞ս պետք է փաստաթղթավորեմ։

Վարձավճարի նվազեցում

Արեն․

Ողջույն, հարգելի հաշվապահներ: Խնդրում եմ օգնել հետևյալ հարցում: Տեղեկատվական տեխնոլոգիաների ոլորտում աշխատող կազմակերպությունը ֆիզիկական անձից վարձով ձեռք է բերել գրասենյակային տարածք առանց նոտարական կամ կադաստրային վավերցման: Ամսական վարձավճարը կազմում է 285 000 դրամ: Կազմակերպությունն աշխատում է ընդհանուր հարկման դաշտում: Պայմանագիրը նշված է 1 տարի ժամկետով: Հիմա խնդրում եմ ասեք՝ կարո՞ղ է կազմակերպությունը ամբողջ տարվա վարձավճարի գումարը նվազեցնել համախառն եկամտից։

Եվ հաջորդ հարցս՝ տարածքը վարձակալությամբ տրամադրվում է ողջ գույքով, ներառյալ համակարգիչներ: Պայմանագրի մեջ որ նշվի՝ տարածքը հանձնվում է ամբողջ գույքով, դա բավարա՞ր է, թե՞ այլ կարգավորումներ կան: Նշեմ, որ 2023 թվականի դեկտեմբեր ամսին վճարվելու է ամբողջ գումարը տարվա և 10 տոկոս հարկը վճարվի, սա անկանխիկի խախտում չի կարող չէ՞ դիտվել, քանի որ 12 ամիսների վճարն է վճարում, թե՞ սխալվում եմ։

Վարձավճարի ծախսագրում

Արման․

Բարև ձեզ: Եթե ընհանուր հարկման դաշտում աշխատող կազմակերպությունը ֆիզիկական անձից վարձակալությամբ վերցրել է տարածք ամսական 200 000 դրամով, առանց նոտարական վավերացման, արդյո՞ք կազմակերպությունը ամբողջ 200 000 դրամ գումարը կարող է ծախսագրել շահութահարկը հաշվարկելիս։

Ոչ նյութական ակտիվի մաշվածություն

Վազգեն․

Բարև ձեզ, հարգելի հաշվսպահներ։ Եթե կազմակերպությունը ձեռք բերել ոչ նյութական ակտիվ 1 000 000 դրամ, որի ժամկետը սահմանված է մեկ տարի, նախքան 1 տարին լրանալը 7 ամիս անց կազմակերպությունը դադարեցնում է գործունեությունը։ Հարց՝ տվյալ տարվա համար կարո՞ղ է հարկ վճարողը ծախսագրել ոչ նյութական ակտիվի 1 000 000 դրամը ամբողջությամբ։

Փոխանցման պահումները որպես ծախս

Անի․

Բարև Ձեզ, հնարավո՞ր է միջազգային փոխանցման պահումներն որպես ծախս ձևակերպել: Եթե այո, հոդվածին հղում կանե՞ք: ԱՁ-ն զբաղվում է freelance աշխատանքով ընդհանուր հարկման համակարգում, ծառայություններն արտահանում է` 0-ական ԱԱՀ:

Խոտան ապրանքների դուրսգրում

Շուշանիկ․

Բարև ձեզ, հարգելի գործընկերնոր։ Եթե խնդրեմ կասե՞ք, թե որ որոշումով է կարգավորվում խոտան ապրանքների դուրսգրումը: Ինչպես նաև շահութահարկի գծով ծախսի ճանաչումը: Կանխավ շնորհակալ եմ։

Վարձավճարի ծախսագրում

Նար․

Բարև ձեզ։ ՍՊԸ-ն ֆիզ․ անձից մեքենա է վարձակալել 300 000 + դրամով և վճարել կանխիկ։ Սակայն կա պայմանագիր։ Դա որպես ծախս չենք կարող չէ՞ դիտարկել։

Վարկի տոկոսի ծախսագրում

Անահիտ․

Բարև ձեզ, կասե՞ք խնդրում եմ՝ վարկերի համար վճարված տոկոսները շահութահարկի հարկման բազայից նվազեցման ենթակա՞ են, թե՞ ոչ: Կանխավ շնորհակալ եմ:

Ֆինանսական արդյունքի որոշում

Մելինե․

Հարգելի հաշվապահներ, ԱԱՀ-ով աշխատող ՍՊԸ է, հիմնադրվել է անցած տարի, ունի մի շարք հիմնական միջոցներ, որոնք ոչ մի փաստաթղթով ձևակերպված չեն (հիմնադիրներն են ներդրել կանոնադրական կապիտալում, բայց պետռեգիստրում էլ դրանք չկան, միայն գործարար պլանում են երևում և ՍՊԸ-ի տեխնիկական բնութագրում, այս փաստաթղթերը ունե՞ն իրավական ուժ)։ Գիտեմ, որ դրանց համար մաշվածությում չեմ կարող հաշվարկել և նվազեցնել շահութահարկից։

Հիմա հարցս. Իսկ ֆինանսական հետևանք որոշելիս (շահաբաժին վճարելու համար ) կարո՞ղ եմ ներառել դրանք։ Նույն կերպ հաշվից վճարոում ենք գրասենյակի էլեկտրաէներգիայի վճարը (ֆիզ անձի բնակարանի հասցեն է), սակայն էլ ցանցից հարկային հաշիվ չենք ստանում։ Այս ծախսը կարո՞ղ եմ վերագրել ֆին արդյունքին։

Շնորհակալություն։

Ո՞ր տարում ծախսագրել հաշիվը

Սաթեն․

Հարգելի հաշվապահներ, հաշիվ վավերագրի (ծառայություն) դուրս գրման ամսաթիվը 29.12.22, իսկ մատակարարման ամսաթիվը 01.01.23։ Հաշիվը ո՞ր տարում ծախսագրեմ (աշխատում ենք ԱԱՀ-ով):

Կապիտալ և ընթացիկ ծախսեր

Անահիտ․

Բարև Ձեզ։ Վերանորոգման ծախսերը ինչպե՞ս տարբերակել ըստ կապիտալ, թե ընթացիկ լինելու։

Ոչ նյութական ակտիվի մաշվածք

Ռուբեն․

Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: 2022 թ. Հուլիս ամսին պետության կողմից ստացել է լիցենզիա գործունեության իրականացման համար 1 տարի ժամկետով 500 000 դրամ: 2022 թվականի նոյեմբեր ամսին դադարեցրել է գործունեությունը: Հարց՝ ոչ նյութական ակտիվի մաշվածքը 2022 թվականի համար ամբողջությամբ ծախսագրելու դեպքում կլինի՞ որևէ խնդիր։

Հաշիվը ուշ է ստորագրվել

Գրիգոր․

Կազմակերպությունը 2022թ․ հոկտեմբեր ամսվա ձեռք բերված ծառայության (էլեկտրաէներգիայի) հաշիվը ստորագրել է 2023թ հունվարի 10-ին:

Հարց 1․ 2023թ․ հունվար ամսվա ԱԱՀ-ի միասնական հաշվարկի 18-րդ տողու՞մ է արտացոլվում, թե՞ ցույց է տրվում 2022թ, հոկտեմբեր ամսվա ԱԱՀ-ի միասնական հաշվարկի 18-րդ տողում, այնուհետև 20-րդ տողում պակասեցվում է, իսկ 2023թ, հունվար ամսվա հաշվետվության 20-րդ տողում՝ ավելացվում:

Հարց 2․ Եթե արտացոլենք 2023թ, հունվար ամսվա միասնական հաշվարկի 18-րդ տողում, ապա այդ դեպքում կարո՞ղ ենք արդյոք 2022թ հոկտեմբեր ամսվա համար էլեկտրաէներգիայի ծառայության արժեքը ծախս համարել:

Ուսանողներին տրվող օգնություն

Գրիգոր․

ԲՈՒՀ-ում ուսանողներին տրվում են օգնություններ տարբեր առիթների համար, ինչպես նաև կազմակերպվում են ուսանողական միջոցառումներ, որի համար ԲՈՒՀ-ը գումար է տրամադրում։ Արդյո՞ք դրանք շահութահարկի հարկման նպատակով ծախս են համարվում, եթե այո՝ ո՞ր հոդվածի համաձայն:

Գործուղման ծախսերի ձևակերպում

Գրիգոր․

Բարև Ձեզ: Էրազմուս + ծրագրով ԲՈՒՀ-ի աշխատակիցները մեկնում են գործուղման ՀՀ կամ Եվրոպա: Ծրագիրը նախատեսում է ճանապարհածախսի, կեցության ծախսերի հաստատուն գումար (գումարները երևում են բոլոր հրավերներում): Առահաշիվ տալիս ենք նշված գումարները: Հարցս այսպիսին է՝ ենթադրենք՝ ծրագիր նախատեսում է 300 եվրոյին համարժեք դրամ ճանապարհածախս, սակայն տոմսի արժեքը 200 եվրոյին համարժեք դրամ է, ինչպե՞ս ձևակերպել տարբերություն 100 եվրոյին համարժեք դրամը և ո՞ր գումարը համարել շահութահարկի հարկման գծով ծախս, նույնն է նաև կեցության ծախսերը (օրապահիկ և հյուրանոց): Խնդրում եմ փորձ ունեցող հաշվապահներին մանրամասն գրել, և եթե կարելի է օրենքի հղում գրեք: Շնորհակալ եմ նախապես։

Ինչպե՞ս ձևակերպել ծախսերը

Մարգարիտա․

Բարև Ձեզ: ՍՊԸ-ն աշխատում է ԱԱՀ դաշտում: Կազմակերպության բանկային քարտով գնումներ ենք կատարել տարբեր վաճառքի կետերից: Խնդրում եմ պատասխանեք՝ ինչպե՞ս ձևակերպենք ծախսերը, և շահութահարկի հաշվարկում կարո՞ղ եմ նվազեցնել որպես ծախս:

Վարձավճարի նվազեցում շահութահարկից

Դավիթ․

ԱՁ-ն կազմակերպությունից վարձակալել է տարածք, կազմակերպությունը հաշվարկային փաստաթուղթ է դուրս գրում վարձակալության համար: ԱՁ-ն շահութահարկից կարո՞ղ է ամբողջ գումարի չափով նվազեցնել վարձակալության ծախսը։

Թափոնների և կրկնակի օգտագործվող հումքի ձևակերպումներ

Շուշանիկ․

Բարև ձեզ, հարգելի գործընկերներ: Խնդրում եմ օգնել այս հարցում: Արտադրությունը ունի դուրս գրված թափոններ և կրկնակի օգտագործման համար հումք, որն առաջացել է արտադրանքը արտադրելիս: Արդյո՞ք պետք է ծախս ճանաչել դուրս գրված թափոնը կամ կորուստը: Իսկ արտդրությունից առաջացած տաշեղները (стружка), որը նորից պետք է մուտք արվի և օգտագործվի արտադրություն ստանալու համար, այդ մուտքը պե՞տք է եկամուտ ճանաչվի: Կանխավ շնորհակալություն։

Բեռնատար մեքենայի ձեռքբերում

Նարին․

ՍՊԸ-ն աշխատում է շրջհարկով և զբաղվում է շինարարությամբ։ Կազմակերպությունը ուզում է ձեռք բերել Ֆորդ մակնիշի բեռնատար մեքենա՝ բեռնափոխադրումները իրականացնելու համար։ Ի՞նչ քայլեր պետք է արվեն։

Ինչպե՞ս է վաճառվելու հետագայում, ի՞նչ ծախսագրումներ է հնարավոր անել, ի՞նչ ծախսեր և հարկեր են գոյանում կազմակերպության համար։

Տոմսի առցանց ձեռքբերում

Գրիգոր․

Բարև Ձեզ: Արտասահման գործուղվող աշխատակցին ինքնաթիռի տոմս ձեռք բերելու համար կարո՞ղ ենք արդյոք վճարել առհաշիվ, քանի որ ինքնաթիռի տոմսը ցանկանում է ձեռք բերել ONLINE, չի՞ հակասում արդյոք անկանխիկ գործառնությունների մասին օրենքին, եթե այո՝ շահութահարկի հարկման նպատակով ծախս կարո՞ղ ենք համարել:

Հիմնադրամին կատարված նվիրատվություն

Ալլա․

Բարև ձեզ, հարգելի հաշվապահներ։ Հիմնադրամին կատարված նվիրատվությունը կարո՞ղ է շահութահարկով ծախս համարվել, թե՞ ոչ։

Արդյո՞ք դիմացի կողմը միկրոբիզնես է

Արամ․

Բարև Ձեզ, կոլեգաներ։ Ինչպե՞ս պարզել՝ դիմացի կողմը միկրոձեռնարկատիրության սուբյեկտ է, թե՞ ոչ, և կարո՞ղ ենք արդյոք նրա կողմից դուրս գրված հաշիվը ծախս ճանաչել։

Շրջանառության հարկի նվազեցում

Կարեն․

Բարև Ձեզ։ Շրջ․ հարկով աշխատող ԱՁ-ն ֆիզ․ անձից ձեռք է բերել սարքավորում, որը հետո արտահանել է։ Որպես հարկային գործակալ ֆիզ․ անձի փոխարեն վճարել է եկամտային հարկ։ Շրջանառության հարկի հաշվարկի ժամանակ կարո՞ղ եմ նվազեցնել ձեռքբերման գնի 4%-ը, և ո՞ր հոդվածով է դա հիմնավորվելու։

Վարձավճարի նվազեցում շրջ․ հարկից

Հայկ․

Բարև Ձեզ: Հանրային սննդի ոլորտում գործող ԱՁ-ն աշխատում է շրջհարկով: Տարածքի վարձակալության գծով ծախսը իրավունք ունի՞ նվազեցնել Հարկային օրենսգրքի 258 հոդվածի 3-րդ մասին համապատասխան: Ծախսը հիմնավորված է Պայմանագրով և էլեկտրոնային հարկային հաշվով:

Միկրոձեռնարկատիրություն 2023

Արման․

Հարգելի գործընկերներ, փաստորեն ճի՞շտ եմ հասկանում, որ 2023թ-ի հունվարի 1-ից միկրոձեռնարկատիրության սուբյեկտները խնդիր են ունենալու իրենց հաճախորդների հետ՝ կապված միկրոյի կողմից դուրս գրված հաշիվները որպես ծախս ճանաչելու սահմանափակման հետ։

Եվ փոփոխությունների հետ կապված, նաև՝ միկրոձեռնարկատիրության սուբյեկտի աշխատակիցների աշխատավարձը հաշվարկվելու է նու՞յն կարգով, ինչ մնացած հարկային դաշտերում աշխատողներինը, այսինքն՝ եկամտային հարկը լինելու է 20 տոկո՞ս, ոչ թե 5 000 դրամ։

Իսկ էլ ի՞նչ փոփոխություններ կան միկրոձեռնարկատիրության համար։

Ոչ ռեզիդենտի հաշիվ

Մանե․

Բարև ձեզ: Շրջհարկով աշխատող միջնորդ կազմակերպության համար ռուսաստանյան ոչ ռեզիդենտ կազմակերպությունը մատուցել է ծառայություն՝ բեռը հասցնելով ՀՀ սահման: Առկա է թղթային հաշիվ ոչ ռեզիդենտի կողմից: Ինչպե՞ս պետք է ներկայացվի թղթային հաշիվը հարկայինում, որպեսզի հիմնավորում լինի շրջհարկով ծախս ճանաչելու համար։