Տաթև.
Բարև Ձեզ։ Նորաբաց ՍՊԸ-ում դեռ գրանցված է միայն տնօրենը, շաբաթական 8 ժամով։ Աշխատավարձի չափը կարո՞ղ է սահմանվել 32 000, 1 ժամը 1000 դրամ՝ հարկերը ներառյալ հաշվելով։
Կայք հաշվապահների համար և ոչ միայն…
Տաթև.
Բարև Ձեզ։ Նորաբաց ՍՊԸ-ում դեռ գրանցված է միայն տնօրենը, շաբաթական 8 ժամով։ Աշխատավարձի չափը կարո՞ղ է սահմանվել 32 000, 1 ժամը 1000 դրամ՝ հարկերը ներառյալ հաշվելով։
Գրիգոր.
Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:
Ժասմենա.
Բարև ձեզ։ Եթե տեղյակ եք՝ ԿԳՄՍ նախարարի 13.10.2020թ. N 38-Ն հրամանի համաձայն, դպրոցները կարող են ծնողների վճարի հիման վրա ձևավորել երկարօրյա խմբեր։ Կարգի 21-րդ կետի համաձայն, այդ խմբերում աշխատող մանկավարժի վճարի չափը ձևավորվում է սովորողների հետ աշխատակարգով սահմանված փաստացի աշխատաժամանակից։ Խնդրում եմ կոնկրետ օրինակով կարո՞ղ եք բացատրել, թե ինչպե՞ս հաշվարկենք մանկավարժի վճարի չափը՝ համաձայն օրենսդրության ո՞ր կետերի։
Շուշան Դարինյան.
Բարև Ձեզ։ Եթե աշխատավարձը՝ առանց պահումների, 151 000 է, պետք է ստանա նաև ամսական 100 000 դրամաշնորհ։ Խնդրում եմ ասեք՝ պահումները կկատարվեն առանձին-առանձին, թե՞ դրանց երկուսի գումարից։ Կանխավ շնորհակալ եմ։
Յանա.
Բարև Ձեզ։ Խնդրում եմ պատասխանեք. համաձայն աշխատանքային պայմանագրի՝ նշված ժամկետում աշխատավարձի չվճարման դեպքում գործատուն ժամկետանց յուրաքանչյուր օրվա համար վճարում է տույժ հասանելիք աշխատավարձի 0,02 % չափով։ Ճի՞շտ է։
Կանխավ շնորհակալություն։
Կարեն.
Բարև ձեզ, հարգելի հաշվապահներ: Աշխատողի աշխատավարձը՝ մաքուր վճարման ենթակա գումարը կազմել է 73 550 դրամ, սակայն վճարվել է 5 օր ուշ: Հարց. արդյո՞ք տույժը ենթակա է հարկման, եթե այո, ապա ինչպե՞ս հաշվարկել՝ հաշվարկված 95 000 դրամ աշխատավարձին գումարել 5 օրվա 95000*0.15% և հարկել։
Լիլիթ.
Բարև ձեզ։ Կազմակերպությունը աշխատանք է կատարում և՛ Երևան քաղաքում, և՛ մարզում։ Կարո՞ղ է մարզում աշխատողների աշխատավարձը վճարել կանխիկ:
Վարդան.
Բարև Ձեզ։
Ինչպե՞ս պետք է հաշվել համախառն աշխատավարձը, իր պահումները և վճարվող աշխատավարձը առաջին ամսվա համար, երբ աշխատանքային պայմանագիրը սկսվում է ամսվա կեսից, ոչ թե սկզբից։ Ո՞ր օրենքով/որոշումով է դա կարգավորվում։
Նախապես շնորհակալություն։
Ալլա.
Հարգելի հաշվապահեր, խնդրում եմ պատասխանել հետևյալ հարցին. Երևանում գրանցված կազմակերպությունը իրավունք ունի՞ X համայնքում աշխատանք կատարողին կանխիկով վճարել աշխատավարձ: Օրենքում նշված է, որ 2024թ-ից սկսած է անկանխիկ գործարքնեներն իրականացվելու: Շնորհակալություն։
Արտյոմ.
Բարև ձեզ։ Ընկերությունը աշխատողի աշխատավարձը փոխանցել է Իդրամի աշխատողի էլ․ դրամապանակին՝ ստացող դաշտում նշել է՝ Իդրամ ՍՊԸ, նպատակ դաշտում տվյալ աշխատողի անուն, ազգանունը ստացման հիմքը, այսինքն՝ աշխատավարձ։ Հարցս հետևյալն է․ ինչպե՞ս կդիտարկվի այս փոխանցումը՝ որպես աշխատավա՞րձ, թե՞ ՍՊԸ-ին տրված գումար ինչ որ ծառայության համար։
Անուշ.
Բարև ձեզ։ Կասեք՝ 1 դրույքաչափի դեպքում, եթե կեղտոտ աշխատավարձը 107 000 դրամ է, իսկ մաքուրը` 81 000, ապա կես դրույքը ինչպե՞ս հաշվել, ինչքա՞ն կլինի, տվյալ դեպքում դրոշմանիշ պահվու՞մ է, թե՞ ոչ։ Մանրամասնեք և եթե օրենքի հղում կա։
Կարինե.
Բարև ձեզ։ Հարցս հետևյալն է․ եթե աշխատավարձի փոփոխություն է արվում, հնարավո՞ր է օրինակ՝ հրամանը գրվի օգոստոսի 25-ին, հրամանի մեջ նշվի, որ փոփոխությունը արվում է օգոստոսի 1-ից։
Լիլի.
Բարև Ձեզ։ Եթե Ա/Ձ-ն գրանցված է մարզում, բայց ծառայություն է մատուցում /աշխատանքը կատարում է/ Երևանոււմ։ Աշխատավարձ պետք է անկանխի՞կ տա։
Նելլի.
Բարև Ձեզ։ Հարցս վերաբերվում է դպրոցներում երկարօրյա վճարովի ուսուցմանը. ինչպե՞ս պետք է վճարվի ուսուցչուհին։ Նախապես շնորհակալ եմ։
Նարինե.
Բարև ձեզ։ Դպրոցի ուսուցիչը մեկ այլ դպրոցում նշանակվել է տնօրենի պարտականություններ կատարող։ Ինչպե՞ս է հաշվարկվելու նրա աշխատավարձը։ Շնորհակալություն։
Սուսաննա․
Խնդրում եմ ասեք՝ աշխատում եմ շրջհարկով, գործունեությունս իրականացնում եմ “Առինջ Մոլ” տոնավաճառում և ունեմ մեկ աշխատող։ Արդյո՞ք պետք է աշխատավարձը վճարեմ անկանխիկ։
Նարե.
Բարև ձեզ, հարգելի հաշվապահներ։ Եթե Ա/Ձ-ն ոչ թե իր հաշվից է վճարում աշխատավարձ, այլ տերմինալով է փոխանցում, դա ևս դիտվու՞մ է չէ աշխատավարձի անկանխիկ վճարում։
Սուսաննա.
Բարև Ձեզ։ Խնդրում եմ պատասխանեք.
1. Եթե Երևանում գործատուն ունի երկու աշխատող և հունիս ամսվա աշխատավարձը վճարել է անկանխիկ եղանակով, դա օրենքի խախտու՞մ է:
2. Կարո՞ղ տվյալ գործատուն այսուհետև աշխատավարձը վճարել կանխիկ եղանակով:
Շնորհակալություն:
Ռուզաննա.
Հարգելի հաշվապահներ, եթե ԱՁ-ի իրավաբանական հասցեն ք. Երևանով է, իսկ փաստացի գործունեության հասցեն գ. Առինջն է, ապա հուլիսի 1-ից աշխատողների աշխատավարձը կանխիկով է վճարվու՞մ, թե՞ պարտադիր անկանխիկ, որևէ մեկը պարզաբանում ունի այս հարցի շուրջ:
Սաթեն.
Կազմակերպության տնօրենի ամսական աշխատավարձը լրիվ գրաֆիկի դեպքում 400 000, բայց քանի որ աշխատում էր ոչ լրիվ գրաֆիկով՝ ֆիքսված ստանում էր 200 000:Այժմ պետք է աշխատի լրիվ գրաֆիկով, արդյո՞ք կարող եմ սահմանել աշխատավարձ 250 000, թե՞ պետք է ստանա 400 000։ Ցանկանում ենք աշխատավարձի իջեցում կատարել կազմ. ցածր եկամտաբերության պատճառով:
Սաթեն.
Բարև Ձեզ։ ԱԱՀ-ով աշխատող կազմակերպությունը կարո՞ղ է տնօրենի աշխատավարձը իջեցնել 400 000-ից 300 000 դրամ սահմանել:
Արեգա․
Հարգելի հաշվապահներ, ես ուզում եմ հասկանալ․ ընդունենք կազմակերպության հուլիս ամսվա վճարման ենթակա ընդանուր աշխատավարձը կազմում է 2 մլն դրամ, բայց յուրաքանչյուր աշխատողի վճարման ենթակա աշխատավարձը չի գերազանցում 300.000 դրամից, այս դեպքում աշխատավարձի վճարումը կարո՞ղ եմ կատարել կանխիկ ՝դրամարկղից։
Աննա.
Բարև ձեզ։ Կօգնե՞ք խնդրում եմ՝ արձակուրդայինի հետ կապված։ Ինչպե՞ս հաշվեմ մանկապարտեզի տնօրենի արձակուրդայինը, այս ամիս ինչքա՞ն աշխատավարձ պետք է ստանա, եթե 27.07.2022 մինչև 16.08.2022 գնացել է արձակուրդ։ Ամսական աշխատավարձը կազմում է 150 000, 5 օրյա է։
Փորձաշրջանի ընթացքում աշխատողի անհարգալից անաշխատունակության հետևանքով գործատուն իրավունք ունի՞ չվճարի աշխատած օրերի համար։
Ենթադրենք՝ աշխատողն աշխատել է ամբողջ ամիսը, եկող ամսվա 15 օրը չի աշխատել ու չի ներկայացրել բյուլետեն և այդ եկող ամսվա 15-ին չի ստացել անցած ամսվա աշխատավարձը, որից հետո դադարեցվել է (լուծարվել) է փորձաշրջանը, իսկ գործատուն չի ցանկանում վճարել աշխատած ամսվա աշխատավարձը։ Արդյո՞ք գործատուն իրավունք ունի չվճարի աշխատավարձը։
Սաթենիկ.
Բարև Ձեզ։ Խնդրում եմ օգնեք հասկանալ՝ ինչպե՞ս վարվել, եթե դպրոցը կառուցում են և տեղափոխվել ենք այս պահին ուրիշ դպրոց, պահակներին ինչպե՞ս վճարել։ Շինարարական կազմակերպությունը ունի իր պահակը, իսկ տեղափոխված դպրոցը իր պահակները։
Ռոման․
Բարև ձեզ: Առևտրական առք ու վաճառքով զբաղվող ԱՁ-ն աշխատում է շրջանառության հարկի դաշտում: Արդյո՞ք վարձու աշխատողի աշխատավարձը կարող է ներառել ծախեսրի մեջ և հարկի գումարից նվազեցնել։
Ալլա․
Բարև Ձեզ, ցանկանում եմ իմանալ՝ Քաղաքացիաիրավական պայմանագրով աշխատողները աշխատավարձը պետք է քարտո՞վ ստանան։
Արտյոմ.
Խնդրում եմ պատասխանել. ամսվա 15-ից հետո վճարված աշխատավարձի համար ի՞նչ տույժեր, տուգանքներ են նախատեսված: Շնորհակալություն։
Ալլա.
Բարև ձեզ։ Եթե ընկերության աշխատակիցը աշխատում է 24 ժամյա հերթափոխով, ստացվել է այնպես, որ մի հերթափոխի ընթացքում ոչ անհարգելի պատճառով մի քանի ժամ բացակայել է: Աշխատավարձի հաշվարկի ժամանակ հաշվապահը իրավունք ունի՞ այդ մի քանի ժամվա համար նրան չվճարել /նշեմ, որ աշխատավարձի ձևը ամսական ռոճիկ է սահմանված, այլ ոչ թե ժամավճար/։
Արմինե.
Բարև Ձեզ։ Ես կարո՞ղ եմ աշխատանքային պայմանագրում նշել ոչ թե ամսական՝ 95000, ինչպես միշտ եմ արել, այլ օրական։ Ինչպե՞ս անեմ, երբ աշխատանքային պայմանագրում ուզում եմ գրել օրական 4500 ՀՀ դրամ։
Լիլիթ․
Բարև ձեզ։ Աշխատողը աշխատում է հունիսի 14-ից համատեղությամբ շաբաթական 10 ժամ, 5 օրյա, ամսական աշխատավարձը 40 000դ։ Օգոստոսի 3-ին գնալու է արձակուրդ։ Ինչպե՞ս պետք է որոշեմ միջին աշխատավարձը։
Անի․
Հարգելի հաշվապահներ, հիմնական աշխատակիցս ֆիզից վերադարձել է 2021 թվականի սեպտեմբերին և կրկին պետք է գնա ֆիզ, միջին ամսեկանի համար 11 ամիս է ձևավորվում։ Հաշվարկը 12 ամսվա միջինով պետք է կատարեմ, նշեմ՝ 2021 մարտ, ապրիլ ամիսներին եղել է արձակուրդ։ Միջինի 12-րդ ամսվա գումարը վերցնեմ արձակուրդի ամիսների՞, թե՞ տարիֆիկացիայի գումարը։
Կիմա․
Բարև ձեզ, հարգելի հաշվապահներ։ Տնօրենի ժ/պ (2022թ․ հունվարի 3-ից) արձակուրդ հասնու՞մ է 25 օր, թե՞ որպես ուսուցիչ 35 օր։
Մեկ հարց ևս․ ինչպե՞ս լրացնել հետ հաշվարկի 12 ամիսները, եթե այդ ամիսները համընկնում են 2021թ․ արձակուրդի ամիսներին։ Հին արձակուրդը իրավունք ունե՞նք հաշվել նորի մեջ։
ՇՆՈՐՀԱԿԱԼՈԻԹՅՈՒՆ
Հովհաննես․
Բարև Ձեզ, հարգելի հաշվապահներ։
Անկանխիկ գործառնությունների մասին օրենքի հոդված 6 կետ 1 համաձայն «Օրենքով կամ աշխատանքային պայմանագրով սահմանված աշխատավարձերը վճարվում են անկանխիկ ձևով 2022 թվականի հուլիսի 1-ից՝ Երևան քաղաքում գործունեություն իրականացնող կազմակերպությունների, անհատ ձեռնարկատերերի, փաստաբանների և նոտարների կողմից»։
Հարցս հետևյալն է․ եթե կազմակերպությունը գրանցված է Երևան քաղաքում (իրավաբանական հասցե), բայց գործունեություն է իրականացնում մարզերում (գործունեության հասցե), ապա իրավունք ունի՞ աշխատավարձները վճարի կանխիկ եղանակով։
Արփի.
Բարև ձեզ, հարգելի հաշվապահներ։ Խնդրում եմ օգնեք ճիշտ հաշվարկել արձակուրդայինը.
ուսուցիչը 08.01.2020թ.-ից գնացել է ֆիզարձակուրդ, որից անմիջապես հետո գնացել է մինչև 3 տարեկան երեխայի խնամքի արձակուրդ: Վերադարձել է աշխատանքի 20.03.2022թ-ին: 01.07.2022թ-ից նրան պետք է տրվի ամենամյա արձակուրդ 35 օր տևողությամբ։ Հարսց հետևյալն է` ամենամյա արձակուրդը հաշվարկելու համար ո՞ր ամիսների հիման վրա պետք է ձևավորվի միջին ամսական աշխատավարձը. նա 2022թ-ին ունի աշխատած 3 լրիվ ամիս /ապրիլ, մայիս, հունիս/ “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Այս դեպքում ինչպե՞ս ենք որոշում միջին ամսական աշխատավարձը:
Էմի․
Բարև Ձեզ։ 2022 թվականի փոփոխությունները ինչպե՞ս են ազդելու ատամնաբուժական կլինիկայի վրա, աշխատավարձի և սպասարկման վճարումների հետ կապված բոլոր գործարքները և աշխատավարձի վճարումը կատարվում է կանխիկով։
Անի.
Հարգելի հաշվապահներ, հուլիսի մեկին աշխատակիցս բերել է մայրության նպաստի թերթիկ, միջինի հաշվարկի համար հունիս ամիսը մտնու՞մ է: Իսկ վճարումը քանի՞ օրվա մեջ է կատարվում։
Հովհաննիսյան Գոհար.
Արձակուրդում գտվող անձին փոխարինելու դեպքում, վարձատրվու՞մ է, թե՞ ոչ։
Սոնա.
Հարգելիներս, փոխարինող դասվարը գնացել է ֆիզարձակուրդ, նրան փոխարինող ուսուցիչը հունիս ամսին ստանալու՞ է դասվարության գումար, թե՞ ոչ։
Էլինա.
Հաշվապահներ ջան, խնդրում եմ օգնեք։ Աշխատողին պետք է վճարվի 0,15 տոկոս տույժ ուշացրած աշխատավարձի համար։ Գիտեմ, որ 189 ձևի 1,8 – “այլ հարկման բազա” վանդակում պիտի լրացնեմ այդ գումարը։ Հարց՝ արդյո՞ք պետք է նշվի զուտ՝ առձեռն տրված գումարը, թե՞ պետք է ինքս ավելացնեմ 21 տոկոս այդ վճարված տույժին, քանի որ 1,8 վանդակի համար եկամտային հարկ է պահում։ Կանխավ շնորհակալ եմ։
Արթուր.
Բարև ձեզ։ Խնդրում եմ գրեք հաշվապահական ձևակերպում աշխատավարձի վճարման մասով, ներառյալ հարկերը։
Մարգարիտա․
Բարև Ձեզ: Ընկերությունը նորաստեղծ է, աշխատում է ԱԱՀ դաշտում: Կարո՞ղ է տնօրենը վարձատրվել կես դրույքով, որը պակաս կլինի մյուս աշխատակիցների աշխատավարձից: Կանխավ շնորհակալություն:
Լուսինե․
Բարև Ձեզ, հարգելի հաշվապահներ։
Ինչպե՞ս ՀԾ-ով նույն ամսվա մեջ ձևակերպեմ և՛ աշխատավարձ, և՛ նպաստ, որպեսզի ծրագիրը թույլ տա։
Արմինե.
Բարև Ձեզ: Աշխատակիցներ ունեմ՝ հարկադիր ունեն ու չեն ուզում անկանխիկ ստանալ, ի՞նչ խորհուրդ կտաք, ինչպե՞ս օգնել։
Հայկուշ․
Հերթափոխի պահակի գիշերային հաշվարկը կատարելիս հաստիքը բաժանում ենք 173.6, որպեսզի ստանանք 1 ժամվա արժեքը։ Արդյոք ճի՞շտ ենք հաշվարկում, ո՞ր որենքով է կարգավորում այդ հոդվածը։ Խնդրում եմ պարզաբանել։
Սոֆյա․
Հարգելի հաշվապահներ,
1.Շրջանառության հարկով հարկվող ՍՊԸ-ի (փայտե իրերի արտադրություն) գործունեության հասցեն մարզում է, սակայն վաճառները իրականացվում է ամբողջ Հայաստանի տարածքում: Խնդրում եմ ասել, թե ինչպես պետք է կազմակերպվի աշխատակիցների (2 աշխատակից) աշխատավարձերի վճարումը ըստ օրենքի նոր փոփոխության: Կարո՞ղ ենք վճարումները կազմակերպել կանխիկ եղանակով, եթե գումարը չի գերազանցում 300.000 դր-ը:
2. Եթե նույն ՍՊԸ-ն իր գործունեության իրականացման համար ձեռք է բերել նյութեր, սարքավորումներ և համակարգիչ, բայց ոչ բոլոր ՀԴՄ-ների վրա է արտացոլված ՍՊԸ-ի ՀՎՀՀ-ն, ապա կարո՞ղ ենք այդ ՀԴՄ-ներով արտացոլել ծախսերը:
Մերի.
Բարև Ձեզ։
Հնարավո՞ր է արդյոք հիվանդության կամ հաշմանդամության կարգ ունեցող աշխատակցի աշխատավարձը վճարել առձեռն։
Աննա.
Բարև ձեզ։ Ո՞ր դեպքերում է կարելի սահմանել 40 ժամից ավել աշխատաժամանակ։ Եվ հավելյալ աշխատած ժամերի համար ինչպե՞ս է կատարվում վճարումը։
Արմինե․
Բարև Ձեզ։ Աշխատողիս տեղեկանք է պետք բարձր աշխատավարձով բանկին ներկայացնելու համար, հիմա ի՞նչ տարբերակով բարձրացնեմ աշխատավարձը, հրամանով կարո՞ղ եմ։
Բաժանորդագրվել
Կայքի ամենահետաքրքիր նյութերը կուղարկվեն Ձեր էլ. փոստին
© 2020 Accountant.am
Վերջին մեկնաբանություններ