Tag: աշխատավարձ

Արթուր․

Բարև, Ձեզ: Եթե գործատուն ուշացնում է աշխատավարձը (1 ամիս տալիս է, 1 ամիս չի տալիս, հասավ նրան, որ աշխատողը հուլիսի 20-ի դրությամբ չի ստացել ապրիլ ամսվա աշխատավարձը, մարտ ամսվա աշխատավարձը ստացել է հունիսի 4-ին), կարո՞ղ է դա դիտվել որպես պայմանագրի էական պայմանների խախտում, և դրա հիման վրա աշխատողը աշխատանքից ազատվելու դիմումը ներկայացնի ոչ թե 30 օր առաջ, այլ 5 օր: Բացի դա, կարո՞ղ է արձակման նպաստ պահանջել միջին աշխատավարձի 1 ամսվա չափով (15 տարուց ավել եմ աշխատում): Նաև, ե՞րբ ամենաուշը կարող եմ պահանջել վերջնահաշվարկը, եթե վերջնահաշվարկի պահանջագիրը հանձնվի աշխատանքից ազատվելու դիմումի հետ միասին:

Աննա․

Ողջույն, հարգելի գործընկերներ: Խնդրում եմ ձեր մասնագիտական խորհուրդը և կարծիքը հետևյալ իրավիճակի վերաբերյալ.Աշխատողի պայմանագրային (հաշվարկային) աշխատավարձը կազմում է 156,800 դրամ: Նախորդ ամիսներին աշխատողին բանկով փաստացի ավել է փոխանցվել 31,200 դրամ մաքուր աշխատավարձ: Ընթացիկ ամսվա եկամտային հարկի և սոցիալական վճարների ամսական հաշվետվությունը լրացնելիս ո՞ր տարբերակն է ճիշտ և անռիսկ.

1. Հաշվետվության մեջ ցույց տալ ամբողջական հաշվարկային հիմքը՝ 156,800 դրամ, իսկ ավել վճարված 31,200 դրամի հետպահումը (նվազեցումը) կատարել բացառապես բանկային փոխանցման փուլում:
2. Թե՞ հաշվետվության մեջ արհեստականորեն նվազեցնել հաշվարկային բազան և գրել 125,600 դրամ:
   
   Կանխավ շնորհակալ եմ արձագանքների և ձեր փորձով կիսվելու համար:

Նարե․

Բարև ձեզ, հարգելի հաշվապահներ, եթե աշխատողի աշխատավարձը բարձր է եղել 500 000֏-ից, հիմա նվազում է և պակաս է դառնում 200 000֏-ից, ապա ապահովագրության գումա՞րն էլ է նվազում` 10 800-ից դառնալով 4 800֏։

Աննա․

Բարև ձեզ։ Աշխատողն ընդունվել է աշխատանքի փետրվարին և մայիս ամսին մի քանի օր գտնվել է բյուլետենի մեջ, աշխատում է 0,25 դրույքով։ Նպաստի հաշվարկի համար հիմք ենք վերցնում 46 875 դրա՞մ (75 000÷0.8÷2)։

Կարինե․

Հարգելի հաշվապահներ, մեկ հարց․ եթե քաղիրավական պայամնագրով աշխատել է աշխատողը, հետո նույն կազմակերպությունում ընդունվել է հիմնական աշխատանքի, ամենամյա արձակուրդի միջին աշխատավարձի հաշվարկի մեջ քաղիրավականի աշխատավարձը ներառվու՞մ է, թե՞ ոչ։ Կանխավ շնորհակալություն։

Հասմիկ Համբարյան․

Բարև Ձեզ։ Եթե աշխատակիցն ընդունվել է աշխատանքի 2025 թվականի նոյեմբերի 7-ին, արձակուրդայինի հաշվարկի մեջ նոյեմբեր ամիսը ընդգրկվու՞մ է, թե՞ ոչ։ Այն համարվու՞մ է կիսատ ամիս։ Նախապես շնորհակալություն։

Էլեն․

Հարգելի հաշվապահներ, այսպիսի մի իրավիճակ, կա նորաբաց շինարարական ընկերություն, որն ունի գրանցված աշխատողներ, սակայն որոնք դեռ աշխատավարձ չեն ստանում, քանի որ աշխատանք չկա փաստացի, բայց պետք է նրանց գրանցված լինելը քանի որ մասնագետների անունով են լիցենզիաների ներդիրները:

Մի քանի օր առաջ հարկայինից ինչ-որ ծանուցում էր եկել, որ աշխատակիցների 189 ձևը 0 ական – ով է հանձնում, և դա ռիսկային (կոնկրետ չգիտեմ ծանուցման բովանդակությունը), հաշվապահը բոլորին ինքնակամ ազատել է՝ առանց տնօրենին զգուշացնելու։

Հիմա ի՞նչ տարբերակներ կարող եք առաջարկել աշխատողներին պահելու մինչև աշխատանք լինելը առանց աշխատավարձ տալու (նրանք բոլորը համատեղ աշխատում և դեմ չեն՝ հասկանալով իրավիճակը) օրենքի սահմաններում, որ հարկայինը ինչ որ անօրինական գործունեություն չդիտարկի, և 2 հարց՝ հաշվապահի քայլը ազատել աշխատողներին մասնագետներին արդյոք լիցենզիան կորցնելու պատճառ չի՞ դառնա։

Կարինե․

Բարև ձեզ, մեկ հարց, եթե կարելի է․ Կամերային նվագախումբ ՀՈԱԿ-ը ծառայություն է մատուցել (փառատոնի շրջանակում համերգ), և փոխադարձ պայմանագրով դրա դիմաց փոխանցումով գումար է ստացել։ Կարո՞ղ է արդյոք այդ գումարը վճարել իր աշխատակիցներին որպես պարգևավճար։ Կա՞ օրենքի որևէ կետ, որով կարելի է առաջնորդվել։

Արմեն․

Աշխատողը պլանավորել է արձակուրդ, որի համար արձակուրդային ստացել է պլանավորված արձակուրդի սկզբի օրվանից 14 օր առաջ։ Վճարումից 4 օր անց աշխատողը ցանկանում է չեղարկել արձակուրդը, ղեկավարը ևս չի առարկում չեղարկմանը։ Ինչպե՞ս է հնարավոր ձևակերպել արձակուրդի չեղարկումը, օրինակ հնարավո՞ր է վճարված գումարը ձևակերպել որպես աշխատավարձի կանխավճար, և չեղարկել արձակուրդի ձևակերպումը։ Կանխավ շնորհակալ եմ պատասխանի համար։

Աննա․

Բարև Ձեզ։ Եթե աշխատակիցը մինչև մարտ ստացել է 300 000 դրամ աշխատավարձ, այժմ ստանում է 75 000, ապահովագրավճարի 4 800 դրամը պետք է փոխանցվի ընկերության հաշվից, թե՞ ահնատը իր հաշվից վճարի։

Մարիա․

Բարև ձեզ, խնդրում եմ օգնել ճիշտ ձևակերպման հարցում։ ​Համայնքի ավագանու որոշմամբ աշխատողների աշխատավարձը բարձրացել է հունվարի 1-ից (որոշման մեջ նշված է, որ ուժի մեջ է մտնում հունվարի 1-ից)։ Քանի որ հունվարի 1-ը և 2-ը ոչ աշխատանքային օրեր են եղել, և կազմակերպությունը սկսել է աշխատել հունվարի 3-ից, տնօրենը հրամանը տալիս է հունվարի 3-ին։ Արդյո՞ք ճիշտ է հունվարի 3-ին տրված հրամանի և համաձայնագրի մեջ նշել, որ աշխատավարձը բարձրանում է (փոփոխությունը տարածվում է) հունվարի 1-ից։ Ինչպե՞ս է ճիշտ ձևակերպել տեքստը, որպեսզի իրավական առումով խնդիր չլինի։

Liana.

Բարև Ձեզ։ Նոր եմ վերադարձել մինչև 3 տարեկան երեխայի խնամքի արձակուրդից։ Արդեն աշխատում եմ գրեթե 1 ամիս։ Կրկին հղի եմ։ Հանդիսանում եմ քաղծառայող՝ Մասնագիտական պաշտոնների 2-րդ ենթախմբի աշխատակից եմ։ Նվազագույն պաշտոնային դրույքաչափը՝ ըստ իմ պաշտոնի խմբի 267.072 դրամ է, որի ժամանակ ստացել եմ մաքուր եկամուտ 193.000 դրամ։ Հիմա Ֆիզարձակուրդից վերադառնալուց հետո իմ գործակիցը դարձել է 3.53, հիմնական աշխատավարձս կազմում է 293.696 դրամ, մաքուր գալիս է 214.000 դրամ։ Հղիությունով պայմանավորված աշխատելու եմ մոտ 6 ամիս։ Ուզում եմ իմանալ՝ որքա՞ն կկազմի մոտավոր իմ հղիության և ծննդաբերության արձակուրդի նպաստի չափը այն պարագայում, երբ ես ֆիզարձակուրդի անցնելիս կաշխատեմ միայն 6 ամիսը, և ոչ մեկ տարի։ Ինչպե՞ս է հաշվարկվելու չաշխատած մյուս 6 ամիսների գումարի չափը։ Խնդրում եմ, եթե հնարավոր է, ներկայացնել նաև հաշվարկի կարգը՝ հաշվարկելով միայն աշխատավարձի հիման վրա, քանի որ դեռևս տեղյակ չեմ, թե արդյոք որևէ այլ կողմնակի գումարներ ես կստանամ այս ամիսների ընթացքում։ Կանխավ շնորհակալ եմ։

Եղսիկ․

Բարև Ձեզ, հարգելի հաշվապահներ, խնդրում եմ օգնել․ աշխատողը ժամանակին չի ներկայացրել անաշխատունակության թերթիկը։ Թերթիկի բացակայության պատճառով հունվար ամսին տվյալ աշխատողին տրվել է աշխատավարձ, իսկ փետրվար ամսին չի տրվել։ Հունվար ամսվա եկամտայինը տրվել է աշխատավարձին համապատասխան։ Պարզվում է՝ անաշխատունակության թերթիկը 05․01․26թ-19․05․26թ օրերի համար արդեն լրացված է բժշկի կողմից, աշխատողն էլ 302 000 դր ստացել է իր նպաստը։ Ինչպե՞ս վարվեմ, կանխավ շնորհակալություն։

Սերժ․

Հարգելի մասնագետներ, ՀՀ ԱՕ 195-րդ հոդվածի 2-րդ մասի համաձայն՝ 2. Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից տվյալ աշխատանքային պայմանագրի շրջանակներում աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ) ընդհանուր գումարը տասներկուսի բաժանելու միջոցով: ՀԱՐՑԸ՝ եթե անձը դիմել է ամենամյա արձակուրդ գնալու համար մարտի 11-ին և արձակուրդ գնալու սկիզբ նշել է մայիսի 20-ը, այս դեպքում ո՞ր օրն է համարվում պահանջն առաջանալու օրը:

Սերգեյ․

Բարև Ձեզ: Հարցս վերաբերում է համատեղությամբ աշխատանքին: Եթե աշխատանքային օրենսգրքի Հոդված 139 կետ 5-ով՝ Տարբեր գործատուների կամ նույն գործատուի մոտ երկու և ավելի աշխատանքային պայմանագրերով աշխատողի ամենօրյա աշխատաժամանակի տևողությունը (ներառյալ` հանգստի և սնվելու համար ընդմիջումները) չի կարող անցնել օրական 12 ժամից: Իսկ Աշխատաժամանակի առավելագույն տևողությունը, ներառյալ` արտաժամյա աշխատանքը, չի կարող անցնել օրական 12 ժամից (հանգստի և սնվելու համար` ընդմիջումը ներառյալ), իսկ շաբաթվա ընթացքում` 48 ժամից: Ապա արդյո՞ք կարելի է հետևություն անել, որ եթե հիմնական աշխատավայրում մարդ աշխատում է 40 ժամ, ապա այլ գործատուի մատ կարող է աշխատել միայն 8 ժամ, ընդհանուր՝ 48 ժամ:

Եվ երկրորդ հարցս. Եթե աշխատող ընդունում ենք միայն շաբաթ և կիրակի օրերի համար՝ համատեղության կարգով, ապա կիրակի օրվա համար կրկնակի ենք վարձատրելու, թե՞ դա մտնում է աշխատանքային գրաֆիկի մեջ: Նախապես շնորհակալություն:

Աստղիկ․

Բարև Ձեզ։ Այսպիսի հարց ունեմ․ աշխատում եմ սեպտեմբեր ամսից, աշխատավարձս եղել է 4 ամիս 83 250 դրամ, իսկ հունվար ամսից բարձրացել է 103 100 դրամ է դարձել։ 5 օր բացակայել եմ և բերել եմ բյուլետեն 5 օրվա համար։ Նշեմ, որ 5 օրյա եմ աշխատում։ Ինչքա՞ն պետք է ստանամ փետրվար ամսին։

Հայկ․

Բարև ձեզ։ Հարցս վերաբերում է դրոշմանիշային վճարներին։ Ինչպես գիտենք՝ 2026 թ. հունվարից մինչև 1 մլն աշխատավարձ ստացողներինը դրոշմանիշային վճարը դարձել է 1 000 դրամ ։ Իսկ եթե օրինակ ոչ լրիվ աշխատաժամանակով աշխատողը ստանում է ամսական մաքուր 60 000 դրամ, ապա այդ 1 000 դրամը գործատու՞ն է շարունակում վճարել։ Այս մասով փոփոխություն կա՞, թե՞ ոչ։ Շնորհակալություն։

Գայանե․

Հարգելի գործընկերներ, անկեղծ ասած հարկադիր պարապուրդի հաշվարկի մեջ եմ դժվարանում, ո՞ր տարբերակն է ճիշտ, եթե աշխատողն աշխատում է 123 000 դրույքաչափով, 8 ժամյա աշխատանքային գրաֆիկով, հարկադիր պարապուրդի հաշվարկը 1 ամսվա համար այսպե՞ս է․

1. 123 000 * 2 / 3 = 82 000 ու դրանից պահվի հարկերը,
2. թե՞ այս եղանակով` 90 020(մ.) / 21 / 8 = 535.8 535.8*21 = 11 252.5 վճարման ենթակա

Կանխավ շնորհակալություն:

Լիլիթ․

Խնդրում եմ օգնեք հետևյալ հարցում։ Աշխատակիցները աշխատում են գործավարձով և ամեն ամիս խիստ տարբեր աշխատավարձ են ստանում։ Եթե նոյեմբերի աշխատավարձը կազմել է 285 000, դեկտեմբերը 620 000, հունվարը 450 000, խնդրում եմ ասեք՝ ապահովագրավճարը և դրոշմանիշային վճարը որքա՞ն պետք է պահվի դեկտեմբեր և հունվար ամիսներին։ Կանխավ շնորհակալություն։

Արմինե․

Բարև ձեզ։ Խնդրում եմ օգնեք հասկանալ՝ եթե աշխատողը 0.5 դրույքով է աշխատում, 4 ժամ օրական, հարկադիր պարապուրդի ընթացքում ինչպե՞ս է վարձատրվում, եթե առհասարակ աշխատանքի չի գնում և աշխատանք չի կատարում: Անչափ շնորհակալ եմ։

Յանա.

Բարև Ձեզ: Հարգելի հաշվապահներ, խնդրում եմ պատասխանեք, ինչպե՞ս է հաշվարկվում 3-ամյա ֆիզ արձակուրդից վերադարձած աշխատողի վերջնահաշվարկը:

Յանա․

Բարև Ձեզ: Հարգելի հաշվապահներ, խնդրում եմ պատասխանեք՝ ինչպե՞ս է հաշվարկվում 3-ամյա ֆիզ արձակուրդից վերադարձած աշխատողի վերջնահաշվարկը:

Արմենուհի․

Բարև Ձեզ։ Հարցս հետևյալն է․ ՀԿ-ի աշխատակիցը դրամաշնորհային ծրագրի շրջանակներում 2025թ նոյեմբերին ստացել է 200 000-ից ավելի աշխատավարձ։ Դեկտեմբերին դրամաշնորհային ծրագիրը ավարտվել է, և հունվարից աշխատակիցը ստանալու է նվազագույն աշխատավարձ։ Ապահովագրավճար հաշվարկվելու՞ է։ Սովորաբար ՀԿ-երի աշխատակիցները աշխատավարձ ստանում են դրամաշնորհային ծրագրերի շրջանակներում և կոնկրետ ժամկետներում։

Սուսաննա․

Բարև Ձեզ, եթե 2025թ-ին պարգևավճարի հիման վրա է դրույքը հասել և անցել 200 001 դրամը, սակայն 2026թ-ին ստանալու է 200 000 դրամից ցածր, ապա այս դեպքում է՞լ մեկանգամյայի համար պետք է դեկտեմբեր ամսից դառնար ապահովագրական վճար տվող և 2026թ-ին էլ մնար նույն կարգավիճակում։

Հայկ․

Բարև ձեզ, քաղաքացիաիրավական աշխատողների դեկտեմբերի աշխատավարձից որքա՞ն դրոշմանիշային վճար կպահվի։

Արմինե․

Բարև Ձեզ: Խնդրում եմ պատասխանել՝ եթե աշխատողի 2025թ.-ի նոյեմբեր ամսվա աշխատավարձը կազմել է մինչև 200000 դրամ, իսկ դեկտեմբեր ամսվանը 200 001-ց բարձր, որքա՞ն է կազմելու դեկտեմբեր ամսվա դրոշմանիշային վճարը: Նախապես շնորհակալություն։

Նարինե․

Բարև Ձեզ։ Հասկանալի է, որ եթե աշխատավարձը 200 000-ից ցածր է և տարվա ընթացքում ինչ որ չափով ավելանում է, ապա աշխատողն անկախ ամեն ինչից վճարում է ապահովագրավճարը, իսկ եթե արձակուրդայինի հետ միասին աշխատավարձը գերազանցում է 500 000 դրամը, այդ դեպքում նու՞յն կերպ է ստացվում, այսինքն 10 800 դրամը վճարում է միայն աշխատակիցը։

Կարինե․

Բարև ձեզ։ Եթե պետք է վճարել մաքուր 25 000 պարգևավճար, ինչպե՞ս ստանալ կեղտոտը, արհմիության վճար էլ պետք է հարկել (0.7%)։

Հայկ․

Բարև Ձեզ։ Աշխատանքային օրենսգրքի Հոդված 198 համաձայն, երբ գործատուն աշխատավարձը ուշացնում է, պետք է աշխատակցին վճարի տույժ 0.15 տոկոսի չափով։ Եթե օրինակ աշխատավարձը գործատուն ուշացրել է և 5 000 դրամ տույժ է վճարել, այդ տուժանքը հարկվու՞մ է եկամտային հարկավ։ Կխնդրեի նաև պատասխանը հիմնավորել եկամտային հարկի համապատասխան հոդվածով։

Բելլա․

Անվտանգության կազմակերպության պահնորդներից մեկին ցանկանում ենք տալ ևս մեկ պաշտոն՝ տնօրենի տեղակալ/փոխտնօրեն։ Հարցերը հետևյալն են․

1․ Արդյո՞ք ունենք այդ իրավունքը․ օրական 48 ժամ գրանցելու դեպքում՝ 1-ին պաշտոնը պահնորդ՝ 24ժ, 2-րդը՝ տնօրենի տեղակալ՝ 24ժ։

2․ Աշխատանքային պայմագիրը կնքվելու՞ է արդյոք ինչպես աշխ․ պայմանագիրը տնօրենի հետ։

Կանխավ շնորհակալ եմ։