ԱԱՀ դեբետային մնացորդի վերաբերյալ

Հարգելի Աննա, համաձայն ԱԱՀ մասին օրենքի 2-րդ հոդվածի “ԱԱՀ վճարողներ են համարվում օրենքով սահմանված կարգով ինքնուրույն տնտեսական (ձեռնարկատիրական) գործունեություն վարող և սույն օրեքի 6 հոդվածում թվարկված գործարքներ (գործառնություններ) իրականացնող ֆիզիկական և իրավաբանական անձինք, իրավաբանական անձի կարգավիճակ չունեցող ձեռնարկությունները (այսուհետ` անձինք), բացառությամբ սույն հոդվածով և սույն օրենքի 3 հոդվածով սահմանված դեպքերի:
Ձեռնարկատիրական գործունեություն է համարվում շահույթ (եկամուտ) ստանալու նպատակով պարբերաբար իրականացվող տնտեսական գործունեությունը: Տնտեսական գործունեություն է համարվում ցանկացած գործունեություն, որն իրականացվում է որևէ ձևով կատարվող հատուցման դիմաց:”
Այսպես, եթե Ձեր կազմակերպությունը ստեղծման օրվանից ձեռնարկատիրական (տնտեսական) գործունեություն չի իրականացրել (պարզ ասաց տեղի չի ունեցել իրացում), ապա կուտակված ԱԱՀ դեբետը իրավունք չունեք հաշվանցելու (դրա հաշվին այլ հարկային պարտավորություն մարելու կամ, առավել ևս ետ ուզելու): Տվյալ դեպքում մատակարարներին վճարված ԱԱՀ գումարը պետք է միացվի կառուցվող (կառուցված) շենքի ինքնարժեքին: