Ա/Ձ-ն ներմուծում է հարսանյաց զգեստներ Չինաստանից

Անի.

Հարգելի հաշվապահներ, Ա/Ձ-ն ներմուծում է հարսանյաց զգեստներ Չինաստանից և այդ զգեստները հետագայում տալիս է վարձույթով, ի՞նչ տեսակ հարկեր պետք է վճարի:

Ինչպես հասկացել եմ իմ ինտերնետում կարդացածից` ներմուծման համար մաքսատանը պետք է վճարվի ԱԱՀ 20% -ի չափով: Արդյո՞ք հետագայում ծառայություն մատուցելու համար ևս պետք է ԱԱՀ վճարի, եթե իրականացրած գործարքների հարկվող շրջանառությունը չի գերազանցում 58.35 միլիոն դրամը (ԱԱՀ-ի շեմը) և համարվի ԱԱՀ վճարող:

Կանխավ շնորհակալություն:

0

Ֆեյսբուքյան մեկնաբանություններ

Accountant.am
Author: Accountant.am

2 thoughts on “Ա/Ձ-ն ներմուծում է հարսանյաց զգեստներ Չինաստանից

  1. Հարգելի Անի, ապրանքը մաքսազերծելիս ամենայն հավանականությամբ կվճարեք նաև նախ 10 % տուրք, հետո այդ 10 % կգումարվի ապրանքի մաքսային արժեքին և ընդհանուր գումարը կհարկվի 20 % ԱԱՀ-ով:

    Հետագա հարկումը կկատարվի` կախված սուբյեկտի ԱԱՀ վճարող համարվել/չհամարվելուց: Դրա համար կարող եք ծանոթանալ ԱԱՀ մասին օրենքի 3-րդ հոդվածին, որտեղ նշվում են նաև մի շարք այլ պայմաններ ԱԱՀ վճարող համարվելու համար: Նշեմ նաև, որ այս տարվա հունվարի 1-ից այն կազմակերպությունները, որոնք չեն կարող համարվել շրջանառության հարկ վճարող, ավտոմատ կհամարվեն ԱԱՀ վճարող:

    ԱԱՀ վճարող համարվող կազմակերպությունները վճարում են ԱԱՀ և շահութահարկ, իսկ շրջանառության հարկ վճարողները` շրջանառության հարկ ամբողջ շրջանառությունից (օրենքի մեջ նշվում են տարբեր տոկոսադրույքներ տարբեր գործունեությունների համար):

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *