Վահագն․
Բարև ձեզ: Առցանց խանութը հարկման ենթակա՞ է, և եթե տարեկան շրջանառությունը 24,000,000 դրամից պակաս է, ապա հնարավո՞ր է գրանցվել որպես միկրոբիզնեսով զբաղվող Ա/Ձ, ասենք՝ բիզնեսը գրանցելով Երևանից դուրս, որպեսզի չընկնել բացառությունների ցանկ առևտրի մասով: Շնորհակալություն:
Առցանց խանութը հարկման ենթակա է և չի կարող գործել միկրոբիզնեսի համակարգում: Տվյալ դեպքում Երևանից դուրս գրանցելը ու տարեկան շրջանառության շեմը կապ չունեն, օրենքով սահմանափակված է:
Միկրոձեռնարկատիրության սուբյեկտներ չեն կարող համարվել՝
3) Երևան քաղաքի վարչական սահմաններում առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը, Երևան քաղաքի վարչական սահմաններից դուրս՝ առևտրի իրականացման վայրերում, առևտրի կենտրոններում և տոնավաճառներում առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը, ինչպես նաև անձնական օգտագործման ավտոմեքենաների առևտրական (առք ու վաճառքի) գործունեությամբ կամ էլեկտրոնային առևտրի շրջանակներում առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը:
Շնորհակալ եմ: Իսկ ինչպե՞ս կարող ենք ծանոթանալ հարկման կարգին, տոկոսաչափին և այլ մանրամասներին, որևէ հղում կա՞։
Հարկման կարգին, դրույքաչափին ծանոթանալու համար պետք է ուսումնասիրեք Հարկային օրենսգիրքը և այլ անհրաժեշտ իրավական ակտերը: