Ռուբ.
Բարև ձեզ: ՍՊԸ-ն գրանցվել է 2019-ին, սակայն գործունեություն չի ծավալել, բայց չի գտնվել դադարի մեջ։ 2020 թվականի նոյեմբերին ՍՊԸ-ի հետ պայմանագիր է կնքվել վերջինիս տնօրենի անունով, այդ ժամանակ տնօրենը դեռևս գրանցված չի եղել։ Տնօրենի գրանցումը կատարվել է 2021-ի փետրվարին։ Աշխատանքային պայմանագրում և ընդունման հրամանում ի՞նչ ամսաթիվ լրացնեմ, և ընդունման հրամանում պե՞տք է նշել, որ տվյալ անձը հիմնադիրների որոշման հիման վրա է նշանակվում տնօրեն։
Տնօրենը արդեն իսկ պետռեգիստրի թղթերի համաձայն նշված է, որ տվյալ անձը հիմնադիրների որոշման հիման վրա է նշանակվել տնօրեն։ Աշխատանքային պայմանագրում և ընդունման հրամանում 2021-ի փետրվարի ամսաթիվը լրացրեք:
Իսկ ի՞նչ գումարի չափով է տուգանք հասնում։ Իսկ հարկավո՞ր չէ աշխատանքի ընդունման դիմում գրել և հրամանին դա կցել, հիմք նշելով դա, թե՞ արդեն իսկ անհրաժեշտություն չկա հրամանի հիմնավորում տալ, քանի որ կան պետռեգիստրի թղթերը։
Ի՞նչ տուգանք, ինչի՞ համար։ Հարկավոր չէ աշխատանքի ընդունման դիմում գրել և հրամանին կցել, պետռեգիստրի թղթերը բավարար են։
Տնօրենի գրանցումը որտե՞ղ է եղել՝ Պետ.ռեգիստրու՞մ, ուրեմն պետք է աշխատանքային պայմանագիր կազմեիք 2021թ. փետրվարին, հրաման տայիք, որ հիմնադիրների որոշման հիման վրա նշանակվում է տնօրեն, գրանցման հայտ ներկայացնեիք….սակայն քանի որ չեք արել, այսօր տվեք հայտ, որ վաղը անցնում է իր պարտականությունների կատարմանը, նշանակեք աշխատավարձ և կնքեք պայմանագրեր:
Աշխատանքային պայմանագրի և հրամանի ամսաթիվը պետք է համապատասխանի հայտի ամսաթվին։ Սակայն ինչպես հասկացա դուք հայտ չեք ներկայացրել։ Առաջիկա աշխատանքային օրը հայտը ներկայացրեք։ Եթե աշխատավարձ չեք վճարել փետրվարից սկսած, ապա պայմանագրի և հրամանի ամսաթվերը համապատասխանացրեք հայտին։