Մարիաննա.
Բարև Ձեզ, հարգելի հաշվապահներ:
ՀՀ-ում գործող ՏՏ ոլորտի կազմակերպությունը ծառայություն է մատուցելու արտասահմանյան կազմակերպությանը։ Բացել եմ ԱՁ, աշխատելու եմ շրջհարկով (արդեն դիմումը տվել եմ), ինչպես նաև բացել եմ բանկային հաշվեհամար ԱՁ-ի համար, որը նշված է Taxservice-ում:
Արտասահմանյան կազմակերպությունը` բանկային հաշվեհամարին, ամեն ամիս ծառայության համար պետք է գումար փոխանցի:
Ցանկանում եմ իմանալ, այդ գումարը ինչպե՞ս է երևալու ծրագրում (եթե ՀԴՄ չունեմ), քանի որ եռամսյակային շրջհարկի հաշվետվության 16 կետում պետք է գրեմ այդ գումարի չափի 5%-ը:
Ես շրջանառության հարկի հաշվետվություն տալիս եմ ԱՁ-ի և ՍՊԸ-ի, բայց ՀԴՄ-ով եմ տեսնում շրջանառություն, իսկ ՏՏ ոլորտը չեմ արել, խնդրում եմ օգնել:
Շնորհակալություն:
Հարգելի Մարիաննա, որքա՞ն գումար որ նստի Ձեր հաշվեհամարին, դա Ձեր շրջանառությունն է։
Հարգելի Զոյա, դա գիտեմ, բայց ուզում եմ հասկանալ դա բացի ինձանից ուրիշ մեկը տեսնելու է, ՊԵԿ-ում հարց չի առաջանա, թե այդ գումարը որտեղի՞ց եմ գրել։ ՊԵԿ-ը հաշվեհամարին նստած գումարը տեսնելու է, քանի որ գումարը պետք է հանեմ, ընթացքում չի մնալու հաշվի վրա։
ՊԵԿ-ում հարց չի առաջանա, թե այդ գումարը որտեղից եք գրել։ Այդ նպատակով պետք է ունենաք բանկային հաշվի քաղվածքները: Պետք է ըստ ամեն արժույթի վարեք դրամարկղային գրքեր: Պետք է հիմք ընդունեք գումարի ստացման տվյալ օրը ՀՀ կենտրոնական բանկի հրապարակած փոխարժեքը:
Բարի։ Բայց դրամարկղի գիրք ԱՁ կարծեմ չի ունենում, եթե հաշիվ դուրս գրեմ ու քաղվածքները պահեմ արդեն հերիք չէ՞։
Դրամարկղի գիրք ԱԱՀ վճարող Ա/ձ-ները վարում են, եթե ԱԱՀ վճարող չեք` կարող եք չվարել, սակայն փոխարժեքների փոփոխությունների հաշվով հաշվարկները գրանցեք որևէ կերպ: Հաշիվ դուրս գրեք ու բանկային քաղվածքները ունեցեք ու մուտքերի հաշվարկները կատարեք գումարների ստացման տվյալ օրվա ՀՀ կենտրոնական բանկի հրապարակած փոխարժեքներով:
Շնորհակալություն։ ԱԱՀ վճարող չեմ, շրջհարկով եմ աշխատելու, դիմումը արդեն տվել եմ։
Բարի։ Իսկ եռամսյակի վերջում հիմք ընդունեմ ԿԲ կուրսը, թե՞ նստելու պահին ըստ ամիսների։
Բարև Ձեզ, հարգելի Մարիաննա։ Պետք է դուրս գրեք հաշիվ (invoice) օտարերկրյա գործընկերոջ անունով, արտարժույթով։ Այդ հաշվի հիման վրա պետք է դուրս գրեք էլեկտրոնային հաշիվ e-invoicing ծրագրով, դուրս գրման օրվա փոխարժեքով (համաձայն ՀՀ Հարկային օրենսգրքի հոդված 16-ի)։
Բարև ձեզ, հարգելի Արթուր։ Հաշիվ դուրս գրեմ իմ կատարած աշխատանքի համար, որպեսզի իրանք ինձ այդ հաշիվը փոխանցեն ոը հիմք ունենամ, ճի՞շտ հասկացա։
Այո, դուրս եք գրելու 2 հաշիվ՝ մեկը օտարերկրյա գործընկերոջ համար՝ իր արտարժույթով, մյուսը՝ էլեկտրոնային հաշիվ, e-invoicing ծրագրով։
Բարի։ Մի խնդրանք կասեք` invoce ծրագիրը ո՞րն է, ես e-invocing գիտեմ, թե՞ դա նույնն է։
Invoice-ը թղթային հաշիվն է, որը պետք է պատրաստեք Ձեր գործընկերոջ համար՝ իրենց լեզվով և իրենց արտարժույթով, իսկ դրա հիման վրա դուրս կգրեք արդեն էլեկտրոնային հաշիվ՝ e-invoicing ծրագրով, դուրս գրման օրվա փոխարժեքով։
Շնորհակալություն։
Մեկ հարց ևս։ e-invocing ծրագրում
հաշվարկային փաստաթղթեր բաժնումծառայությունների մատուցման, աշխատանքների կատարման հաշիվ վավերագիր պե՞տք է գրեմ։Այո
Շնորհակալություն։
Հարգելի Մարիաննա,
քանի որ ՏՏ ոլորտ է հավանաբար կունենաք նաև գրանցված աշխատողներ, ուստի ՏՏ ոլորտի հավաստագիր հանեք նաև /եթե իհարկե չունեք/, որպեսզի աշխատողների աշխատավարձից եկամտային հարկը հաշվարկվի 10% դրույքաչափով:
Հարգելի Նաիրա, գրանցված աշխատող չունեմ։ Բայց հետագայում ունենալու դեպքում կհանեմ անպայման։ Շնորհակալություն։