Մարիաննա.
Բարև ձեզ:
Կարո՞ղ եմ հարց ուղղել. պետք է բացեմ ԱՁ և աշխատեմ ՀՀ տարածքից դուրս, բանկում ունենամ հաշիվ, որին կփոխանցեն աշխատավարձը։ Taxservice կայքում հաշվետվության ո՞ր ձևը պետք է լրացնեմ, կարո՞ղ եք օգնել: Կարո՞ղ են այս պարագայում շրջհարկի դիմում տալ և աշխատել շրջհարկով:
Դուք ֆիզիկապե՞ս գտնվելու եք ՀՀ տարածքից դուրս, թե՞ գործունեությունն եք ծավալելու ՀՀ տարածքից դուրս։
Լինելու եմ ՀՀ տարածքում։ Կարող եմ շրջհարկով աշխատել և եռամսյակային շրջանառությունը ցույց տալ կետ 16-ու՞մ:
Պետք է նշեք գործունեության տեսակը, որպեսզի տեսնենք ո՞ր հարկային դաշտում կարող եք աշխատել և ի՞նչ հարկեր պետք է վճարեք։
ՏՏ ոլորտի աշխատանք արտերկրում, իսկ աշխատավարձը ստանալու են փոխանցումով ՀՀ-ում։
Եթե ձեր աշխատանքի դիմաց աշխատավարձ են վճարելու, ապա Ա/Ձ բացել պետք չէ, իսկ եթե պայմանագրային աշխատանք եք կատարելու ծառայությունների մատուցման պայմանագրով, ապա որպես ֆիզ. անձ հարկատու կարող եք գրանցվել ու հարկվել: Լավ կլիներ գրեիք ձեր գործունեությունը ի՞նչ է լինելու:
Պայմանագրով աշխատելու են ՏՏ ոլորտում արտերկրում և ստանալու աշխատավարձ։ Ուղղակի ինձ պետք է իմանալ՝ հարկատեսակը արդյո՞ք ճիշտ գիտեմ, շրջհարկ կետ 16։
Եթե արդեն գրանցվել եք Ա/Ձ, ապա պետք է գործեք կամ ԱԱՀ-ի կամ շրջհարկի դաշտում: Այո, շրջհարկի դեպքում պետք է նշեք հաշվարկի կետ 16:
Կարող եք ստանալ նաև ՏՏ ոլորտի հավաստագիր՝ Ա/ձ դեպքում:
Շնորհակալություն, իսկ ՏՏ ոլորտի հավաստագիրը ի՞նչ առավելություն է տալու, միևնույն է 5 % է հարկվում 16 կետով։
ՏՏ ոլորտի հավաստագիրը կտա արտոնություններ եկամտային հարկի ու շահութահարկի գծով: Դրա համար պետք է ստանալուց հետո անցնեք ԱԱՀ համակարգ, քանի որ դրսի հետ եք աշխատում այդ դեպքում ԱԱՀ չեք վճարի:
Այսինքն ՏՏ ոլորտի հավաստագիր ունենալու դեպքում շրջհարկով չե՞մ կարող աշխատել, պարտադիր պե՞տք է ԱԱՀ-ով աշխատեմ:
ՏՏ ոլորտի հավաստագիր ունենալու դեպքում շրջհարկով կարող եք աշխատել, այդ դեպքում եկամտային հարկի ու շահութահարկի գծով արտոնություններից չեք օգտվի:
Շնորհակալություն։
Խնդրում եմ` կասե՞ք հաշվեհամարը, որը բացելու են աշխատավարձը արտերկրից ստանալու համար, ինչպե՞ս լրացնեմ Taxservice կայքում, ոչ մի կերպ չեմ կարողանում գտնել որտեղ է գրված։ Ինչպես նաև արդյո՞ք հաշվեհամարը պետք է լրացնել, որպեսզի շրջանառությունը երևա։