Վահագն․
Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։
ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։
Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։
այո ֆիզ. անձը կարող զբաղվել երեխաներին լեզուների դասավանդմամբ։ հաշվետվություններ ներկայացնելու պահանջ չկա, անհատ ձեռնարկատեր չհանդիսացող ֆիզիկական անձը միկրոձեռնարկատիրության սուբյեկտ է համարվում, եթե հարկային մարմին է ներկայացրել հարկային մարմնի հաստատած ձևով՝ միկրոձեռնարկատիրության սուբյեկտ համարվելու վերաբերյալ հայտարարություն: Անհատ ձեռնարկատեր չհանդիսացող ֆիզիկական անձը միկրոձեռնարկատիրության սուբյեկտ համարվելու վերաբերյալ հայտարարությունը ներկայացնում է գործունեության իրականացման որևէ ժամանակահատվածի (հարկային տարվա ընթացքում ընտրված ցանկացած հաշվետու ամսվա կամ մեկից ավելի հաշվետու ամիսների կամ հարկային տարվա կամ հարկային տարիների) համար մինչև տվյալ գործունեության տեսակն իրականացնելը կամ տվյալ գործունեության տեսակը շարունակելը: Հարկային մարմինը միկրոձեռնարկատիրության սուբյեկտ համարվելու վերաբերյալ հայտարարություն ներկայացրած անհատ ձեռնարկատեր չհանդիսացող ֆիզիկական անձին միկրոձեռնարկատիրության սուբյեկտ համարվելու վերաբերյալ հայտարարությունը ներկայացնելու օրվան հաջորդող մեկ աշխատանքային օրվա ընթացքում տրամադրում է իր կողմից սահմանված ձևով միկրոձեռնարկատիրության սուբյեկտ համարվելու վերաբերյալ արտոնագիր:
Պեկ-ում կարող է հաշվառվել, որպես ֆիզ անձ։ Կրկնուսույցների կարող են այս կերպ աշխատել։
Միայն տալիս եք տարին մեկ անգամ հայտարարություն։ ՀԴՄ կարիք չկա։