Tag: հաշիվ

Գոհար․

Հարգելի հաշվապահներ, Wildberries հաշվապահության հետ կապված հարց ունեմ, եթե տեղյակ եք կխնդրեմ պատասխանել՝ վաճառքի հաշիվը պետք է գրեմ գինը -դետալիզացիայի “К перечислению Продавцу за реализованный Товар” հանած “Услуги по доставке товара покупателю” գումարի չափո՞վ AH-AK, նաև ստանում ենք հաշիվ ՎԲ-ից հանձնակատարի ծառայություն, նշված է որ վճարման ենթկա չէ, այս հաշվի գումարը որևէ ձևով ձևակերպու՞մ ենք (նշեմ, որ շրջ հարկից այս ծախսերը պակասեցրել են), շնորհակալ կլինեմ, որ օգնեք ինչ գին եմ նշում և ՎԲ-ի հաշվի հետ կապված ինչ պետք է անեմ, շնորհակալություն։

Տաթև․

Բարև Ձեզ, հարգելի հաշվապահներ, խնդրում եմ օգնեք հասկանալ, թե ինչ գործողություններ պետք է կատարվեն, երբ Facebook հարթակում կազմակերպությունը գովազդներ է տեղադրում։ Կազմակերպությունը աշխատում է ԱԱՀ-ով, գովազդի համար վճարումը կատարվել է կազմակերպության բիզնես քարտից։ Արդյո՞ք պետք է ինքնահաշիվ գրել։ Եվ ի՞նչ այլ քայլեր են պետք, որպեսզի այդ ծախսը հետագայում կարողանանք նվազեցնել։

Լարիսա․

Բարև Ձեզ։ Ներեցեք մի հարց` ես սովորում եմ մասնավոր համալսարանում, ներկայացրել եմ 2025 թվականի հայտարարագիրը, և համալսարանին անհրաժեշտ բոլոր տվյալները հաշիվ դուրս գրելու համար, ինձ հավաստիացրեցին, որ երկու ամսվա ընթացքում հաշիվը դուրս կգրվի, սակայն ժամանակն անցել է, բայց դեռ հաշիվը դուրս գրված չէ։ Խնդրում եմ որպես մասնագետ կբացատրե՞ք հնարավոր պատճառները։ Եվ ո՞ր պատասխանատու մարմնին կարող եմ դիմել նման դեպքում, կամ այլ ի՞նչ լուծումներ կառաջարկեք։

Գայանե․

Բարև Ձեզ։ Հարցս վերաբերվում է Wildberries – ին։ Уведомление о выкупе փաստաթուղթը ստանալուց հետո, պետք է դուրս գրվի տեղափոխման բեռնագիր, թե ապրանքների մատակարարման հաշիվ-վավեգիր ԻՄՎԲԱՎ ՍՊԸ-ին։

Լուիզա․

Բարև Ձեզ, ԱՁ գրանցված է Հայաստանում և Wildberries – ում վաճառք է իրականացնում, սակայն ապրանքները Չինաստանից ուղարկում է անմիջապես ՌԴ ՎԲ-ի պահեստ։ ԱՁ-ն հայաստանյան ՎԲ-ի՞ն է հաշիվ գրելու, թե՞ Ռուսաստանի։ Եվ եթե Ռուսաստանի ՎԲ-ին է գրելու, ապա հաշիվ վավերագի՞ր է գրելու, թե՞ մեկ այլ փաստաթուղթ, որտեղ ցույց կտրվի, որ արտահանում է կատարվում։

Ուղեկցող փաստաթուղթ – ի՞նչ է այն իրենից ներկայացնում

Ուղեկցող փաստաթուղթը ՀՀ Հարկային օրենսգրքով սահմանված դեպքերում և կարգով ապրանքի մատակարարումը կամ տեղափոխությունը հավաստող՝ ՀՀ Հարկային օրենսգրքի 55-րդ հոդվածով սահմանված համապատասխան հաշվարկային փաստաթուղթն է․

Սուրեն․

Հարգելի հաշվապահներ, 2026 թվականի փետրվարին իրականացվել է ապրանքների մատակարարում, որի արդյունքում դուրս է գրվել հաշիվ վավերագիր: Սակայն ստացող կազմակերպությունը չի կարողացել կատարել վճարում մատակարարման դիմաց և ցանկանում է հետ վերադարձնել տվյալ ապրանքները, որին ես դեմ չեմ: Կարո՞ղ եք ասել՝ տվյալ պարագայում ստացող կազմակերպությունը պե՞տք է դուրս գրի հաշիվ վավերագիր հետ վերադարձի նպատակով, թե՞ մենք ճշգրտում պետք է կատարենք և ինչպե՞ս: Շնորհակալություն:

Սոֆյա․

Բարև Ձեզ։ Հարգելի հաշվապահներ, ԱՁ-ն աշխատում է շրջհարկով և իլյուստրատորի ծառայություն է մատուցում դրսի կազմակերպությունների համար։ Արդյո՞ք բավական է նրանց կապարած փոխանցումները արտահայտել շրջանառության հաշվարկի մեջ որպես հարկվող եկամուտ, թե՞ կարիք կա նաև էլեկտրոնային տարբերակով ինվոյս գրել։ Եթե այո՝ ինչպե՞ս ենք գրելու դիմացի կողմի համար հաշիվ վավերագիրը, եթե վճարումը դոլարով է։ Եվս մեկ հարց՝ դիզայներական գործունեություն իլյուստրացիան որպես ՏՏ ոլորտ կարելի՞ է դիտարկել։ Կանխավ շնորհակալություն։

Վանուհի․

Բարև Ձեզ։ Եթե մինչև փետրվարի 20-ը ԱՁ-ն չի ներկայացրել շրջ․ հարկով աշխատելու դիմում և դարձել է ԱԱՀ-ով աշխատող, արդյո՞ք այն հաշիվ-վավերագրերը, որոնք դուրս են գրվել հունվար և փետրվար ամիսներին, պիտի փոփոխվեն և դուրս գրվեն հարկային հաշիվների տեսքով։ Կանխավ շնորհակալություն։

Սոֆյա․

Բարև Ձեզ։ Հարգելի հաշվապահներ, կազմակերպությունը մատուցում է լեզվի դասընթացներ, նաև ստանում է կազմակերպությունների կողմից դասընթացի անցկացման պատվերներ։ Կարո՞ղ է արդյոք դիմացի կողմին ծառայության մատուցման հաշվի մեջ գրել առանձին տողերով դասընթաց և ճանապարհածախս։ Կանխավ շնորհակալություն։

Հասմիկ․

Հարգելի գործընկերներ, 2025-ին ձեռք եմ բերել հիմնական միջոց, շահագործել եմ մոտ 1 տարի, այնուհետև 2026թ-ին հետ եմ վերադարձրել մատակարարին։ Մատակարարը դուրս է գրել ճշգրտող հաշիվ և հետ է փոխանցել գումարը։

1․ Ի՞նչ ձևակերպումներ են անհրաժեշտ

2․ Արդյո՞ք առաջանում է հասույթ

Մարինե․

Բարև, հարգելի խմբակիցներ։ Մի քանի հարց ունեմ Wildberries – ի վերաբերյալ։ Իրականացնում եմ վաճառք Wildberries հարթակում։ Ստացել եմ Դետալիզացիայի հաշվետվություն, որտեղ ապրանքները ունեն 3 կարգավիճակ՝ 1) Продажа 2) Обработка 3) Логистика

Հարցս հետևյալն է ՝ Հաշիվ վավերագիր դուրս գրելուց պե՞տք է առևտրի շրջանառությունը ներառի միայն վաճառված ապրանքի գինը, այսինքն Продажа կարգավիճակով, թե՞ ամբողջովին։ Եթե այո, ապա շրջ․ հարկի հաշվետվության մեջ այն ապրանքների ծախսերը, որոնք դեռ չունեն Продажа կարգավիճակը, չե՞նք կարող ընդգրկել ծախսերի մեջ, այսինքն շրջանառությունը հաշվարկվում է տվյալ ժամանակաշրջանի համար, իսկ ծախսերը հաշվարկվում են, տեղափոխվում են հաջո՞րդ ժամանակաշրջան։

Քրիստինե․

Բարև բոլորին։ Մի հարց տամ։ Փետրվար ամսին դուրս եմ գրել 5 հատ ապրանքի հաշիվ (արտադրել ենք մետաղապլաստե դուռ և լուսամուտ), որտեղ ԱՏԳԱԱ կոդերը չեմ գրել։ Հիմա չեղարկե՞մ, նորից հաշիվ դուրս գրեմ նոր ամսաթվով, լրացուցիչ տեղում գրեմ տվյալ հաշվի համարը, թե՞ թողնեմ այդպես։ Խնդրում եմ պատասխանեք։

Արմեն․

Բարև Ձեզ։ Մատուցում ենք օնլայն խորհրդատվական ծառայություններ (և իրավաբանական անձանց, և ֆիզ․ անձանց)։ Երբեմն ֆիզ․ անձ հաճախորդները չեն ցանկանում տրամադրել անձնագրային տվյալները՝ հաշիվ դուրս գրելու համար։ Այս դեպքում պե՞տք է ՀԴՄ կիրառել։ Եթե այո՝ ֆիզիկական ՀԴՄ սարք, թե՞ օնլայն ՀԴՄ։ Անկանխիկի օրենքում նշվում է, որ խորհրդատվական ծառայությունների վճարները կատարվում են անկանխիկ ձևով։ Այսինքն՝ եթե վճարումը կատարվում է քարտով կամ այլ վճարային համակարգով, կարո՞ղ ենք ՀԴՄ կիրառել, թե՞ ոչ։ Շնորհակալ եմ նախապես։

Մերի․

Բարև ձեզ, Wildberries հաշվապահության հետ կապված հարցեր ունեմ։ Հաշիվը գրում ենք Уведомление о выкупе տվյալներով, դա ՀՀ-ից դուրս վաճառված ապրանքների համար է ծախսերն էլ հանած, հիմա հարցս՝ իսկ ՀՀ–ում վաճառված ապրանքների համար ինչպե՞ս ենք հաշիվը գրում, եթե ծախսերը հանած չեն դետալիզացիայի մեջ։ К перечислению Продавцу за реализованный Товар տողից հանու՞մ ենք լոգիստիկան։ Մի հարց ևս՝ Wildberries-ը մեզ հաշիվներ է գրում հանձնակատարի ծառայության, դրա մեջ ի՞նչն է ներառված, գովազդի ծախսերն այդտեղ կա՞ն։

Տիգրան Ավետիսյան․

Բարև ձեզ։ Wildberries հարթակում վաճառքների շրջանառությունը կազմվում է ՎԲ ՀՀ-ում ներկայացուցիչ ԻՄՎԲԱՄ-ի կողմից դուրս գրվող շաբաթական уведомления о выкупе հաշիվներով, որտեղ հաստատում է վաճառողից x քանակով և x գնով արանքների գնումը (որտեղից հանված են բոլոր կամիսիաները, պահպանման վճարները և լոգիստիկան), թե՞ ընդհանուր հաշվետվությունը, որտեղ ներառված են այդ բոլոր ծախսերը, և չենք կարող նվազեցում կամ ծախս համարել, որովհետև չկա երկկողմանի հաշիվ-ֆակտուրա և համարվում է զուտ հաշվետվություն: Ցանկանում եմ հասկանալ՝ ո՞ր փասթաթուղթը պետք լինի հիմք շրջանառություն հաշվելու ու շրջհարկ վճարելու համար: Շատ շնորհակալ կլինեմ պատասխանի համար:

Արման․

Հարգելի հաշվապահներ, կազմակերպությունը ցանկանում է ձեռքբերել էլեկտրամոբիլ լիզինգով։ Ինչպե՞ս են կատարվելու այս ձեռքբերման մասով ծախսագրումները՝ բանկի կողմից դուրս գրված հաշիվների հիման վրա, թե՞ այլ եղանակով։ Նախապես շնորհակալություն։

Լևոն․

Բարև Ձեզ: Կազմակերպությունը աշխատում է միկրոձեռնարկատիրության համակարգում: 2025-12-08 ամսաթվին դորս եմ գրել հաշիվ վավերագիր՝ առանց պարտադիր ԱՏԳ ԱԱ ծածկագիրը ներառելու, և գնորդը արդեն էլեկտրոնային ստորագրությամբ հաստատել է հաշվի ստացումը: Խնդրում եմ ասել, թե ինչպես կարող եմ այժմ ճշտել թերի դուրս գրած հաշիվ վավերագիրը: Էլեկտրոնային համակարգը հաշիվը ճշգրտելու միջոցով թույլ չի տալիս ավելացնել ԱՏԳ ԱԱ ծածկագիրը, որովհետև ԱՏԳ ԱԱ դաշտը ակտիվ չէ: Եթե պետք է հաշիվը չեղարկել և նորը դուրս գրել, ապա կարո՞ղ եք ասել իմ անելիք քայլերը մի քիչ ավելի մանրամասն: Շնորհակալություն, հարգաքներով՝ Լևոն:

Հապետ․

Անհատ ձեռնարկատերը զբաղվում է սալիկների արտադրությամբ և գտնվում է միկրոձեռնարկատիրական գոծունեության հարման ռեժիմում: Ունի նաև արևային կայան: Պարզվել է, որ այն ոչ թե ֆիզիկական անձով է, այլ ԱՁ-ով է և ավելցուկ էլ. էներգիայի գումարը ՀԵՑ -ից ստանալու համար պետք է դուրս գրվի հաշիվ: Արդյո՞ք հաշիվ դուրս գրելուց հետո ԱՁ -ն կմնա նույն հարկման ռեժիմում։

Անի․

Բարև Ձեզ։ Խնդրում եմ պատասխանել հարցիս․ եթե ԱՁ-ն իր քարտից գնում է կատարել (անձնական), հիմա խանութն ասում է՝ կարող է հաշիվ դուրս գրել, արդյո՞ք դա անհրաժեշտ է։ ԱՁ-ն աշխատում է շրջհարկով օնլայն տանից՝ ծախսեր չի կատարում։

Հայկ․

Բարև Ձեզ, հարգելի մասնագետներ։ Շրջհարկով աշխատող ԱՁ եմ։ Առաջին անգամ Ozon-ից ստացել եմ Отчет о реализации դեկտեմբեր ամսվա համար, ունեմ միայն մեկ վաճառք։ Վաճառքի ամսաթիվը 12․12․2025թ է, գումարն էլ ռուբլիով։ Ունեմ մի քանի հարց․

1․ Այդ վաճառքի համար պե՞տք է դուրս գրեմ հաշիվ վավերագիր, և եթե այո, ապա ու՞մ անունով, և ո՞ր ամսաթվով։

2․ Ապրանքների մատակարարման վայրը և նշանակման վայրը որ՞ հասցեները պետք է գրել։

3․ Գինը հաշվել ո՞ր օրվա ռուբլու կուրսով։

4․ Բացի շրջհարկի հաշվետվությունից, որևէ այլ հաշվետվություն ներկայացնելու կարիք կա՞։

Անչափ շնորհակալ կլինեմ օգնելու համար։

Սոնա․

Բարև Ձեզ։ Միկրոձեռնարկատիրություն համարվող ԱՁ-ն, որը ծառայություններ է մատուցում, արդյո՞ք պարտավոր է դուրս գրել հաշիվ-վավերագրեր, թե՞ միայն տարեկան շրջանառության մասին հաշվետվությունը հանձնելը բավական է։ ԱՁ-ն ոչ ռեզիդենտ կազմակերպությանը մատուցում է ծառայություններ:

Հայկ․

Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.

Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել

Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա

Հարց 3. Տեղափոխության բեռնագրում նշված գումարները ենթակա՞ են հարկման շրջհարկով

Շնորհակալություն։

Անի․

Բարև Ձեզ։ Հաշվի հիման վրա կազմվել է հանձնման-ընդունման ակտ։ Խնդրում եմ ասացեք՝ ակտի ժամկետը պե՞տք է լինի հաշվի վրա նշված ամսաթիվը, թե՞ կարող է այլ ամսաթիվ լինել։ Կանխավ շնորհակալություն։

Հայկ․

Բարև Ձեզ։ ԱՁ-ն առցանց ապրանքներ է վաճառում 3-րդ երկրներում գտնվող ֆիզ անձանց։ Կասե՞ք՝ թաքսերվիսով օնլայն հաշիվ գրելը պարտադի՞ր է, թե՞ կարող ենք հաշիվ չգրել, միայն շրջանառության հարկի հաշվարկում ցույց տալը բավարար է։ Կխնդրեմ նաև այս հարցի վերաբերյալ օրենքի հղում տաք։

Ռոբ․

Բարև Ձեզ, հարցս հետևյալն է․ եթե կազմակերպությունը ապրանք է արտահանում Ռուսաստան և 3-րդ երկիր, պե՞տք է դուրս գրի հաշիվ վավերագիր տվյալ կազմակերպութոունների անունով՝ արտարժութը տվալ օրվա ԿԲ կուրսով հաշվարկված:

Նարեկ․

Բարև Ձեզ: Ցանկանում եմ ապրանք վաճառել Wildberries-ում, բայց ապրանքը գնելու եմ Չինաստանից և ուղարկեմ ՌԴ պահեստ: Ինձ հետաքրքրում է՝ արդյո՞ք կարողանալու եմ Չինական կազմակերպության տրված ինվոյսի հիման վրա կատարել նվազեցումներ, որպես ապրանքի ինքնարժեք։

Գևորգ․

Հարգելի հաշվապահներ, ֆիզիկական անձը ֆրիլանս ձևաչափով և առանց պայմանագրի իրականացնում է հանակարգչային ծրագրերի թեստավորում (crowdtesting) արտասահմանյան ընկերության համար և ցանկանում է գրանցվել որպես ինքնազբաղված ֆիզիկական անձ։

1. Կարո՞ղ է հարկային հաշվետվությունները և վճարումները ներկայացնել տարեկան կարգով։

2. Պարտադի՞ր է Invoice դուրս գրել, եթե եկամուտը ստացվում է Payoneer-ի միջոցով։

3. Ո՞ր տնտեսական գործունեության կոդով է ճիշտ գրանցվել՝ 62.02 կամ 62.09, թե՞ այլ։

Կանխավ շնորհակալություն։

Անահիտ․

Հարգելի գործընկերներ, ի՞նչ պատասխանատվություն է կիրառվում այն դեպքում, երբ ապրանքների մատակարարման հարկային հաշվում նշված դուրսգրման ամսաթիվը 1 օր ուշ է մատակարարման ամսաթվից։

Բարև Ձեզ, կազմակերպությունը զբաղվում է օնլայն առևտրով (Վայլդբերիս)։ Ապրանքները վաճառվում են և ՀՀ պահեստից և ՌԴ պահեստից։ Խնդրում եմ օգնել` ապրանքի մատակարարման հաշիվները պետք է դուրս գրեմ ըստ դետալիզացիայի վաճառքներ թվի՞ և ապրանքացանկո՞վ։ Երկու պահետներից վաճառքի դեպքում էլ նույն կազմակերպությանը պիտի՞ հաշիվ գրեմ։