Հանրային սննդի գործունեություն

շրջ.հարկի հաշվետվություններ,սոցվճար և դրոշմանիշային վճար, եթե աշխատողներ չկան ինչ աշխատավարձի մասին եք գրել,

Հոդված 258.Շրջանառության հարկի դրույքաչափերը
3. Հաշվետու ժամանակաշրջանի համար հանրային սննդի ոլորտում իրականացվող գործունեությունից ձևավորվող հարկման բազայի մասով սույն հոդվածի 1-ին մասով սահմանված դրույքաչափերով հաշվարկված շրջանառության հարկի գումարը նվազեցվում է տվյալ հաշվետու ժամանակաշրջանում հանրային սննդի ոլորտում իրականացվող գործունեության հետ կապված՝ Օրենսգրքի 55-րդ հոդվածի 2-րդ մասի 1-5-րդ կետերով, ինչպես նաև նույն հոդվածի 11-13-րդ մասերով սահմանված փաստաթղթերով հիմնավորված ծախսերի (բացառությամբ հիմնական միջոցներ ձեռք բերելու կամ կառուցելու ծախսերի, հիմնական միջոցների վրա կատարվող կապիտալ և ընթացիկ ծախսերի ու հիմնական միջոցների և ոչ նյութական ակտիվների ամորտիզացիոն մասհանումների, ինչպես նաև խոհարարական արտադրանք չհանդիսացող այլ ակտիվների օտարման դեպքում՝ դրանք ձեռք բերելու ծախսերի) հանրագումարի երեք տոկոսը կազմող գումարի չափով: Այսինքն աշխատավարձը համարվում է նվազեցվող ծախս:
Պետք է ներկայացվի շրջանառության հարկի հաշվարկ – եռամսյակային, աշխատողներ ունենալու դեպքում եկամտային հարկի հաշվարկ – ամսեկան, ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի Հաշվարկ – տարեկան, անհատ ձեռնարկատիրոջ և նոտարի սոցիալական վճարի Հաշվարկ – տարեկան: Բացի վերը նշվածից կվճարվի նաև դրոշմանիշային վճար տարեկան ըստ սանդղակի: