Նունե․
ԱԱՀ ով աշխատող ՍՊԸ-ն տարիներ շարունակ աշխատել է շահույթով և չի վճարել շահաբաժին։ Պարտադի՞ր է արդյոք վճարել շահաբաժին, և օրենքի ո՞ր հոդվածն է պարտադրում։
Կայք հաշվապահների համար և ոչ միայն
Կայք հաշվապահների համար և ոչ միայն
Օրենքով պարտադիր չէ, բայց պետք է ինչ-որ կերպ հիմնավորեք, և կարող եք ամեն տարի մասնակիցների ժողովի արձանագրություն կազմել՝ նշելով, որ որոշվել է չբաշխել այս տարի չբաշխված շահույթը։
պարտադիր չի, բայց կարող է որոշում կայացվել թե տվյալ տարվա շահույթը ինչ եք անելու,
Հոդված 24.Շահույթի բաշխումն ընկերության մասնակիցների միջև
1. Ընկերությունն իրավունք ունի ոչ հաճախ, քան եռամսյակը մեկ անգամ իրականացնելու իր շահույթի բաշխում ընկերության մասնակիցների միջև: Շահույթի բաշխման մասին որոշումն ընդունվում է ընդհանուր ժողովի կողմից:
2. Բաշխման ենթակա շահույթը բաշխվում է ընկերության մասնակիցների միջև` ըստ ընկերության կանոնադրական կապիտալում նրանց բաժնեմասերի չափերի:
3. Բանկերի մասնակիցների միջև շահույթի բաշխման կարգն ու առանձնահատկությունները սահմանվում են «Բանկերի և բանկային գործունեության մասին» Հայաստանի Հանրապետության օրենքով:
4. Շահույթը բաշխվում է շահույթի բաշխման մասին որոշումն ընդունվելուց հետո՝ մեկ տարվա ընթացքում:
Հոդված 37.Հերթական ընդհանուր ժողովը
Հերթական ընդհանուր ժողովն անցկացվում է ոչ պակաս, քան տարին մեկ անգամ: Ընկերության կանոնադրությամբ կարող է սահմանվել հերթական ընդհանուր ժողովի անցկացման այլ պարբերականություն: Հերթական ընդհանուր ժողովը հրավիրում է գործադիր մարմինը:
Ընկերության կանոնադրությամբ կարող են սահմանվել ընկերության գործունեության տարեկան արդյունքները հաստատող ժողովի անցկացման ժամկետները: Նշված ժողովը պետք է անցկացվի ֆինանսական տարվա ավարտից ոչ շուտ, քան 2 ամիս և ոչ ուշ, քան 6 ամիս անց
Ինչպես տեսնում ենք օրենքը չի պարտադրում շահաբաժին տալ, բայց տարին մեկ անգամ ժողով անելը կարծես թե պարտադիր է: Դե այդ ժողովի ժամանակ բնականաբար քննարկվող հիմնական հարցը ավարտված տարվա ցուցանիշներն են, նույն թվում ինչպես վարվել շահույթի հետ: