Գայանե․
Բարև Ձեզ:
ՈՒնեմ ԱՁ, որի գործունեությունը ժամանակավորապես դադարեցված է 2024-ից, այդպես է նշված նաև ՊԵԿ կայքում: Զուգահեռ աշխատում եմ նաև բանկում և ստանում եմ գրանված աշխատավարձ: ԱՁ-ի գոյություն ունենալը կխանգարի՞ մայրության 140 օրվա համար նպաստի ստացմանը:
ոչ, քանի որ ստանալու եք նպաստը որպես վարձու աշխատող
Բարև Ձեզ: Ոչ, քանի որ ԱՁ գործունեությունը արդեն դադարեցված է: Ինքնուրույնաբար իրեն աշխատանքով ապահոված անձին մայրության նպաստը տրվում է ժամանակավոր անաշխատունակության թերթիկով վավերացված՝ հղիության և ծննդաբերության արձակուրդի իրավունք ունենալու ժամանակահատվածում գործունեությունը անորոշ կամ որոշակի ժամկետով դադարեցնելու դեպքում՝ գործունեությունը անորոշ կամ որոշակի ժամկետով դադարեցնելու օրվանից: Տվյալ դեպքում Դուք կստանաք մայրության նպաստը որպես վարձու աշխատող, և նպաստի համար կհաշվարկվի միայն վարձու աշխատող լինելու ժամանակահատվածում ստացված եկամուտը, քանի որ նախորդ տարի որպես ԱՁ չեք ունեցել եկամուտ:
Շնորհակալություն։
Ես դեռ չէի փակել ԱՁ-ի բանկային հաշիվները, բայց 2024-ից դրանցով ոչ մի գործարք չի կատարվել։ Մոտեցա բանկ հաշիվները փակելու և վճարեցի կուտակված սպասարկման միջնորդավճար։ Այդ գումարը բանկում նստեցրին ԱՁ-ի հաշվին, որպեսզի էդտեղից պարտքը մարվի և հաշիվը փակվի։ Դա կարո՞ղ է դիտվել որպես ԱՁ-ի հաշվին շրջանառություն կամ նման բան ու խանգարել ֆիզարձակուրդի գումարի ստացման պրոցեսին։