Պայմանագիր օտարերկրյա քաղաքացու հետ

կախված է նաև թե որ երկրի քաղաքացի է, ծառայությունների մատուցման պայմանագրում սահմանեք ինչքան եք վճարելու, ինչի համար ու պահումներ կատարելու,

Բարև Ձեզ։ ՊԵԿ կարծիքը նմանատիպ հարցի վերաբերյալ՝

Ի պատասխան Ձեր 11․10.2022թ. գրության

Հիմք ընդունելով ՀՀ հարկային օրենսգրքի 35-րդ հոդվածի 1-ին մասը և 307-րդ հոդվածը, իրազեկման կարգով հայտնում ենք հետևյալը:

«Արժութային կարգավորման և արժութային վերահսկողության մասին» ՀՀ օրենքի</p><p class="ql-align-justify"> - 1-ին հոդվածի համաձայն նույն օրենքը սահմանում է ՀՀ-ում արժութային գործարքների կնքման կարգն ու պայմանները, արժութային արժեքների տնօրինման, տիրապետման և օգտագործման դեպքերը, կարգն ու պայմանները, ինչպես նաև կարգավորում է ՀՀ-ում արժութային կարգավորման ու վերահսկողության հետ կապված այլ հարաբերություններ,

– 3-րդ հոդվածի 9-րդ կետի «ա» և «դ» ենթակետերին համապատասխան՝ ընթացիկ արժութային գործարքներ են համարվում ռեզիդենտի և ոչ ռեզիդենտի միջև կատարվող գործարքները կամ վճարումներըանկախ դրանց գումարային մեծությունից մասնավորապես՝ ապրանքների (գույքի) օտարման, աշխատանքների կատարման, գույքի օգտագործման, ծառայությունների մատուցման դիմաց կատարվող վճարումները, ոչ առևտրային բնույթի փոխանցումները ՀՀ տարածք և ՀՀ տարածքից դուրս, ներառյալ աշխատավարձի, կենսաթոշակների, ժառանգությունների, ֆինանսական օգնության, նվիրատվությունների փոխանցումները,

– 6-րդ հոդվածի 1-ին մասի համաձայն՝  ՀՀ տարածքում ապրանքների (գույքի) իրացման, ծառայությունների մատուցման, աշխատավարձի և դրան հավասարեցված այլ վճարների վճարումների, գույքի գնահատման և աշխատանքների կատարման, գույքի օգտագործման դրամական (փողային) գնանշումներն իրականացվում են ՀՀ դրամով, բացառությամբ նույն օրենքով նախատեսված դեպքերի։

Նույն հոդվածի 7-րդ մասի համաձայն՝ անկանխիկ վճարումներ նախատեսող և գրավոր ձևով կնքված պայմանագրերում գնանշումները կարող են կատարվել արտարժույթով, եթե այդ պայմանագրերը կնքվել են իրավաբանական անձ կամ անհատ ձեռնարկատեր հանդիսացող ռեզիդենտի և իրավաբանական անձ կամ անհատ ձեռնարկատեր հանդիսացող ոչ ռեզիդենտի միջև,

– 7-րդ հոդվածի 3-րդ մասի համաձայն՝ ՀՀ տարածքում, բացառությամբ օտարերկրյա պետություններում ՀՀ դեսպանությունների, հյուպատոսական հիմնարկների, ընթացիկ արժութային գործարքների դիմաց վճարումները և կապիտալի շարժի ու ֆինանսական արժութային գործարքները օրենքով նախատեսված դեպքերում կանխիկ և անկանխիկ իրականացվում են ՀՀ դրամով, բացառությամբ նույն հոդվածի 4-րդ, 5-րդ, 7-րդ և 8-րդ մասերում նշված դեպքերի:

Նույն հոդվածի 5-րդ մասի համաձայն՝ ՀՀ տարածքում նույն օրենքի 3-րդ հոդվածի 9-րդ կետի «դ» ենթակետում նշված ոչ առևտրային բնույթի գործարքները, բացառությամբ աշխատավարձի վճարումների, կարող են իրականացվել նաև արտարժույթով՝ օրենքով նախատեսված դեպքերում՝ կանխիկ և անկանխիկ ձևով:

ՀՀ ԿԱ ՀՊԾ պետի 11.10.2005թ. «Հայաստանի Հանրապետությունում արժութային արժեք­ներով գործարքների իրականացման վերաբերյալ» N3 պաշտոնական պարզաբան­ման՝

– 2-րդ կետին համաձայն«Արժութային կարգավորման և արժութային վերահսկողության մասին» ՀՀ օրենքի իմաստով «ՀՀ տարածք» հասկացությունը<strong> </strong>համապա­տասխանում է «Պետական սահմանի մասին» ՀՀ օրենքով տրված հասկացությանը,</p><p class="ql-align-justify"> - 5-րդ կետին համաձայն օրենքի իմաստով կարևոր չէ, թե վճարումը որտեղ է իրականացվում, այլ կարևոր է, թե ինչպիսի գործարքի դիմաց է կատարվում վճարումը (օրինակեթե գործարքը կատարվում է երկու ռեզիդենտների միջև ՀՀ տարածքում, ապա վճարումը կանխիկ կամ անկանխիկ պետք է կատարվի ՀՀ դրամով, եթե նույնիսկ վճարման ենթակա գումարը հաշվեգրված է օտարերկրյա բանկում այդ ռեզիդենտների բանկային հաշիվներին),</p><p class="ql-align-justify"> - 9-րդ կետին համաձայն ՀՀ տարածքում աշխատա­վարձի վճարումն իրականացվում է ՀՀ դրամով:

ՀՀ աշխատանքային օրենսգրքի 192-րդ հոդվածի 2-րդ մասին համապատասխան՝ աշխատավարձը վճարվում է ՀՀ արժույթով՝ կանխիկ կամ անկանխիկ ձևով՝ օրենքով սահմանված դեպքերում և կարգով:

Հաշվի առնելով վերոգրյալը՝ հայտնում ենք, որ․

1. արտարժույթով իրականացվող գործարքների (գնանշում, վճարում) նկատմամբ «Արժութային կարգավորման և արժութային վերահսկողության մասին» ՀՀ օրենքով սահմանված սահմանափակումները (մասնավորապես` օրենքի 6-րդ և 7-րդ հոդվածներ) վերաբերում են ՀՀ տարածքում իրականացվող գործարք­ներին: Նույն օրենքի կիրառման իմաստով գործարքը համարվում է իրականացված ՀՀ տարածքում, եթե գործարքին վերաբերող պայմանագիրը կնքվել է ՀՀ տարածքում: Հետևաբար՝ ՀՀ ռեզիդենտ կազմակեր­պության և ոչ ռեզիդենտ ֆիզիկական անձի միջև՝

– ՀՀ տարածքում կնքված ծառայությունների մատուցման պայմանագրում գնանշումը, ինչպես նաև դրա դիմաց վճարումը պետք է կատարվի ՀՀ դրամով,

– ՀՀ տարածքից դուրս կնքված ծառայությունների մատուցման պայմանագրում գնանշումները և դրանց դիմաց վճարումները կարող են կատարվել նաև արտարժույթով:

Միաժամանակ հայտնում ենք, որ ծառայությունների մատուցման պայմանագիրը ՀՀ տարածքում կնքված համարելու հետ կապված հարցերը կարգավորվում են ՀՀ քաղաքացիական օրենսգրքի դրույթներով,

2. ՀՀ ռեզիդենտ կազմակերպության և ֆիզիկական անձանց (այդ թվում՝ ոչ ռեզիդենտ) միջև ՀՀ տարածքում ծագած (ՀՀ աշխատանքային օրենսգրքին համա­պատասխան կնքված աշխատանքային պայմանագրերի շրջանակներում) աշխատանքային հարաբերությունների (անկախ աշխատանքները այլ պետությունում կատարելու հանգամանքից) դիմաց աշխատավարձի գնանշումը և փոխանցումը (վճարումը) պետք է իրականացվի ՀՀ դրամով: