Category: Հարկեր, տուրքեր, վճարներ

Գայանե.

Բարև Ձեզ, հարգելի հաշվապահներ: Խնդրում եմ օգնել հետևյալ հարցում: Ա/Ձ-ն գործում է միկրոյի դաշտում, վարսավիրական ծառայություն է: Հարց 1. Ստաժ համարվու՞մ է, թե՞ ոչ: Հարց 2. Եթե ստաժ չի համարվում, որպես աշխատող գրանցվելու դեպքում ստաժ կհամարվի՞: Հարց 3. Եթե Ա/Ձ-ն գրանցվի որպես աշխատող` ամսական 5 000 դրամ, 3.5% և դրոշմանիշային 1 500, իսկ տարեկան 18 000 վճարելու՞ է, թե՞ ոչ, եթե ամսական 1 500 դրոշմանիշային է վճարելու: Այս հարցը չգիտես ինչու լիարժեք պատասխան չեմ ստանում: Շնորհակալ եմ:

Անի.

Բարև Ձեզ:
Կցանկանայի տեղեկանալ, թե որքա՞ն գումար պետք է վճարել մաքսայինում ԱՄՆ-ից համակարգիչ ներկրելու դեպքում /սեփական օգտագործման/, որի արժեքը կազմում է 880$:

Էրիկ.

Բարև Ձեզ: Մի բան հարցնեմ: Իմ ավտոյի գույքահարկը սպառվում է փետրվարին, բայց օր չի երևում: Կապ ունի օրը, թե՞ փետրվար ամսին որ օրը ուզեմ կարող եմ մուծել:

Հայկ.

Բարև Ձեզ: Ի՞նչ վճարներ պետք է կատարվի դիզվառելիք վաճառելու համար:

Արևիկ․

ՍՊԸ-ի հիմնադրի /հիմնադիրը ՀՀ քաղաքացի է/ կողմից կանոնադրական կապիտալ է ներդրվել հողամաս և շինություն: Ինչպիսի՞ հարկեր են առաջանում և ի՞նչ ձևակերպումներ պետք է տրվեն: Կանխավ շնորհակալություն:

Աննա․

Բարև Ձեզ։ Ա/Ձ-ն ծառայություններ է մատուցում՝ I55101 դասակարգչով, և հանդիսանում է միկրոձեռնարկատեր, ունի գրանցված աշխատող։ Ամսական և տարեկան ի՞նչ հաշվետվություններ պետք է ներկայացնել։

Անժելա․

Ա/Ձ գրանցվելու համար որքա՞ն գումար է հարկավոր։ Սկզբնական 3 000-ից բացի այլ վճարումներ էլ կա՞ն։

Բարեւ Ձեզ։ Կազմակերպությունը հանդիսանում է դիստրիբյուտր ԼՂՀ-ում ծխախոտի արտադրությամբ զբաղվող ֆիրմայի համար: Այսինքն՝ մենք ստանում ենք հաշիվ ապրանքագրեր ակցիզային հարկով և հետո վերավաճառում այդ ապրանքը Հայաստանյան շուկայում: Արդյո՞ք մենք հանդիսանում ենք ակցիզային հարկ վճարող և պե՞տք է արդյոք հաշվետվության մեջ լրացնել ակցիզային հարկի մասը։

Բարև Ձեզ, հարգելի հաշվապահներ։
Ա/Ձ-ն գրանցել եմ 13.01.2021-ին որպես մասնագիտական գործունեություն իրականացնող։ Հարկման տեսակն ընտրել եմ ըստ շրջանառության։ Աշխատելու եմ հաշիվ-ֆակտուրայով։ Ի՞նչ ամսական վճարներ պետք է կատարեմ և ի՞նչ հաշվետվություններ պետք է ներկայացնեմ։ Աշխատողներ չունեմ։

Անի․

Հարգելի հաշվապահներ, հաշվետվությունների բաժնի 163 ձևը նախատեսված է Ա/Ձ-ների համար միա՞յն։ Այսինքն՝ օրինակ Ա/Ձ-ն երբ քաղիրավական պայմանագրով անձ է աշխատանքի ընդունել տարվա մեջ, բացի ծառայության մատուցման ժամանակ առաջացած եկամտային հարկից առաջանու՞մ է նաև տարեկան եկամտային հարկ։

Բարև Ձեզ: Հունվարի 19-ին epayments.am համակարգի միջոցով կատարել եմ շրջանառության հարկի՝ Ա/Ձ այլ գործունեության տեսակներից ստացված եկամուտներից վճարում։ Գումարը նստել է ամսի 25-ին և հիմա ստացվում է, որ ես պե՞տք է տույժ վճարեմ։
Կասեք՝ ի՞նչ անել այս դեպքում։
Կանխավ շնորհակալություն:

Հայկ.

Բարև Ձեզ:
Կխնդրեմ օգնել, շտապ է: Եթե ՍՊԸ-ն 2020թ. աշխատել է շրջհարկով, իրականացնում է մաքրման ծառայություններ՝ N81210 գործուն. տեսակով, միաժամանակ ունի երկու ավտոլվացման կետեր՝ G45204, որոնցից մեկում կա ՀԴՄ, իսկ մյուսը՝ “Լվա ինքդ” մետաղադրամով աշխատող: 2020թ. համար “Լվա ինքդ” ավտոլվացման կետում հասույթը ինքնուրույնաբար հաշվել ենք և ներկայացրել շրջհարկի հաշվետվության մեջ:
Հարցս հետևյալն է. այս տարի նույնպե՞ս պետք է աշխատել շրջհարկի դաշտում, 2020թ. շրջանառությունը չի գերազանցում 24 մլնը: Եվ 2-րդ հարց. պարտադիր է “Լվա ինքդ” ավտոլվացման կետում ունենալ ՀԴՄ:

Բարև Ձեզ։
Ես Ա/Ձ եմ, աշխատում եմ անցյալ տարվանից։ Անցյալ տարի լրացրել եմ միկրոձեռնարկատիրության սուբյեկտ համարվելու վերաբերյալ հայտ։ Այս տարի նորից լրացնե՞մ, թե՞ պետք չի:

Արամ.

Բարև Ձեզ: Ա/Ձ-ն իրականացնում է բացառապես պետական տուրքի 19.7 հոդվածով սահմանված գործունեություն և ամեն ամիս վճարում է պետական տուրք: Տարվա սկզբից հանդիսանում է ԱԱՀ վճարող: Հարցս հետևյալն է՝ ի՞նչ հարկեր և վճարներ պետք է վճարի բացի պետ. տուրքից: Ա/Ձ 5 000 արդյո՞ք կվճարի սոց. վճար, դրոշմանիշային:

Արփինե.

Հարգելի հաշվապահներ, Ա/Ձ-ն, որը գործունեություն է իրականացնելու մարզում և զբաղվելու է հացի /նաև լավաշի/ արտադրությամբ, որը վաճառվելու է տեղում ՀԴՄ-ով, կարո՞ղ է աշխատել միկրո համակարգում, թե՞ պետք է գործի շրջհարկի դաշտում, և էլ ի՞նչ հաշվետվություններ պետք է ներկայացնի 2 դեպքում էլ:
1. Միկոյի դեպքում՝ տարեկան՝ շրջանառության վերաբերյալ, եռամսյակային՝ ֆիզիկական ծավալների մասով, ամսական՝ աշխատողների մասով եկամտայինի հաշվարկ:
2. Շրջհարկի դեպքում՝ եռամսյակային՝ շրջանառության հաշվարկ, և ֆիզիկական ծավալների մասով, ամսական՝ աշխատողների մասով եկամտայինի հաշվարկ, տարեկան՝ Ա/Ձ-ի շահութահարկի և սոց. վճարի հաշվարկ։

Անի.

Բարև Ձեզ, հարգելի հաշվապահներ: Շրջանառության հարկի դաշտում գործող Ա/Ձ-ն կատարել է ներմուծում Ռուսաստանից և ներմուծման տարանցման հայտարարագրի մեջ նշված է՝ ՊՐԻՆՑԻՊԱԼ, կազմակերպության անվանում։ Այս դեպքում ո՞նց պետք է կատարվի հաշվետվությունների ներկայացումը և հարկի վճարումը, ո՞վ պետք է վճարի ներմուծումից առաջացող ԱԱՀ-ն, և այս Ա/Ձ-ն, այսինքն՝ ծառայությունների մատուցման համա՞ր է հարկվելու, եթե կարող եք գրել հեռախոսահամար մանրամասն ճշտեմ, շտապ է:

Էմիլի.

Բարև Ձեզ, հարգելի հաշվապահներ: Մի բան եմ ուզում հարցնել, եթե նվազագույն աշխատավարձի չափից ցածր է աշխատավարձը՝ դրոշմանիշի գումարը փոխանցու՞մ է հիմնարկը: Եվ մեկ հարց ևս. կարո՞ղ եմ և՛ նվազագույնից ցածր, և՛ բարձր աշխատավարձների դրոշմանիշային գումարը ընդհանուր պահենք ոչ թե աշխատողներից, այլ հիմնարկից և ի՞նչ է հարկավոր, եթե օրենքի սահմանում է։

Արփի․

Բարև Ձեզ: Ավտոլվացման կետը, եթե աշխատում է “լվա ինքդ” տարբերակով` աշխատող չկա, միայն Ա/Ձ է, ի՞նչ հարկատեսակով պետք է աշխատի։ Կարո՞ղ եմ միկրո գրանցվել, եթե այո, ապա եկամուտը տարվա վերջում հաշվետվության մեջ ինչպե՞ս եմ ներառում։

Բարև Ձեզ։

Եթե ես անհատ ձեռնարկատեր եմ և հունվարի 29-ից դադարեցում եմ տալու իմ գործունեությունը անորոշ ժամկետով՝ միևնույն է պե՞տք է վճարեմ 18 000 դրամ դրոշմանիշային վճարը 2021 թվականի համար։

Բարև Ձեզ։

Սեղանի խաղեր ստեղծող Ա/Ձ-ն կարո՞ղ է հանդիսանալ միկրոձեռնարկատիրության սուբյեկտ: Խաղերը տրվելու են տպագրման, այնուհետև վաճառվելու եմ խանութներին:

Անի․

Բարև Ձեզ, հարգելի հաշվապահներ։ Ա/Ձ-ն գործում է միկրոձեռնարկատիրության համակարգում և 2020 թվականին ունեցել է 16 մլն դրամ շրջանառություն։ Դրոշմանիշային վճարի նոր օրենքի համաձայն արդյո՞ք տարեկան պետք է վճարի 180 000 դրամ, այսինքն՝ ամսական կանխավճարներ են արվելու՞ մոտ 15 000-ի չափով՝ հիմք ընդունելով 2020-ի շրջանառությունը։

Հովհաննես․

Բարև Ձեզ։ Կասե՞ք՝ ինչպե՞ս կարող եմ ՍՊԸ-ին պատկանող անշարժ գույքը տալ վարձակալության, և ի՞նչ հարկային վճարներ պետք է անեմ։

Աննա.

Կարո՞ղ է խաղալիք արտադրողը Ա/Ձ համարվել՝ միկրո:

Ես աշխատւմ եմ որպես ֆրիլանսեր, չունեմ կոնկրետ աշխատանք: Գումարը աշխատում եմ տարբեր հարթակներում: Եթե դժվար չէ՝ կարո՞ղ եք պատասխանել: Օրինակ, եթե տարեկան ես աշխատեմ 7 մլն դրամ, այդ դեպքում ինչքա՞ն հարկ պետք է վճարեմ: Նախապես շնորհակալություն: Ու հարկայինում գրանցվելու՞ եմ որպես …

Էդգար.

Կարո՞ղ է արդյոք ՓԲԸ-ն ստանալ նվիրատվություն ՍՊԸ-ից և ի՞նչ հարկատեսակներ են առաջանում այդ գործարքից:

Գայանե.

Բարև Ձեզ, հարգելի հաշվապահներ: 2 հարց ունեմ:
1. Ի՞նչ խորհուրդ կտաք՝ թամադան, որ մտնի հարկային դաշտ միկրոյով կարո՞ղ է աշխատել: Տարեկան եկամուտը մոտ 2 մլն դրամ է, և ՀԴՄ պետք է, թե՞ ոչ: Միայն հաշիվ դուրս գրելը բավակա՞ն է:
2-րդ հարց: Անձը կարո՞ղ է լիցենզիա ձեռք բերել, որպեսզի զույգերի ամուսնությունը օրինականացնի, այսինքն՝ տվյալ անձը զագսավորի և տա զագսի վկայական: Նման իրավունք կա՞:

Անի.

Հարգելի հաշվապահներ, Ա/Ձ-ն աշխատում է շրջանառության հարկի դաշտում, 2020 թվականին աշխատել է 2 ամիս, այսինքն՝ վճարելու է 10 000 շահութահարկ, թե՞ 60 000 տարվա համար:

Մելինե.

Բարև Ձեզ: Կասե՞ք՝ Ա/Ձ բացելու համար ի՞նչ է անհրաժեշտ, հերթականությունը: Եվ, եթե լինելու է տնտեսական խանութ, նպատակահարմար է աշխատել ԱԱՀ-ով, թե՞ շրջհարկով:

Հարություն․

1) Հարգելի գործընկերներ, այսպիսի մի հարց․ Կազմակերպությունը մինչև 24.11.2020թ․ համարվել է միկրոձեռնարկատիրության սուբյեկտ։ 25.11.2020-ից իր դիմումի համաձայն անցել է շրջանառության հարկի դաշտ՝ առևտրական գործունեությամբ զբաղվելու համար։ Հիմա շրջանառության հարկի հաշվարկում ձեռքբերումների 4% – ի տողում կարո՞ղ ենք ցույց տալ մինչև 24.11.2020թ․ ձեռքբերված ապրանքների արժեքը ու նվազեցնենք շրջանառության հարկի 5%-ից։

2) Միկրոձեռնարկատիրության գործունեության համար տարեկան հաշվետվություն հանձնու՞մ ենք, եթե անցել ենք շրջանառության հարկի դաշտ։

Շնորհակալություն նախապես։

Կարեն.

Բարև Ձեզ: Կասե՞ք՝ ՍՊԸ-ն մեկ այլ ՍՊԸ-ի տրամադրում է գույք վարձակալության: Կասե՞ք՝ եկամուտ ստացողը ով աշխատում է շրջհարկով պե՞տք է վճարի եկամտի 10% շրջհարկ: Այլ հարկեր չեն գոյանու՞մ: