S.

Բարև Ձեզ, կարո՞ղ եք ասել, սոց.-ի հաշվետվության մեջ ԱՎՈՒՄ-ի կողքի սյունակներում, որտեղ նշված է սոց. վճար, նշվում են 3%-ի և գործատուի սոցի հանրագումա՞րը:
Կանխավ շնորհակալություն:

Ալլա.

Բարև Ձեզ: Խնդրում եմ ասեք` որտեղից կարող եմ բեռնել աշխատավարձի ցուցակի տաբելը: Շնորհակալություն:

Nara.

Հարգելի հաշվապահներ, խնդրում եմ արագ արձագանքել` 2010թ. կազմակերպությաւնը եղել է 1 հիմնադիր 25 հազարական կանոնադրական կապիտալով, իսկ 2011թ. ավելացել է 1 հիմնադիր 25 հազարական կանոնադրական կապիտալով: Խնդրում եմ պատասխանել, 2011թ.-ին հրաման պե՞տք է տալ 2-րդ հիմնադիրի ավելացման մասին:

Sabina.

Բարև ձեզ: Եթե կազմակերպությունը գտնվում է պարապուրդի մեջ, ես կարո՞ղ եմ բոլոր աշխատողներին ուղարկել արձակուրդ իրենց հաշվին, որ խուսափեմ ծախսերից:

Աննա.

Վեբ դիզայնով զբաղվելը լիցենզավորում պահանջու՞մ է, թե՞ ոչ: Եվ հնարավո՞ր է արդյոք գրանցելով ԱՁ` զբաղվել այդ գործունեությամբ (հաճախորդների համար ընդունելի կլինի՞ իմ` որպես ԱՁ-ի կողմից դուրս գրած հաշիվը):

հասմիկ.

Գիտաշխատողին քանի՞ աշխատանքային օր է արձակուրդ տրվում:

mariana.

Հարգելի հաշվապահներ, ինչպե՞ս հաշվարկել ուսուցիչների միջին աշխատավարձը արձակուրդային հաշվարկելիս` 10, թե՞ 12 ամիսների միջինով: Կանխավ շնորհակալություն:

Մարինե.

Բարև Ձեզ, խնդրում եմ ինձ օգնեք հետևյալ հարցում, եթե աշխատողը 2 տարի չի օգտվել իրեն հասանելիք արձակուրդից, հիմա իրավունք ունի՞ օգտվելու այդ ամբողջ արձակուրդից: Եվ ինչպե՞ս է հաշվարկվում այդ արձակուրդայինի գումարը: Կանխավ շնորհակալություն:

Nara.

Խնդրում եմ պատասխանեք, արդյո՞ք պարտադիր է կազմել փոխառության պայմանգիր, տնօրենի անունից բանկ տարվող գումարի դեպքում, որը հանդիսանում է ՍՊԸ-ի հիմնադիր: Բանկ 2 անգամ մուտք եմ արել 2 000 000 դր. 06.07.2011 և 1 000 000 դր. 07.07.2011, բայց փոխառության պայմանագիր չեմ կազմել, այս դեպքում ես ի՞նչ կարողեմ անել: Եթե դուք ունեք Փոխառության Պայմանագիր տնօրենի և կազմակերպության միչև լրացրած օրինակ, ապա եթե կարող եք, օգնեք ինձ և ուղարկեք Sabina1981 շնիկ bk.ru

Sabina.

Ապրիլ ամսվա աշխատավարձը կազմում է 60.000 ՀՀ դրամ(26 օրվա համար), ֆիզ. արձակուրդ տրված է 26.04.11-12.09.11: Ամսի քանիսի՞ն ես դրամարկղից ելքի օրդեր գրանցեմ աշխատավարձի և ֆիզ. արձակուրդի համար: Կանխավ շնորհակալ եմ:

Ռիմա.

Բարև Ձեզ, հարգելի հաշվապահներ: Խնդրում եմ տեղադրեք հարկային հաշիվների սերիա-համարների և փչացվածների մասին հարկային ձևը, որը պետք է ներկայացնել մինչև հուլիսի վերջին օրը, երկու եռամսյակների համար միաժամանակ: Կանխավ շնորհակալություն:

Anahit.

Բարև ձեզ: Հարցս հետևյալն է. ունենք աշխատակից, որը 3 ամիս է աշխատում, մենք ողջ անձնակազմով գնում ենք արձակուրդ, գիտեմ, որ աշխատակցին օրենքով չի հասնում արձակուրդ, իսկ հնարավո՞ր է արդյոք, որ տնօրենը հրաման տա աշխատողին արձակուրդ գնալու: Մեկ հարց ևս` դիմում լրացնելիս գրում ենք “տրամադրել 20, թե՞ 28 օր”:

Ռուբեն.

Բարև Ձեզ: Ինձ հետաքրքրում է` արդյո՞ք կարող եմ ես իմ անձնական հանգիստը, որը ես անկացրել եմ Ծաղկաձորում` հյուրանոցում և ունեմ 200 000 դրամի դրամարկղային չեկ, գրանցել ՍՊԸ – ի վրա որպես ծախս` հիմք ընդունելով միայն դրամարկային չեկը կամ ձևակերպել գործուղում:

Հովհաննես.

Բարև Ձեզ: Մեր ընկերության մասնակիցներից մեկը դուրս է եկել ընկերությունից` իր բաժնեմասը թողնելով ընկերությանը: Համաձայն ՍՊԸ մասին օրենքի “Ընկերության մասնակցին պատկանող բաժնեմասն ընկերությանն անցնելուց հետո` մեկ տարվա ընթացքում բաժնեմասի չբաշխված մասը պետք է մարվի` ընկերության կանոնադրական կապիտալի նվազեցման միջոցով”: Խնդիրն այն է, որ մեկ տարին լրանալուց հետո բաժնեմասի չբաշխված մասի նվազեցումը պետ. ռեգիստրում չի գրանցվել: Կցանկանայի պարզել, թե ինչ տույժ/տուգանքի խնդիրներ կարող են ծագել (օրենսդրական ո՞ր ակտն է կարգավորում նման հարցերը), և որն է ամենաճիշտ ելքն իրավիճակից:

Շնորհակալություն:

Կարինե.

Բարև: Ինձ պետք է ձեր օգնությունը: Կարո՞ղ եք ասել` ինչպես կարող եմ համարակալել դուրս գրվող լիազորագրերը: Շնորհակալություն:

Հասիկո.

Հարգելի կոլեգաներ,կարո՞ղ եք հուշել` ի՞նչ գումարով կարելի է վարել բավականին մեծ ռեստորանային համալիրի հաշվապահությունը կադրային աշխատանքի հետ միասին (50-60 աշխատող): Դժվարանում եմ կողմնորոշվել: Չեմ ուզում ոչ գերագնահատել, ոչ էլ թերագնահատել հաշվապահի առանց այդ էլ չգնահատվող աշխատանքը:

EVA.

Խնդրում եմ ասացեք` որտեղից կարելի է վերցնել/բեռնել քաղիրավական պայմանագրի ձև: Եվ տվյալ աշխատանքի կատարման համար 5 մարդու հետ կնքվում է մե՞կ պայմանագիր` նշելով բոլորի տվյալները, թե՞ յուրաքանչյուրի հետ պետք է առանձին կնքել: Շնորհակալություն:

Նառա.

Բարև Ձեզ, հարգելի գործընկերներ: Ես այսպիսի հարց ունեմ, եթե կարող եք` օգնեք, խնդրում եմ: Գործատուն աշխատողին վճարում է բացի աշխատավարձը հավելավճար ինչ որ հաստատուն թիվ: Աշխատողը ընթացիկ ամսում աշխատել է 8 օր: Ասացեք խնդրեմ, ինչպե՞ս պետք է բաժանեմ հավելավճարը այդ 8 օրվա համար` աշխատա՞ծ օրերի վրա, թե՞ ամսվա օրերի վրա: Կանխավ շնորհակալ եմ:

E.

Ֆիզ. անձը, որը միաժամանակ հանդիսանում է ՍՊԸ-ի տնօրեն, անհատույց վարձակալության է տվել իր տարածքը արտադրությամբ զբաղվող իր ընկերությանը: Հետո բանկից վարկ է վերցրել և կատարել ծախսեր այդ անհատույց վարձակալած տարածքի համար` ձեռք բերելով շինանյութ և այլ նյութեր: Այդյո՞ք այդ ձեռքբերումների գծով հ/ֆ-ներում առկա ԱԱՀ-ն հաշվանցման ենթակա է և այդ կատարված ծախսերը` ծախսագրման ենթակա:

Հրաչյա.

Հարգելի հաշվապահներ, խնդրում եմ օգնեք հաշվարկել իմ արձակուրդայինը և մնացած օրերի աշխատավարձս:

Վերջին անգամ արձակուրդ եմ գնացել փետրվար ամսին: Հունվարից մինչև այժմ ամսական աշխատավարձս կազմում է 280000 դրամ (մաքուր ստանում եմ 231700 դրամ): Մայիս ամսին ստացել եմ 20000 պարգևատրում: Հուլիսի 11-ից մինչև հուլիսի 20-ը լինելու եմ արձակուրդում (10 օր տևողությամբ): Աշխատում եմ 5-օրյա աշխատանքային գրաֆիկով:
Հուսով եմ, վերևում նշված տվյալները բավական են հաշվարկները կատարելու համար:

Կանխավ շնորհակալություն օգնության համար:

Հարգանքներով, Հրաչ:

Սրբուհի.

Բարև ձեզ, ես սկսնակ հաշվապահ եմ, ուզում եմ ինքս վարեմ հաշվապահությունը, ես ուզում եմ ԱՁ բացել և զբաղվել ծառայությունների մատուցմամբ, ինձ կասեք` ես ինչ գումարներ պետք է վճարեմ հարկայինում ԱՁ բացելու համար: Ես գրասենյակ եմ վարձակալությամբ վերցնելու, տեղադրելու եմ համակարգիչներ և զբաղվելու եմ ծառայությունների մատուցմամբ` հարսանիքների նկարահանում, մոնտաժ, ինտերնետ կայքերի ստեղծում և այլն: Ի՞նչ հարկատեսակով եմ հարկվելու և ի՞նչ հաշվետվություններ եմ ներկայացնելու: Շատ շնորհակալ կլինեմ, եթե մանրամասն պատասխանեք իմ հարցերին:

Արփինե.

Բարև Ձեզ, խնդրում եմ օգնեք ինձ: ՍՊԸ կարող է հարկային տեսչությունը ավտոմատ կերպով մեկ այլ հարկային տեսչությունից տեղափոխի մեկ այլ: Նշեմ, որ ՍՊԸ իրավաբանական հասցեն կենտրոնում է:

Աննա.

Ասացեք խնդրեմ, օրենքով հաստատված այն դրույթները, երբ պետք է գրանցել աշխատողին: Նաև, եթե աշխատողը գրանցված չէ և աշխատում է, ապա կենթարկվի՞ արդյոք որևէ պատասղանատվության, թե՞ այդ ամենը գործատիրոջ խնդիրն է: Շնորհակալ եմ:

Սոֆյա.

Բարև ձեզ:
Հարգելի հաշվապահներ, խնդրում եմ պատասխանեք` վճարված արտասահմանյան գործուղումների ո՞ր մասն է համարվում որպես շահութահարկի գծով ծախս: Շնորհակալություն:

Աննա.

Բարև ձեզ: Խնդրում եմ օգնել ինձ, Ա/Ձ-ն ամեն ամիս սոց. հաշվետվություն ներկայացնու՞մ է, եթե տնօրենից բացի ուրիշ աշխատող չունի: Շնորհակալություն:

Ariana.

Հարգելի գործընկերներ, խնդրում եմ օգնեք: Եթե ֆիզ. անձի հետ (ՀՀ քաղաքացի) կազմակերպությունը կնքել է բեռի փոխադրման քաղաքացիաիրավական պայմանագիր միայն երկու օրով, դրա համար է՞լ է գործատուն սոց, եկամտահարկ վճարելու և դրանք հաշվետվություններով ցույց տալու: Կանխավ շնորհակալություն:

Ariana.

Հարգելի գործընկերներ, խնդրում եմ օգնեք: Մեր ընկերության և ֆիզիկական անձի միջև կնքվել է ծառայությունների վճարովի մատուցման պայմագիր: “ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐԻ ՀԱՇՎԱՐԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ” ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ Հ Ր Ա Մ Ա Ն-ի 23 կետի համաձայն 3 տոկոսը վճարում է քաղաքացին: Եթե նա հրաժարվում է այն վճարելուց, ինչպե՞ս վարվել այս դեպքում: Հնարավո՞ր է որդյոք պայմանագում ներառել կետ, ըստ որի դա կվճարի գործատուն: Արդյո՞ք սա խնդիրներ չի առաջացնի: Սույն հրամանի երկրորդ հավելվածը “Վարձու աշխատողների, նրանց վճարվող աշխատանքի վարձատրությանն ուղղված միջոցների և դրանց հավասարեցված եկամուտների մասին” պե՞տք է արդյոք լրացնել, եթե կնքվում է քաղաքացիաիրավական պայմանագիր: Կանխավ շնորհակալություն:

Աննա.

Բարև ձեզ: Հարկայինից բոլոր ստացած հարկային հաշիվները ես նախապես պատճենահանել եմ (xerox) սխալ լրացնելու դեպքում այդ բլանկները օգտագործելու համար: Ես իրավունք ունե՞մ այդ պատճենահանված բլանկում լրացնել (չնայած հարկայինի կողմից տրված բլանկը առանց կնիք է և նույնպես պատճենահանված):

Ashot.

Հեռուստաընկերությունը 2004 թվականին ԱԱՀ-ով աշխատող կազմակերպություններից մեկից ձեռք է բերել ավտոմեքենա, որի արժեքը փոխհատուցվել է գովազդով: Մեքենայի սկզբնական գինը կազմել է 15000 դոլարին համարժեք դրամ: 2011թվականին այն վաճառվել է (1000 դոլարով), շուկայական գինը կազմում է 7000 դոլարին համարժեք դրամ: Խնդրում եմ ինձ ասել, որքանո՞վ է օրինական այս գործարքը, և ինչպիսի՞ հարկային պարտավորություներ և համապատասխան պատասխանատվություն է առաջանում պետության հանդեպ:

ԱՐՄԻՆԱ.

Բարև ձեզ: Խնդրում եմ ինձ պատասխանել հետևյալ հարցիս: Մասնագիտությամբ հաշվապահ եմ, սակայն մասնագիտական ստաժ չունեմ: Ցանկանում եմ ձեռք բերել հաշվապահական լիցենզիա: Այդ լիցենզիան ունենալու համար արդյո՞ք անհրաժեշտ է ունենալ հաշվապահական ստաժ, և սկսնակ հաշվապահների համար կա՞ն արդյոք որևէ դասընթացներ` հետագայում հաշվապահական լիցենզիա ձեռք բերելու համար: Եթե հնարավոր է, տվեք ստույգ ինֆորմացիա: Կանխավ շնորհակալ եմ:

Արման.

Հարգելի հաշվապահներ, ես նոր եմ սկսել զբաղվել բիզնեսով և անբարեխիղճ աշխատողից ուզում եմ ազատվել: Խնդրում եմ, պատասխանեք, թե որ դեպքում (դեպքերում) աշխատողին աշխատանքից ազատելիս վերջնահաշվարկ չի վճարվում: Աշխատանքային օրենսգիրքն ուսումնասիրելիս նման բանի չհանդիպեցի: Կանխավ շնորհակալ եմ:

Նարինե.

Հարգելի հաշվապահներ, խնդրում եմ ասել, թե քանի արձակուրդի օր է հասնում աշխատակցին, եթե նա աշխատել է ընդամենը մեկ ամիս: Կոլեկտիվ պայմանագրով նա էլ պիտի գնա պարտադիր արձակուրդ, աշխատանքը 5 օրյա է: Կանխավ շնորհակալ եմ:

Լիլիթ.

Բարև ձեզ: Ես 2009թ. սեպտեմբերից ընդունվել եմ դպրոց աշխատանքի որպես ուսուցիչ, այդ ժամանակ երեխայիս (ծնված 16.11.2008թ.) խնամելու խնդիր չկար, այնուհետև 2011թ. հունվարի 25-ից դիմում եմ գրել և խնդրել նպատակային արձակուրդ մինչև երեխայիս 3 տարին լրանալը: Խնդրում եմ պատասխանել` ինձ արձակուրդային հասնու՞մ է, թե՞ ոչ, այս ուսումնական տարում ես փաստորեն աշխատել եմ 5 ամիս: Նախապես շնորհակալություն:

Լիլիա.

Բարև ձեզ: Կարո՞ղ եք ասել, ինչով է հիմնավորվում դրամարկղի գրքում ազատ տեղում ” Z ” դնելը: Կա՞ ինչ որ մի օրենք, որոշում, որտեղ կարող եմ ինչ որ տեղեկատվություն կարդալ դրա մասին (պարզ է, որ դա արվում է լրացուցիչ գրառումներ կատարելուց խուսափելու համար):

Տաթև.

Անաշխատունակության թերթիկից եկամտահարկի պահում կատարվու՞մ է, թե՞ ոչ:

Anna.

Բարև ձեզ: Խնդրում եմ ասեք, կազմակերպությունը աշխատում է հնգօրյա գրաֆիկով, քանի՞ աշխատանքային օր արձակուրդ է հասնում աշխատակցին, եթե ունի 3 և 15 տարեկան երեխաներ, աշխատում է 8 ամիս: Շնորհակալություն:

Աննա.

Կարո՞ղ եք կողմնորոշել, եթե աշխատողի հետ աշխատանքային պայմանագիրը կնքվել է 2011թ-ի փետրվարի 28-ից մինչև մարտի 31-ը, իսկ հրամանը տրվել է ապրիլի 1-ին, ապա քանի՞ ամսվա համար պետք է վճարվի գործատուի կողմից տրվող սոց վճարը: Նաև անհատական հաշվետվության մեջ ժամկետը ինչպե՞ս պետք է նշվի – փետրվարի 28-ից մարտի 31, թե՞ ապրիլի 1: Կանխավ շնորհակալություն:

Սեդա.

Ողջույն: Ես մի խնդրանք-հարց ունեմ: Ես աշխատանքի եմ ընդունվել 2010թ.-ի հուլիսի 1-ին, այժմ 7 ամսական հղի եմ, և այս տարվա հուլիսին լրանում է մեկ տարին, որ ես աշխատում եմ: Սակայն կա մի այսպիսի խնդիր: Բանն այն է, որ ես անցյալ տարվա հուլիսից մինչև այս տարվա մարտի 15-ը լիարժեք դրույքով եմ աշխատել և ստացել եմ 80 հազար դրամ աշխատավարձ, առողջական խնդիրների պատճառով մարտի 15-ից ապրիլի 15-ը արձակուրդ վերցրեցի, որից հետո կրկին առողջական վիճակի պատճառով, ըստ իմ դիմումի, ինձ ձևակերպեցին կես դրույք աշխատող: Ստացվում է, որ ես ապրիլի 15-ից հետո մինչ դեկրետ գնալը որպես կես դրույք աշխատող եմ եղել: Հիմա ես ուզում եմ հասկանալ, թե ինչ կերպ են հաշվելու իմ նպաստը և որքան այն կկազմի: Մեր կազմակերպության հաշվապահը ինձ ասել է, որ եթե ես հուլիսից եմ գնում դեկրետի, ապա ես մեկ ամիս կորցնում եմ, քանի որ ըստ նրա` հաշվելիս 12 ամիս հետ են գնում: Խնդրում եմ օգնեք: Կանխավ շնորհակալ եմ: Իմ էլ.փոստի հասցեն ` sepo86 շնիկ mail.ru

astxik.

Հարգելիներս, խնդրում եմ պատասխանեք.
աշխատակիցը ներկայացրել է 1/մեկ/ բյուլետեն` մայիսի 19-ից հունիսի 10-ը և հունիսի 11-ից հունիսի16-ը որ ամսով եմ գումարը վճարելու, կա՞ արդյոք ժամկետ գումարի վճարման համար և կարո՞ղ եմ հունիսի աշխատավարձի ցուցակով ամբողջը վճարել:

Սյուզի.

Խնդրում եմ ասեք, գիշերային հերթափոխով աշխատող պահակին ընդմիջում տրամադրվու՞մ է, թե՞ ոչ: Նախապես շնորհակալություն:

Նունե.

Հարգելի հաշվապահներ, խնդրում եմ պատասխանեք.
ԱՁ-ն, որը հարկվում է ԱԱՀ-ով, 3 տարի հաշվետվություն չի ներկայացրել: Ի՞նչ տույժ պետք է վճարի (բացի վարչականից) և ո՞ր հոդվածի համաձայն:

Մերի.

Հարգելի փորձառու հաշվապահներ, խնդրում եմ ինձ օգնել: Ես նոր նոր եմ փորձում դառնալ հաշվապահ, դեռ շատ երիտասարդ եմ: Ինձ մի շատ կարևոր հարց է հուզում, եթե դժվար չէ, խնդրում եմ պատասխանեք ինձ: Կազմակերպությունը, որտեղ ես աշխատում եմ, զբաղվում է արտադրությամբ, և շատ հնարավոր է, որ մոտակա օրերը սոցը ստուգումներ բացի մեզ մոտ: Կարո՞ղ էիք ինձ ասել, երբ սոց. վարչությունը գալիս է ստուգման, առաջնահերթ ի՞նչն է ստուգում, կամ որո՞նք են այն բաց տեղերը, որտեղ սոցը գտնում է սխալներ: Շատ շնորհակալ կլինեմ, եթե ինձ գրեք:

Մարի.

Հարգելի հաշվապահներ, խնդրում եմ ինձ օգնել հետևյալ հարցում: Արդյո՞ք ՀՀ օրենքով պահանջվում է աշխատողների համար վարել անձնական քարտեր և ՄԱՏՅԱՆ (աշխատատեղում աշխատողի անվտանգության տեխնիկայի արտադրական հրահանգման հաշվառման), թե՞ սա պարտադիր չէ: Խնդրում եմ, եթե տեղյակ եք, ապա գրեք, շատ շտապ է: Նախապես շնորհակալ եմ:

Արթուր.

Բարև բոլորին:
Կարո՞ղ եք ասել, եթե խմորեղենի արտադրամասում, որը պատկանում է որևէ ՍՊԸ-ի, վաճառք չի իրականացվում, այլ դա իրականացվում է մեկ այլ ՍՊԸ-ի պատկանող կոնկրետ խանութում.
1. արդյո՞ք պետք է ՀԴՄ
2. ի՞նչ կարգով է հարկվում գործունեության իրականացումը
3. արդյո՞ք տվյալ գործունեության մասով հարկային դաշտ են մտնում և´ արտադրամասը, և´ խանութը, և ո՞րն է հարցի ամենաճիշտ լուծումը:

Eva.

Բարև բոլորին: Եթե անձը աշխատել է կազմակերպությունում ընդամենը 2 ամիս, վերջնահաշվարկ կատարվու՞մ է, թե՞ ոչ: Եթե այո, խնդրում եմ օգնեք: Ինչպե՞ս կատարել վերջնահաշվարկ, եթե աշխատավարձը 60 000 դրամ է եղել: Կանխավ շատ շնորհակալություն:

Ժաննա.

Բարև Ձեզ, խնդրում եմ օգնել մի հարցով, կազմակերպությունը ընդունել է նոր աշխատող 21.06.2011թ-ին, 80.000դր. աշխատավարձով, տվյալ ամսվա համար աշխատավարձը վճարվելու է ամբողջությա՞մբ, թե՞ այդ ամսվա աշխատած օրերի չափով: Այսինքն` 80.000/22*9, իսկ կարո՞ղ է տնօրենը հրաման տալ, որ տվյալ ամսվա համար վճարվի ամբողջությամբ: Այսինքն աշխատելով 9 օր` ստանա 80.000դր:
Շնորհակալություն:

Վահե.

Հարգելի կոլեգաներ, եթե հնարավոր է, խնդրում եմ vahe666 շնիկ list.ru էլեկտոոնային հասցեին ուղարկեք մարդատար և բեռնատար ավտոմեքենաների ուղեգրերը: (Путевой лист):

Rip.

Հարգելի գործընկերներ, սպասում եմ Ձեր պատասխաններին կապված հետևյալ հարցերի հետ.
2009թ. 1-ին, 2-րդ և 3-րդ եռամսյակների համար հարկայինը ստուգել է կազմակերպության եկամտահարկը, սոց. վճարը և ԱԱՀ-ն:
1. 2010թ.-ին կազմակերպությունը հայտնաբերել է, որ 2009թ. 3-րդ եռամսյակի ԱԱՀ-ի հաշվարկում իր կողմից մատուցած ծառայության 1 հաշիվ ֆակտուրա ներառված չէ, և այդ հաշիվը ներառել է 4-րդ եռամսյակի ԱԱՀ-ի հաշվարկում, քանի որ 3-րդը ստուգված էր: Այժմ մեզ մոտ հարկային ստուգումներ են և տեսուչներն ուզում են ակտ գրել 60 տոկոս, որ մենք թաքցրել ենք ԱԱՀ-ն: Ձեր կարծիքով իրավունք ունե՞ն նման ակտ գրելու, թե՞ ոչ:
2. Բացի այդ հայտնաբերել են, որ 2009թ. 2-րդ և 3-րդ եռամսյակների աշխատավարձը և հետևաբար սոց. վճարն ու եկամտահարկը հաշվետվություններով պակաս է ցույց տրվել, քան իրականում եղել է, սակայն շահութահարկով նվազեցվել է ամբողջ գումարը: Ցանկանում են սրա համար ևս ակտ գրել 60 տոկոս: Ի՞նչ կարծիքի եք, ի՞նչ ակտ կարղ են գրել հարկային տեսուչները:
Սպասում եմ Ձեր արձագանքներին:

Սրբուհի.

Բարև ձեզ, խնդրում եմ պատասխանեք ինձ մի հարցի, ես ուզում եմ Ա/Ձ կամ ՍՊԸ բացել, զբաղվել համակարգչային ծառայությունների մատուցմամբ` պլոտեր, քսերոկս, ռիզոգրաֆիա, նաև կից գրենական մանր ապրանքնել վաճառել: Ես Ա/Ձ՞ պետք է բացեմ, թե՞ ՍՊԸ: Ա/Ձ դեպքում ի՞նչ հարկով եմ հարկվելու և ի՞նչ հաշվետվություններ եմ ներկայացնելու, ՍՊԸ դեպքում ի՞նչ: Մեկ էլ խնդրում եմ պատասխանեք, թե Ա/Ձ կամ ՍՊԸ բացելու համար ի՞նչ պետք է անեմ, ինչքա՞ն գումար պետք է հարկայինում վճարեմ և ՀԴՄ պե՞տք է ունենամ, թե՞ ոչ: Կանխավ շնորհակալություն: Հարգանքներով, Սրբուհի Պետրոսյան:

Վանա.

Հարգելի հաշվապահներ, եթե կարող եք, պատասխանեք. ինչպե՞ս կլինի ժամանակին չվճարված աշխատավարձի կամ վերջնահաշվարկի տույժերի թղթակցությունը, և արդյո՞ք դրանք նվազեցվում են շահութահարկի օրենքով: