Accountant.am

Լարիսա.

Բարև ձեզ, 2015 թվականին բացված ԱՁ-ն շրջանառության հարկ վճարող համարվելու համար դիմում չի ներկայացրել 2015 և 2016թթ-ին, ուստի աշխատում է ԱԱՀ-ով: 2015 թվականին չունի իրացում:
Հարցս հետևյալն է`
1. ԱՁ-ն պե՞տք է վճարի եկամտային հարկի կանխավճար
2. ԱՁ-ի դեպքում կա՞ արդյոք եկամտային հարկի նվազագույն կանխավճար

Գայանե.

Բարև ձեզ: Հաշվարկել եմ հղիության և ծննդաբերության նպաստ: Խնդրում եմ օգնել ինձ հաշվապահական ձևակերպումները տալ:

Ընկերություն` Ընկերություն
Հասցե` ք. Երևան, Շարուրի 43
Էլ. փոստ` career շնիկ cfcom.am
Թափուր աշխատատեղ` Գլխավոր հաշվապահի տեղակալ
Աշխատանքի նկարագրություն` – Հաշվապահական փաստաթղթերի կազմում և փաստաթղթաշրջանառության վարում – Հաշիվ-ապրանքագրերի համակարգչային ծրագիր ներմուծում, համակարգում և արխիվացում – E-invoicing ծրագրով հարկային հաշիվների դուրսգրում – Բանկերի հետ համագործակցության ապահովում, բանկային հաշիվների ամենօրյա վերահսկում, ձևակերպում – Աշխատանք 1C, ՀԾ ծրագրերով – Այլ հաշվապահական պարտականությունների իրականացում
Աշխատավարձ` 150 000
Այլ նշումներ` Առնվազն 1 տարվա աշխատանքային փորձը հաշվապահության ոլորտում պարտադիր է:

Մացակ.

Բարև ձեզ, եթե հնարավոր է` խնդրում եմ պատասխանել տվյալ հարցին, շատ շտապ է:
Աշխատողիս ուղարկել եմ վերապատրաստման կազմակերպության հաշվին՝ ծախսելով բավականաչափ միջոցներ։ Այժմ ունեմ մտահոգություն, որ նա կարող է լուծել աշխատանքային պայմանագիրը։ Ինչպիսի՞ միջոցներ է անհրաժեշտ ձեռնարկել հետագայում նման երևույթներից խուսափելու համար։
Կանխավ շնորհակալություն:

An.

Բարև ձեզ: Հարգելի հաշվապահներ, հաշվարկային փաստաթուղթ եմ դուրս գրել 142 հատ, որոնց մատակարարման ամսաթիվը պատահաբար սխալ է եղել: Ի՞նչ կարող եմ անել այդ դեպքում:

Հերմինե.

Աշխատակիցն ընդունվել է աշխատանքի 1989թ-ի օգոստոսի 31-ին: Յուրաքանչուր տարի օգտվել է հասանելիք արձակուրդից: Այս տարի նույնպես արձակուրդի է գնացել հուլիս ամսվան: Չունի հուլիսի աշխատած օրեր: Օգոստոսի 1-ից իր դիմումի համաձայն ազատվել է աշխատանքից:

Հարց. Արդյո՞ք աշխատակցին հասնում է վերջնահաշվարկ: Երկար տարիներ աշխատանքային ստաժի համար ևս հասնու՞մ է արդյոք լրացուցիչ գումար:

Լիանա.

Խնդրում եմ պարզաբանել: Ես 2013թ. սեպտեմբերի 2-ից աշխատում եմ դպրոցում ուսուցչուհի, 5-օրյա աշխատանքային ռեժիմով: Տարվա համար հասնում է 35 օր: Ազատվում եմ աշխատանքից 19.08.2016թ: Օգտագործել եմ այդ տարիների արձակուրդը 2013-2014թթ. ուս. տարվա համար՝ 35 օր, 2014-2015թթ.՝ 35 օր և 2015-2016թթ.՝ 35օր: Արդյո՞ք ունեմ արձակուրդի օրեր:

Ընկերություն՝ Տանժեռ
Հասցե՝ Կասյան7-11
Հեռախոս՝ 275310, 091291892, 077291892
Էլ. փոստ՝ info շնիկ tanger.am
Թափուր աշխատատեղ՝ Նախահաշվարկային բաժնի մասնագետ:
Աշխատանքի նկարագրություն՝ Նախահաշվարկային բաժնի մասնագետ: Պարտականությունները՝ – Ենթակապալառու կազմակերպությունների կողմից ներկայացված նախահաշվարկային փաստաթղտերի և կատարված աշխատանքների ակտերի ստուգում, – Պայմանագրային պարտավորությունների կատարման վերահսկում, ըստ արժեքային և ֆիզիկական արտահայտության օբյեկտների կատարված շինմոնտաժային աշխատանքների ծավալների հաշվարկում, պայմանագրերի իրականացման վերաբերյալ վերլուծական աղյուսակների վարում, – Համագործակցություն նախագծային ինստիտուտների հետ նախահաշվարկային թղթաբանության ճշգրտման հարցերով, – Նախահաշվետվական փաստաթղթերի պաշտպանում Պատվիրատուի մոտ: Պահանջները՝ 30-55 տարեկան; բարձրագույն տեխնիկական (շինարարական, էներգետիկական կամ տնտեսագիտական) կրթություն; հայերեն և ռուսերեն լեզուների գերազանց իմացություն; համակարգչային գիտելիքները՝ Windows 7, 8, 8.1 կամ 10, MS Office, Internet: Առնվազն 5 տարվա համապատասխան աշխատանքային փորձ էներգետիկայի ոլորտում: Աշխատանքային ժամերը՝ 10:00-19:00: Հանգստյան օրերը՝ շաբաթ և կիրակի: Աշխատավարձը (մաքուր)՝ 250 000 դրամ:
Աշխատավարձ՝ 250 000

Ընկերություն՝ Տանժեռ
Հասցե՝ Կասյան7-11
Հեռախոս՝ 275310, 091291892, 077291892
Էլ. փոստ՝ info շնիկ tanger.am
Թափուր աշխատատեղ՝ Ավագ ֆինանսային խորհրդատու:
Աշխատանքի նկարագրություն՝ Ավագ ֆինանսային խորհրդատու: Մասնագիտական ոլորտը՝ տնտեսական վերլուծություն, արդյունավետության բարձրացում: Պարտականությունները՝ – Խոշոր ընկերության գործունեության մոտեցման/մեթոդաբանության վերլուծության մշակում, ծախսերի վերլուծման շեշտարկումով, – Բիզնես պլանի ձևավորում, ընթացիկ և հեռանկարային զարգացման պլանների պատրաստում , բյուջետավորում, – Արտադրաարդյունաբերական գործունեության հիմնական ցուցանիշների հաշվարկում և դրանց կատարման ամենամսյա վերահսկում, – Ֆինանսաարդյունաբերական գործունեության տնտեսական վերլուծության իրականացում, պահուստների հայտնաբերում, արտադրության շահութաբերության, արտադրողականության բարձրացման, ինչպես նաև տնտեսման ռեժիմը ապահովելու նպատակով միջոցառումների մշակում, արտադրական և ոչ արտադրական ծախսերի նվազեցում: – տնտեսական տեղեկատվության տվյալների բազայի ձևավորում, վարման և պահպանման աշխատանքների իրականացում; օգտագործվող տվյալների մշակման ընթացքում տեղեկատվական և նորմատիվ տեղեկությունների տվյալների մեջ փոփոխությունների իրականացում; ֆինանսական տեղեկատվության դասակարգում; վերլուծաբանական հաշվետվությունների պատրաստում: Պահանջները՝ 28-35 տարեկան, տնտեսագիտական կամ տեխնիկական բարձրագույն կրթություն, հայերեն,ռուսերեն և անգլերեն լեզուների գերազանց իմացություն, համակարգչային գիտելիքները՝ MS Office: Առնվազն 3 տարվա համապատասխան աշխատանքային փորձ: 1-2 տարվա աշխատանքային փորձը Մեծ քառյակում, ACCA, CFA, CIMA –ի առկայությունը կդիտարկվի որպես առավելություն: Աշխատանքային ժամերը՝ 10:00-19:00: Հանգստյան օրերը՝ շաբաթ և կիրակի: Աշխատավարձը (մաքուր)՝ 600 000 դրամ:
Աշխատավարձ՝ 600 000

Ընկերություն՝ “Գործ բոլորին” աշխատանքի տեղավորման գործակալություն
Հասցե՝ Կոմիտաս 51, 2-րդ հարկ, 12 սենյակ
Հեռախոս՝ 238002, 093 727355, 099 727355, 055 727354
Էլ. փոստ՝ gortsbolorin շնիկ gmail.com
Թափուր աշխատատեղ՝ Գլխավոր հաշվապահ
Աշխատանքի նկարագրություն՝ Կազմակերպությանը պահանջվում է արտադրության գլխավոր հաշվապահ։ Պահանջներ։ Սեռ՝ իգական, տարիք՝ մինչև 45։ Աշխատանքային փորձը պարտադիր է։ ՀԾ ծրագրի իմացություն։ Պարտականություններ։ Հաշվապահական հաշվառման վարում ՀԾ ծրագրով, հարկային հաշվառման վարում, հարկային և համապատասխան պետական մարմիններին ներկայացվող այլ պարտադիր հաշվետվությունների կազմում, ընթացիկ հաշվապահական ձևակերպումների կատարում։ ՀՀ հարկային օրենսդրության գերազանց իմացություն։ Աշխատանքային գրաֆիկ: 6-օրյա աշխատանքային գրաֆիկ, ժամերը՝ 09։00-18։00։
Աշխատավարձ՝ 250․000-300․000 դրամ (կախված հարցազրույցի արդյունքից)

Nata.

Բարև ձեզ, նախորդ երկու ամիսներին ես ակցիզային հարկով հարկվող ապրանքների հարկային հաշիվների փոխարեն դուրս եմ գրել ապրանքների մատակարարման հաշիվների, բայց ակցիզային հարկի հաշվետվությունը ներկայացրել եմ, ինչպե՞ս վարվեմ դուրս գրված հաշիվների հետ, և ինչպիսի՞ պարտավորութուն կառաջանա սխալ դուրս գրված հաշիվների համար: Կանխավ շնորհակալություն:

Albert.

Բարև ձեզ: Հաշվապահական գործի հարգելի մասնագետներ, ծանոթանալով Եկամտային հարկի մասին ՀՀ օրենքի դրույթներին, առաջացավ հարցեր, որոնքել, ըստ էության, ներկայացնում եմ ստորև:

Եկամտային հարկի մասին ՀՀ օրենքի 10-րդ հոդվածի 1-ին մասով սահմանվում է եկամտային հարկի դրույքաչափերը, համաձայն որի, հարկային գործակալը եկամտային հարկը հաշվարկում է, մինչև 1 200 000 դրամ ամսական եկամտի դեպքում, որպես հարկվող եկամտի 24,4 տոկոսը:

Եկամտային հարկի մասին ՀՀ օրենքի 10-րդ հոդվածի 7-րդ մասի համաձայն՝ Եկամտային հարկի մասին ՀՀ օրենքի 12-րդ հոդվածի 2-րդ մասի 1-ին կետով նախատեսված ձևով գրավոր պայմանագիր չկնքելու կամ ֆիզիկական անձի հետ քաղաքացիաիրավական գրավոր պայմանագիրը (անձնագրի տվյալների և ՀՀ բնակության (հաշվառման) հասցեի պառտադիր նշումով) չկնքելու դեպքում հարկային գործակալը հարկ վճարողին եկամուտներ վճարելիս եկամտային հարկը հաշվարկում և պահում է 11 տոկոս դրույքաչափով՝ վճարված եկամուտների նկատմամբ՝ առանց հաշվի առնելու սույն օրենքով սահմանված նվազեցումները, բացառությամբ այն դեպքերի, երբ վճարումները հիմնավորվել են ՀԴՄ կտրոններով կամ կրճատ հաշիվ-ապրանքագրերով:

Հարց 1-ին՝ գործում է արդյո՞ք վերը նշված դրույթները ներկայումս, և եթե այո, ապա.

Հարց 2-րդ՝ ճիշտ են արդյո՞ք հետևյալ դատողություները, որ աշխատողին աշխատավարձ վճարելիս, գործատուն եկամտային հարկը հաշվարկում և վճարում է 11 տոկոս դրույքաչափով՝ վճարված եկամուտների նկատմամբ՝ առանց հաշվի առնելու Եկամտային հարկի մասին ՀՀ օրենքով սահմանված նվազեցումները, եթե չկա աշխատողի հետ գրավոր կնքված համապատասխան պայմանագիր: Իսկ աշխատողի հետ գրավոր կնքված, քաղ. իրավական պայմանագրի առկայության դեպքում, գործատուն եկամտային հարկը հաշվարկում է, մինչև 1 200 000 դրամ ամսական եկամուտ վճարելու դեպքում, որպես հարկվող եկամտի 24,4 տոկոսը, հաշվի առնելով, Եկամտային հարկի մասին ՀՀ օրենքով սահմանված նվազեցումները:

Ընկերություն՝ Հաշվապահ
Հասցե՝ Երևան
Էլ. փոստ՝ hr շնիկ leavesgarden.com
Թափուր աշխատատեղ՝ Հաշվապահ
Աշխատանքի նկարագրություն՝ Ընկերության հաշվապահական հաշվառման համար տեղեկությունների հավաքագրում, հաշվապահական հաշվառման վարում և ֆինանսական հաշվետվությունների կազմում ու ներկայացում համապատասխան մարմիններին, հաշվապահական հաշվառման առանձնացված հատվածի համար հաշվետվությունների ձևավորում, հաշվապահական փաստաթղթերի ձևակերպում, պահպանում, սահմանված կարգով արխիվացում, հաշվապահական գրքերի/մատյանների վարում և քաղվածքների պատրաստում, հաշվապահական հաշվառման իրականացման համար տեղեկատվության և տվյալների մուտքագրում համապատասխան ծրագրերում և համակարգերում, հիմնական միջոցների մուտքագրում համապատասխան ծրագրային համակարգ, մասնակցություն ֆինանսատնտեսական ցուցանիշների վերլուծության աշխատանքներին, e banking ծրագրով բանկային փոխանցումների իրականացում, ներքին հաշվետվությունների ձևավորում և ներկայացում, աշխատակիցների աշխատավարձերի հաշվարկում, դրամական միջոցների հաշվառման ապահովում, դրանց շարժի հետ կապված գործառնությունների ժամանակին արտացոլում հաշվապահական հաշվառման հաշիվներում: Անհրաժեշտ գիտելիքներ և հմտություններ` բարձրագույն կրթություն, hաշվապահական հաշվառման օրենսդրության իմացություն, ՀԾ համակարգչային փաթեթի իմացություն (AS- Armenian Software), համակարգչային գերազանց գիտելիքներ` MS Office, մասնավորապես` Excel և Word, անգլերենի գերազանց իմացությամբիմացություն, վերլուծողական մտածելակերպ, գործնական նամակագրության հմտություններ, պատասխանատվություն, ճշտապահություն և ուշիմություն, բարդ իրավիճակներում արագ և ճիշտ կողմնորոշվելու ունակություն, հաղորդակցվելու ունակություն, ճկունություն և թիմում աշխատելու կարողություն, նախաձեռնողականություն և պատրաստակամություն փոփոխություններին, Աշխատանքային փորձ՝ առնվազն 5 տարի Սեռը՝ իգական Ինքնակենսագրականն ուղարկել հետևյալ էլ. հասցեյին՝ info շնիկ leavesgarden.com՝ նշելով հաստիքի վերնագիրը:

Տիգրան.

Խնդրում եմ ասել` գյուղատնտեսական տեխնիկայի և մյուս հիմնական միջոցների օգտակար ծառայության ժամկետները մաշվածության հաշվարկի համար որտեղի՞ց կարող եմ գտնել:

Մարգարիտ.

Բարև, հարգելի հաշվապահներ: Խնդրում եմ պատասխանել՝ կարո՞ղ է հիմնադիր տնօրենը փոխառություն վերցնել ՍՊԸ-ից, եթե այո, ո՞ր օրենքով է հիմնավորված:

kh.

Ֆիզ. անձից վարձակալած տարածքի վարձը եթե գերազանցում է 300 000 դրամը, կարելի՞ է վճարել կանխիկ: Շնորհակալություն:

Աննա.

Բարև ձեզ, խնդրում եմ պատասխանեք իմ հետևյալ հարցին: Արդյո՞ք իրավունք ունի գլխավոր հաշվապահը ֆիզ. արձակուրդում գտնվող աշխատողին մերժել աշխատանքի վերադառնալ նախքան արձակուրդի ավարտը: Կանխավ շնորհակալ եմ:

Arsine.

Կազմակերպությունը ապրանք է արտահանել: Հաշիվ-ապրանքագիրը գրվել է 27.07.2016թ-ին, դոլարով: Մաքսային հայտարարագիրը կազմվել է 29.07.2016-ին: Իսկ փաստացի արտահանումը կատարվել է 30.07.2016-ին: Հարցս հետևյալն է. Ո՞ր արժեքն է դիտվելու որպես իրացում` մաքսային հայտարարագրում նշված մաքսային արժեքը, 27.07-ի կենտրոնական բանկի փոխարժեքին համապատասխան ստացված արժեքը, թե՞ 30.07-ի կենտրոնական բանկի փոխարժեքին համապատասխան ստացված արժեքը:

Կանխավ շնորհակալություն:

Գուրգեն.

Հարգելի գործընկերներ, ինձ անհրաժեշտ է աշխատանքի ընդունման հրամանի քաղվածքի օրինակելի ձև:

Ադրինե.

Բարև ձեզ: Շնորհակալ կլինեի, եթե պատասխանեիք հետևյալ հարցիս.
Աշխատանքային պայմանագիրը կնքվել է երկու տարով, և այդ երկու տարվա ընթացքում կատարվել է աշխատավարձի փոփոխություն, ապա գնային սղաճի հաշվարկ: Աշխատավարձի փոփոխությունը կատարվել է պայմանգրում փոփոխություններ կատարելու մասին ձևաթղթով: Գնային սղաճի հաշվարկը ևս իրականացվել է համապատասխան ձևաթղթի հիման վրա, որտեղ հղում է կատարվել ոչ թե սկզբնական աշխատանքային պայմանագրի ստորագրման ամսաթվին, այլ վերջին փոփոխության ամսաթվին (աշխատավարձի փոփոխության փաստաթղթի ամսաթվին): Եվ հետագա պայմանգրի երկարացման համար ևս հղում է կատարվել վերջին փոփոխված փաստաթղթի ամսաթվին (գնային սղաճի փաստաթղթի ամսաթվին): Արդյո՞ք դա ճիշտ է, թե՞ ոչ: Կանխավ շնորհակալ եմ:

Լաերտ.

Գործատուի հրամանով աշխատողին ազատել են աշխատանքից, դա ինքնաբերաբար հանգեցնու՞մ է արդյոք պայմանագիրը լուծելուն:

Նաիրա.

Ես ցանկանում եմ աշխատել գործող վարսավիրանոցում՝ որպես կոսմետոլոգ, տարածքի վարձակալությամբ: Ա/Ձ-ի հետ պայմանավորվածության արդյունքում հարկային բոլոր ծախսերը պետք է հոգամ ինքս: Խնդրում եմ ասել` ամսական ինչքա՞ն գումար պետք է վճարեմ: Կանխավ շնորհակալություն:

Արթուր.

Արդյո՞ք կարելի է Datecs MP-55B մոդելի սարքը գրանցել վաճառքով զբաղվելու համար որպես ԱՁ:

Arsine.

Ընկերությունը աշխատում է ԱԱՀ դաշտում: Ձեռք է բերել ապրանք ԱԱՀ-ով, որը պետք է արտահանի Վրաստան: ՊԵԿ թեժ գծից ասացին, որ կարող եմ հաշիվը դուրս գրել թղթային:
Հարցս հետևյալն է.
1. Ինչպե՞ս է նշված գործարքը արտացոլվելու հարկայինում, միայն ԱԱՀ հաշվետվությամբ
2. Արդյո՞ք գործարքից հետո որևէ փաստաթուղթ պետք է ներկայացնել ՀՏ` օրինակ մաքսային հայտարարագիրը
3. ԱԱՀ հաշվետվությամբ արտահանման ԱԱՀ կլինի 0%, իսկ ապրանքը ձեռք է բերվել ԱԱՀ-ով: Այդ դեպքում կառաջանա ԱԱՀ գերավճար: Արդյո՞ք տվյալ դեպքում առաջացած գերավճարը կարող է հաշվանցվել Ընկերության հետագա առաջանալիք ԱԱՀ պարտավորությունից:

Կանխավ շնորհակալություն:

Նարինե.

Հարգելի հաշվապահներ, խնդրում եմ օգնեք ինձ` ինչպե՞ս կարող եմ հաշիվ-ապրանքագիր գրել էլեկտրոնային եղանակով, կանխավ շնորակալություն:

Ընկերություն՝ ԱԿՍԵՊՏ Կադրային Կենտրոն
Հասցե՝ Կորյուն 19ա, գրասենյակ 38
Հեռախոս՝ +374 10, 99, 94 58 49 45
Էլ. փոստ՝ info շնիկ accept.am
Թափուր աշխատատեղ՝ Պահեստապետ/հաշվետար
Աշխատանքի նկարագրություն՝ Կազմակերպության մասին` ոգելից խմիչքների արտադրություն Պարտականություններ` կանխիկ գործարքների գրանցում, պահեստի ապրանքների մուտքի և ելքի վարում, պահեստի շարժի ապահովում, անհրաժեշտ պահեստային մնացորդների վերահսկում, գույքագրման արդյունքների ստուգում, գլխավոր հաշվապահի այլ առաջադրանքների կատարում: Պահանջներ` բարձրագույն կրթություն (հաշվապահական,ֆինանսական, տնտեսագիտական), MS Office, Excel-ի գերազանց իմացություն, անգլերեն լեզվի լավ իմացություն: Աշխատանքային փորձ` ոչ պակաս, քան 1 տարի Տարիք` 25-45 Սեռ` դեր չի խաղում Աշխատանքի տևողությունը` լիարժեք աշխատանքային օր Աշխատանքային ժամեր` 09.00 – 18.00 Աշխատավարձ` 200 000 AMD Պահանջվող փաստաթղթեր` ռեզյումե աշխատանքային պարտականությունների նկարագրությամբ: Հնգօրյա աշխատանքային գրաֆիկ, փորձաշրջանը` 2 ամիս, վարձատրությունը փորձաշրջանի ընթացքում ՝ 150 000 դրամ:
Աշխատավարձ՝ 200 000 AMD

Արփի.

Բարև ձեզ, հարգելի հաշվապահներ: Ես ցանկանում եմ վերապատրաստվել և գլխավոր հաշվապահի լիցենզիա ստանալ, ո՞ր կազմակերպություն խորհուրդ կտաք դիմել դասընթացների, որպեսզի լիարժեք գիտելիքներ ստանամ:

Nap.

Բարև ձեզ: Խնդրում եմ ինձ տրամադրել դեպոնոնտի գրքի ձևի օրինակ: Նախապես շնորհակալություն:

Ashot Beglaryan.

Բարը ձեզ: Իմ հարցը ավելի շատ գնումներին է վերաբերվում: Պետական կազմակերպությունը 14/07/2016 բանակցային ընթացակարգով առանց նախապես հայտարարելու 131 000դր -ով գնել է օդորակիչ: Պայմանագիր չի կնքվել` հիմք ընդունելով հաշիվ-ապրանքագիրը: 18/07/2016 ապրանքը մատակարարվել է և ակտ է կազմվել: Գնման համապատասխան բոլոր փաստաթղթերը կազմվել են: 20/07/2016 հաշվապահը բերում է հաշիվ-ապրանքագիր, ըստ որի ևս 20 000 առանձին փոխանցվել է նույն ֆիրմային տեղադրման համար: Ասեմ, որ ԱԱՀ-ով աշխատող կազմակերպություն է:

Հարցս հետևյալն է` ես, որպես գնումներ համակարգող, կարո՞ղ եմ սա ներառել նույն ընթացակարգի մեջ՝ անունը դնելով օդորակիչի ձեռքբերման և տեղադրման պայմանագիր, թե՞ այլ կերպ պետք է վարվեմ: Խնդրում եմ պատասխանեք իմ էլ հասցեին՝ a.l.beglaryan շնիկ gmail.com: