Անահիտ․

Բարև ձեզ, խնդրում եմ օգնել՝ որտե՞ղ կարող եմ ծանոթանալ հիմնադրամների մասին օրենքին, հարկման համակարգին։

Նելլի․

Բարև ձեզ, հարգելի հաշվապահներ։ Եթե կազմակերպությունը ունի դեբիտորական պարտքեր, որոնք չեն մարվել արդեն 3-4 տարի, կարո՞ղ եմ լրիվ դուրս գրել և շահութահարկով ծախս ճանաչել։ Ասեմ, որ ոչ մի տարում պահուստային ֆոնդ չի եղել ստեղծված։ Շնորհակալություն։

Ջուլիա․

Բարև ձեզ, հարգելի հաշվապահներ։ ՍՊԸ փետրվար ամսին գնել է լիզինգով էլէկտրոմոբիլ և հիմա ցանկանում է ամբողջությամբ փակել լիզինգը.

1. Ե՞րբ մեքենան կհարմարվի ընկերության սեփականությունը

2. Հնարավո՞ր է արդյոք կատարել այսպիսի գործարք ֆիզ․ անձի և ընկերության մեջ՝ փոխանակելով մեքենան համարժեք մեքենայի հետ, թե՞ միևնույն է դա դիտարկվում է որպես օտարում, և այդ պարագայում պետք է դուրս գրել հաշիվ վավերագիր և վճարել 5% հարկը (Ընկերությունն աշխատում է շրջհարկի դաշտում)։

Աշոտ․

Բարև ձեզ։ Կազմակերպությունը ֆիզ․ անձից շինություն է ձեռք բերում, որը կառուցել է հենց վաճառողը, բայց մոտ 20 տարի առաջ։ Եկամտային հարկը 20% է լինելու, թե՞ 10։

Մարիամ․

Ողջույն, խնդրում եմ ասել՝ ինչպե՞ս և որտե՞ղ նոր բացված ԱՁ-ն տա շրջանառության հարկի դիմումը։ Թաքսսերվիսի կայքում չի թողնում ֆայլը ներբեռնել, բոլոր տվյալները ճիշտ են լրացված։ ՊԵԿ պե՞տք է գնալ և դիմում գրել։

Դավիթ.

Բարև Ձեզ։ ԱՁ-ն աշխատանքի համար պետք է պատվիրի էժան համակարգիչ, մոտ 450$ արժեքով, ԱՁ-ի քարտով: Աշխատում է շրջ. հարկով: Հաշվի առնելով, որ մաքսային պարտավորվածություն չի առաջանում, խնդիր չի՞ առաջանա Հայաստան առաքող ընկերության ծառայությունից անձնական accountով օգտվելու դեպքում: Թե՞ պետք է ամեն դեպքում ներմուծումն որևէ կերպ ձևակերպել կամ ԱՁ-ի անունն արտացոլել: Արդյո՞ք հնարավոր է գնումն որպես ծախս ձևակերպել:

Հայկ․

Հարգելի հաշվապահներ, այսպիսի հարց ունեմ: 2023թ նոյեմբեր-դեկտեմբեր ամիսներին ունեցել եմ ԱԱՀ-ով ձեռքբերումներ (նյութեր՝ ծառայություններ մատուցելու նպատակով): ԱԱՀ-ի հաշվետվություններում կատարել եմ այդ ձեռքբերումների ԱԱՀ-ի չափով հարկի պակասեցում: Սակայն եթե նյութերի քիչ մասն եմ միայն օգտագործել, մյուս մասը երևում է որպես մնացորդ՝ 01.01.2024թ. դրությամբ: Հարց. շահութահարկի բազան հաշվելիս պետք է պակասեցնել այնքան, որքան ծախսվել է, թե՞ ամբողջությամբ, որքան ձեռք է բերվել 2023թ. ընթացքում:

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում:

Աստղիկ․

Բարև Ձեզ։ ԱՁ-ն հունվարի 12-ին ռեգիստրում գրանցվել է և պետք է ԱԱՀ-ով աշխատեր, բայց 20 օրվա ընթացքում ԱԱՀ վճարող համարվելու վերաբերյալ հայտարարություն չի հանձնվել, ավտոմատ կերպով դարձել է ԱԱՀ վճարող։ Հիմա ուզում եմ հասկանալ՝ ինչ-որ տարբերություն կա՞ ԱԱՀ վճարող համարվելու վերաբերյալ հայտարարություն տալով աշխատելու ու ավտոմատ կերպով ԱԱՀ դաշտում աշխատելու միջև, ԱԱՀ-ի հաշվանցման հետ կապված խնդիր կառաջանա՞, թե՞ ոչ։ ԱԱՀ-ի հաշվանցման սահմանափակումների մեջ այդ մասով կոնկրետ սահմանափակում նշված չէր։

Եվա․

Խնդրեմ կասե՞ք՝ եթե անհատ ձեռնարկատերը զբաղվում է վարսավիրական ծառայություններով և միկրոյի դաշտում է աշխատում, այս դեպքում ձեռքբերված նյութերի համար եթե առանց փաստաթղթի է, խնդիր կունենա՞։

Եվա․

Ֆիզ․ անձանց եկամուտների հայտարարագրման մասով ինչ որ բան արդեն պա՞րզ է, կա՞ հաշվետվության ձև։

Ընկերություն՝ Թաքս Լոու Հաշվապահական և Փաստաբանական գրասենյակ
Հասցե՝ ք․ Երևան, Աբովյան 31, տարածք 20
Հեռախոս՝ 093 54 56 27
Էլ․ փոստ՝ taxlawllc3@gmail.com
Թափուր աշխատատեղ՝ Հաշվապահ

Աշխատանքի նկարագրություն՝ Հաշվապահական կազմակերպությանը անհրաժեշտ է հաշվապահ՝ աշխատանքային փորձով, ՀԾ ծրագրի իմացությամբ։ Աշխատանքային ժամերը՝ 10։00-18։00, հնգօրյա։ Աշխատավարձը՝ սկսած 250․000 ՀՀ դրամից։ Ուղարկել ինքնակենսագրականը taxlawllc3@gmail.com էլեկտրոնային հասցեին։ Հեռ․՝ 093 54 56 27։

Պահանջներ՝ Թիմում աշխատելու կարողություն, լիդերին բնորոշ հատկանիշներ։
Աշխատավարձ՝ սկսած 250․000 ՀՀ դրամից

Մարիամ․

Ինչպե՞ս և որտե՞ղ վճարել տան վարձակալության եկամտահարկը, եթե վարձատուն գտնվում է ԱՄՆ-ում, ունի հայկական անձնագիր և սոց. քարտ։

Անի․

Բարև Ձեզ։ Կազմակերպությունը զբաղվելու է դասընթացների կազմակերպմամբ մարքեթինգի ոլորտում։ Ո՞ր հարկման դաշտում կարող է աշխատել։

Սոնա․

Բարև Ձեզ։ Արդյո՞ք հիվանդության նպաստը հաշվետվության մեջ լրացվում է ըստ ամիսների, թե՞ անաշխատունակության ժամանակահատվածը լրացվում է ամբողջովին, իսկ հետո հետպահում արվում։

Կանխավ շնորհակալ եմ։

Վահագն․

Բարև Ձեզ։ Ինձ հետաքրքիր է Ձեր կարծիքը։ Անհատ Ձեռնարկատերը, որն աշխատում է շրջանառության հարկի դաշտում, ԱՁ-ի հետ չկապված իր անձնական ծախսերի համար իրավունք ունի՞ խանութի կանխիկ գումարից գումար վերցնել կանխիկ, թե՞ դա էլ կդիտվի անկանխիկ գործառությունների մասին օրենքի խախտում։

Մարիամ․

Ողջույն, կասե՞ք, խնդրում եմ, ի՞նչ է հարկավոր IT ուսումնական կենտրոն բացելու համար, որը պետք է գործունեություն ծավալի IT ընկերությանը կից՝ Ընկերության ներսում։ Շնորհակալություն։

Տիգրան․

Բարև ձեզ, կարո՞ղ է X ՍՊԸ-ի հիմնադիր տնօրենը լինել Y ՍՊԸ-ում գրանցված աշխատող: Եթե այո, դա նորմալ ընթացքով է լինում, թե՞ որոշալի այլ գործողություններ է պետք, որ գրանցվենք այդպես։

Екатерина.

Добрый день. Организация имеет договор займа с грузинской организацией. Поэтому договору грузинская организация должна заплатить армянской проценты по займу. Подскажите, пожалуйста:

1) по какой ставке налога на прибыль облагаются проценты?
2) берется ли в зачет налог, уплаченный в Грузии?
3) какой документ нужен с грузинской стороны об оплате налога? нужно ли его заверять апостилем?
4) какую отчетность нужно будет сдать и в какие сроки?

Заранее огромное спасибо!

Yana.

Բարև Ձեզ: Խնդրեմ կասե՞ք՝ կոսմետիկայի օնլայն խանութը ի՞նչ հարկատեսակով կարող է աշխատել, պարտադի՞ր է գրանցել աշխատող, եթե հիմնադիրն է զբաղվում ամբողջ գործով, և պարտադիր է ՀԴՄ ունենալ։

Լիլիթ․

Բարև ձեզ, գրում եմ հետևյալ հարցով։ Հայաստանի քաղաքացի եմ, արտասահմանից առցանց աշխատանքի առաջարկ եմ ստացել։ Աշխատանքը խորհրդատվական բնույթ ունի։ Ֆիրման առաջարկում է կամ ԱՁ բացել, կամ էլ ուղղակի պայմանագիր կնքել և ամսվա կամ տարվա վերջում ցույց տալ վճարած հարկերը։ Ստացվելից գումարը քիչ է ԱՁ-ի համար, ուզում եմ աշխատել ուղղակի պայմանագրով։ Կասե՞ք՝ որտե՞ղ պետք է հայտարարագրեմ եկամուտները, և ինչպե՞ս պետք է հարկվի արտասահմանից ստացված գումարը, ամսական, թե՞ տարվա վերջում (համաձայն նոր օրենքի) հայտարարագիր պետք է ներկայացնեմ։

Հայկ․

Բարև Ձեզ, ես հաշվապահ չեմ: Ունեմ Ա/Ձ, որի համար պետք է վճարեմ շահութահարկ: Ո՞ր հաշվեհամարին պետք է փոխանցեմ շահութահարկը: e-payments կայքում կա միասնական հաշիվ, այդ հաշվին կա՞րող եմ փոխանցել: Շնորհակալություն։

Նարինե․

Հարգելի հաշվապահներ, շրջանառության հարկի համակարգում գործող նորաստեղծ ԱՁ-ն պետք է հաշիվ վավերագիր դուրս գրի ֆիզ․ անձի անունով: Համակարգում պարտադիր դաշտերն են «անձնագրային տվյալներ», «անվանում» ու «հասցե»: Արդյո՞ք պետք է մարդու անուն ազգանունն լրացնել «անվանում» տողում: Եթե ծառայությունն սոցիալական ծախս չի համարվում, պետք է այդ տողն դատա՞րկ թողնել:

Ընկերություն՝ Արմֆրութ ՍՊԸ
Էլ․ փոստ՝ hr.armfruitllc@gmail.com
Թափուր աշխատատեղ՝ Հաշվետար- օպերատոր
Աշխատանքի նկարագրություն՝ Արմֆրութ ընկերությունը աշխատանքի է հրավիրում հաշվետարի։

Պարտականություններ՝
-Ապրանքների մուտքագրում և ելքագրում,
-Հաշվետվությունների կազմում և ներկայացում ղեկավարությանը,
-E-invoicing ծրագրով հարկային հաշիվների դուրսգրում, ստացած հաշիվների մուտքագրում
-Դրամարկղային գործառնությունների վարում
-Բանկային քաղվածքների ծրագրային մուտքագրում
-Անհրաժեշտ այլ գործառնություններ
Պահանջներ՝
-Վերլուծական կարողություններ;
-ՀԾ, Excel , e-Invoicing, ծրագրերի իմացություն;
-Բարձր պատասխանատվություն և ուշադրություն մանրուքների նկատմամբ;
-Թիմում աշխատելու ունակություն;
-Վաճառքի ոլորտում աշխատանքային փորձը կդիտարկվի որպես առավելություն
Այլ նշումներ՝ Աշխատանքային օրեր՝ 6 օրյա, շաբաթ օրը՝ կես աշխատանքային: Գործունեության հասցե – Սևանի 116/1

Արման․

Ա/Ձ-եմ, աշխատում եմ շրջանառության հարկով, մատուցում եմ ծառայություն իմ անձնական բեռնատարով։ Շրջանառության հարկի հաշվետվության մեջ նշում եմ այլ գործունեություններ տողի դիմաց և վճարում 5 տոկոս շրջանառությունից հարկ։

ՀԱՐՑ․ Շրջանառության հարկի հաշվետվության ո՞ր տող դիմաց պետք է ցույց տամ իմ ծախսային մասը, քանի որ մի տարածքից մյուս տարածք բեռը տեղափոխելիս ծախսվում է մեծ քանակությամբ դիզելային վառելիք։

Նախապես շնորհակալություն։

Հարութ․

Հարգելի հաշվապահներ, խնդրում եմ պատասխանեք հետևյալ հարցերին.

Մարզում գրանցված ԱՁ-ն աշխատում է որպես միկրոձեռնարկատեր։ Ներմուծել է գույք արտահանման նպատակով, բայց մինչ օրս չի արտահանել։

Հարց 1․ Շրջանառության դաշտում աշխատելու դեպքում կարո՞ղ է կատարել վերը նշված գույքի արտահանում և շրջանառության գումարը նվազեցնել ներմուծված գույքի ձեռքբերման գնով, թե՞ պետք է վճարի 5% շրջ. հարկ, քանի իր այդ գույքը ձեռք է բերել միկրոձեռնարկատեր եղած ժամանակահատվածում

Հարց 2. Հարկման ընդհանուր համակարգում աշխատելու դեպքում կարո՞ղ է մաքսային մարմնին վճարված ԱԱՀ-ն դեբետագրել

Գոհար․

Բարև Ձեզ։ Խնդրում եմ ասեք՝ քաղաքում գտնվող հյուրատունը այս տարի կարո՞ղ է միկրոյով աշխատել և հանրային սնունդ նույնպե՞ս կարող է մատուցել։

Օվսաննա․

Բարև ձեզ։

Իրանից պողպատե խողովականման դրոշի հենք ներմուծելու համար ի՞նչ հարկային պարտավորություններ կառաջանան։

Հայկ․

Բարև բոլորին: Հարգելի մասնագետներ, ճի՞շտ է արդյոք, որ եթե կազմակերպությունն ունի բանկերից վերցրած վարկ, ապա չի կարող իր հիմնադրին անտոկոս փոխառություն տրամադրել: Եթե կարելի է՝ օրենքի հղում կանե՞ք:

Աննա․

Բարև Ձեզ։ Եթե հացի փռում թխվում է նաև այլ հացաբուլկեղեն, որը նաև սպասարկվում է սրահում, այդ դեպքում կարո՞ղ է հացի վաճառքը որպես արտադրություն ձևակերպել, իսկ մնացած սնունդը` հանրային սնունդ։ Նշեմ, որ հանրային սննդի հայտարարություն չի տրվել։ Այդ դեպքում հացի վաճառքից շրջանառության հարկի դրույքաչափը կլինի 3.5՞, իսկ մնացածի մասով` 5%՞։

Անահիտ․

Բարև ձեզ, խնդրում եմ ասեք՝ եթե ԱՁ աշխատում է շրջանառության հարկի դաշտում, վաճառում է գյուղմթերք, և եթե չունի ձեռքբերում շուկայից, բացի 5 տոկոսից վճարու՞մ է նաև 20 տոկոս եկամտային հարկ։

Նարինե․

Բարև Ձեզ։ Ես հիմնադրել եմ բարեգործական հիմնադրամ, խնդրում եմ ինձ ուղղություն տալ, թե ինչ հաշվետվություններ պետք է հանձնել ամսական և տակեկան։ Նախապես շնորհակալ եմ։

Մարինե․

Խնդրում եմ օգնեք։ Տնօրենն անձնական միջոցներից կանխիկ գումար է մուտք արել լինզինգի հաշվին։ Ինչպե՞ս ձևակերպեմ՝ մուտք դրամարկղ, փոխառության վերադարձ, ապա դրամարկղից լիզինգի վճարու՞մ։

Իլոնա․

Բարև Ձեզ, հարգելի կոլլեգաներ, հարցս վերաբերվում է հիմնադրամներին: Հիմնադրամը գրանցվել է 2023թ նոյեմբերին, գործնեություն չի ծավալել, աշխատող չի ունեցել։ Միայն տնօրենը պետ. ռեգիստրում նշված էր 22.11.2024թ: Փաստացի գործնեությունը սկսել է հունվարից 2024թ., ոչ մի հաշվետվություն դեռ չկա հանձնված: Կասե՞ք՝ որտեղի՞ց սկսել , և արդյո՞ք տնօրենի համար աշխատողի հայտ չներկայացնելը խնդիր է լինելու: Նշեմ նաև, որ այդ ամիսների համար աշխատավարձ չի ստացել տնօրենը ու չի ստանալու:

Վազգեն․

Ողջույն, հարգելի հաշվապահներ և օրենքի գիտակներ։ ՊԵԿ -ից չկարողացան կամ չցանկացան պատասխանել իմ հարցին՝ ուղղորդելով ՀՀ հարկային օրենսգրքի 147 հոդվածին։

Ես եկամուտներ եմ ստանում ինչպես ՀՀ դրամով, այնպես էլ ԱՄՆ դոլարով։ Հարկերը վճարում եմ։ Տան ծախսերը հոգում է կինս, դրա համար ամսական (3 000 ԱՄՆ դոլար կամ 1 մլն ՀՀ դրամը չգերազանցող) գումարներ եմ փոխանցում իմ անձնական հաշվից կնոջս անձնական հաշվեհամարին։ Ես նաև օգնում եմ թոշակառու ծնողներիս՝ էլի ամսական գումար փոխանցելով իրենց հաշվեհամարին։

Հիմա հարց․ արդյո՞ք այդ փոխանցումները (ՀՀ դրամով ու ԱՄՆ դոլարով) կարող ե՞ն համարվել եկամուտ ու հետագայում խնդրո առարկա դառնալ։ Փոխանցումները կատարում եմ ՀՀ բանկերի միջև միայն ֆիզիկական հաշվեհամարից դեպի ֆիզիկական հաշվեհամար։ Շնորհակալություն։

Կարեն․

Թարմ քամած հյութերի պատրաստումը և առաքումը Երևանում համարվելու է հանրային սնունդ, թե՞ արտադրություն։ Պահանջվելու՞ է փորձաքննություն։

Ընկերություն՝ Էյ ՋԻ Ռոյալ Քոնսալթինգ ՍՊԸ
Հասցե՝ Ք․ Երևան, Հ․ Հովհաննիսյան 54
Հեռախոս՝ 094222127
Էլ․ փոստ՝ ani.grigoryan@agrconsulting.am
Ծառայության անվանում՝ Հաշավապահական, իրավաբանական, ֆինասական ծառայություններ
Ծառայության նկարագրություն՝ AG Royal Consulting – ը առաջարկում է արդյունավետ համագործակցություն, որի ընթացքում դուք կստանաք👇🏻

🔍 Անվճար հարկային խորհրդատվություն
🔍 Հարկային և հաշվապահական հաշվառման վարում
🔍 Պետական գնումների գործընթացին մասնակցություն
🔍Ներքին աուդիտ
🔍Իրավաբանական ծառայություն
🔍Հաշվապահության վերականգնում
🔍 Կադրային հաշվառում

Անի․

Բարև ձեզ, հարգելի մասնագետներ: Հարցս հետևյալն է.

Մեր Ընկերությունը ԱԱՀ վճարող կազմակերպություն է: 2022թ. վնասով ենք աշխատել, հետևաբար 2023թ. ընթացքում շահութահարկի եռամսյակային կանխավճարներ չենք կատարել:2023թ. շահույթով ենք աշխատել, բայց դեռևս շահութահարկի հաշվետվություն չենք ներկայացրել: 2024թ. 1-ին եռամսյակի շահութահարկի կանխավճարը ե՞րբ պետք է վճարել։

Մարիամ․

Բարև Ձեզ։ Եթե առևտուրը իրականացվում է միայն Instagram-ի միջոցով, ապա ինչպե՞ս կարող եմ այն դարձնել օրինական, ի՞նչ տարբերակով են հարկերը վճարվում և այլն: Կարո՞ղ եք մի փոքր մանրամասնել:

Մայիս․

Բարև Ձեզ:

1․ Ընկերությունն ունի աշխատակից, ով այս պահին ծնողական արձակուրդում է (2 տարի), ով նախատեսում է վերականգնվել սեպտեմբերի 1-ին: Նրա վերջին պայմանագրով ամբողջ դրույքի համար իր աշխատավարձը եղել է 250 000 ՀՀ դրամ: Վերջին տարվա ընթացքում Ընկերության աշխատավարձերի սանդղակը փոփոխվել է, և իր դիպլոմի և փորձի պայմաններում աշխատավարձը նոր հաշվարկով պետք է նվազի: Արդյո՞ք կարող է աշխատակցին առաջարկվել ավելի վատ աշխատանքային պայմաններ, ծնողական արձակուրդից վերադառնալու պարագայում, եթե աշխատանքային օրենսգրքով պահանջվում է պահպանել հաստիքը և նույն պայմանները:

2․ Ո՞ր դեպքերում Գործատուն կարող Աշխատողին ազատել աշխատանքից Աշխատանքային օրենսգրքի 111-րդ հոդվածի հիմքով։

Շուշան․

Բարև Ձեզ։ Համակարգչային դասընթաց իրականացնող ԱՁ կարո՞ղ է միկրոձեռնարկատիրության սուբյեկտ հանդիսանալ։ Ուսանողի հետ կնքած պայմանագրից բացի հաշիվ և՞ս պետք է գրվի։ Եվ կարո՞ղ է ՀԴՄ չունենալ։

Հարգելի գործընկերներ,

2024թ. փետրվարի 20-ը շրջանառության հարկով աշխատելու համար դիմելու, ինչպես նաև միկրոձեռնարկատիրության սուբյեկտ համարվելու համար դիմում ներկայացնելու վերջնաժամկետն է: Պետք է հանձնել.

Ձև N 201. Շրջանառության հարկ վճարող համարվելու վերաբերյալ հայտարարություն – 2024թ-ին շրջանառության հարկ վճարող համարվելու համար

Ձև N 257. Միկրոձեռնարկատիրության սուբյեկտ համարվելու վերաբերյալ հայտարարություն – 2024թ-ին միկրոձեռնարկատիրության սուբյեկտ համարվելու համար

Նիկո․

Բարև Ձեզ, որ խնդրեմ կասե՞ք՝ եթե Իրանից ներմուծենք տոմատի մածուկ, ի՞նչ հարկեր ունենք վճարելու (տոկոսներով), և ԱԱՀ -ով աշխատելու դեպքում ինչպե՞ս է կատարվում դրա հետվերադարձը։

Քրիստինա․

Հարգելի հաշվապահներ, խնդրում եմ ասեք՝ գինու արտադրանքի վաճառքը ԱԱՀ-ից ազատվա՞ծ է, թե՞ ոչ, եթե հենց ֆիրման է արտադրում ու վաճառում։

Անի․

Ողջույն։ Ես ուզում եմ որպես ԱՁ գրանցվել՝ օտարերկրյա կազմակերպությունում ՏՏ ոլորտում ծառայություն տրամադրելու համար։ Ինչպիսի՞ն են հաջորդական քայլերը, և ի՞նչ հարկային ձևակերպում խորհուրդ կտաք կատարել հարկային արտոնություններից օգտվելու համար։

Վահագն․

Բարև Ձեզ։ ԱՁ-ն աշխատում է շրջանառության հարկով և զբաղվում է ավտոպահեստամասերի վաճառքով։ Շրջանառության հարկի հաշվարկման ժամանակ իրացման շրջանառության 5 տոկոսից նվազեցվում է ձեռքբերումների 4 տոկոսը, որոնց մեջ մտնում է հարկային հաշվով ձեռք բերումները, հաշիվ վավերագրով ձեռք բերումները։ Հիմա հարց՝ ՀԴՄ կտրոններով ձեռք բերումները նույնպե՞ս նվազեցվում են։

Կարեն․

Բաև Ձեզ։ ԱՁ-ն զբաղվում է գյուղատնտեսական արտադրանքի արտադրությամբ, որը արտահանում է։ Կասե՞ք՝ հարկերից ազատվա՞ծ է, թե՞ ոչ։ Օրենքի ո՞ր հոդվածը պետք է կարդամ։

Եվա․

Բարև Ձեզ, խնդրում եմ ասել՝ ավտոմեքենայի ապահովագրության գումարը կապիտալացման ենթակա՞ է։

Վազգեն․

Բարև Ձեզ։ ԱՁ զբաղվում է ՏՏ ծառայությունների մատուցմամբ, աշխատող չունի։ Ծառայությունների համար վճարվում է ԱՄՆ դոլարով։ Փոխանցումը ստանալուց և հարկերը վճարելուց հետո կարո՞ղ եմ ԱՁ հաշվին մնացած «մաքուր» գումարը փոխանցել իմ անձնական հաշվին հետագա ծախսելու համար։ Եվ հարց համար երկու՝ կարո՞ղ եմ փոխանցել կնոջս անձնական հաշվին։ Շնորհակալություն։

Նաիրա․

Ողջույն, ինձ անհրաժեշտ է շահութահարկի լրացման կարգի հրահանգը, այսինքն՝ որ տողում ինչ ենք գրում: Փաստաբանները ինչպե՞ս պետք է լրացնեն շահութահարկի հաշվարկը, լրացման ձևը կօգնե՞ք։ Շնորհակալություն: