QR կոդ Wildberries հարթակում վերավաճառքի ժամանակ
Անուշ․
Բարև Ձեզ, հարգելի հաշվապահներ։ Եթե ապրանքը գնում եմ ու վերավաճառում եմ Wildberries – ում, QR կոդ հարկավո՞ր է, ակցիզ հարկավո՞ր է։ Վրան կա նշված “ներմուծված”։
Հիմնադիրների բաժնեմասերի չափերը փոխվել են
Աստղիկ Բարսեղյան․
Բարև Ձեզ։ Խնդրում եմ օգնեք․ հիմնադիրների բաժնեմասերի չափերը փոխվել են 2025թ. մարտի 15-ից։ Ինչպե՞ս եմ բաշխելու շահաբաժինը։
Իրական շահառուների հայտարարագիրը ե՞րբ պետք է հանձնել
Արմինե․
Հարգելի հաշվապահներ, եթե կազմակերպությունը գրանցվել է դեկտեմբերին, ապա իրական շահառուների հայտարարագիրը ե՞րբ պետք է հանձնենք։ Կարող ենք հունվարին հանձնել 1 անգամ, համ բացվելու համար, համ էլ տարեկան կտրվածքով։
Եվ եթե տնօրենը նույնականացման քարտ չունի, հաշվետվությունները հանձնում է հաշվապահը, ինչպե՞ս պետք է լիազորել հաշվապահին։
Շնորհակալություն։
Կազմակերպությունը նվերներ է բաժանել աշխատակիցներին և գործընկերներին
Լակա․
Բարև ձեզ, հարգելի հաշվապահներ, այսպիսի մի հարց ունեմ․ կազմակերպությունը ԱԱՀ վճարող է, ներմուծել է ձեռքի ժամացույցներ և նվիրել իր աշխատակիցներին և գործընկեր կազմակերպությունների ղեկավարներին։ Ինչպե՞ս ծախս ճանաչել, հարկվու՞մ է, թե՞ ոչ, կարո՞ղ եք նշել օրենքի հոդված։ Կանխավ շնորհակալ եմ։
Շահաբաժնի եկամտային հարկի վերադարձի վերաբերյալ
Ալեքսանդր Չիլինգարյան․
Բարև Ձեզ: Ֆիզ անձանց վճարված շահաբաժնի եկամտային հարկի վերադարձի նոր փոփոխված Ձև 2 կա: Այն գործում է 2025-ի սկզբից: Կարո՞ղ եք տրամադրել այդ նոր Ձևը։
ԱՁ զբաղվում է սանտեխնիկայի արտադրությամբ
Անի․
Հարգելի հաշվապահներ, խնդրում եմ օգնեք լրացնել շահութահարկի հաշվետվությունը։ Ա/Ձ-ն աշխատում է ԱԱՀ-ի դաշտում և զբաղվում է սանտեխնիկայի արտադրությամբ, շրջանառությունը առանց ԱԱՀ կազմում է 2 330 000 դրամ, չունի աշխատողներ, ունի ստացված հարկային հաշիվ 01․07․2026թ-ով (ԱԱՀ-ով 132 000 դրամ), իսկ 2025թ-ով ունի մեկ գնված ապրանք խանութից, որի ՀԴՄ-ում ներառվել է ՀՎՀՀ-ն, արժեքը 27 090 դրամ։ Խնդրում եմ ասեք՝ համախառն եկամուտ դաշտում ինչ թիվ պետք է լրացնել, և նվազեցումների մեջ կարո՞ղ եմ ներառել 2026թ-ին ստացված հաշվի տվյալները, և եթե ԱԱՀ-ով շրջանառությունը կազմել է 2 796 000 (առանց ԱԱՀ 2 330 000), արդյո՞ք պետք է վճարվի առողջապահության ապահովագրության տարեկան վճար։
Խնդրում եմ նշեք նաև՝ ի՞նչ տոկոսով է հաշվարկվում արտադրությամբ զբաղվող Ա/Ձ-ի շահութահարկը։
Արդյո՞ք հարկերը և վճարները ենթակա են նվազեցման շրջանառության հարկից
Հովհաննես․
Բարև Ձեզ։ Աշխատում ենք շրջանառության հարկի դաշտում։ Ցանկանում եմ իմանալ՝ 2025թ-ի համար վճարած 60 000 սոց, 60 000 շահութահարկ և դրոշմանիշային վճարները կարո՞ղ եմ ծախս ճանաչել 2026թ առաջին եռամսյակի շրջհարկի հաշվետվության ժամանակ։ Շնորհակալություն։
ԱՏԳ ԱԱ ծածկագրերը պարտադի՞ր է ՀԴՄ ցանկի մեջ նշել
Աննա․
Բարև ձեզ։ Կասե՞ք՝ ԱՏԳ ԱԱ ծածկագրերը պարտադի՞ր է ՀԴՄ ցանկի մեջ նշել։
Ի՞նչ չափով պետք է հաշվանցել ԱԱՀ-ն
Ալլա․
Բարև Ձեզ։ ԱՁ-ն, որն աշխատում է շրջանառության հարկով, դեկտեմբերի 26-ին անցել է ԱԱՀ շեմը՝ 3մլն-ով։ Դեկտեմբերի ԱԱՀ-ի հաշվետվության մեջ ապրանքային մնացորդի ԴՏ-ը ԱԱՀ-ը, որից կա իրացում, ի՞նչ չափով պետք է հաշվանցվի, ո՞ր հոդվածի համաձայն։
Ապահովագրավճարի հետ կապված
Վազգեն․
Բարև Ձեզ։ Երկու հարց՝ կապված ապահովագրական վճարի հետ․
1) Եթե աշխատողի աշխատավարձը չի գերազանցում 200 000-ը, եկամտային հարկի, սոցվճարի և դրոշմանիշային վճարի հաշվարկները մնում են նույնը, ինչ նախկինում, ճի՞շտ է
2) Որտե՞ղ է ԱՁ-ն վճարում իր համար նախատեսված առողջության ապահովագրության վճարը։ Կանխավ շնորհակալություն։
Ինչպե՞ս և որտե՞ղ պետք է նշվի ապրանքի ԱՏԳԱԱ կոդը
Գայա․
Բարև ձեզ, հարգելի հաշվապահներ։ Մի հարց ունեմ՝ եթե օնլայն վաճառքներ եմ կատարում և ապրանքս վերավաճառում եմ, իսկ ես շրջանառության հարկ վճարող եմ, հարցս հետևյալն է՝ ինչպե՞ս և որտե՞ղ պետք է նշվի ապրանքի ԱՏԳԱԱ կոդը։
Ի՞նչ հաշվետվություններ է ներկայացնում շրջհարկ վճարող ԱՁ-ն
Սեյրան․
Բարև ձեզ: Շրջանառության հարկով աշխատող ԱՁ-ն “189. ՀԱՇՎԱՐԿ՝ Եկամտային հարկի և սոցիալական վճարի ամսական” և “286. Շրջանառության հարկի հաշվարկ (01.01.25 թ. –ից հետո ընկած հաշվետու ժամանակաշրջանների համար)” ձևերից բացի այլ հավետվություն ներկայացնու՞մ է։
Արդյո՞ք պետք է ներկայացնել շրջհարկի դիմում դադարեցման պարագայում
Հասմիկ․
Բարև Ձեզ, հարգելի հաշվապահներ։ Եթե ԱՁ-ն գործունեությունը դեկտեմբեր ամսով դադարեցրել է, պե՞տք է արդյոք 2026 թվականին ներկայացնի “201. Շրջանառության հարկ վճարող համարվելու վերաբերյալ հայտարարություն” ձևը։
QR կոդերը ինչպե՞ս են արտացոլվում հաշվի մեջ
Էլեն․
Բարև բոլորին։ Կխնդրեմ ինձ օգնել․ QR կոդերը ինչպե՞ս են արտացոլվում հաշվի մեջ, ի՞նչ համակարգի միջոցով, ո՞ր դեպքում է պարտադիր, կխնդրեմ նաև օրենքի հղում ուղարկել։
Արդյո՞ք աշխատակիցը համարվում է ապահովագրավճար վճարող
Սուսաննա․
Բարև Ձեզ, եթե 2025թ-ին պարգևավճարի հիման վրա է դրույքը հասել և անցել 200 001 դրամը, սակայն 2026թ-ին ստանալու է 200 000 դրամից ցածր, ապա այս դեպքում է՞լ մեկանգամյայի համար պետք է դեկտեմբեր ամսից դառնար ապահովագրական վճար տվող և 2026թ-ին էլ մնար նույն կարգավիճակում։
Քայլերի ի՞նչ հերթականությամբ պետք է ազատել աշխատակցին
Նարինե․
Բարև ձեզ, աշխատակիցը ընդունվել է աշխատանքի մինչ ներկայիս էլեկտրոնային պայմանագրերի ներդրումը։ Խնդրում եմ ասել՝ ներկայիս փոփոխություններով քայլերի ի՞նչ հերթականությամբ պետք է ազատել աշխատակցին։
Արդյո՞ք կուտակվում են արձակուրդի օրեր
Սոնա․
Բարև Ձեզ։ Արդյո՞ք հղիության և ծնդաբերության արձակուրդի ընթացքում, և մինչև երեք տարեկան երեխայի խնամքի արձակուրդում գտնվելիս արձակուրդի օրեր են կուտակվում։
Մայրության նպաստ
Մայրության նպաստ ստանալու իրավունք ունեցող անձինք
Մայրության նպաստի իրավունք ունեն գործատուների հետ աշխատանքային հարաբերությունների մեջ գտնվող ֆիզիկական անձինք, անհատ ձեռնարկատերերը և նոտարները, ինչպես նաև չաշխատող մայրերը, որոնց համար, սակայն, մայրության նպաստը հաշվարկվում է նվազագույն ամսական աշխատավարձի հիսուն տոկոսից:
ՄանրամասնՀագուստի և զարդերի վաճառք
Անուշ․
Բարև ձեզ, հարգելի հաշվապահներ։ Շրջանառության հարկով աշխատող ԱՁ-ն ցանկանում է զբաղվել հագուստի և զարդերի վաճառքով, ապրանքները գնում է արտասահմանյան տարբեր խանութներից, որպես անհատ, ինչպես նաև պատրաստվում կամ կարվում է Հայաստանում անհատ անձի կողմից: Ինչպե՞ս պետք է կազմակերպել ապրանքի մուտքի գրանցումը, ի՞նչ փաստաթղթավորում է հարկավոր, ի՞նչ հարկեր և հաշվետվություններ են անհրաժեշտ ուղարկել:
Այլ կազմակերպության աշխատակիցների տեղափոխման ծառայություններ
Նոնա․
Բարև Ձեզ: Ինչ-որ X կազմակերպության աշխատակիցների տեղափոխումը մեկ բնակավայրից մյուսը կարո՞ղ է համարվել միկրոձեռնարկություն, թե՞ ոչ:
Արդյո՞ք գործարքը կհամարվի կանխիկ
Քրիստինե․
Բարև բոլորին: Եթե ԱՁ-ն եվրո պատուհանի պատվեր է վերցրել Ֆիզիկական անձից, պատվերի գումարը կարո՞ղ է ԱՁ-ի տերը տերմինալով մուտք անի ԱՁ-ի հաշվին տվյալ մարդու անուն ազգանունով: Դա կանխիկ գործարք կհամարվի՞, թե՞ ոչ:
ԱՁ արդյո՞ք պարտավոր է հաշիվներ դուրս գրել
Սոնա․
Բարև Ձեզ։ Միկրոձեռնարկատիրություն համարվող ԱՁ-ն, որը ծառայություններ է մատուցում, արդյո՞ք պարտավոր է դուրս գրել հաշիվ-վավերագրեր, թե՞ միայն տարեկան շրջանառության մասին հաշվետվությունը հանձնելը բավական է։ ԱՁ-ն ոչ ռեզիդենտ կազմակերպությանը մատուցում է ծառայություններ:
Աշխատողը չունի էլեկտրոնային ստորագրություն
Արման․
Հարգելիներս, եթե աշխատողին ընդունել ենք աշխատանքի, կնքել ենք էլեկտրոնային աշխատանքային պայմանագիր, սակայն աշխատողը չի կարող ստորագրել այդ պայմանագիրը, քանի որ չունի էլեկտրոնային ստորագրություն, ինչ-որ հետևանքներ կարո՞ղ են լինել։ Շնորհակալություն։
Եթե էլեկտրոնային աշխատանքային պայմանագիրը սխալ է լրացվել
Մարիամ․
Բարև ձեզ, հարց ունեմ՝ կապված աշխատանքային օնլայն պայմանագրերի հետ․ եթե սխալ է լրացվել տվյալները կայքում և սխալ ստորագրություն է դրվել, ինչպե՞ս կարելի է ջնջել այդ սխալ արված պայմանագիրը։ Շնորհակալ կլինեմ, եթե օգնեք այս հարցում։
Ապրանքների ձեռքբերում և վաճառք Օզոնում
Հայկ․
Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.
Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել
Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա
Հարց 3. Տեղափոխության բեռնագրում նշված գումարները ենթակա՞ են հարկման շրջհարկով
Շնորհակալություն։
Արտելը կարո՞ղ է համարվել միկրոձեռնարկատիրություն
Լիլիա․
Բարև ձեզ։ Կասե՞ք՝ արտելը միկրոյով կարո՞ղ է աշխատել և աշխատող պահել, պե՞տք է գրանցվի որպես ԱՁ, թե՞ կարող է ֆիզ․ անձով աշխատել։
Շրջանառության հարկով աշխատող ԱՁ համար ի՞նչ փոփոխություններ կան
Հակոբ․
Բարև Ձեզ։ 2026-ի փոփոխություններից շրջանառության հարկով աշխատող ԱՁ-ին վերաբերվող փոփոխություն կամ ավելացում կա՞, բացի ԱՏԳ կոդերը։
2026թ․ արդյո՞ք պետք է ՀԴՄ կտրոնի վրա արտացոլել ԱՏԳԱԱ կոդերը
Բարև ձեզ։ Եթե կազմակերպությունը նախորդ տարվա արդյունքներով չի անցել 24 մլնի շեմը, և ՀԴՄ այս պահին անվանացանկով չէ։ 2026թ․ տպվող ՀԴՄ կտրոնի վրա արդյո՞ք պիտի արտացոլվի ԱՏԳ ԱԱ կոդերը։
Ինչպե՞ս պատվիրել ծածկագրեր
Քրիստինե․
Բարև Ձեզ, որպես արտադրող QR կոդերի համար համակարգում գրանցվել ենք։ Հիմա պետք է պատվիրենք ծածկագրեր։ Ինչպե՞ս պետք է պատվիրենք ու որտե՞ղ ենք տպելու։ Որպես արտադրող ի՞նչ պետք է անենք։ Նախապես շնորհակալ եմ։
ԱՁ-ն զբաղվում է վարձույթով
Նիկա․
Բարև Ձեզ։ Շնորհավոր Ամանոր և Սուրբ Ծնունդ։ Եթե ԱՁ-ն զբաղվում է վարձույթով, տվյալ դեպքում գործունեության տեսակը ի՞նչ է պետք նշել։ Ցանկում վարձույթ չկա։