Arevik.

Բարև Ձեզ: Խնդրում եմ ասացեք` եթե հղին աշխատել է 2 ամիս և աշխատավարձը 50000 դրամ է կազմել, ապա ի՞նչ գումարով է հաշվարկվում դեկրետային գումարը, նորից 32500 դրամով:

Նարինե.

2012 թ–ի հունվարի 1-ից բարձրանում է նվազագույն աշխատավարձը: Ինչքանո՞վ դա կազդի նվազագույնից բարձր աշխատավարձ ունեցողների աշխատավարձի վրա: Կանխավ շնորհակալություն:

Արման.

Խնդրում եմ նշել` արդյո՞ք օրենքով սահմանվում է նյութական պատասխանատու անձի աշխատավարձի նվազագույն դրույքաչափ:

Նաիրա.

Բարև: Հարգելի հաշվապահներ, խնդրում եմ պատասխանեք. եթե ընկերության աշխատողներից մեկի վրա երկկողմանի համաձայնությամբ դրվում են նաև գանձապահի պարտականություններ, ապա արդյո՞ք պետք է համաձայանագրում նշել նաև հավելյալ վարձատրության մասին, և ո՞ր իրավական ակտի համաձայն է դա արվում: Կանխավ շնորհակալություն:

Gayane.

Հարգելի հաշվապահներ, լսել եմ, որ արդեն կա աշխատավարձի հաշվարկի նոր ձևը, որը գործելու է 2013թ-ից excel ֆայլով: Որպեսզի կարողանանք հաշվարկել գալիք տարվա աշխատավարձի ֆոնդի բարձրացումը, խնդրում եմ, եթե որևէ մեկը ունի, ուղարկեք ghakobyan2003 շնիկ yahoo.com, կամ եթե կա, ասեք որտեղից կարող եմ բեռնել այն:

Նախապես շնորհակալ եմ:

Աննա.

Բարև Ձեզ:
Խնդրում եմ պատասխանեք հետևյալ հարցիս: Կազմակերպության տնօրենը կատարում է նաև հաշվապահի և գանձապահի պարտականությունները (կազմակերպության աշխատողները 3 հոգուց ավել չեն): Տնօրենի աշխատավարձը համաձայն աշխատանքային պայմանագրի սահմանված է 40000 դրամ: Արդյո՞ք աշխատանքային պայմանգրում կամ համաձայնագրով պետք է առանձին ըստ պարտականությունների նշել, թե 40000–ի մեջ որքան է կազմում հաշվապահի և գանձապահի պարտականությունները կատարելու համար հասանելիք աշխատավարձների չափերը, և գանձապահի պարտականությունները կատարելու համար հասանելիք աշխատավարձից 30% հավելավճարի չափը:
Շնորհակալություն:

Սիրանուշ.

Ունեմ հաշմանդամության 3-րդ կարգ: Աշխատում եմ և ստանում եմ բարձր աշխատավարձ: Աշխատավարձ ստանալը կարող է անդրադառնալ հաշմանդամության նպաստի ստացման վրա:

Emma.

Աշխատողը կատարում է գլխավոր հաշվապահի և գանձապահի պարտականությունները, և նրա մաքուր աշխատավարձը պետք է կազմի 150000 ՀՀ դրամ: Խնդրում եմ ասեք, թե ինչքան համախառն աշխատավարձ պետք է նշվի աշխատանքային պայմանագրում, և որ պաշտոնի համար ինչքան: Խնդրում եմ հաշվի առնել գանձապահի հավելավճարը, եթե չեմ սխալվում` 50 %: Կանխավ շնորհակալություն: Շտապ է:

Վիկտորյա.

Հարգելի հաշվապահներ, զինվորական ծառայություն անցած աշխատողին մի քանի օրով նորից զորակոչել են բանակ: Զորակոչման օրերի վարձատրությունը ինչպե՞ս է կատարվում: Վճարում է պետությու՞նը, թե՞ գործատուն: Գործատուն իրավունք ունի՞ չվճարել չաշխատած օրերի համար: Խնդրում եմ նշեք, թե որ օրենքով եք առաջնորդվում:

Liana.

Հարգելի հաշվապահներ, խնդրում եմ պատասխանեք` օտարերկրյա քաղաքացուն աշխատավարձ հաշվարկելիս անձնական նվազեցում (32 500) կատարվու՞մ է, թե՞ ոչ: Օրինակ, եթե աշխատավարձը 120 000 դր. է, ինչքա՞ն է կազմում մաքուր աշխատավարձը և եկամատահարկը:

Գագիկ.

Հարգելի հաշվապահներ, խնդրում եմ պատասխանել հետևյալ հարցին.
ազատ աշխատանքային գրաֆիկով աշխատանքը ձևակերպելու համար պե՞տք է արդյոք կնքվի աշխատանքային պայմանագիր: Եթե ոչ, ապա ինչպե՞ս է արվում: Իսկ աշխատավարձը կարելի՞ է գրել օրինակի համար 20000 դրամ, իսկ աշխատանքային թերթիկում էլ նշել աշխատած քիչ օրերի թիվը:

Արթուր.

Հարգելի գործընկերներ, խնդրում եմ պատասխանել հետևյալ հարցին:
Եթե ՍՊԸ-ի աշխատողներից մեկը, որը նաև հանդիսանում է այդ ՍՊԸ-ի փայատեր, միակողմանի ծնողազուրկ է, ի՞նչ հարկեր է գանձվում նրա աշխատավարձից:
Շնորհակալություն:

Նաիրա.

Հարգելի հաշվապահներ, խնդրում եմ պատասխանեք. եթե ՀՀ Աշխատանքային Օրենսգրքի համաձայն վեցօրյա աշխատանքային շաբաթվա դեպքում միջին օրեկան աշխատավարձը հաշվարկվում է միջին ամսական աշխատավարձը բաժանելով 25-ի, ապա ինչպե՞ս վարվել այս դեպքում: Աշխատողը 2012թ. օգոստոս ամսվա մեջ ունի 26 աշխատանքային օր, սակայն նա փաստացի աշխատել է 25 աշխատանքային օր: Նրա ամսական աշխատավարձը 200 000 դրամ է: Ստացվում է, որ նրա միջին օրեկան աշխատավարձը = է 200 000/25=8000 դրամ: Օգոստոս ամսվա աշխատավարձը = կլինի 8000*25=200 000: Այսինքն ստացվում է, որ նա աշխատել է 25, այլ ոչ թե 26 աշխատանքային օր, բայց ստանում է լրիվ ամսվա աշխատավարձ: Խնդրում եմ ասեք` ինչպես վարվել:

Arevik.

Բարև Ձեզ:
Հարգելի հաշվապահներ, այսպիսի մի հարց ունեմ: Արդյո՞ք տարվա կտրվածքով միջին աշխատավարձը հաշվելիս պետք է հանել այն 20 օրվա դիմաց ստացած գումարը, որ աշխատողը եղել է հերթական արձակուրդում:
Կանխավ շնորհակալություն:

Մնաց.

Բարև ձեզ:
Մեկ շաբաթից ավելի է ընդունվել եմ աշխատանքի կազմակերպությունում, սակայն աշխատանքային պայմանները ինձ համար անընդունելի են, և ցանկանում եմ լուծել իմ աշխատանքային պայմանագիրը: Վերջինիս օրինակը ինձ չի տրամադրվել: Դեռևս չեմ ստացել աշխատավարձ: Խնդրում եմ ասեք` ի՞նչ է պետք անել պայմանագրի լուծման համար: Ի՞նչ խնդիրներ կարող են ծագել: Նաև կխնդրեի պարզաբանել աշխատավարձի և վերջնահաշվարկի հետ կապված հարցերը:

Նանա.

Բարև Ձեզ, ինձ հետաքրքրում է հետևյալը. ենթադրենք աշխատողի հաստիքային դրույքաչափը կազմում է 75000, հերթական ամսում նա աշխատում է 10 օր, որից հետո աշխատանքից ազատվում է, այդ 10 օրվա աշխատավարձն ինչպե՞ս է հաշարկվում:

Աննա.

Հարգելի հաշվապահներ, խնդրում եմ ինձ պատասխանեք, թե ինչպես հաշվարկել հղիության նպաստը, եթե աշխատավարձը վճարվում է ըստ կատարված աշխատանքի (կատարողականով): Մի փոքր օրինակ` ես մայիսին ստացել եմ ընդամենը 13.000 դրամ:

Arman.

Բարև ձեզ: Կարո՞ղ եք ինձ օգնել մեկ հարցով` ես իրավունք ունե՞մ կնքել աշխատանքային պայմանագիր` նշելով 50.000 դրամ աշխատավարձ, որից 33.000 դրամ աշխատավարձ + 17.000 դրամ հավելավճար վնասակար աշխատանքի համար: Այսինքն ես կարո՞ղ եմ նշել 33000 դրամ, թե՞ անպայման պետք է նշել 33500 դրամ (նվազագույն 32500+3%): Եկամտահարկի հաշվարկի բլանկի մեջ նշված է մինչև 33500 դրամ, այդ պատճառով ես մտածեցի` միգուցե ես իրավունք չունեմ նվազագույն աշխատավարձի չափը 32.500 նշել աշխատանքային պայմանագրում: Խնդրում եմ շտապ պատասխանեք: Շնորհակալություն:

Նաիրա.

Բարև Ձեզ: Խնդրում եմ օգնել ինձ հետևյալ հարցում: Հիմնադրամի աշխատողը ստանում է 110 000 դրամ, հիմնադրամը շահել է ծրագիր, և այդ նույն աշխատողը այդ ծրագրով պետք է ստանա աշխատավարձ 100 000 դրամ, ընդ որում գործատուի սոցը պետք է վճարվի այդ գումարից: Հարցս հետևյալն է` ինչպե՞ս հաշվարկել հարկերը: Կանխավ շնորհակալ եմ:

Armine.

Բարև Ձեզ:
Խնդրում եմ շտապ ինձ օգնեք. քաղիրավական պայմանագրով կատարած ծառայության դիմաց վճարած աշխատավարձի հաշվարկի ժամանակ, եթե սահմանված է պայմանագրում 50 000 դրամ, ինչպե՞ս պետք է հաշվարկեմ և ինչքա՞ն պետք է առձեռն վճարեմ:

Նախապես շնորհակություն:

Tigran.

Հարգելի հաշվապահներ, խնդրում եմ ինձ ասեք, թե որ հաստիքի աշխատավարձը որ ծախսի մեջ է մտնում`
1.Արտադրամասի պետ
2.Վարպետ
3.Բանվոր օժանդակ
4.Բանվոր խոտան

Նախօրոք շնորհակալություն:

Աղավնի.

Բարև ձեզ, հարգելի հաշվապահներ: Խնդրում եմ ինձ օգնեք հետևյալ հարցում: Աշխատողը գնացել է արձակուրդ մայիսի 4-ից, արձակուրդայինը կազմել է 100000/21*20=95238դր., իսկ աշխատավարձը մայիս ամսվա երկու օրվա համար 100000/20*2=10000դր: Խնդրում եմ պատասխանեք, սոց-ի և եկամտահարկի հաշվարկները կատարվում են առանձի՞ն (այսինքն 10000-ից եկամտահարկ չպիտի պահվի և ապահովադրի սոց. չպիտի հաշվարկվի), թե՞ հաշվարկները կատարել եկամուտների հանրագումարից, այսինքն՝ 105238-ից: Կանխավ շնորհակալ եմ:

Սիրուշ.

Հարգելի կոլեգաներ, եթե ՍՊԸ-ի, որի միակ հիմնադիրը տնօրենն է, գործունեությունը դադարեցվում է, և ՍՊԸ-ին պատկանող տարածքը տրվում է վարձով, արդյո՞ք աշխատավարձ տրվում է տնօրենին, թե՞ ոչ: Նախապես շնորհակալություն:

manush.

Հարգելի կոլեգաներ, խնդրում եմ պատասխանել հետևյալ հարցիս: Մեր հիմնարկը պետական ոչ առևտրային կազմակերպություն է: Ունենք համատեղությամբ աշխատող բժիշկներ, որոնք բնականաբար աշխատում են ոչ լրիվ աշխատաժամանակով: Կարո՞ղ ենք նրանց վարձատրել 1 դրույքի համար նախատեսված աշխատավարձով, թե՞ պետք է վճարենք աշխատավարձի կես դրույքի չափով:

Մերի.

Բարև ձեզ: Ես աշխատում եմ մետրոյում որպես ԿԿՊ-ի հերթապահ, ամսական աշխատավարձիցս 17000 դրամ են պահում կատարում: Հիմա լսել եմ, որ նաև գույքահարկ է պահվելու: Արդյո՞ք դա ճիշտ է, թե՞ ոչ:

Նունե.

Աշխատանքային օրենսգրքի 184 հոդվածի համաձայն`
– Արտաժամյա աշխատանքի յուրաքանչյուր ժամի համար, ժամային դրույքաչափից բացի, վճարվում է հավելում` ժամային դրույքաչափի 50 տոկոսից ոչ պակաս չափով, իսկ գիշերային աշխատանքի յուրաքանչյուր ժամի համար` ոչ պակաս, քան ժամային դրույքաչափի 30 տոկոսի չափով:

Իսկ 185 հոդվածի համաձայն`
– Հանգստյան և օրենքով սահմանված ոչ աշխատանքային` տոնական և հիշատակի օրերին կատարված աշխատանքը, եթե այն նախատեսված չէ աշխատանքի ժամանակացույցով, կողմերի համաձայնությամբ վարձատրվում է ժամային (oրական) դրույքաչափի կամ գործավարձի առնվազն կրկնակի չափով, կամ աշխատողին մեկ ամսվա ընթացքում տրամադրվում է վճարովի այլ հանգստյան օր, կամ այդ օրը ավելացվում է ամենամյա արձակուրդին:

Հարցս հետևյալն է. եթե կազմակերպությունը աշխատում է 5-օրյա աշխատանքային շաբաթով, և անհրաժեշտություն է առաջացել ամսվա մեջ 1 շաբաթ օր հավելյալ աշխատել, այս դեպքում աշխատավարձը այդ օրվա համար հաշվարկվում է կրկնակի՞, թե՞ 2.5 անգամ ավել:

Ես որքանով տեղյակ եմ օրենքի միայն մեկ հոդվածը կարող է կիրառվել, արդյո՞ք չի առաջանա հակասություն:

Հայկ.

Հարգելի գործընկերներ,

Համաձայն Աշխատանքային օրենսգրքի 195 հոդվածի դրույթների` միջին աշխատավարձի հաշվարկի հաշվառման ենթակա 12 ամիսներում չպետք է ներառվեն այն ամիսները, որոնց ընթացքում աշխատողը եղել է ժամանակավոր անաշխատունակության մեջ և/կամ արձակուրդում և/կամ ոչ իր մեղքով պարապուրդում: Արդյո՞ք դա նշանակում է, որ այն դեպքում, երբ աշխատակիցը ընդունվել է աշխատանքի ամսվա կեսից, իր այդ կես ամսվա աշխատավարձը պետք է ներառվի միջին աշխատավարձը հաշվարկելիս:

Կանխավ շնորհակալ եմ:

Աննա.

Հարգելի հաշվապահներ, հղիության նպաստը հաշվարկելիս միջին օրականը միջին աշխ. / 21 բազմապատկում ենք աշխատանքայի՞ն օրերի քանակով, թե՞ օրացուցային օրերի քանակով: Օրենքում ասվում է` բոլոր աշխատանքային օրերի քանակով: Ճի՞շտ եմ հասկացել: Այդ դեպքում հանու՞մ եմ տոն օրերը և հիշատակի օրերը, թե՞ ոչ:

Աշխատողիս աշխատավարձը 55000 է առանց պահումների: 140 օր է բուլետենը: 28.04.2012-14.09.12 թթ.: Օգնեք հաշվեմ, խնդրում եմ:

Sirarpi.

Բարև ձեզ, սիրելի հաշվապահներ: Խնդրում եմ պատասխանեք իմ հարցին: Ես աշխատում եմ քոլեջում, ունեմ 2 գիշերային պահակ 1,5 դրույքով (48 750 դր.): Կարո՞ղ եք ինձ գրել միայն գիշերային աշխատավարձի հաշվարկման կարգը նոր օրենքներով: Նախապես շնորհակալություն:

Գոռ.

Բարև ձեզ, հարգելի հաշվապահներ: Խնդրում եմ ինձ օգնել հետևյալ հարցում: Ես գրանցվել եմ աշխատանքի ամերիկյան ընկերությունում, որը գտնվում է հենց Միացյալ Նահանգներում, բայց ես աշխատելու եմ Երևանում: Եթե նրանք ամսական իմ աշխատավարձը փոխանցեն իմ երևանյան բանկերից մեկի հաշվին (գումարը բավականին բարձր է հայաստանյան աշխատավարձների համեմատ), ես պետք է հարկ վճարե՞մ: Կամ ինչպիսի՞ խնդիրներ կարող են առաջանալ: Ասենք՝ ինչ-որ սահմանափակումներ կա՞ն կապված գումարի չափի հետ:

Շնորհակալություն:

Մարտին.

Հարգելի կոլեգաներ, ի՞նչ առանձնահատկություններ կան ոչ ռեզիդենտին աշխատանքի ընդունելու դեպքում: Նա ունի սոց. քարտ, սակայն չունի ՀՀ անձնագիր: Արդյո՞ք պետք է անհատական հաշիվ բացելու համար հայտ ներկայացնել սոցիալական ապահովագրության պետական հիմնադրամ: Եվ ինչպե՞ս է հարկվում ոչ ռեզիդենտի ստացած աշխատավարձը:

MM.

Բարև Ձեզ: Խնդրում եմ մի հարցի շուրջ ուղղություն ցուցաբերել: Եթե աշխատողն ընդունվել է աշխատանքի 02/02/11թ-ին և վճարվում է արձակուրդային 03/12թ-ին, ետ հաշվարկը կատարելիս կոնկրետ ո՞ր ամիսները պետք է ներառվեն, որովհետև 02/02/11-02/02/12 ժամանակահատվածը ստացվում է 13 ամիս, այսինքն միջին աշխատավարձ հաշվարկելու համար ո՞ր ամիսների ԱՎՈՒՄ-ները ներառեմ: Կանխավ շնորհակալություն:

Գայանե.

Հարգելի հաշվապահներ, խնդրում եմ պատասխանել սկսնակիս հետևյալ հարցին: Աշխատողը գործատուի մոտ աշխատանքի է ընդունվել 07/06/2011թ-ին 82000 դրամ ամսական աշխատավարձով, աշխատանքից ազատվում է 01/04/2012թ-ին, նա այդ 10 ամիսների ընդացքում արձակուրդ չի գնացել, և նրա տարվա ընդհանուր եկամուտը կազմում է 905091 դրամ: Կազմակերպությունը աշխատում է հնգորյա շաբաթով: Ինչպե՞ս կատարեմ վերջնահաշվարկը, խնդրում եմ բացատրել մանրամասն: Կանխավ շնորհակալ եմ:

Արմինե.

Բարև ձեզ, մի հարց եմ ցանկանում տալ` կարո՞ղ ենք աշխատողի հետ պայմանագրում այնպիսի կետ ավելացնել, ըստ որի գործատուն կարող է աշխատավարձ չվճարել, եթե այդ ամիս որևէ աշխատանք չի ունեցել:

Nazeli.

Հարգելի հաշվապահներ, խնդրում եմ օգնել: 2012թ.-ի հունվարի 24-30 անաշխատունակութան թերթիկ եմ ներկայացրել, աշխատում եմ 5 աշխատանքային օրվա ռեժիմով, աշխատավարձս տվյալ ամսվան նախորդող 12 ամիսների ընթացքում կազմել է 4 ամիս` 100.000 դրամ (2011թ. հունվար – մայիս) և 8 ամիս (մայիս – առ այսօր)` 130.000 դրամ (նվազեցումներից հետո` մաքուր): Խնդրում եմ ինձ օգնեք հաշվարկել տվյալ ամսվա համար իմ աշխատավարձի չափը: Ես դեռ սկսնակ ինքնուս եմ և դժվարանում եմ ինքս լուծել այս խնդիրը: Կանխավ շնորհակալություն:

Մարիա.

Բարև ձեզ, հարգելի հաշվապահներ: Խնդրում եմ ինձ օգնել հետևյալ հարցում: Ես ՍՊԸ-ի տնօրեն եմ: Միևնույն ժամանակ այդ նույն կազմակերպությունում քաղաքացիաիրավական պայմանագրով դասավանդող: Հիմա հղիության պատճառով արձակուրդի մեջ եմ: Նպաստը հաշվելու համար արդյո՞ք միայն որպես տնօրենի աշխատավարձն ենք հաշվի առնում, թե՞ քաղաքացիաիրավական պայմանագրով աշխատավարձն էլ: Ինձ ասացին` միայն որպես հիմնական աշխատողինն են հաշվելու, քանի-որ քաղաքացիաիրավական պայմանագրի դեպքում 3 տոկոս սոց. չի վճարվում: Կանխավ շնորհակալություն:

Հելեն.

Հարգելի հաշվապահներ, խնդրում եմ պատասխանել` եթե հաշվարկվում է արձակուրդային, և այն պետք է վճարել աշխատողին արձակուրդ գնալուց 3 օր առաջ, ապա ինչպե՞ս է հաշվարկային տեղեկագրում գրանցվում փաստացի գումարը, որ վճարվել է, և աշխատավարձի հաշվարկում յուրաքանչյուր ամսվա համար հասանելիք գումարը աշխատավարձ + արձակուրդային, ասենք եթե արձակուրդը ընկնում է երկու ամիսների միջև:

Հայկ.

Ա/Ձ-ն, որը 2011թ. չի ունեցել աշխատող և չի վճարել աշխատավարձ, արդյո՞ք անհատական սոցի հաշվետվություն և տարեկան եկամուտների մասին տեղեկություն հանձնում է: Շնորհակալություն:

Ն.

Բարև: Աշխատողը արձակուրդ է գնում մարտ ամսի 15-ից: 3 օր առաջ հաշվարկե՞մ ու վճարեմ արձակուրդ ու աշխատավարձ մարտ ամսվա սկզբի մի քանի օրերի աշխատածի համար, թե՞ սպասեմ գա, նոր մարտի աշխատած օրերը հաշվարկեմ ու նոր վճարեմ:

N.

Կարո՞ղ է կազմակերպությունը դեկտեմբերի աշխատավարձը տալ դեկտեմբերի 30-ով, ոչ թե ասենք հունվարի 11-ով: Ինձ թվում է` կարելի է, մանավանդ օրենքում ասվում է, որ մինչև հաջորդ ամսվա 15-ը, բայց կանխավճարի մասին բան չի ասվում: Կուզեի իմանալ ձեր կարծիքը:

Anna.

Խնդրում եմ օգնեք: Կազմակերպության կողմից Ֆիզիկական անձանց վճարված եկամուտների մասին տեղեկություններում նշվում է աշխատավարձի + դեկրետի գումարը, թե՞ միայն աշխատավարձի գումարը նշեմ: Շնորհակալություն:

Շահեն.

Կազմակերպությունը 15 հոգուց է կազմված: Կամավոր անդամակցում են արհկոմին, և աշխատավարձից փոխանցվում է անդամավճար աշխատավարձի 1 տոկոսի չափով: Կարո՞ղ եմ աշխատավարձը և եկամտահարկը հաշվարկելիս այդ չափով յուրաքանչյուրին նվազեցնել, թե՞ ոչ: Ի՞նչ օրենք կա այդ մասով: Այդ կազմակերպությունը գործում է այս տարվա փետրվար ամսից: Շնորհակալություն:

Անի.

Խնդրում եմ պարզաբանեք, եթե ԱՁ -ն ունի 2 աշխատող և աշխատավարձերից պահվում է եկամտահարկ, այդ եկամտահարկի մուծումը ինչպե՞ս է կատարվում:

Ռուզան.

Հարգելի հաշվապահներ, խնդրում եմ մոտավորապես ասեք, թե որքան կկազմի ուսուցչի մաքուր աշխատավարձը, եթե ունի 22 դասաժամ, դասղեկություն, մեթոդմիավորում, 16 տարվա ստաժ, լեզվի և գրականության դասավանդում 6-րդ, 7-րդ և 11 ժամ 12-րդ դասարանում, նաև ասեմ, որ բարձր լեռնային համայնք է: Շնորհակալություն:

Nara.

Ասացեք խնդրեմ, եթե աշխատողը գնացել է արձակուրդի փետրվար ամսին, իսկ այդ ամսվա աշխատած օրերը 3 օր է կազմում, աշխատավարձն ու հասանելիք արձակուրդայինը միասի՞ն պետք է հաշվեմ, թե՞ առանձին: Ու եթե կարող եք, մանրամասն ասեք: Շնորհակալություն:

Rubina.

Մեր կազմակերպությունում 2011թ–հոկտեմբերի 24–ին աշխատանքի է ընդունվել նոր աշխատող, որը ուներ 9 ամսական բալիկ, և նոր էր լրացել նրա հղիության և ծննդաբերության արձակուրդը։ Նա 2012թ –ի հունվարի 14–ին ներկայացրել է անաշխատունակության թերթիկ հղիության և ծննդաբերության արձակուրդի համար։ Նոր աշխատակիցը մեր կազմակերպությունում ունի 2 լրիվ և մեկ ոչ լրիվ աշխատած ամիս, նա նախորդ 12 ամիսների ընթացքում եղել է հղիության և ծննդաբերության արձակուրդում և այլ գործատուի աշխատանքի։
Հարց` ինչպե՞ս հաշվարկել միջին ամսական աշխատավարձը։
Շնորհակալություն պարզաբանման համար
091-23-66-73
Ռուբինա

Էլիզա.

Բարև ձեզ: Հարցս հետևյալն է. ես աշխատում եմ 2012թ.-ի հունվարից և երեխա եմ ունենալու հունիսին: Գիտեմ, որ հղիության և ծննդաբերության նպաստ տրամադրվում է 140 օրվա համար, որոնցից 70-ը հղիության, իսկ մյուս 70-ը ծննդաբերության: Կարո՞ղ եմ արդյոք այդ 140 օրվա նպաստը ստանալ որպես ծննդաբերության (որպեսզի միջին աշխատավարձս ստացվի ավելի շատ, քանի որ այդ դեպքում կհամարվի, որ ես ախատել եմ 5 ամիս, հակառակ դեպքում 3 ամիս):
Նախապես շնորհալություն:

Հելեն.

Հարգելի հաշվապահներ, խնդրում եմ օգնել: Եթե ԱՎՈՒՄ-ը մինչ այս պահը կազմում էր 60.000 դրամ, սակայն այժմ 100.000 է, ի՞նչ փաստաթղթեր է անհրաժեշտ կազմել:

Անի.

Բարև.
1. 130000 դրամ աշխատավարձ ունեցող աշխատողին դեկտեմբերի 30-ից արձակուրդ ուղարկելուց արձակուրդայինը ինձ մոտ ստացվել է 114700 դրամ, միանգամից վճարում եմ արձակուրդային գումարը աշխատավարձի հետ, ինչպե՞ս հաշվարկեմ եկամտահարկը, 130000-ի համար առանձին, 114000-ի համար առանձին, թե՞ գումարեմ, նոր հաշվարկեմ եկամտահարկն ու սոցը:
2. Արձակուրդը 20 աշխատանքային օր տալուց արձակուրդ հաշվեմ դեկտեմբերի 31 -հունվարի 9-ը հետո, քանի որ այդ օրերը ոչ աշխատանքային են: Արձակուրդի տևողությունը կլինի հունվարի 9-ից փետրվարի 7-ը: Կարո՞ղ եմ արդյոք արձակուրդ հաշվել հունվարի 1-ից:

Ժաննա.

Հարգելիներս, խնդրում եմ պատասխանեք` այս տարի նվազագույն աշխատավարձի հետ կապված ինչ-որ փոփոխություն եղե՞լ է, թե՞ պահպանվում է 32 500-ը: Կանխավ շնորհակալ եմ: