Մարի.

Բարև ձեզ:
Օնլայն գործունեություն ծավալելու (ֆեյսբուքյան էջ, կայք) և որևէ ծառայություն գովազդելու և առաջարկելու համար լիցենզիա հարկավո՞ր է, թե՞ ոչ: Անվանումը ինչ-որ տեղ պե՞տք է գրանցվի, թե՞ ոչ: Նախապես շնորհակալություն:

Միհրան.

Բարև ձեզ:
Եթե նախատեսվում է ֆիզիկական անձի կողմից էլեկտրական սարքավորման արտադրություն, ո՞ր հարկատեսակով է նպատակահարմար գրանցվել և կատարել գործունեություն` որպես ոչ իրավաբանական անձ: Հարկավոր է նաև պատասխան լիցենզավորման անհրաժեշտության մասին: Կանխավ շնորհակալ եմ:

Beovulf.

Բարև ձեզ, ասեք խնդրեմ՝ ՀՀ տարածքոմ հագուստի արտադրամասում արտադրվելու է հագուստեղեն տղամարդու, կանանց և երեխաների համար, հագուստի արտադրության համար համապատասխան լիցենզիայով: Արդյո՞ք անհրաժեշտ է առանձին լիցենզիա մանկական հագուստի արտադրման համար (ինչպես դա ընդունված է ՌԴ-ում), թե՞ եթե ընկերությունը ունի հագուստի արտադրանքի լիցենզիա, ապա կարող է արտադրել նաև մանկական հագուստ:

Արսեն.

Բարև բոլորին:
Ես ցանկանում եմ բացել ուսումնական կենտրոն, որտեղ կդասավանդվի ծրագրավորում, բայց չգիտեմ` ինչից սկսել: Նկատի ունեմ` օրենքով ինչպե՞ս է դա կատարվում (լիցենզիա, այլ…):

Արփի.

Բարև ձեզ, հարգելի հաշվապահներ: Ես ցանկանում եմ վերապատրաստվել և գլխավոր հաշվապահի լիցենզիա ստանալ, ո՞ր կազմակերպություն խորհուրդ կտաք դիմել դասընթացների, որպեսզի լիարժեք գիտելիքներ ստանամ:

Սամվել.

Բարև ձեզ: Ցանկանում եմ բացել ԱՁ, զովացուցիչ ըմպելիքի արտադրամաս: Խնդրում եմ ասեք ինձ` ի՞նչ է անհրաժեշտ, ես միայն տեղյակ եմ ԱՁ բացելու կարգից, մնացած ոչինչից տեղյակ չեմ, արդյո՞ք պետք է լիցենզիա, որքա՞ն գումար կպահանջվի ամբողջ գործընթացի համար, սանէպիդկայանի հետ կապ ունի՞ այդ ԱՁ-ն, թե՞ ոչ, հնարավոր ամեն ինչ կասե՞ք, շատ-շատ շնորակալ եմ:

Սոնա.

Բարև ձեզ: Ի՞նչ հարկատեսակով պետք է հարկվի անձը, ով ձեռքի աշխատանքով պատրաստում է կոսմետիկ միջոցներ, և որակի հետ կապված լիցենզիա արդյո՞ք անհրաժեշտ է: Կանխավ շնորհակալություն:

Արմեն.

Բարև ձեզ, հարգելիներս: Ունեմ առևտրային գործունեություն իրականացնող ՍՊԸ: Ցանկանում եմ մասնակցել շինարարական տենդերի, որը միայն վերանորոգման աշխատանքներ է ներառում: Անհրաժե՞շտ է լիցենզավորվել, եթե այո, ապա լիցենզիա ստանալու համար կարո՞ղ եմ հանդես գալ նույն ՍՊԸ-ով, ինչպիսի պետական տուրքեր պետք է վճարեմ: Նախապես շնորհակալություն:

Աննա.

Բարև ձեզ: Շտապ է, եթե կարող եք` օգնեք:
1.ՍՊԸ կողմից գյուղատնտեսական մթերքների արտահանումը դեպի Ռուսաստան լիցենզավորումը պարտադի՞ր է:
2.Շահութահարկը քանի՞ տոկոսով է հարկվում
3.Վիճակագրությաւն հաշվետվություն պե՞տք է ներկայացնեմ
4. e-Invoicing ծրագրով էլեկտրոնային փաստաթղթեր բաժնում առաքման փաստաթուղթ գրանցում են գյուղտնտեսական արտահանման ժամանակ
Շնորհակալություն:

Հրայր.

Բարև ձեզ:
Հարցս հետևյալն է.
Արդյո՞ք ԱՁ-ն, որը զբաղվում է ավտոմեքենաների պահեստամասերի, աքսեսուարների և քսայուղերի (գործարանային փակ տարրաներով) մանրածախ առևտրով, պետք է ունենա լիցենզիա քսայուղեր վաճառելու։ Օրենքում ոչինչ հստակ գրված չէ, այսինքն, գրված է ինչ որ տեխնիկական հեղուկների մասին, ընդ որում ոչ հստակ։ Անհասկանալի է նաև, թե որոնք են այդ տեխնիկական հեղուկները։
Կանխավ շնորհակալություն:

Նանա.

Հարգելի հաշվապահներ, կազմակերպությունը ամեն տարի վճարում է պետ. տուրք լիցենզիայի համար (շինարարության): Ինչպե՞ս պետք է հաշվապահորեն ձևակերպել լիցենզիայի պետք տուրքի գումարը: Արդյո՞ք հետևյալ թղթակցությունը ճիշտ է.
131-252
813-132

Samvel.

Բարև ձեզ, խնդրում եմ պատասխանել` զովացուցիչ ըմպելիք, մասուրի հյութ, թան, սուրճ արտադրելու և իրացնելու համար ո՞ր տեսակի համար է լիցենզիա պահանջվում: Նախապես շնորհակալ եմ:

Արմինե.

Բարև ձեզ: Ես որոշ հարցեր ունեմ լիցենզիայի հետ կապված, հուսով եմ արձագանք կլինի: Ուզում եմ սրճարան բացել և ուզում եմ իմանալ` լիցենզիա ստանալու համար որտե՞ղ պետք է դիմեմ, որքա՞ն գումար է պետք, ինչպե՞ս նաև նարգիլեյի, սնունդի, ալկոհոլի համար որտեղի՞ց ստանամ լիցենզիա և կրկին որքա՞ն գումար է անհրաժեշտ դրանց համար: Հ.Գ. Ինչպես նաև անհրաժեշտ փաստաթղթերը: Նախապես շնորհակալ եմ:

Արսեն.

Բարև ձեզ: Բուսական թեյի արտադրություն սկսելու համար ի՞նչ պարտադիր թղթեր են պետք (լիցենզավորում, սանէպիդկայան, որակի սերտիֆիկատ, շտրիխ կոդ և այլն), խնդրում եմ օգնեք:

Taron.

Եթե լիցենզավորված ՍՊԸ-ն աշխատողներին աշխատանքից ազատում է, իսկ այդ աշխատողների անունով լիցենզիայի ներդիրներ ունի, այդ ներդիրները կորցնու՞մ են իրենց ուժը, թե՞ ոչ: Իսկ եթե որոշ ժամանակ անց նույն աշխատողներին նորից վերականգնեն աշխատանքի, այդ ներդիրները կգործե՞ն, թե՞ ոչ:

Artyom.

Նոր գրանցված ԱՁ եմ: Ցանկանում եմ զբաղվել ջեռուցման կաթսաների, նրանց այրիչների վերանորոգումով և կարգաբերումով: Արդյո՞ք անհրաժեշտ պայման է ունենալ լիցենզիա այդ գործունեությամբ զբաղվելու համար:

Անահիտ.

Բարև ձեզ:
Կխնդրեի օգնել ինձ:
ԱՁ բացելու առաջնային քայլն ո՞րն է, և լիցենզիան որտեղի՞ց պետք է ձեռք բերել: Նախապես շնորհակալություն:

Լիլիթ.

Խնդրում եմ ասել` արդյո՞ք դպրոցի հաշվապահները կարող են ստանալ գնումների համակարգողի լիցենզիա և հաշվապահ լինելու հետ միաժամանակ լինել գնումների համակարգող այդ դպրոցում:

Շնորհակալ եմ:

Lilit.

Կցանկանայի տեղեկանալ, թե որքա՞ն է նախադպրոցական կրթական ծրագրի իրականացման լիցենզավորման գինը: Նախապես շնորհակալություն:

ՏԻԳՐԱՆ.

Ընկերությունը նպատակ ունի զբաղվել հաշվապահական հաշվառմամբ: Արդյո՞ք ընկերությանը անհրաժեշտ է ստանալ լիցենզիա, կամ ինչպիսի՞ թղթարարություն է պետք վարել:
Կանխավ շնորհակալություն:

Աստղիկ.

Բարև Ձեզ, ես ուզում եմ զբաղվել կոտլետների արտադրությամբ: Խնդրում եմ ասել` դրա համար լիցենզիա կամ սերտիֆիկատ անհրաժե՞շտ է, թե՞ ոչ: Եթե այո, ապա որտեղի՞ց կարող եմ այն ստանալ: Շնորհակալություն:

Հասմիկ.

Բարև Ձեզ, հարգելի հաշվապահներ: Ինձ կարո՞ղ եք ասել` սննդի կետ բացելու համար լիցենզիա պետք է, թե ոչ, մեկ էլ, եթե պետք է, ապա որտեղի՞ց պետք է ձեռք բերել:

Աշխեն.

Կազմակերպությունը ունի 2 լիցենզիա (01 – շինարարության իրականացում` բնակելի, հասարակական և արտադրական 80 000 դրամ, 03 – հիդրոտեխնիկական շինարարություն 80 000 դրամ), և շրջանառությունը չի գերազանցում 58,35մլն.: Գործու՞մ է արդյոք լիցենզիայի 100 000 դրամը գերազանցելու օրենքը ԱԱՀ-ի համար, և եթե կազմակերպությունը պետք է վճարի շրջանառության հարկ, ապա ի՞նչ դրույքաչափով: Կանխավ շնորհակալ եմ:

Արտաշ.

Բարև ձեզ:

Իմ հարցը հետևյալն է՝ կարո՞ղ է արդյոք ընկերությունը փոխառություն տրամադրել իր աշխատակիցներին տոկոսով, ինչպես տրամադրում են, օրինակ, բանկերը, թե՞ օրենքով ինչ-որ տեղ ֆիքսված է, որ պետք է բանկ կամ վարկային կազմակերպություն լինել նման գործունեությամբ զբաղվելու համար, կամ նման գործունեությունը լիցենզավորման ենթակա է:

Շնորհակալություն:

Միհրան.

Բարև Ձեզ, մի հարց ունեմ և հուսամ` կստանամ սպառիչ պատասխան…
Ցանկանում եմ սննդի` խաչապուրի պատրաստելու և նույն տեղում վաճառելու կետ բացեմ: Կասե՞ք` ինչ փաստաթղթեր և ինչ լիցենզիա է հարկավոր: Կանխավ շնորհակալություն:

Նարեկ.

Բարև ձեզ, նախապես շնորհակալություն: Սառը սուրճի և թեյի արտադրություն սկսելու համար ի՞նչ պարտադիր թղթեր են պետք (լիցենզավորում, սանէպիդկայան, որակի սերտիֆիկատ և այլն), խնդրում եմ օգնեք:

Եսթեր.

Խնդրում եմ ինձ օգնեք` որտեղի՞ց կարող եմ գտնել ԿԲ-ում բանկի գլխավոր հաշվապահի լիցենզիա հանելու համար տրվող քննության հարցաշարը: Կանխավ շնորհակալություն:

Մարիամ.

Բարև ձեզ: Կազմակերպության շրջանառությունը 2012թ. կազմել է 18 մլն. դրամ, այսինքն չի անցել ԱԱՀ շեմը` 58.35 միլիոն դրամը, բայց ունենք 3 հատ լիցենզիա, որոնցից յուրաքանչյուրի համար պետական տուրքը սահմանված է 80.000 դրամ * 3 = 240.000 դրամ: Այս դեպքում կազմակերպությունը 2013թ. դառնու՞մ է ԱԱՀ վճարող համարվող լիցենզիայի պետ. տուրքի պատճառով, թե՞ շրջանառության հարկ վճարող: ԱԱՀ օրենքի 3-րդ հոդվածի բ) ենթակետը էլ չի՞ գործում: Խնդրում եմ շտապ պատասխանել: Շնորհակալություն:

Արման.

Բարև Ձեզ, հարգելի հաշվապահներ, խճճվել եմ հարկային նոր բարեփոխումների մեջ: ՍՊԸ-ն կատարում է շինարարական ծառայություն, որի շրջանառությունը 2012 թ-ին չի գերազանցել 58.35 մլն ԱԱՀ շեմը, լիցենզիայի արշեքը 400 000 դրամ, 2013թ-ում համարվու՞մ է շրջանառության հարկ վճարող, թե՞ ոչ: Ազատվու՞մ է ԱԱՀ-ից, թե՞ ոչ: Շնորհակալություն:

Արման.

Բարև ձեզ: Կազմակերպության շրջանառությունը ՍՊԸ 2012թ. կազմել է 40 մլն. դրամ, այսինքն չի անցել ԱԱՀ շեմը` 58.35 միլիոն դրամ, բայց ունենք 3 հատ լիցենզիա, որոնցից յուրաքանչյուրի համար պետական տուրքը սահմանված է 80.000 դրամ * 3 = 240.000 դրամ: Այս դեպքում կազմակերպությունը 2013թ. դառնու՞մ է ԱԱՀ վճարող համարվող լիցենզիայի պետ. տուրքի պատճառով, թե՞ շրջանառության հարկ վճարող: ԱԱՀ օրենքի 3-րդ հոդվածի բ) ենթակետը էլ չի՞ գործում լիզենզիա համար: Շնորհակալություն:

Արտակ.

Ընկերությունը նպատակ ունի տրամադրել կարճատև մասնագիտական դասընթացներ, օրինակ ֆինանսական մաթեմաթիկա` ավարտին մասնակիցներին հանձնելով ընկերության կողմից ոչ պետական նմուշի սերտիֆիկատներ: Արդյո՞ք ընկերությանը անհրաժեշտ է ստանալ լիցենզիա Կրթության ու գիտության նախարարության կողմից կամ տեղեկացնել նախարարությանը իր մտադրության մասին:

Կանխավ շնորհակալություն:

Վոլոդյա.

Բարև Ձեզ, ու՞մ կողմից են տրամադրվում դեղատնային գործունեության լիցենզիայի ստացման համար անհրաժեշտ օրենքով նախատեսված ձևաթղթերը` մասնավորապես տարածքի հագեցվածությանը վերաբերող ձևաթուղթը:

Արման.

Բարև ձեզ: Կազմակերպության շրջանառությունը 2012թ. կազմել է 40 մլն. դրամ, այսինքն չի անցել ԱԱՀ շեմը` 58.35 միլիոն դրամ, բայց ունենք 3 հատ լիցենզիա, որոնցից յուրաքանչյուրի համար պետական տուրքը սահմանված է 80.000 դրամ * 3 = 240.000 դրամ: Այս դեպքում կազմակերպությունը 2013թ. դառնու՞մ է ԱԱՀ վճարող համարվող լիցենզիայի պետ. տուրքի պատճառով, թե՞ ոչ: Շնորհակալություն:

Նազելի.

Բարև Ձեզ, հարգելի հաշվապահներ: Ես 3 տարի է աշխատում եմ հաշվապահ մեծ կազմակերպությունում, սակայն հետագայում գլխ. հաշվապահ աշխատելու համար ցանկանում եմ ստանալ հաշվապահի լիցենզիա Ֆինանսների Նախարարությունից: Ունեմ համապատասխան հարցաշարը, բայց ցանկանում եմ իմանալ` կա՞ն արդյոք դասընթացներ, որոնք պատրաստում են այդ քնության համար, և որտե՞ղ են անցկացվում: Կանխավ շնորհակալ եմ:

Aram.

Ո՞ր կազմակերպությունների հաշվապահական հաշվառման համար է անհրաժեշտ լիցենզավորված հաշվապահ:

Lus.

Հարգելի հաշվապահներ, Ա\Ձ -ն ցանկանում է բացել խաղատուն (պոկեր), կասե՞ք, թե ինչ հարկատեսակով է հարկվելու և լիցենզիան ինչ կարգով է կամ պարտադի՞ր է արդյոք:

Գայանե.

Բարև Ձեզ, ցանկանում եմ գրանցել ԱՁ և մատուցել վարսավիրական ծառայությոուններ, կցանկանայի իմանալ` ինչ քայլեր են անհրաժեշտ այն գրանցելու համար: Արդյո՞ք անհրաժեշտ է լիցենզիա, եթե վարսավիրանոցում մատուցելու են կոսմետոլոգիական ծառայություններ Գերմանիայից ներմուծված սարքավորումների միջոցով:

Aram.

Բարև ձեզ: Ես կարո՞ղ եմ գրանցել ծաղկի սրահը որպես ԱՁ: Եվ ես դրա համար պե՞տք է լիցենզիա ունենամ (նշեք այդ լիցենզիայի արժեքը), թե՞ ես կարող եմ այդ ծաղկի սրահը առանց լիցենզիա աշխատացնեմ: Խնդրում եմ շտապ պատասխանեք: Շնորհակալություն:

Արմեն.

Հարգելի ընթերցող, կարո՞ղ եք ինձ ասել` արդյոք պահանջվում է լիցենզիա հաշվապահական ծառայություններ մատուցելու համար, և եթե այո, ո՞ր օրենքով է դա կարգավորվում: Շնորհակալություն:

Արա.

Արվեստի մասնագիտությունների գծով (երաժշտություն, նկարչություն, պարարվեստ և այլն) դպրոցահասակ երեխաներին կրթական ծառայություն մատուցելու համար լիցենզիա անհրաժե՞շտ է, թե՞ ոչ: Կանխավ շնորհակալ եմ:

Մարիաննա.

Բարև Ձեզ, կանխավ շնորհակալություն: Կազմակերպությունս աշխատում էր առանց ԱԱՀ, սակայն 2011 թվականի հունիս ամսին վճարել եմ լիցենզիայի համար 200 000 ՀՀ դրամ, որից հետո համարվել եմ ԱԱՀ վճարող, սակայն տարեվերջին տեղեկացա, որ լիցենզիայի համար այլևս վճար հարկավոր չէ: Խնդրում եմ պատասխանել` արդյո՞ք 2012 թվականի նորից կարող եմ աշխատել առանց ԱԱՀ-ի:

Ռիմա.

Բարև Ձեզ, հարգելի հաշվապահներ: Խնդրում եմ պատասխանեք հետևյալ հարցիս. չրերի արտադրությունը (գյուղ մթերքների վերամշակումը) արդյո՞ք լիցենզավորվող գործունեության տեսակ է, թե՞ ոչ: Կանխավ շնորհակալություն:

ANUSH.

Բարև ձեզ, հարգելի հաշվապահներ, խնդրում եմ ինձ օգնեք: Քիմիական նյութերի արտադրության համար լիցենզիա պե՞տք է: Եթե այո, խնդրում եմ հուշեք` որտեղ պետք է դիմեմ այդ լիցենզիան ստանալու համար: Նախապես շնորհակալ եմ:

Ա. Հայրապետյան.

Բարև ձեզ, հարգելի հաշվապահներ: Խնդրում եմ ասեք, եթե տեղեկացված եք. համաձայան ՀՀ Կառ. N 775-Ն որոշման մեջ վերջերս կատարված լրացումների և փոփոխությունների` վերոնշյալ կարգի առաջին մասի նոր` 2.1 կետով լրացմամբ ասվում է. 2.1. Սույն կարգի 1-ին կետում նշված անձինք շինարարության որակի տեխնիկական հսկողության լիցենզիա ստանալու նպատակով կարող են դիմել ինչպես սույն կարգի 2-րդ կետում նշված բոլոր ոլորտների, այնպես էլ դրանցից մի քանիսի կամ յուրաքանչյուրի համար: Հայցվող ոլորտի կամ ոլորտների վերաբերյալ լիցենզիան տրամադրելիս նշվում է լիցենզիայի ներդիրում, որի ձևը սահմանում է լիցենզավորող մարմինը: Հարցս հետևյալն է. արդյո՞ք տրամադրված լիցենզիայի ներդիրների քանակից կախված գումարային առումով տարբերություն չկա: Ստացվում է, որ ներդիրների ցանկացած քանակի դեպքում, միևնույն է, վճարվում է ամբողջական փաթեթի համար սահմանված 400.000 դրամը: Կանխավ շնորհակալ եմ:

S.

Բարև Ձեզ: Կարո՞ղ եք ասել` որտեղից կարող եմ բեռնել հաշվապահների լիցենզավորման քննության խնդիրների օրինակները:

Աննա.

Վեբ դիզայնով զբաղվելը լիցենզավորում պահանջու՞մ է, թե՞ ոչ: Եվ հնարավո՞ր է արդյոք գրանցելով ԱՁ` զբաղվել այդ գործունեությամբ (հաճախորդների համար ընդունելի կլինի՞ իմ` որպես ԱՁ-ի կողմից դուրս գրած հաշիվը):

ԱՐՄԻՆԱ.

Բարև ձեզ: Խնդրում եմ ինձ պատասխանել հետևյալ հարցիս: Մասնագիտությամբ հաշվապահ եմ, սակայն մասնագիտական ստաժ չունեմ: Ցանկանում եմ ձեռք բերել հաշվապահական լիցենզիա: Այդ լիցենզիան ունենալու համար արդյո՞ք անհրաժեշտ է ունենալ հաշվապահական ստաժ, և սկսնակ հաշվապահների համար կա՞ն արդյոք որևէ դասընթացներ` հետագայում հաշվապահական լիցենզիա ձեռք բերելու համար: Եթե հնարավոր է, տվեք ստույգ ինֆորմացիա: Կանխավ շնորհակալ եմ:

Grigor.

Մեր ընկերությունն ունի կրպակ-խանութ շինանյութի շուկայում և զբաղվում է ջեռուցման համակարգերի մանրածախ առևտրով և տեղադրումով: Մեր ՍՊԸ-ի աշխատողների ընդհանուր թվաքանակը կազմում է հինգ մարդ (1 տնօրեն-հաշվապահ, 2 վաճառող, 2 տեղադրող վարպետ): Մեզ այդպես էլ չի հաջողվում ոչ մի աղբյուրից պարզել` պետք է ունենալ շինարարության լիցենզիա, թե ոչ: Լիցենզավորման կենտրոնը պնդում է, որ պարտադիր է: Եվ ստացվում է, որ մենք պետք է վճարենք պետ. տուրք 400 հազ. դրամ և մտնենք ԱԱՀ դաշտ, ինչը միանշանակ մեր պարագայում նշանակում է դադարեցնել գործունեությունը: Մեր ընկերություն շրջանառության լավագույն արդյունքը եղել 2007 թ.-ին 20 մլն. դրամ, իսկ ներկայիս շրջանառությունը, կարելի է ասել, բացակայում է: Խնդրում եմ Ձեզ պարզաբանել և որևէ խորհուրդ տալ այս հարցի վերաբերյալ, քանի որ ըստ օրենքի մեզ բացատրում են, որ քանի մեր գործունեությունը չի մտնում շին. թույլտվություն չպահանջվող աշխատանքների մեջ, ապա այն լիցենզավորվում է և ստացվում է, օրինակ, գազի կաթսայի կամ կոնդիցիոների տեղադրման համար մենք պետք է ստանանք շին. թուլտվություն և գործենք քաղաքաշինության բնագավառում:

Նարեկ.

Բարև Զեզ, հարգելիներ: Ես ներկայացնում եմ շինարարական կազմակերպություն: Կազմակերպությունը լիցենզավորման մասին օրենքի փոփոխության հետ կապված նոր լիցենզիա պետք է հանի, և անհրաժեշտ է լիցենզավորման կենտրոն ներկայացնել որոշակի մասնագիտություններով մասնագետներ` իրենց աշխատանքային պայմանագրերով: Սակայն աշխատանքների բնույթից ելնելով` վերը նշված մասնագետներից մի քանիսը պետք է աշխատեն (ելնելով աշխատանքների բնույթից), իսկ մնացածը կաշխատեն, երբ իրենց բնույթին համապատասխան աշխատանք լինի: Հարցս կայանում է նրանում, թե ինչպիսի աշխատանքային պայմանագիր (կամ համաձայնագիր) կարող եմ ներկայացնել այն աշխատողների համար, որոնց աշխատանքի սկսելու տարին և ամսաթիվը հայտնի չէ: Կանխավ շնորհակալ եմ:

Ֆլորա.

Հարգելի հաշվապահներ, ՀՀ լիցենզավորման մասին օրենքով նշված չէ, որ դարբնոցի արտադրություն իրականացնելու համար անհրաժեշտ է լիցենզիա, սակայն եթե դարբնոցում արտադրության համար սպառվում է մեծ քանակությամբ բնական գազ, կարո՞ղ եք մանրամասնել` արդյո՞ք դրա համար անհրաժեշտ է թույլտվություն: