Tag: նորաբաց

Ֆիլմարտադրությամբ զբաղվող ՍՊԸ

Էլեն․

Ֆիլմարտադրությամբ զբաղվող ՍՊԸ֊ն կարո՞ղ է գրանցվել որպես միկրոձեռնարկություն։ ՍՊԸ֊ի տնօրենին որպես աշխատակից կարիք կա՞ գրանցելու, (այլ աշխատող չկա)։ Կանխավ շնորհակալություն։

Ռուսաստանից և Չինաստանից ներմուծման վերաբերյալ

Սուրեն.

Բարև ձեզ, հարգելի հաշվապահներ: Խնդրում եմ օգնեք։ Ես բացել եմ Ա/Ձ՝ կահույքի արտադրությամբ զբաղվելու համար և համարվում եմ միկրոձեռնարկատիրության սուբյեկտ, սակայն դեռ գործունեություն չեմ ծավալել, քանի որ անհրաժեշտ է ձեռք բերել հաստոց կաՙմ Չինաստանից, կաՙմ Ռուսաստանից։ Հարցս հետևյալն է. ի՞նչ հարկեր և տուրքեր կան Ռուսաստանի և Չինաստանի դեպքում, և ի՞նչ նրբություններ կան որոնց մասին նախապես պետք է գիտենամ: Օրինակ՝ ի՞նչ փաստաթղթեր պետք է ներկայացնեմ հարկային մարմիններ և այլն:
Նախապես շնորհակալություն։

Արդյո՞ք անհրաժեշտ է ունենալ դրամարկղային գիրք

Gayane.

Բարև Ձեզ, հարգելի հաշվապահներ: Ա/Ձ-ն նոր է բացվել, գործունեությունը մարզասրահ է և լավաշի փուռ: Գիտեմ, որ միկրոյով կարող է աշխատել: Պիտի գրանցեմ երեք աշխատող՝ մեկը մարզասրահում, երկուսը փուռում: Աշխատավարձը կանխիկով է վճարվելու: Հիմա հարց. դրամարկղային գիրք պե՞տք է, թե՞ ոչ: Ա/Ձ-ն գնել է երկու ՀԴՄ: 2-րդ հարցս. երբ երկու դասակարգիչ եմ գրում, ամեն մի գործունեությանը 50% եմ գրու՞մ:
Կանխավ շնորհակալ եմ:

Ա/Ձ, թե՞ ՍՊԸ

Անուշ․

Պատրաստվում եմ հաշվառվել որպես ԱՁ ներդրումների աջակցման կենտրոնին ֆինանսավորման հայտ ներկայացնելու համար։ Գումարը ծախսվելու է հյուրատուն կառուցելու համար։ Արդյո՞ք հարմար է ԱՁ-ն, թե՞ ՍՊԸ-ն, որ դեպքում ծախսերը քիչ կլինեն, նկատի ունեմ օրինակ՝ շինանյութի ձեռք բերման ժամանակ վճարվող ԱԱՀ-ն։ Ու եթե մինչև հյուրատան բացումը եկամուտ չեմ ունենալու, ի՞նչ փաստաթղթեր է պետք ներկայացնել հարկայինին միկրոձեռնարկատիրության դեպքում։
Շնորհակալություն։

Ինչպե՞ս է իրականացվում լիազորագրով հայտարարագիր գրելու գործընթացը

Հռիփսիմե Զարգարյան.

Բարև Ձեզ։ Մենք նոր գրանցված Ա/Ձ ենք, որը դեռ շրջանառություն չունի։ Մեզ ասել են, որ մինչև 20 օրը ներկայանանք հարկային՝ գրենք հայտարարագիր։ Սակայն հարկայինում մեզ որևէ կերպ չօգնեցին, ուղղորդելով ավելի շուտ այդ ամենը անել առցանց եղանակով։ Միայն տվյալ ստացանք, որ կարող ենք լիազորելով այլ անձի տեղում՝ գրասենյակում, գրել հայտարարագիր։ Հարց – ինչպե՞ս կարող ենք այս սկզբնական պահին խուսափել տնից առցանց հայտարարագիր գրելու տարբերակից՝ այդկերպ առայժմ խուսափելով նաև էլեկտրոնային ստորագրության սարք գնելուց։ Եվ երկրորդ՝ ինչպե՞ս է իրականացվում լիազորագրով գրասենյակ մոտենալու և հայտարարագիր գրելու պրոցեսը։ Արդյո՞ք հայտարարագիրը ունի հատուկ ձևաթուղթ, որին պետք է ծանոթանալ նախօրոք։

Ի՞նչ է անհրաժեշտ Ա/Ձ բացելու համար:

Դավիթ.

Ուզում եմ Ա/Ձ բացել էլեկտրոմոնտաժային աշխատանքներով զբաղվելու համար: Կասեք, ի՞նչ է պետք:

Ի՞նչ հաշվետվություններ պետք է հանձնել մատնահարդարման սրահի գործունեության համար

Լիլիթ.

Բարև Ձեզ: Կասե՞ք ինձ, մատնահարդարման սրահ բացելու համար Ա/Ձ բացելու դեպքում ի՞նչ հաշվետվություններ են պետք ներկայացնել ու ի՞նչ հարկատեսակներ պետք է վճարենք։

Ի՞նչ հարկեր է վճարելու միջոցառումների նկարահանմամբ զբաղվող Ա/Ձ-ն

Լենա.

Բարև Ձեզ: Կասե՞ք, եթե անձը ցանկանում է զբաղվել միջոցառումների նկարահանմամբ, Ա/Ձ է բացելու: Ապա ի՞նչ հարկեր և վճարներ է մուծելու և քանի՞ տոկոս: Մեկ օգնական է ունենալու: ՀԴՄ սարք հարկավո՞ր է:

Նորաբաց խանութը որքա՞ն ժամանակ կարող է ՀԴՄ չտրամադրել

Մարիամ.

Բարև ձեզ: Ներեցեք՝ ես ուզում եմ իմանալ հետևյալը. նորաբաց խանութը որքա՞ն ժամանակ կարող է ՀԴՄ չտրամադրել, հարկային դաշտ չմտնել, օրենքով սահմանված կարգով:

Ի՞նչ է անհրաժեշտ կիսաֆաբրիկատներ պատրաստելու և վաճառելու համար

Լուսինե.

Բարեվ Ձեզ: Եթե ցանկանում եմ կիսաֆաբրիկատ պատրաստել և հանձնել խանութներին՝ ի՞նչ փաստաթղթեր են պետք օրինական աշխատելու համար:
Կանխավ շնորհակալություն:

Ի՞նչ հարկատեսակով կարող է աշխատել մթերային խանութը

Անի.

Կասե՞ք Արմավիր քաղաքում մթերային խանութ բացելու դեպքում շրջ. հարկ եմ վճարելու 5% և սոց. վճար 5 000 դրամ: Այո՞: Ա/Ձ եմ բացելու: Միկրոձեռնարկություն չի կարո՞ղ համարվել, չէ՞:
Շնորհակալություն:

Ինչպե՞ս ձևակերպել ապրանքային մնացորդը

Ani.

Հարգելի հաշվապահներ, մթերային խանութը, որը գործում է Ա/Ձ-ով ցանկանում է լուծարել Ա/Ձ-ն և բացել ՍՊԸ: Ինչպե՞ս կարելի է ապրանքային մնացորդը ձևակերպել ՍՊԸ-ի վրա:

Ի՞նչ է անհրաժեշտ Ա/Ձ գրանցելու համար

Անժելա․

Ա/Ձ գրանցվելու համար որքա՞ն գումար է հարկավոր։ Սկզբնական 3 000-ից բացի այլ վճարումներ էլ կա՞ն։

Ամսական ի՞նչ վճարներ պետք է կատարել

Բարև Ձեզ, հարգելի հաշվապահներ։
Ա/Ձ-ն գրանցել եմ 13.01.2021-ին որպես մասնագիտական գործունեություն իրականացնող։ Հարկման տեսակն ընտրել եմ ըստ շրջանառության։ Աշխատելու եմ հաշիվ-ֆակտուրայով։ Ի՞նչ ամսական վճարներ պետք է կատարեմ և ի՞նչ հաշվետվություններ պետք է ներկայացնեմ։ Աշխատողներ չունեմ։

Ա/Ձ բացելու հետ կապված

Բարև Ձեզ: Եթե ունեմ հարկադիր՝ ես կարո՞ղ եմ բացել Ա/Ձ:

Մանկական զարգացման կենտրոն հիմնելու հետ կապված

Սեդա.

Մանկական զարգացման կենտրոն հիմնելու համար մանրամասն տեղեկություն որտեղի՞ց կարող եմ ստանալ: Բոլոր անհրաժեշտ քայլերը հերթականությամբ, պահանջվող փաստաթղթերը, ինչպե՞ս նաև աշխատակիցների լիցենզավորման անհրաժեշտություն կա արդյո՞ք, թե՞ ոչ:

Ատամնաբուժարան բացելու հետ կապված

Գայանե.

Բարև Ձեզ: Ատամնատեխնիկը իրավունք ունի՞ արդյոք բացելու ատամնաբուժական Ա/Ձ իր անունով:

Արդյոք ճի՞շտ են հետևյալ հաշվապահական ձևակերպումները

Հարգելի հաշվապահներ, խնդրում եմ ստուգել։ Նոր բացվաց կազմակերպությունը զբավում է մսամթերքի վաճառքով։ Գյուղացուց գնում ենք գլուխ անասուն և մորթում, որից հետո վաճառում։ Աշխատում են ԱԱՀ-ով։ Կատարել եմ հետևյալը՝

Դտ-251 Կտ-515 – 2 000 Ֆին․ներդրում

Դտ-713 Կտ-251 – 2 000 ծախս

Դտ-251 Կտ-515 – 15 000 Ֆին․ ներդրում

Դտ-252 Կտ-251 – 15 000  բանկի համալրում

Դտ-252 Կտ-629 – 2,10  հաշվի կապիտալացում

Դտ-713 Կտ-527 – 14 000 աշխատավարձի հաշվարկ

Դտ-229 Կտ- 524/2 – 3 220 եկամտյին հարկ

Դտ-229 Կտ- 524/9 – 350 սոց․ վճար

Դտ-229 Կտ- 524/9-1 –  1 000 դրոշմ․

Դտ-116/6 Կտ- 521/1 – 3 520 000 գյուղացուց ձեռք բերած անասուն

Դտ- 211/7  Կտ- 521/1  – 3 600 050 կերի ձեռքբերում

Դտ-226  Կտ-521/1  – 720 010 ԱԱՀ կերի

Դտ-116/6 Կտ-211/7  – 3 600 050 կեիր արժեքը անասունի ինքնարժեքին

Դտ-221 Կտ-615  – 2 105 179

Դտ-715/4 Կտ-215  – 2 105 179

Դտ-225/3 Կտ- 226  – 298 975 ԱԱՀ-ի դեբետային մնացորդ

Դտ-215 Կտ- 116/6  – 2 218 959

Դտ-221 Կտ- 615  – 2 105 179 վաճառված մսի գումարը առանց ԱԱՀ

Դտ-221 Կտ- 524/3  – 421 031 վաճառված մսի ԱԱՀ

Դտ- 715/4 Կտ-215 – 2 105 179

ԱԱՀ, թե՞ շրջանառության հարկ

Մելինե.

Բարև Ձեզ: Կասե՞ք՝ Ա/Ձ բացելու համար ի՞նչ է անհրաժեշտ, հերթականությունը: Եվ, եթե լինելու է տնտեսական խանութ, նպատակահարմար է աշխատել ԱԱՀ-ով, թե՞ շրջհարկով:

Ի՞նչ լիցենզիա է հարկավոր և որտե՞ղ պետք է դիմել

Անահիտ.

Բարև Ձեզ, հարգելի հաշվապահներ:
Ցանկանում եմ Ա/Ձ բացել, որը մասնակցելու է տենդերների` մթերք և բանջարեղեն է վաճառելու։ Կհուշեք խնդրում եմ նման վաճառքի համար ինչպիսի՞ լիցենզիաներ են հարկավոր, և այդ գործընթացը կազմակերպելու համար որտե՞ղ պետք է դիմեմ։
Կանխավ շնորհակալություն։

Ա/Ձ-ն զբաղվելու է ատամնատեխնիկական գործունեությամբ

Արսեն.

Բարև Ձեզ: Որոշել եմ ատամնատեխնիկի գործունեություն սկսել և մետալոկերամիկա արտադրել։ Մեկ աշխատող եմ ունենալու։ Ինձ կհուշե՞ք՝ հարկային ի՞նչ վճարներ պետք է անեմ։ Ա/Ձ եմ բացելու, կարո՞ղ եմ միկրոձեռնարկատեր որպես գրանցվել։ Սոց. վճարներ և հարկեր վճարելու՞ եմ։ ՀԴՄ սարք կարո՞ղ եմ չգնել։ Շնորհակալություն:

Անձը ցանկանում է զբաղվել թխվածքաբլիթների արտադրությամբ և վաճառքով

Լիլիթ.

Ողջույն:
Եթե անձը որոշել է թխվածքաբլիթներ արտադրել և ներկայացնել վաճառքի մի քանի խանութներում, որևէ հարկային գրանցում չունի: Խնդրում եմ կասեք՝ ինչպե՞ս գործի, հարկային գրանցումը, սննդի համար ի՞նչ-որ սերտիֆիկացիա անհրաժեշտ է:

Ընտանեկան բիզնեսի դեպքում հնարավո՞ր է օգտվել առաքման ծառայությունից

Նարեկ.

Բարև Ձեզ: Ես և կինս պլանավորում ենք զբաղվել հագուստի օնլայն վաճառքով, որպես ընտանեկան բիզնես։ Հարցս հետևյալն է. ապրանքներն առաքելիս կարո՞ղ ենք օգտվել առաքման ծառայությունից, թե՞ պարտադիր պետք է առաքվի ընտանիքի անդամի կողմից:

Ի՞նչ է անհրաժեշտ շինանյութի խանութ բացելու համար

Բարև Ձեզ: Կխնդրեի ինձ օգնեիք հասկանալու՝ ինչից պետք է սկսեմ և ինչ անեմ, ցանկանում եմ բացել շինանյութի խամութ, ինչպե՞ս պետք է Ա/Ձ բացեմ, ի՞նչ հարկեր պետք է վճարեմ և ինչպե՞ս: Շնորհակալություն:

Հարկային գրանցումը բավարա՞ր է գործունեություն ծավալելու համար

Artak.

Բարև Ձեզ: Կազմակերպությունը զբաղվելու է հիգիենայի պարագաների՝ ողողման հեղուկների և այլն, արտադրությամբ: ՍՊԸ, թե՞ ԱՁ: Արդյո՞ք պետք է առանձին լիցենզավորում կամ սերտիֆիկացիա, թե՞ հարկային գրանցումը բավարար է գործունեություն ծավալելու համար: Շնորհակալություն:

Անհրաժե՞շտ է Ա/Ձ գրանցել փոքր ուսումնական կենտրոն բացելու համար

Վերգինե.

Բարև Ձեզ: Խնդրում եմ ասել փոքր ուսումնական կենտրոն ունենալու համար անհրաժե՞շտ է ԱՁ գրանցել, եթե ոչ, ի՞նչ իրավական կարգավիճակ է պետք, որպեսզի խնդիրներ չառաջանան։
Կանխավ շնորհակալություն:

Ի՞նչ է անհրաժեշտ օճառի արտադրություն և վաճառք կազմակերպելու համար

Անի.

Ուզում էի իմանալ. փոքր մաշտաբների օճառի արտադրություն և վաճառք կազմակերպելու համար պե՞տք է Ա/Ձ գրանցումը, պե՞տք է ՀԴՄ սարք գնել և ի՞նչ վճարներ պետք է անել։ Ընտանիքի անդամներով ենք ցանկանում ներգրավվել ծրագրում։

Ի՞նչ է անհրաժեշտ դեղատան գործունեության համար

Բարև Ձեզ:

Ասացեք խնդրեմ՝ ինչպե՞ս կարելի է սկսել դեղատնային գործունեություն: Ի՞նչ է դրա համար անհրաժեշտ:

Մատնահարդարման ծառայություններ մատուցող Ա/Ձ-ն կարո՞ղ է համարվել միկրոձեռնարկատիրության սուբյեկտ

Բարև Ձեզ։

Մատնահարդարման սալոնը կարո՞ղ է հարկվել միկրոձեռնարկատիրական հարկման ռեժիմով, եթե անձը գրանցվում է որպես ԱՁ:
Այսինքն՝ տարեկան պետք է վճարվի 12 000 դրամ, ինչպես նաև յուրաքանչյուր աշխատողի համար 5 000 դրամ եկամտային հարկ և 5 000 սոց․ վճար ամսական։
Եվ ևս մեկ հարց, եթե բացի մատնահարդաման ծառայություններից, իրականացվելու են նաև վճարովի ուսուցման և վերապատրաստման աշխատանքներ, ինչպես նաև տրվելու են սերտիֆիկատներ, տվյալ պարագայում որևէ այլ հարկ պե՞տք է վճարվի արդյոք։

Կահույքի վերանորոգումով և վաճառքով զբաղվող ՍՊԸ-ն կարո՞ղ է համարվել միկրոձեռնարկատիրության սուբյեկտ

Սուսաննա.

Բարև Ձեզ: Նոր գրանցված կազմակերպությունը՝ ՍՊԸ, որը զբաղվելու է կահույքի վերանորոգումով և միաժամանակ վերանորոգված կահույքի վաճառքով, կարո՞ղ է հանդիսանալ միկրոձեռնարկատիրության սուբյեկտ /ընդունում է հին կահույք, վերանորոգում և վաճառում/:

Կարի արտադրությամբ զբաղվող անձը կարո՞ղ է համարվել միկրոձեռնարկատիրության սուբյեկտ

Լիդա.

Եթե կարի արտադրությամբ եմ ցանկանում զբաղվել: Ես և քույրիկս ենք աշխատելու մեր սեփական տանը՝ կարի ծառայություններ ենք առաջարկելու և անկողնային պարագաներ վաճառելու: Երևանից դուրս: Պե՞տք է ԱՁ գրանցումը, պե՞տք է ՀԴՄ սարքը և կարո՞ղ եմ գրանցվել որպես միկրոձեռնարկատիրություն, թե՞ հարկեր եմ վճարելու:

Ինչպե՞ս է իրականացվում շահույթի բաշխումը

Ani.

Բարև Ձեզ, հարգելի հաշվապահներ: Երկու հարց ունեմ.
1. Նոր գրանցված ԱՁ-ն, որի 20-րդ օրը դեռ չի լրացել, հայտարարարությունը դեռ ուղարկված չէ և չի աշխատել տվյալ ժամանակաշրջանում, բայց գործունեության դադարի մասին հաշվետվություն էլ չկա, հետագայում աշխատելու է շրջհարկի ռեժիմում: Արդյո՞ք վճարելու է այս ամսվա շահութահարկը և սոցիալական վճարը:
2. Միկրոձեռնարկատիրության համակարգում գործող ՍՊԸ-ն ինչպե՞ս է իրականացնում շահույթի բաշխում, արդյո՞ք շաբաժինը ենթակա է հարկման 5%:

Ընդունելի՞ է արդյոք տվյալ գրաֆիկը

Մարիամ.

Բարև Ձեզ։ Խնդրում եմ պատասխանեք հարցիս. նոր ձևավորված ՏՄԱԿ-ում սահմանվել է 6 օրյա աշխատանքային գրաֆիկ` երկուշաբթիից – շաբաթ 09:00 – 17:00 /1 ժամը տրամադրել են ընդմիջմանը/: Համաձայն ԱՕ 139 հոդվածի 1. մասի՝ աշխատաժամանակի նորմալ տևողությունը չի կարող անցնել շաբաթական 40 ժամից: Ընդունելի՞ է արդյոք տվյալ գրաֆիկը, եթե ոչ, ապա ու՞մ դիմել հարցին ճիշտ և արդյունավետ լուծում տալու համար: Նախապես շնորհակալություն։

Մանկապարտեզ բացելու համար

Միլենա.

Բարև Ձեզ, մանկապարտեզ բացելու համար անհրաժեշտ է ձևակերպել ԱՁ, ՍՊԸ, թե՞ ՓԲԸ, և հարկային դաշտում, ո՞ր ձևով է հարմար: Կանխավ շնորհակալություն։

Էպիլացիայի ծառայություններ մատուցող սրահը կարո՞ղ է միկրոձեռնարկատիրության սուբյեկտ համարվել

Մայա.

Բարև Ձեզ:
Ցանկանում էի Էպիլացիայի ծառայությունների մատուցման սրահ բացել: Աշխատող չեմ ունենալու: Հնարավո՞ր է միկրոձեռնարկատիրության դաշտում գրանցել: ԱՁ պե՞տք է լինել: Սոց. վճար պե՞տք է վճարել: Լիցենզիա պե՞տք է ունենալ, և որքա՞ն արժե:

Ի՞նչ թղթեր են անհրաժեշտ բիստրո/կրպակ բացելու համար

Հայկ.

Բարև Ձեզ, հարգելի հաշվապահներ: Ի՞նչ թղթեր են անհրաժեշտ բիստրո բացելու համար /կրպակ/, լինելու է նաև առաքում։

ՍՊԸ-ի հաշվետվությունների վերաբերյալ

Բարի օր:
Գիտեմ, որ մյուս ամիս պետք է հաշվետվություններ ներկայացնել նոր բացված ՍՊԸ համար: Կասեք, էլ ի՞նչ  պետք է ներկայացնել:

Արդյո՞ք բեռնափոխադրումներով զբաղվող Ա/Ձ-ն կարող է համարվել միկրոձեռնարկատիրության սուբյեկտ

Nona.

Բարև Ձեզ, բեռնափոխադրում կատարող ԱՁ-ն, ոնց հասկացա օրենքից, չի կարող միկրոյի դաշտում գործել, իսկ այս դեպքում հարմա՞ր է արդյոք շրջ հարկի դաշտը։ ԱՁ-ն ապրանքի առք ու վաճառք չի իրականացնելու, միայն փոխադրելու է ՀՀ-ից ՌԴ, և հետ գալիս նորից ապրանք է հետ բերու ՀՀ: Այսինքն՝ նա հարկվելու է 5 տոկոսո՞վ։ Կնքվելու է արդյո՞ք գործակալական պայմանագիր, և արտահանման ու ներմուծման ժամանակ տվյալ ԱՁ-ն չի՞ չէ կազմելու փաստաթղթերը: Ի՞նչ փաստաթղթեր են հարկավոր այս դեպքում:

Ի՞նչ է անհրաժեշտ փոքրիկ կրպակ բացելու համար

Աննա Կանկանյան.

Բարև ձեզ:
Խնդրում եմ նշել փոքրիկ կրպակ բացելու համար քայլերը: Նախատեսված է պոնչիկ/կարկանդակի տեղում պատրաստում և վաճառք:
Շնորհակալ եմ նախապես:

Մանկական զարգացման կենտրոն բացելու համար

Ռոբ․

Բարև Ձեզ։
Մանկական զարգացման կենտրոն բացելու համար ի՞նչ փաստաթղթեր են անհրաժեշտ, և ո՞ր հարկատեսակով է հարկվում այդ գործունեությունը։

Ի՞նչ քայլեր պետք է արվի լիցենզավորման և սննդի տեսչության հետ կապված

Արփինե.

Բարև Ձեզ: Նորաբաց Ա/Ձ-ն բացել է մթերային խանութ, որտեղ պետք է վաճառվի ալկոհոլային խմիչք, ծխախոտ և թարմ միս: Կասեք՝ ի՞նչ քայլեր պետք է արվի լիցենզավորման և սննդի տեսչության հետ կապված:

Լաբորատորիա բացելու համար ի՞նչ հարկատեսակով պետք է աշխատել

Բարև Ձեզ, որ խնդրեմ կասեք՝ լաբորատորիա բացելու համար ի՞նչ հարկատեսակով է հարկվելու, և դրա համար լիցենզիա պետք է կամ որակավորված աշխատողներ:

Տեղափոխման փաստաթղթում ի՞նչ նշում է կատարվում

Nona.

Բարև Ձեզ, հարգելի հաշվաահներ: Մի քանի հարց ունեմ․
1. Եթե ԱՁ-ն նոր է գրանցվում արդյո՞ք նա այս տարվա համար վճարելու է 12 000 դրոշմանիշային վճար, թե՞ իր գրանցվելու պահից սկսած ամիսների համար:
2. Եթե ընկերության դրամարկղի գիրքը գրանցվել է օրինակ՝ հիմնադրումից հետո 1 ամիս անց, այս դեպքում ինչպե՞ս ենք մուտքագրում կանոնադրական կապիտալը, կարո՞ղ ենք հետին ամսաթվով մուտք անել:
3. Եթե արտադրանք ենք առաքելու բայց դեռ հաշիվներ գրված չեն, այս դեպքում տեղափոխության փաստաթղթում վայրի մասով ի՞նչ նշում ենք կատարելու:

Ի՞նչ է անհրաժեշտ դեղատուն բացելու համար

Անի.

Բարև Ձեզ, խնդրում եմ ասել դեղատուն բացելու համար ի՞նչ է անհրաժեշտ, եթե մասնագիտությամբ դեղագետ, դեղագործ չես, նաև խնդրում եմ ասել՝ լիցենզիա ստանալու կարգը։ Շնորհակալություն:

Ի՞նչ է անհրաժեշտ մսի խանութ բացելու համար

Բարև Ձեզ։ Մսի վաճառքի խանութ բացելու համար ի՞նչ նրբություններ ու թույլտվություններ են պետք։

Արդյո՞ք դադարեցումից հետո հաջորդ ամիս պետք է վճարել հարկերը

Գայանե.

Բարև Ձեզ, հարգելի հաշվապահներ: Անձը 15.08.20թ. բացել է ԱՁ՝ շրջհարկով: 28.08.20թ. դադարեցում տվեց: Հաջորդ ամսվա մինչև 20 պե՞տք է չէ վճարի 11 000 դրամ՝ 5 000, 5 000 և 1 000, սակայն ոչ մի գործունեություն չի ծավալել: Շնորհակալ եմ:

Անձը լուսանկարչական և տեսանյութերի պատրաստման ծառայություններ է մատուցում

Մերի.

Բարև ձեզ:
Ես լուսանկարչական և տեսանյութերի պատրաստման ծառայություններ եմ մատուցում: Ցանկանում եմ որպես ԱՁ գրանցվել: Ուզում էի իմանալ՝ ինչ վճարներ պետք է անեմ և որքան հարկ պետք է վճարեմ: Այդ ոլորտը համարվու՞մ է միկրոձեռնարկատիրություն:

Եվս մեկ հարց. ցանկանում էի իմանալ՝ տուրիստական ընկերության՝ ԱՊԸ-ի գնման գործընթացը ինչպես է ընթանում: Ընկերուհիս ուզում է տուրիստական ընկերությունը գնել և անվանափոխել տնօրենի պաշտոնը:

Նախապես շնորհակալություն:

Զովացուցիչ ըմպելիքների արտադրությունում ի՞նչ գործառույթներ պետք է անել

Arpine Serobyan.

Բարև Ձեզ: Ցանկանում ենք բացել զովացուցիչ ըմպելիքների արտադրություն: Եթե հնարավոր է՝ կարող եք ուղղորդել ի՞նչ գործառույթներ պետք է անել հարկային ոլորտում, ի՞նչ պարտավորություններ ունենք, որևէ աջակցություն կա՞ արդյոք պետության կողմից:

Արդյո՞ք շրջանառության հարկը պետք է եռամսյակը մեկ վճարել

Արմեն.

Բարև Ձեզ: Գրանցվել եմ որպես շրջանառության հարկ վճարող Ա/Ձ: Արդյո՞ք ճիշտ է կարդացածս, որ շրջանառության հարկը պետք է եռամսյակը մեկ վճարել /այսինքն՝ ես առաջին անգամ հոկտեմբերին եմ վճարելու/, իսկ ամսվա հաշվարկով 5 000 դրամ շահութահարկը՝ հաջորդ տարվա սկզբին: Իսկ դրոշմանիշային վճարը նույնպե՞ս եռամսյակը մեկ է, թե՞ ամեն ամիս: