Ռուբ.

Բարև ձեզ։ Ընկերությունը ֆիզիկական անձանցից ծառայությունների գնման ակտով ծառայություն է ձեռք բերել, որում նշվել են օրենքով սահմանվող բոլոր պարտադիր պայմանները դա ծախս ճանաչելու համար։ Հարկերը պահվել են 10 տոկոս և վճարվել պետությանը։ Նշեմ, որ ընկերությունն աշխատում է ԱԱՀ դաշտում։ Օրենքի խախտում կա այս դեպքում, թե՞ ոչ։

Լանա․

Բարև Ձեզ, հարգելի հաշվապահներ։ Խնդրում եմ պատասխանել հետևյալ հարցերին՝ ոչ ռեզիդենտը, որը Գերմանիայի հանրապետության ռեզիդենտն է համարվում, ծառայություն է մատուցել մեր կազմակերպության համար ՀՀ-ում և ներկայացրել է ռեզիդենտության մասին տեղեկանք: Հարց՝ 1. Ոչ ռեզիդենտին վճարված եկամուտներից որպես հարկային գործակալ, որը աշխատում է ընդհանուր հարկման դաշտում, պե՞տք է արդյոք պահել հարկ և դուրս գրել ինքնահաշիվ, թե՞ ոչ։ 2. Հարկային գործակալը շրջհարկով աշխատելու դեպքում պե՞տք է արդյոք ոչ ռեզիդենտից հարկի պահում կատարի, եթե ծառայություն մատուցող ոչ ռեզիդենտը ռեզիդենտության տեղեկանք չի ներկայացնում, կամ այն երկրի ռեզիդենտն է հանդիսանում, որի հետ ՀՀ համաձայնագիր չունի:

Հայարփի․

Բարև ձեզ: Խնդրում եմ օգնեք․ շրջհարկով աշխատող ՍՊԸ-ն, որը իր գործունեությունը ծավալում է ֆիզ. անձից վարձակալած տարածում, ունի պայմանագիր և ամեն ամիս վճարում է 10 % եկամտային հարկ, և պայմանագրով ամրագրված է, որ կարող տալ ենթավարձակալության: Հիմա ամսով ցանկանում ենք տալ, սակայն շաբաթական 2 օր, մեկ այլ ՍՊԸ-ի, միկրոյի դաշտում գործող: Հարցս հետևյալն է․ կարո՞ղ ենք կնքել ծառայության մատուցման պայմանագիր առանց նոտար և կադաստրի գրանցման՝ օրավարձով հանձնելով որպես ստանդարտ գործարք, թե՞ պարտադիր կնքենք ենթավարձակալության պայմանագիր։ Շնորհակալություն

Մարգարիտա․

Բարև Ձեզ: ԱԱՀ-ով աշխատող ՍՊԸ-ն պատրաստվում է խորհրդատվական ծառայություն մատուցել օտարերկրյա կազմակերպությանը և ֆիզ. անձանց: Խնդրում եմ պատասխանեք` էլեկտրոնային փաստաթուղթ պետք է դուրս գրվի, թե՞ ոչ, ի՞նչ փաստաթղթավորում է հարկավոր, և հարկեր կգոյանան, թե՞ ոչ: Կանխավ շնորհակալություն:

Կարեն․

Ողջույն,
մատուցում եմ մարքեթինգային ծառայություններ ԱՄՆ-ում գրանցված և գործող ընկերությանը։
Հարց 1 – արդյո՞ք օրենքին հակասում է աշխատելը առանց որևէ ընկերություն գրանցելու։
Հարց 2 – Եթե ցանկանում եմ օգտվել եկամտային հարկի վերադարձից, չեմ կարո՞ղ գրանցվել որպես ԱՁ, անհրաժեշտ է ունենալ ՍՊԸ և համարվել վարձու աշխատո՞ղ։

Գագիկ.

Բարև ձեզ։
Արդյո՞ք կարող է Ա/Ձ-ն (գրանցված աշխատող չունի, հենց Ա/Ձ-ն է մատուցելու ծառայությունը) մատուցել հաշվապահական ընթացիկ վարման ծառայություններ` առանց գլխավոր հաշվապահի գործառույթների (սկզբնական փաստաթղթերի հետ աշխատանք, աշխատավարձի հաշվարկ, բանկային գործարքների հաշվառում և այլն): Ծառայություն ստացող ընկերությունը փոքր շրջանառությամբ է: Լիցենզիայի խնդիր առաջանու՞մ է:
Շնորհակալ եմ:

Վարդուհի․

Բարև Ձեզ, հարգելի հաշվապահներ, խնդրում եմ օգնել մի հարցում. ՏՏ ոլորտում աշխատող կազմակերպությունը ծառայություն պետք է մատուցի ՌԴ, այս դեպքում արդյո՞ք ԱԱՀ-ով հարկվում է գործարքները, թե՞ ոչ։ Եթե կարելի է՝ օրենքի հղումով հուշեք: Կանխավ շնորհակալ եմ:

Անի.

Բարև ձեզ։ ՀՀ-ում գտնվող ռեզիդենդ կազմակերությունը մատուցում է ոչ ռեզիդենտ կազմակերպությանը, որը գտնվում է ՌԴ-ում, ստենդերի պատրաստման աշխատանքներ։ Արդյո՞ք ՀՀ-ն է համարվում ծառայությունների մատուցման վայր, եթե ապրանքները առաքվելու են ՀՀ-ում գտնվող տարածք և այնտեղ տեղադրվեն:

Լիաննա.

Բարև ձեզ։ Կասեք խնդրեմ` մարզերում կաբելային ինտերնետ ծառայություն մատուցող ընկերությունը կարո՞ղ է աշխատել միկրոյի դաշտում։

Լիլիթ.

Բարև ձեզ, հարգելի հաշվապահներ։ Ուզում եմ բացել մաքրման ծառայության գրասենյակ, որը կաշխատի միկրոյով, աշխատակիցների աշխատանքը կլինի այսպես` յուրաքանչյուր պատվեր կունենա սահմանված գին, որից x % պետք է վճարի մաքրման սերվիսին։ Խնդրում եմ օգնեք հասկանամ` ինչպե՞ս պետք է հաշվապահորեն ցույց տալ տոկոսադրույքների մուտքը, և քանի որ աշխատանքը կախված է պատվերներից` արժե՞ գրանցել մաքրուհիներին։

Անահիտ.

Բարև ձեզ, հարգելի հաշվապահներ: Իրավաբանական անձը ֆիզ. անձի հետ իրավաբանական ծառայությունների մատուցման պայմանագիր է կնքում, կասե՞ք` օրենքի ո՞ր կետի համաձայն ի՞նչ հարկեր պետք է վճարվի ֆիզ. անձի համար։ Կանխավ շնորհակալ եմ։

Անի.

Հարգելի հաշվապահներ, ԱՁ-ն մատուցում է զանգերի կենտրոնի ծառայություն` ՌԴ հարկման ընդհանուր համակարգում։ Որքան տեղյակ եմ կհարկվի 0% դրույքաչափով:

Արուս.

Բարև ձեզ, հարգելի հաշվապահներ: Ֆիզիկական անձն աշխատում է որպես ծրագրավորող և ուզում է ԱՁ բացել` դրսի կազմակերպությանն ազատ ժամանակ «ծրագրային ապահովման մշակում» ծառայություն մատուցելու նպատակով, հարկվելու է շրջանառության հարկով: Հիմա աշխատավարձը ստանում է դրամային քարտով, ԱՁ-ի ժամանակ ստանալու է արտարժույթով, արդյոք՝
– պե՞տք է նոր արտարժութային քարտ բացի, թե նույն աշխատավարձի քարտը օգտագործի, միևնույն է հետո արտարժույթը փոխելու է դրամի,
– եռամսյակային հաշվետվություն ներկայացնելիս եկամուտը հաշվարկելիս հաշվի՞ է առնում քարտին գումարի ստացման օրվա դրությամբ ՀՀ կենտրոնական բանկի կողմից մինչև տվյալ օրվա ժամը 16:00-ը հրապարակած միջին փոխարժեքը,
– որպես հիմնավորում գումարի ամեն ամիս ստացման, թե՞ եռամսյակը մեկ դուրս է գրում հաշիվ վավերագիր, քանի որ դրսի կազմակերպությունն ուղղակի քարտին է նստացնելու գումարը,
– եթե գումարը ստացվել է ամսի 1-ին, հաշիվ վավերագիրը գրվել է ամսի 27-ին, պետք է հաշվի առնել ամսի 1-ի գումարի ստացման օրվա փոխարժե՞քը, ոչ թե դուրս գրման օրվա փոխարժեքը, նկատի ունենալով, որ եկամուտը ի սկզբանե հաշվարկվել է քարտին գումարի ստացման օրվա փոխարժեքով,
– առանց ԱՁ բացելու, որպես ֆիզիկական անձ, ծրագրային ապահովման մշակում կարո՞ղ է իրականացնել և հարկայինում պե՞տք է ներկայացնի եկամտային հարկ և սոց. վճար ընդհանուր հիմունքներով և ավելի բարձր տոկոսներով:
Խնդրում եմ ձեր մասնագիտական կարծիքը:

Արմի.

Բարև Ձեզ: Երեխաների խնամքի և զարգացման կենտրոնը ուզում է աշխատանքային ծառայությունների ծավալը մեծացնել և երեխաների մնալու ժամը երկարացնել (մինի մանկապարտեզ): Հետևաբար պետք է նաև սնունդ տանք: Խորհուրդ կտա՞ք ինչ-որ կազմակերպության հետ սննդի մատակարարման պայմանագիր կնքել, թե՞ խոհարարի հետ քաղիրավական պայմանագիր կնքել ծառայությունների մատուցման: Քանի որ տարածքը փոքր է և խոհանոցի հնարավորություն չկա, պետք է ոչ մեր տարածքում պատրաստեն և մատակարարեն:

Արփինե.

Բարև Ձեզ:
Ես հունվ․ 25-ից լինելու եմ հղիության եւ ծննդաբերության արձակուրդում, նախորդող 12 ամիսների ընթացքում աշխ. պայմանագիր ունեցել եմ երկու տարբեր կազմակերպություններում։ Հիմնական գործատուիս կներկայացնեմ նախորդ ընկերությունից ստացած եկամուտների մասին տեղեկանք:
Հարցս հետեւյալն է. այս մեկ տարվա ընթացքում ես ունեցել եմ նաև բազմաթիվ այլ «ծառայությունների մատուցման» կարճաժամկետ պայմանագրեր, արդյո՞ք դրանց համար նույնպես վճարվելու եմ, թե՞ ոչ:
Հարցնում եմ՝ հաշվի առնելով, որ որքան գիտեմ՝ կա օրենք, ըստ որի ամեն ամսվա համար հաշվարկվում է միայն մեկ գործատուից ստացված եկամուտը։ Այսինքն` ծառայությունների մատուցման պայմանագրերով եկամուտները չե՞ն հաշվարկվի, եթե այդ նույն ամիսներին ունեցել եմ նաև հիմնական աշխատանք։ Լսել եմ, որ հաշվարկվում են, բայց սա վճարում է ոչ թե գործատուն, այլ սոցապ նախարարությունը, բայց նման կարգավորում/օրենք չեմ գտնում, խնդրում եմ օգնեք այս հարցով։

Քրիստինե.

Բարև բոլորին։ Շնորհավորում եմ բոլորի նոր տարին։ Հարցս. Ա/Ձ-ն, որը միկրոձեռնարկատեր է, կարում է հագուստ, պայուսակ/կտորից/, պատրաստում է տարբեր տեսակի կտորից տիկնիկներ, արտադրած ապրանքի վրա ձեռքով նկարում է և ունի մուլտհերոսների ծառայություն։ Խնդրում եմ ասեք` ո՞ր տնտեսական գործունեության դասակարգիչները ընտրեմ։ Նախապես շնորհակալություն։

ԼԻԼԻԹ.

Բարև Ձեզ: ՍՊԸ-ի հաշվապահ եմ, որը 4-րդ եռամսյակում մատուցել է ծառայություններ և պետք է վիճ. հաշվետվությունում ցույց տամ եկամուտը: Առաջին անգամ է ֆայլը` ի՞նչ տվյալներով հավաքեմ և ու՞ր ուղարկեմ, գրանցումով ՍՊԸ-Ն ԵՐԵՎԱՆ, ԱՐԱԲԿԻՐ ԹԱՂԱՄԱՍ, Աղ.Սերոբի 11/3 1: Մեկ հարց էլ. աշխատողների թվաքանակը ո՞ր տողում գրեմ:

Արմեն.

Ինձ հետաքրքրում է` ծառայության անհատույց մատուցման պայմանագրի գնի և վարձատրության պարբերության ձևակերպումը:

Արմեն․

Հարգելի ընկերներ, ինձ անհրաժեշտ է ծառայությունների անհատույց մատուցման պայմանագրի ձև, խնդրում եմ օգնեք: Նախապես շնորհակալություն:

Արուսյակ.

Բարև ձեզ, հարգելի հաշվապահներ: Հասարակական կազմակերպութունը ծառայության մատուցման էլ. հաշիվ պետք է դուրս գրի ըստ ծրագրի: Խնդրում եմ ասել` ի՞նչ հարկ կառաջանա:

Սոնա.

2020թ-ից կազմակերպությունը ձեռք է բերել հավաստագիր` տեղեկատվական տեխնոլոգիաների ոլորտում աշխատելու և համապատասխան աջակցություններից օգտվելու համար: 2021թ-ի դեկտեմբեր ամսին կնքելու է պահմանագիր օտարերկրյա ոչ ռեզիդենտ կազմակերպության հետ՝ ՏՏ ոլորտի ծառայություն մատուցելու նպատակով: Այսինքն` կատարվելու է ծառայության արտահանում:

1.Կազմակերպությունը ընդհանուր հարկման դաշտում հարկվելու՞ է ԱԱՀ-ի 0-ական դրույքաչափով:
2.Կազմակերպությունը 2021թ-ի համար ազատվա՞ծ է շահութահարկից՝ ելնելով ՀՕ Շահութահարկի մասին օրենքի 8-րդ հոդվածից:

Անի.

Հարգելի գործընկերներ, զանգերի կենտրոնը ո՞ր հարկման համակարգում կարող է աշխատել:

Սամվել․

Բարև ձեզ։ Խնդրում եմ նշել․ Հ/Կ-ն ունի 1 քաղիրավականով աշխատող, սակայն մի օր է գրանցված եղել և չի աշխատել, աշխատավարձ չի ստացել, հիմա եկամտահարկի հաշվարկում աշխատողի աշխատանքային ժամերը պետք է գրեմ 24, թե՞ 0, և արդյո՞ք հնարավոր է աշխատավարձը գրել 0, կամ ի՞նչ հարկեր են պահվում և ինչքա՞ն աշխատավարձից, դրանք կարո՞ղ եմ իրար գումարել և այդքան գումար գրել: Նաև հարկի վճարման դեպքում դրամարկղային գրքում գրառում արվու՞մ է, և եթե այո, ապա ինչպե՞ս կամ կարող եմ այդ գումարը գրել տարեկանի հաշվետվությունում որպես նվիրատվություն այդքան գումարի չափով: Նաև անհրաժե՞շտ է հանձնել 165. Տեղեկություններ՝ ֆիզիկական անձանց եկամուտների և եկամտային հարկի մասին ձևը, թե՞ այն այլ հաշվետվություն է: Նախապես շնորհակալություն։

Քրիստինե.

Բարև Ձեզ: Քաղիրավական պայմանագրով աշխատելու առավելագույն ժամանակահատվածը մեկ տարի է չէ՞, այդ մասին օրենքի ո՞ր հոդվածում է գրված:

Արաքսյա․

Դպրոցի մեկ սենյակի մանրահատակի հարթեցման աշխատանքը մեկ օրում իրականացնելու համար, եթե կնքվում է քաղիրավական պայմանագիր, անհրաժե՞շտ է հայտ ուղարկել, թե՞ ոչ։

Մարիաննա.

Բարև Ձեզ, հարգելի հաշվապահներ:
ՀՀ-ում գործող ՏՏ ոլորտի կազմակերպությունը ծառայություն է մատուցելու արտասահմանյան կազմակերպությանը։ Բացել եմ ԱՁ, աշխատելու եմ շրջհարկով (արդեն դիմումը տվել եմ), ինչպես նաև բացել եմ բանկային հաշվեհամար ԱՁ-ի համար, որը նշված է Taxservice-ում:

Արտասահմանյան կազմակերպությունը` բանկային հաշվեհամարին, ամեն ամիս ծառայության համար պետք է գումար փոխանցի:
Ցանկանում եմ իմանալ, այդ գումարը ինչպե՞ս է երևալու ծրագրում (եթե ՀԴՄ չունեմ), քանի որ եռամսյակային շրջհարկի հաշվետվության 16 կետում պետք է գրեմ այդ գումարի չափի 5%-ը:

Ես շրջանառության հարկի հաշվետվություն տալիս եմ ԱՁ-ի և ՍՊԸ-ի, բայց ՀԴՄ-ով եմ տեսնում շրջանառություն, իսկ ՏՏ ոլորտը չեմ արել, խնդրում եմ օգնել:

Շնորհակալություն:

Անահիտ.

Բարև ձեզ: Խնդրում եմ օգնեք՝ վճարովի ծառայությունների մատուցման պայմանագրի կնքման հիմք ո՞ր իրավական ակտն է հանդիսանում:

Գագիկ.

Բարև ձեզ, հարգելի հաշվապահներ:
Նոր բացված Ա/Ձ-ն մատուցելու է ֆինանսական խորհրդատվական ծառայություններ: Կխնդրեմ պատասխանել մի քանի հարցի.
1. Ա/Ձ հանդիսացող ֆիզ.անձը պիտի իրեն գրանցի՞ որպես աշխատող, թե՞ հենց Ա/Ձ հանդիսացող ֆիզ. անձը կարող է մատուցել այդ ծառայությունները:
2. Տվյալ ծառայությունների մատուցման դեպքում Ա/Ձ-ն կարո՞ղ է դիմում ներկայացնել հարկային և աշխատել միկրոձեռնարկատիրության դաշտում (տարեկան 24մլն-ը չի գերազանցելու), թե՞ շրջհարկով:
3. Եվ, ո՞ր դեպքում, ի՞նչ հաշվետվություններ են ներկայացվելու և ի՞նչ ամսական վճարումներ են կատարվելու:
Կանխավ շներհակալ եմ:

Անի.

Բարև Ձեզ: ԱՁ-ն մատուցելու է հորատման ծառայություններ (буровые услуги)` տարբեր տեղանքներում իր սարքավորումները տանելով։ Այս գործունեությունը ոնց հասկանում եմ պետք է աշխատի շրջանառության հարկի համակարգում, եթե սխալվում եմ` ուղղեք օրենքի հղմամբ:

Հրանուշ.

Բարև Ձեզ, հարգելի հաշվապահներ։ Մի էսպիսի հարց. եթե ոչ ռեզիդենտ ֆիզ. անձին կանխավճարային հաշվով գումար է փոխանցվել` հոկտեմբեր ամսում՝ ծառայությունների մատուցման նպատակով, ապա տվյալ դեպքում այն ներառվու՞մ է հոկտեմբեր ամսվա եկամտային հարկի հաշվետվության մեջ: Եթե այո, ապա ո՞ր դրույքաչափով կհարկվի։

Արմեն.

ՀՀ ռեզիդենտ կազմակերպությունը 3-րդ երկրում գործող կազմակերպության պատվերով ԵԱՏՄ-ում գործող կազմակերպության հետ համագործակցության պայմանագիր է կնքում և ծառայության մատուցման գումար վերցնում։ Որտե՞ղ է համարվում ծառայության մատուցման վայրը։

Նառա.

Քաղաքացիաիրավական պայմանագրով աշխատողների եկամուտի գումարը եկամտային հարկի ամփոփ հաշվարկում ներկայացվում է հաշվեգրմա՞ն մեթոդով, թե՞ վճարման:

Նանո.

Բարև Ձեզ, հարգելի հաշվապահներ, կխնդրեմ օգնել. IT ոլորտում աշխատող կազմակերպությունն ունի 5 աշխատող, գործունեությունն ուղղված է հիմնականում ծառայությունների արտահանմանը, տարեկան շրջանառությունը չի գերազանցում 58 մլն, արդյո՞ք համարվում է շրջհարկ վճարող, և զուգահեռ ի՞նչ հաշվետվություններ պետք է ներկայացնի։ Շնորհակալ եմ:

Մարինե.

Բարև Ձեզ։
Շրջանառության հարկ վճարող Ա/Ձ եմ, զբաղվում եմ համակարգչային ծրագրավորմամբ արտասահմանի հետ։ Ներկա պահին գործատուն գերմանական կազմակերպություն է, և գումարը փոխանցում են իմ ԱՁ եվրոյի հաշվեհամարին։
Քանի որ ըստ իրենց պահումները շատ են, խնդրել են գտնեմ ալտերնատիվ` հարմար տարբերակով, փոխանցում կազմակերպելու համար։ Նրանց համար շատ կարևոր է փոխանցումներում նշել իմ ՀՎՀՀ-ն։ Օրինակ` առաջարկել են օգտվել արտասահմանյան օնլայն բանկերից։ Դիտարկել եմ մի քանի տարբերակ։
1. Բացել եմ բիզնես հաշիվ payoneer-ում։ Լրացրել եմ ԱՁ-ի բոլոր տվյալները։ Չգիտեմ արդյո՞ք ճիշտ եմ արել։ Կարո՞ղ էին փոխանցել payoneer-ի ֆիզ. անձի հաշվին և նշեին իմ ՀՎՀՀ-ն, նորմալ կստանայի՞ գումար: Եթե payoneer-ով տարբերակ կա ամեն ինչ ճիշտ կազմակերպելու, խնդրում եմ`օգնեք։
2. Դիտարկել եմ նաև worldremit-ը։ Սա նույն պահումն է անում ինչ օրինակ` ԱՁ-ի հաշվին իրենց կատարած փոխանցումը։ (800 եվրոյից սկսած 30 եվրո պահում):
3. Ներբեռնել եմ wise-ը, էստեղ բիզնես հաշիվ չի թողնում բացել, բացել եմ ֆիզ. անձի համար հաշիվ։ Բայց փոխանցում ստանալու համար ես պետք է 10 000 դրամ փոխանցեմ հաշվին։ Չեմ փորձարկել։
Խնդրում եմ կիսվեք փորձով/խորհրդով։
Շնորհակալ եմ ցանկացած օգնության համար։ )))

Աննա.

Բարև Ձեզ: Մի քանի հարց ունեմ, կխնդրեմ որքան հնարավոր է մանրամասն ասել: Կանխավ շնորհակալություն:
1. Շրջհարկով աշխատող ՍՊԸ-ն, որը մատուցում է ծառայություններ կատարել է գնումներ թե՛ առհաշվով, և թե՛ հաշվով, մուտք է արվել պահեստ, և ունի մեկ աշխատող՝ տնօրենը, գնված ապրանքները հիմնականում թուղթ, գրասենյակային պարագաներ, տնտեսական պարահգաներ օֆիսի համար: Կխնդրեմ ասել՝ պահեստի շարժը ինչպե՞ս կազմակերպել, թղթային դուրս գրումներ և այլն, թե՞ պահեստի մուտքի կարիք չկա, և ինչպե՞ս ցույց տալ, որ այդ ապրանքներն օգտագործվել է ծառայությունների մատուցման համար։
2. ՍՊԸ-ն գրանցվել է անցյալ տարի դեկտեբեր ամսին, ե՞րբ կարող եմ հայտարարել շահաբաժին և ի՞նչ փաստաթղեր են ահրաժեշտ բացի հիմնադիրների որոշումից, հարկը որքա՞ն է կազմում, կարո՞ղ եմ հետ վերադարձնել եկամտային հարկը, և եթե ունենք 1 միլիոն դրամի շահույթ՝ կարող՞ ենք շահաբաժին հայտարարել 200 000 դրամ, իսկ մնացած գումարը հաշվարկել հաջորդ ամիսների ծախսերի գումար, կասե՞ք ձևակերպումները։

Սերոժ.

Բարև ձեզ: Խնդրում եմ ասեք՝ արտահաստիքային աշխատանքը դա ծառայությունների մատուցման պայմանագրի հիման վրա աշխատանքն է, թե՞ դա ևս աշխատանքային պայմանագրով (աշխատանքային օրենսգրքով) կարգավորվող իրավահարաբերություն է։ Եվ եթե աշխատանքային օրենսգրքով է նախատեսված, ապա ո՞ր հոդվածով։ Շնորհակալ եմ։

Անահիտ.

Հարգելի հաշվապահներ, օրենքի ո՞ր հոդվածով է հաշվապահական հաշվառման ծառայությունը համարվում ԱԱՀ-ից ազատված։
Կանխավ շնորհակալ եմ։

Անահիտ.

Բարև ձեզ: Հարցս հետևյալն է. եթե ԱԱՀ վճարող կազմակերպությունը ծառայություն է մատուցել ոչ ռեզիդենտ ֆիզ. անձին, ապա հարկային հաշիվ, թե՞ հաշիվ վավերագիր է դուրս գրելու: Եվ արդյո՞ք լրացուցիչ հարկային պարտավորություններ կառաջանան եկամտային հարկի կամ շահութահարկի գծով: Արդյո՞ք ԱԱՀ-ն /եթե հարկային հաշիվ է դուրս գրվում/ հաշվանցման ենթակա է:

Անի.

Բարի օր: Կասե՞ք, եթե ավտոտեխսպասարկման կենտրոն է և շրջհարկով է աշխատում, քանի՞ % է վճարում շրջհարկ, և եռամսյակ է՞: Շնորհակալ եմ:

Լիաննա.

ՍՊԸ-ն օգոստոս ամսին մատուծաց ծառայության համար (ՀԿ-ին) հաշիվ-վավերագիր դուրս չի գրել։ Կարող է արդյո՞ք այսօր դուրս գրել՝ մատակարարման ամսաթիվ նշելով օգոստոսի 31-ը։

Իրինա.

Բարև Ձեզ: Խնդրում եմ ասեք՝ եթե ծառայություն եմ մատուցում օտարերկրյա կազմակերպությանը համապատասխան պայմանագրի հիման վրա, գումարը ստանում եմ արտարժույթով, ինչպե՞ս հաշվեմ շրջհարկը, և հաշիվ գրեմ, թե՞ ոչ։

Գայանե.

Բարի օր: Ասացեք խնդրեմ՝ գեղեցկության սրահում ՀԴՄ-ով ինչքա՞ն գումար կարող են ցույց տալ մեկ անգամով՝ օրական, և ամսական:

Լիլիթ.

Բարև ձեզ: Ֆիզ. անձը (ԱՁ-ն) ուրիշին պատկանող ապրանքը ներմուծել, է կատարելով տրանսպորտային ծառայություն, ինքը պե՞տք է ԵՏՄ վիճ. ուղարկի, թե՞ ոչ։
Շնորհակալ եմ:

Ռուբ.

Բարև ձեզ, հարգելի հաշվապահներ: Խնդրում եմ օգնել ձևակերպումներ տալու մեջ։ Ընկերությունը գնում է փայտանյութ/գերաններ և ծառայությունների մատուցման պայմանագրի հիման վրա տալիս է սղոցում իրականացնող ԱՁ-ին։ Վերջինս գերաններից ստանում է տախտակ և տալիս է սղոցման ակտ։ Դրանք պայմանագրի հիման վրա մատակարարվում են այլ կազմակերպության արդեն այլ գնով։ Ինչպե՞ս պետք է տամ ձևակերպումները։
Շնորհակալություն:

Նանե․

Ֆիզ․ անձը իր սեփական մեքենայով ՀՈԱԿ-ին մատուցել է ծառայություն: Ի՞նչ այմանագիր է պետք կնքել, և ի՞նչ հարկեր են առաջանում։

Լիլիթ.

Բարև ձեզ: Ես ցանկանում է մեր գրասենյակում ավելացնել ծառայություն՝ ԱՁ և ՍՊԸ գրանցելու հետ կապված, կան անձինք, ովքեր զբաղվում են և կարող են ուղղորդել։ Ես իմ նույնականացման քարտով կարո՞ղ եմ բոլորին բացել, թե՞ յուրաքանչյուրը պետք է ունենա նույն. քարտ և էլ. ստորագրություն։

Մարի.

Խնդրեմ կպատասխանե՞ք․ կարո՞ղ ենք քաղիրավական պայմանագիր կնքել ֆիզ․ անձանց հետ, օրինակ՝ 22․09․2021-30․11․2021թ․ և վճարումը կատարել 30․11․2021թ․-ին։

Անի.

Հարգելի հաշվապահներ,

անձը ցանկանում է զբաղվել համակարգչային ծրագրերի թեստավորմամբ։ Աշխատանքն իրականացնելու է արտասահմանյան կայքերի համար և վարձատրությունը ստանալու է ըստ կատարած աշխատանքնի։

Խնդրում եմ օգնել և պատասխանել հետևյալ հարցերին։

1. Անձը պե՞տք է գրանցվի որպես ԱՁ, թե՞ հարկ վճարող ֆիզիկական անձ։

2. Ֆիզիկական անձ գրանցվելու դեպքում, ի՞նչ հաշվետվություններ պետք է ներկայացնել և ի՞նչ հաճախականությամբ։

3. Ֆիզիկական անձ գրանցվելու դեպքում, արդյո՞ք հաշվետվություններն առցանց վճարելու համար անհրաժեշտ է ունենալ նույնականացման քարտ, ընթերցող սարք։

Քրիստինե․

Բարև բոլորին։ Հարգելի հաշվապահներ, քաղաքացիաիրավական պայմանագրով աշխատողին գրանցելու ժամանակ 79 հաշվետվության մեջ միայն նշում եմ ամսաթիվը ու վե՞րջ։ Մի հարց էլ՝ եթե ՍՊԸ-ն միկրոդաշտում է, քաղ․ իրավական աշխատողի եկամտային հարկը ինչպե՞ս է հաշվարկվում։ Նորից նույն 5 000 դրա՞մն է։ Նախապես շնորհակալություն։

Արուսիկ.

Բարև Ձեզ, հարգելի հաշվապահներ:
ՏՏ ոլորտի կազմակերպությունը ծառայություն է մատուցել արտասահմանյան գործընկերոջը՝ կայքի միջոցով։ Կայքում հնարավոր չէ նշել կազմակերպության բանկային տվյալները, նշել են հիմնադիրներից մեկի հաշվեհամարը։
Հիմնադիրը պետք է գումարը փոխանցի կազմակերպության բանկային հաշվեհամարին, նպատակ դաշտում գրելով, դուրս գրված ծառայության հաշիվ վավերագրի համարը։
Այս կերպով ճի՞շտ է կազմակերպվում հաշվապահական հաշվառման գործընթացը։
Շնորհակալություն: