Կայք հաշվապահների համար և ոչ միայն…
Աննա․
Հարգելի հաշվապահներ, ԱՁ-ն սկսելու է freelance ծառայություններ մատուցել, ընդհանուր հարկման համակարգում է: Քանի որ ծառայության մատուցման վայրն ՀՀ-ից դուրս է, զրոյական ԱԱՀ-ով է հարկվելու: Այս դեպքում, որքանով տեղյակ եմ, հարկային հաշիվների փոխարեն պետք է դուրս գրել այլ հաշվարկային փաստաթուղթ: e-invoice համակարգում համապատասխան փաստաթղթի տեսակ չգտա: Խնդրում եմ օգնեք՝ ի՞նչ փաստաթուղթ պետք է դուրս գրեմ ու ո՞րտեղից: Որտե՞ղ կարող եմ ավելի շատ ինֆորմացիա հաշիվներ դուրս գրելու մասին գտնեմ:
on Տենդերի մասնակցություն: “վրացական ԱՁ-ին տենդերը շահելու դեպքում չեն։փոխանցելու գումարը, պետք է այստեղ բանկում ՀՀ դրամով հաշիվ բացեք,” Apr 26, 12:19 on Գյուղատնտեսական արտադրանք: “այո կաթը համարվում է գյուղատնտեսական արտադրանք, կազատվի եկամտային հարկից, եթե ՀՕ հ.150-ի մաս 13-ին համապատասխան գնման ակտերով են, ՚ ։” Apr 26, 12:17 on Ներքին կանոնակարգ: “դա կոչվում է Ներքին կարգապահական կանոններ, այլ նմանատիպի նման կանոններով կարող եք կազմել,” Apr 26, 12:15 on Դրոշմանիշային վճարի գծով պարտք: “դրոշմանիշայինի հաշիվը այլ է, կարող է միասնականին եք փոխանցել այդ գումարը,” Apr 26, 12:14 on Եկամտային հարկի հաշվարկը ուշ է ներկայացվել: “տուգանք կարող է լինել, բայց հիմա այդ ձևը ներկայացնել չեք կարող,պասիվ է,” Apr 26, 12:06 on Սուրճի արտադրություն: “1․ Արդյո՞ք գործունեությունը կարող է աշխատել միկրոձեռնարկատիրության դաշտում, այո 2․ Արդյո՞ք միայն ԱԱՀ-ը վճարողներն են vero համակարգում դրոշմապիտակի վերագրում և…” Apr 25, 20:07 on Պարտքի մարում եռակողմ պայմանագրով: “այո դա կդիտվի որպես եկամուտ ոչ առևտրային կազմակերպության համար։ Արդյո՞ք առաջանում են հարկային որևէ պարտավորություններ ոչ առևտրային կազմակերպության, կարծում եմ…” Apr 25, 20:03 on ՍՊԸ գնել է մեքենա ֆիզ. անձից: “որպես հարկային գործակալ պետք է ֆիզ.անձի համար 10 տոկոս եկամտային հարկ վճարեք, պետք է մաշվածքի համար հիմք վերցնեք սկզբնական արժեքը,” Apr 25, 19:57
Հարգելի Աննա, իսկ վստա՞հ եք, որ ծառայությունների մատուցման վայրը ՀՀ-ից դուրս է համարվում ՀՕ-ով։
Հարգելի Արթուր,
Եթե գործատուն ոչ ռեզիդենտ ու ՀՀ-ից դուրս գտնվող ընկերություն է, ֆիզ. անձ կամ առցանց հարթակ (օրինակ՝ Upwork), որի միջոցով ծառայություն եմ մատուցելու վերջիններիս ու մատուցած ծառայության արդյունքը ՀՀ-ի սպառողի համար չէ: Այս դեպքում մի՞թե մատուցման վայրը չի համարվում ՀՀ-ից դուրս:
Եթե ճիշտ եմ հասկացել ՀՕ Հոդված 39-ի 4-րդ կետն, ապա ոչ ռեզիդենտին ծառայություն մատուցելը համարվում է ՀՀ-ում միայն եթե փաստացի ոչ ռեզիդենտը գնտվում է ՀՀ-ում ու սպառում մատուցված ծառայությունն ՀՀ-ում:
Upwork-ում գործելը ըստ էության ծառայություն եք մատուցում ՀՀ-ից դուրս,
ավելին դա նաև էլեկտրոնային ծառայություն է, պետք է անհրաժեշտության դեպքում ինվոյս էլ դուրս գրեք եթե դիմացի կողմը կպահանջի,
2. Աշխատանքի կատարման կամ ծառայության, բացառությամբ էլեկտրոնային ծառայության, մատուցման վայրը համարվում է Հայաստանի Հանրապետությունից դուրս, եթե՝
1) կազմակերպությունը, որի գտնվելու վայրը, Օրենսգրքի 4-րդ գլխի համաձայն, չի համարվում Հայաստանի Հանրապետությունը, կամ ֆիզիկական անձը, որի բնակության վայրը, Օրենսգրքի 4-րդ գլխի համաձայն, չի համարվում Հայաստանի Հանրապետությունը, ընդունում կամ ստանում է սույն հոդվածի 1-ին մասի 4-րդ կետում նշված աշխատանքները կամ ծառայությունները (բացառությամբ այն դեպքերի, երբ աշխատանքներն ուղղակիորեն ընդունում է կամ ծառայություններն ուղղակիորեն ստանում է ոչ ռեզիդենտ կազմակերպությունը կամ ոչ ռեզիդենտ ֆիզիկական անձը, սակայն դրանց օգտագործումը (սպառումը) փաստացի կատարվում է դրանց մշտական հաստատության կողմից).
2) աշխատանքի կատարման կամ ծառայության մատուցման վայրը, սույն հոդվածի 1-ին և 2.1-ին մասերի համաձայն, չի համարվում Հայաստանի Հանրապետությունը:
Այդ հոդվածը վերաբերում է ՀՀ-ում հոդվածում նշված ծառայություններ ստանալուն (ասենք, եթե ՀՀ-ում գտնվող կազմակերպությունը դրսից ստանում է նշված ծառայությունները)։
Այո, կարծես թե Ձեր դեպքում ծառայությունների մատուցման վայրը ՀՀ-ն չէ։ Այս դեպքում Դուք դուրս եք գրելու invoice դրսի կազմակերպության (կամ Upwork-ում գրանցված օգտատիրոջ) համար, կարծում եմ՝ Upwork-ում այդ հաշիվը ավտոմատ կգեներացվի, որի հիման վրա դուրս եք գրելու արդեն e-invoicing-ով հաշվարկային փաստաթուղթ՝ հիմք վերցնելով ծառայության մատուցման օրվա՝ ԿԲ-ի մինչև ժամը 16:00 հրապարակված փոխարժեքը (որը ԿԲ կայքում երևում է որպես նախորդ օրվա փոխարժեք), համաձայն ՀՕ հոդված 16 Արտարժույթով արտահայտված գործարքների ու գործառնությունների հաշվառման կանոնները։
e-invoice համակարգում կա դրան համապատասխան փաստաթղթի տեսակը,
Չէի նկատել որ բաժնից կախված «Նոր» menuի տարբերակներն փոխվում են, տիպիկ պահվածք չէ այդ կարգի menuի համար:
Շնորհակալ եմ:
Այս հարցի շուրջ կարելի է երկու հարց ճշտել. արդյոք ճիշտ չէ շրջ.հարկով աշխատել, և երկրորդ հարցը՝ հարկման բազան դիտարկվում է դուրս գրված հ/փ-ի օրը, թե՝ գումարի մուտքագրված ամսաթիվը (օր. բանկի քաղվածքում գրված է. ծառայությունների մատուցման ամսաթիվ 2022թ.դեկտ.20-30, գումարը նստել է 2023թ. հունվարի10-ին, հաշիվը դուրս է գրվում հունվարի 12-ին):
Հարցս ճիշտ չեմ ձևակերպել: Հարց. վերը նշված ամսաթվերը դիտարկելիս, փաստաթուղթը դուրս գրելիս, արտարժույթի փոխարժեքային հաշվարկը ո՞ր օրվա կուրսով պետք է հաշվարկել: