Tag: հարկեր և տուրքեր

Իրինա․

Բարև Ձեզ։ Կազմերպությունը գործընկեր ֆիզ անձի համար հյուրանոցային ծախս է կատարել կամ աշխատակցին նվեր քարտ է տրամադրել, պայմանական 100,000 դրամ։ Եկամտային հարկ է առաջանում, որպես այլ եկամուտ։ Հիմա հարկը առաջանում է 100,000-ից, թե՞ հետհաշվարկ անելով 125,000-ից։ Շնորհակալ եմ։

Արման․

Բարև ձեզ, որ խնդրեմ՝ կասե՞ք, եթե մի ՍՊԸ վարձակալության պայմանագրով, որը արդեն դադարել է, նշված 2 ամսվա գումար է պարտք մնացել իմ ՍՊԸ-ին, չնայած որ հաշիվը գրվել է, ի՞նչ հարկային պարտավորություն կառաջանա ինձ մոտ զիջման դեպքում։

Անահիտ․

Բարև Ձեզ։
Բացել եմ ՍՊԸ, իրականացնում եմ տուրիստական գործունեություն, տուր օպերատորներից փաթեթներ եմ գնում և վաճառում հաճախորդներին, այս պարագայում ինչպե՞ս եմ միջնորդավճարը ներկայացնում, որ միայն դա շրջհարկի տակ ընկնի, այլ ոչ թե ամբողջ գումարը, որ փոխանցվում է ՍՊԸ հաշվին: Շնորհակալություն:

Լիդա․

Բարև ձեզ։ ԱՁ ցանկանում է զբաղվել տան իրերի ճիշտ դասավորվածության, ինտերիերի ճիշտ կազմակերպման վերաբերյալ հոլովակների արտադրությամբ և վաճառքով։ Հոլովակների վաճառքը իրականացվելու է սոց․ հարթակներով։ Ինչպես հասկանում եմ՝ դասակարգիչը լինելու է 59.11.0: Բայց չգիտեմ՝ դա միկրոյով աշխատելու վերաբերյալ կետերից որևէ մեկին հակասում է, թե՞ ոչ։ Խնդրում եմ ասել, թե որպես ինչ աշխատանք է այս գործունեությունը դիտարկվում, և հնարավոր է միկրոյով աշխատել, թե ոչ։ Կանխավ շնորհակալություն։

Նարե․

Բարի օր։ Փետրվար ամսին բացել եմ ԱՁ, որը զբաղվելու է մազակալների վաճառքով։ Մազակալները ներմուծված էին շատ վաղուց, ուստի ձեռքբերման ոչ մի փաստաթուղթ չունեմ։ Բացի այդ նախատեսում էի միկրոձեռնարկատեր համարվելու հայտարարություն տալ։ Սա տեխնիկական խնդրի պատճառով չէր ներկայացվել, որի համար տուգանք նշանակվեց, և համարվեցի ԱԱՀ վճարվող։ Խնդրում եմ կհուշե՞ք՝ ի՞նչ պետք է անեմ։ Արդյո՞ք պետք է փետրվար ամսվանից սկսած ԱԱՀ հաշվարկ ներկայացնեմ և եթե այո, ապա ինչպե՞ս վարվեմ մինչ այս դուրս գրված “Բ”-ով հաշիվներին։ Արդյո՞ք սրանց 20%-ի մասով ԱԱՀ պետք է վճարեմ։ Շատ շնորհակալ կլինեմ ուղղորդելու համար։

Հասմիկ․

Բարև Ձեզ, հարգելի մասնագետներ։ Խնդրում եմ օգնել, կազմակերպությունն աշխատում է շրջանառության հարկով, նվազեցվող ծախսերը հաշվելիս եթե հաշիվը դուրս է գրվել ԱԱՀ-ով, ԱԱՀ-ն նույնպե՞ս ծախս ենք հաշվում, թե՞ առանց ԱԱՀ գումարն ենք հաշվում։

Հասմիկ․

Հարգելի հաշվապահներ, կազմակերպությունը համապատասխան բժշկական փաստաթղթերի հիման վրա ցանկանում է դրամական ՕԳՆՈՒԹՅՈՒՆ տրամադրել ՔԱՂԻՐԱՎԱԿԱՆ ծառայություն մատուցող ֆիզիկական անձին։ Արդյո՞ք այս պարագայում կիրառվում են ՀՀ ՀՕ 147 և 120 հոդվածները։

Աննա․

Բարև Ձեզ։ ԱՁ աշխատում է շրջհարկով, ներմուծում է արել Չինաստանից։
Հարց 1․ պե՞տք է գրվի ինքնահաշիվ մատակարարի անունից
Հարց 2․ նվազեցումների մեջ ներառվու՞մ է ինվոյսի գումարը, վճարված հարկերը և ստացված հաշիվները (տեղափոխման ու բռոքերի)։

Շատ շնորհակալ կլինեմ պատասախի համար։

Լիլիթ․

Հարգելի հաշվապահներ, մարտ ամսին ԵԱՏՄ երկրից ՀՀ տարածք է ներմուծվել ցորեն, որը սահմանին հարկվել է ԱԱՀ-ով , որը վաճառվել է մայիս ամսին հարկային հաշվով, ՊԵԿ դիմումից հետո պարզ դարձավ, որ պետք է ՀՕ 64 հոդվածի համաձայն դուրս գրվեր հաշիվ վավերագիր, հարցս հետևյալն է՝ ԱԱՀ-ի վերաձևակերպումը ո՞ր ամսում պետք է անել և ինչպե՞ս։ ԿԱՆԽԱՎ ՇՆՈՐՀԱԿԱԼՈՒԹՅՈՒՆ։

Նարինե․

ՍՊԸ-ն, որն աշխատում է ԱԱՀ-ով, կազմակերպում է խաղարկություն՝ 20․000 ից ավել գնումների դեպքում գնորդներին նվիրելով ապրանքներ։ Հարց՝ ինչպե՞ս պետք է այդ ապրանքները դուրս գրվեն ՍՊԸ ի հաշվեկշռից։

Արտյոմ․

Բարև Ձեզ, հարգելի հաշվապահներ։ Խնդրում եմ ինձ հուշել՝ Ա/Ձ ն զբաղվում է համակարգչային խաղերի ստեղծմամբ, ի՞նչ հարկատեսակով պետք է հարկվի, և ՀԴՄ սարք պե՞տք է ունենա, թե՞ ոչ: Կանխավ շնորհակալություն։

Նարեկ․

Բարև Ձեզ։ Խնդրում եմ օգնեք հետևյալ հարցում:

Բացօդյա սուրճի ապարատների համար ինչպես տեղեկացվել ենք պետք է վճարենք ամսական կտրվածքով 2 000 դրամ պետ․ տուրք 900005001632 Մետաղադրամով և /կամ/ թղթադրամով շահագործվող ավտոմատների միջոցով սննդի առևտրի կազմակերպման արտոնագիր տրամադրելու համար: Ինչպե՞ս կարող ենք վճարումը մենք կատարել, որպեսզի հաշվապահական առանձին կազմակեպրությանը ծառայության մատուցման դիմաց վճարումներ չտրամադրենք, և եթե հնարավոր է՝ մանրամասնեք, թե ինչպիսի տարեկան հաշվետվություններ պետք է ներկայացնենք:

Rob.

Բարև Ձեզ։ Շրջ. հարկով աշխատող կազմակերպությունը գյուղացուց գնում է կաթ, վերամշակում և վաճառում, հարցս հետևյալն է.
1. գնման ակտի դեպքում եկամտային հարկի պարտավորություն առաջանու՞մ է, թե՞ ոչ
2. գնման ակտով ձեռքբերումները ճանաչվու՞մ է ապրանքի ձեռքբերում և դիտվու՞մ է որպես ծախս

Agata.

Բարև Ձեզ: Շրջ. հարկով աշխատող ԱՁ-ն, որը ֆոտո և վիդեո ծառայություններ է մատուցում, 2-րդ եռամսյակի ընթացքում ունեցել է ներմուծում ԵՏՄ-ից: Շրջ. հարկի հաշվարկի մեջ դա պե՞տք է արտացոլվի և ո՞ր տողում: Նշեմ, որ ներմուծված ապրանքները անմիջական կապ չունեն ԱՁ-ի գործունեության հետ: Շնորհակալություն:

Արազ․

Բարև ձեզ, գրանցված եմ որպես ԱՁ և տարվա սկզբին մոռացել եմ շրջհարկի հետ կապված հայտարարություն ներկայացնեմ: 08.04.2025 ներկայացրե եմ ձև 216 օնլայն հարթակում, իսկ հիմա, երբ ուզում եմ լրացնեմ 286 ձևը 2025 երկրորդ եռամսյակի համար, համակարգը նշում է, որ տվյալ ժամանակահատվածում չեմ համարվել շրջանառության հարկ վճարող: Իսկ ԱԱՀ հաշվետվություն ներկայացնելուց էլ նշվում է՝ այս տարվա համար չեմ գրանցվել որպես ԱԱՀ վճարող: Կասե՞ք՝ ինչ պետք է անեմ:

Մարիամ․

Բարև ձեզ։

Ցանկանում եմ բիզնես սկսել և օրինակացնել, ունեմ մի քանի հարց, խնդրում եմ պատասխանել, նախապես շնորհակալություն։

Տան պայմաններում (առանձին խոհանոց) պատրաստելու եմ տորթեր, քաղցրավենիքներ, աշխատակից չեմ ունենալու, վաճառքը իրականացնելու եմ Instagram-յան էջի միջոցով, աշխատելու եմ միայն առաքումով, առաքումը իրականացնելու եմ ես: Բացի այդ ունենալու ենք փաթեթներ, որ օրինակ փոքրիկ տորթ և փոքրիկ շամպայն է լինելու կամ բաժակ է ներառելու փաթեթը , այս դեպքում այլ ապրանքները , որոնք իմ արտադրանքը չեն ինչպե՞ս եմ կարողանալու վերավաճառել։

1. Խնդրում եմ ասեք, այս ոլորտում բիզնես սկսելու քայլերը, ի՞նչ է պետք անել հերթականությունը նաև իմ բիզնեսի համար ամենահարմար կազմակերպաիրավական տեսակը , հարկման տեսակը, պարտավորությունները եւ վճարումները (ամսական եւ տարեկան) որո՞նք են
2. Արդյո՞ք պետք է առանձին հաշիվ բացեմ փոխանցումների համար, նաև կխնդրեմ նշել օնլայն վաճառքի դեպքում ինչպես եմ ՀԴՄ տրամադրելու

Իմ դեպքում օնլայն ՀԴՄ է լինելու և արդյոք ճի՞շտ է, որ ոչ բոլորին են թույլատրում էլեկտրոնային ՀԴՄ։

Նարինե․

Բարև Ձեզ, եթե մի կազմակերպությունը ԱԱՀ-ով հարկվող ՍՊԸ է, ցանկանում է ստեղծել այլ ՍՊԸ, որտեղ ինքը հանդիսանում է որպես 100% բաժնետեր, ապա նոր ստեղծված ՍՊԸ-ն ի՞նչ հարկով է հարկվելու։ Տվյալ նոր ՍՊԸ-ն եթե շահաբաժին է վճարում իր հիմնադիր ընկերությանը, ապա դրանից ի՞նչ հարկեր են առաջանում։ Հիմնադիր ընկերությունը նոր ստեղծած ընկերության ծախսերի համար ներդրումները ի՞նչ ձևով կարող է անել՝ փոխանցման, թե՞ փոխառության ձևով։

Սոֆյա․

Բարև Ձեզ։ Հարգելի հաշվապահներ, կազմակերպությունը ՍՊԸ է և աշխատում է շրջհարկով։ Գործունեությունը՝ օտար լեզվի դասեր և փայտե իրերի արտադրություն։ Հարցը հետևյալն է ․ Կարելի՞ է արդյոք ՍՊԸ-ի անվան տակ այլ դասակարգիչով գործունեություն ծավալել (ֆեյսբուքյան էջում գովազների տեղադրում վճարովի հիմունքներով), և ձևավորված վճարը ուղարկել ՍՊԸ-ի հաշվեհամարին։ Եթե այո, ի՞նչ դասակարգիչ է, որքա՞ն է հարկվելու, ինչպե՞ս պետք է հաշվապահորեն ցույց տալ այս հաշիվների մուտքը հաշվեհամարին, եթե անկանխիկով պետք է աշխատենք, և կա՞ արդյոք օրենսդրական որոշում օնլայն գործունեության վերաբերյալ։ Շնորհակալություն։

Աննա․

Հարգելի հաշվապահներ, մայրության նպաստից պահվող եկամտային հարկը վճարելու է գործատու՞ն, թե՞ ամբողջապես ՀՀ պետ բյուջեն: Կանխավ շնորհակալ եմ։

Քրիստինե․

Բարև բոլորին: Եթե ԱՁ-ն, որը աշխատում է միկրոյով, պլաստիկ շշերից պատրաստում են ավելներ և խանութներին պետք է հանձնեն: Խանութը պահանջում է, որ հարկային հաշիվ դուրս գրեն, ԱՁ ի՞նչ պարտավորություններ ունի անելու և հարկային հաշիվ իրավունք ունի՞ դուրս գրելու:

Հայկ․

Բարև Ձեզ։ Հարկային օրենսգրքի 60-րդ հոդվածի 3-րդ մասի համաձայն՝
Բեռների, փոստի և (կամ) ուղևորների` ցանկացած տեսակի տրանսպորտային միջոցով փոխադրման տրանսպորտային ծառայության մատուցման գործարքը ԱԱՀ-ով հարկման օբյեկտ չի համարվում, եթե այն սկսվում և ավարտվում է Հայաստանի Հանրապետության տարածքից դուրս: Սույն մասի կիրառության իմաստով` տրանսպորտային ծառայություն է համարվում նաև այլ կազմակերպությունների և (կամ) ֆիզիկական անձանց միջոցով (ներգրավմամբ) Հայաստանի Հանրապետության տարածքից դուրս սկսվող և Հայաստանի Հանրապետության տարածքից դուրս ավարտվող բեռների, փոստի և (կամ) ուղևորների փոխադրման կազմակերպման միջնորդական գործունեությունը:

Հարց. ՀՀ ռեզիդենտ կազմակերպությունն իրականացրել է բեռնափոխադրում օտարերկյա Ա երկրից դեբի Բ երկիր։ Այս դեպքում ՀՀ ռեզիդենտ կազմակերպությունը հաշիվ չի՞ գրելու և եթե այս գործարքը ԱԱՀ-ով հարկվող օբյեկտ չի, ի՞նչ նրբություն կա։

Ռոբ․

Բարև Ձեզ, կազմակերպությունը աշխատում է շրջ. հարկով և ունի վարձակալությամբ վերցրած մեքենա, որի համար գնում ենք ամեն ամիս վառելիք։ Խնդրում եմ ասեք՝ ի՞նչ կարգով պետք է վառելիքը ցույց տալ ծախս, կա՞ արդյոք նորմա։

Արթուր․

Հարգելի գործընկերներ, ֆիզ․ անձից գույք ձեռքբերելու դեպքում արդյո՞ք ֆիզ․ անձը կարող է հրաժարվել, որպեսզի հարկային գործակալը պահի եկամտային հարկը՝ փոխարենը առաջարկելով, թե ինքնուրույն կվճարի այն՝ եկամուտների հայտարարագրով հայտարարագրելով։ Շնորհակալություն։

Հերմինե․

Բարև Ձեզ։ Շրջանառության հարկով աշխատող ԱՁ-ն կարո՞ղ է դուրս գրել հարկային հաշիվ, հանձնել ԱԱՀ հաշվարկ և վճարել ԱԱՀ, եթե գործընկերը միայն այդ պայմանով է համաձայն համագործակցել։ Շահութահարկի դաշտ անցնելու ռիսկ կա։

Աննա․

Շատ եմ խնդրում՝ կարո՞ղ եք հնարավորինս պարզ բացատրել։ Խանութն աշխատում է ԱՁ-ով, աշխատող չունի, գործում է շրջ․ հարկի համակարգում, չի անցնում նաև 24 մլն շեմը։ Ի՞նչ հաշվետվություններ պետք է ներկայացնել և շրջ․ հարկի հաշվետվության մեջ կխնդրեմ նշեք ավելի մանրամասն՝ պետք է լրացնեմ միայն ՀԴՄ ֆիսկալ հասույթի տվյալնե՞րը։

Էլլա․

Ես ԱՁ բացել եմ 29.05.2025թ-ին, որպես ծրագրային ապահովում և սկսել եմ աշխատել օնլայն 10.06.2025-ից, խնդրում եմ հուշեք՝ այս պահի դրությամբ ի՞նչ պիտի պարտադիր լրացվի, կամ որտե՞ղ պիտի հարկային պարտավորությունների մասին տեղեկանամ։ Կանխավ շնորհակալություն։

Անի․

Եթե շրջհարկով աշխատող ԱՁ-ն ձեռք է բերում ֆիզ անձանցից խոտաբույսեր հետագայում դրանք վաճառելու նպատակով, ապա կարո՞ղ է գնման ակտով ձեռք բերել և ազատվել եկամտային հարկի 20 % պարտավորությունից, և այդ իմաստով ի՞նչ տարբերություն կա միակողմանի և երկկողմանի գնման ակտերի միջև։ ՀՕ 150 հոդվածի 13-րդ մասի համաձայն շրջհարկով աշխատող ԱՁ-ն ցանկացած ապրանքի ձեռք բերման ժամանակ է ազատվու՞մ եկամտային հարկի պարտավորությունից։

Արթուր․

Մետաղադրամով ապարատների տեղադրման համար, ք. Երևանում, ՀԱԹ-ում կամ Շենգավիթում, ի՞նչ է անհրաժեշտ և ի՞նչ հարկատեսակով աշխատել։ Պետտուրքո՞վ է, թե՞ մեկ այլ ձև։ Եթե այո, խնդրում եմ կասեք՝ ինչպե՞ս պետք է անել։

Սուրեն․

Հարգելի հաշվապահներ, 2021 թվականին Ա/Ձ- ն իրականացրել է ներկրում ՌԴ -ից, որի արդյունքում առաջացել է ԱԱՀ 200 000 դրամի չափով, ինչը ամբողջությամբ մարվել է: Սակայն ներկրման հայտարարագիրը լրացվել է սխալ, քանի որ հայտարարագրում նշվել է հետաձգված ԱԱՀ: Ա/Ձ- ն 2022 թվականին դադարեձրել է իր գործունեությունը: 2025 թվականի հունվարին էլեկտրոնային համակարգում արտացոլվել է 200 000 ՀՀ դրամ ԱԱՀ պարտավորություն: Խնդրում եմ ասեք՝ ի՞նչ կարելի է անել, որպեսզի նույն հարկը կրկնակի չվճարենք: Հայտարարագրի ճշգրտում անել հնարավոր չէ կատարել, քանի որ լրացնելու պահից անցել է ավելի քան 3 տարի: