ազատում

Արթուր․

Բարև, Ձեզ: Կարո՞ղ եմ աշխատանքից ազատվելու դիմում գրելու օրը նաև հանձնել դիմում-պահանջագիր վերջնահաշվարկ կատարելու մասին, թե՞ պիտի սպասեմ ազատման օրը գա ու եթե գործատերը վերջնահաշվարկ չանի, նոր այդ դիմում-պահանջագիրը հանձնեմ: Նաև խնդրում եմ վերջնահաշվարկի դիմում-պահանջագրի գործող տիպային ձև տրամադրեք: Կանխավ շնորհակալություն:

Արմինե․

Բարև Ձեզ, հարգելի ոլորտի մասնագետներ, խնդրում եմ օգնել ինձ հետևյալ հարցում. օրենքը չի արգելում չէ՞ աշխատանքից ազատել աշխատակցին, ում 2 տարի երեխայի խնամքի արձակուրդը լրացել է, ընդ որում վերջինիս համաձայնությամբ, նա անցնում է այլ աշխատանքի, եթե ԱՕ-ում կա նման արգելքով հոդված կամ ՀՀ կառավարության որոշում, խնդրեմ կգրե՞ք համապատասխան օրենքի հղումը: Կանխավ շնորհակալություն 🙂

Արթուր․

Բարև, Ձեզ: Եթե գործատուն ուշացնում է աշխատավարձը (1 ամիս տալիս է, 1 ամիս չի տալիս, հասավ նրան, որ աշխատողը հուլիսի 20-ի դրությամբ չի ստացել ապրիլ ամսվա աշխատավարձը, մարտ ամսվա աշխատավարձը ստացել է հունիսի 4-ին), կարո՞ղ է դա դիտվել որպես պայմանագրի էական պայմանների խախտում, և դրա հիման վրա աշխատողը աշխատանքից ազատվելու դիմումը ներկայացնի ոչ թե 30 օր առաջ, այլ 5 օր: Բացի դա, կարո՞ղ է արձակման նպաստ պահանջել միջին աշխատավարձի 1 ամսվա չափով (15 տարուց ավել եմ աշխատում): Նաև, ե՞րբ ամենաուշը կարող եմ պահանջել վերջնահաշվարկը, եթե վերջնահաշվարկի պահանջագիրը հանձնվի աշխատանքից ազատվելու դիմումի հետ միասին:

Արմինե Միրզոյան․

Բարև ձեզ: Մի հարց՝ եթե մարդը գնում է հղիության ֆիզարձակուրդի և ունի չօգտագործած 12 օրյա ամենամյա արձակուրդ, կարո՞ղ է 140 օրը լրանալուց հետո կարող է այդ 12 օր արձակուրդը օգտագործել, նոր գնալ մայրության խնամքի: Եվ եթե կարող է օգտագործել մինչ այդ իր տեղը բերած փոխարինող աշխատողի հետ ինչպե՞ս են վարվում, ազատելու՞ են աշխատանքից, թե՞ ոչ :

Էլեն․

Հարգելի հաշվապահներ, այսպիսի մի իրավիճակ, կա նորաբաց շինարարական ընկերություն, որն ունի գրանցված աշխատողներ, սակայն որոնք դեռ աշխատավարձ չեն ստանում, քանի որ աշխատանք չկա փաստացի, բայց պետք է նրանց գրանցված լինելը քանի որ մասնագետների անունով են լիցենզիաների ներդիրները:

Մի քանի օր առաջ հարկայինից ինչ-որ ծանուցում էր եկել, որ աշխատակիցների 189 ձևը 0 ական – ով է հանձնում, և դա ռիսկային (կոնկրետ չգիտեմ ծանուցման բովանդակությունը), հաշվապահը բոլորին ինքնակամ ազատել է՝ առանց տնօրենին զգուշացնելու։

Հիմա ի՞նչ տարբերակներ կարող եք առաջարկել աշխատողներին պահելու մինչև աշխատանք լինելը առանց աշխատավարձ տալու (նրանք բոլորը համատեղ աշխատում և դեմ չեն՝ հասկանալով իրավիճակը) օրենքի սահմաններում, որ հարկայինը ինչ որ անօրինական գործունեություն չդիտարկի, և 2 հարց՝ հաշվապահի քայլը ազատել աշխատողներին մասնագետներին արդյոք լիցենզիան կորցնելու պատճառ չի՞ դառնա։

Լուսինե․

Եթե աշխատողը կալանավորվել է, այդ դեպքում ԱՕ-ի ո՞ր հոդվածով կարող ենք ազատել աշխատանքից։

Տաթև․

Բարև ձեզ։ Եթե աշխատողին ազատել են աշխատանքից, բողոքարկվել է դատարանին։ Մինչև դատարանի որոշումը այլ գործատուի մոտ աշխատանքի անցնելու պարագայում շարունակու՞մ է անձը գտնվել հարկադիր պարապուրդում։

Յանա.

Բարև Ձեզ: Հարգելի հաշվապահներ, խնդրում եմ պատասխանեք, ինչպե՞ս է հաշվարկվում 3-ամյա ֆիզ արձակուրդից վերադարձած աշխատողի վերջնահաշվարկը:

Նարինե․

Բարև ձեզ, աշխատակիցը ընդունվել է աշխատանքի մինչ ներկայիս էլեկտրոնային պայմանագրերի ներդրումը։ Խնդրում եմ ասել՝ ներկայիս փոփոխություններով քայլերի ի՞նչ հերթականությամբ պետք է ազատել աշխատակցին։

Սյուզաննա․

Բարև Ձեզ, խնդրում եմ պատասխանեք: Պայմանագրային զինծառայողի թոշակի անցնելու և աշխատանքից ազատվելու դեպքում հաշվարկվո՞ւմ է վերջնահաշվարկ։

Վահե․

Բարև Ձեզ։

Եթե դասատուն գնացել է ֆիզ․ արձակուրդ, ես ընդունել եմ նոր աշխատող, հիմա երկրորդն է գնում ֆիզ․ արձակուրդ, և հիմնականը գալիս է, ես կարո՞ղ եմ ազատել երկրորդ աշխատակցին։

Կարեն․

Եթե աշխատակիցը 24․12․25թ-ից ազատվում է աշխատանքից, ապա նա նեռարվում է առողջության համընդհանուր ապահովագրության մեջ։

Առողջության համընդհանուր ապահովագրության մասին հոդված

Ռուբեն․

Բարի օր, հարգելի կոլեգաներ։ Կազմակերպությունը լուծարման գործընթացում է գտնվում, ունի 1 աշխատող, որին պետք է ազատի աշխատանքից հունվարի 15-ին: Հունվար ամսվա համար պետք է հաշվարկվի աշխատավարձ մինչև 15-ը աշխատած օրերի և վերջնահաշվարկ: Եկամտայինի հաշվետվությունը և շահութահարկի հաշվետվությունը հենց ա՞յդ օրն եմ տալու։

Շողեր․

Բարև ձեզ: Եթե ես գտնվում եմ փորձաշրջանի մեջ, և իմ հետ կնքել են Աշխատանքային պայմանագիր, և դեռ փորձաշրջանս չի լրացել, ու ցանկանում եմ լուծել պայմանագիրս, նվազագույնը քանի՞ օր շուտ կարող եմ տեղեկացնել տնօրենին:

Սրբուհի․

Բարև Ձեզ։ Խնդրում եմ կասե՞ք՝ ի՞նչ մեխանիզմով պետք է հետպահում արվի այն աշխատակցի համար, ով աշխատել է 3 ամիս, արձակուրդ է գնացել 25 օր և վերադառնալուց 1.5 ամիս հետո ազատվել։

Քրիստինե․

Բարև Ձեզ, խնդրում եմ պատասխանել հարցիս. Եթե աշխատողը օգտվել է իրեն հասանելիք ամենամյա արձակուրդից և դրանից հետո աշխատել 3 ամիս, հարցս հետևյալն է. արդյո՞ք այդ դեպքում պետք է կատարել վերջնահաշվարկ։

Վիկա․

Բարև Ձեզ։ ՍՊԸ–ն պետք է անժամկետ դադար տրվի, ունի տնօրեն և մեկ աշխատող։ Երկուսին էլ պետք է ազատեմ, վճարեմ վերջնահաշվարկ (չօգտագործված արձակուրդային օրերի համար)։ Իսկ արձակման նպաստ վճարվելու՞ է։

Մարիամ․

Բարև Ձեզ, մի հարց՝ եթե աշխատողի հետ կնքվել է որոշակի ժամկետով պայմանագիր, և այդ ընթացքում աշխատողը եղել է հղիության և ծննդաբերության արձակուրդում, հետո մինչև 3 տարեկան երեխայի խնամքի արձակուրդում, արդյո՞ք գործատուն իրավունք ունի ազատելու նրան աշխատանքից պայամանագրի ժամկետը լրանալու հիմքով:

Կարինե․

Բարև ձեզ։ Եթե հաստիքը կրճատվում է, և 2 ամիս առաջ գրավոր տեղեկացրել են, ապա 2 ամիս աշխատելուց հետո աշխատանքից ազատվելիս ստանալու եմ ևս մեկ ամսվա միջին աշխատավարձ և դրան գումարած եթե ունեմ չօգտագործված արձահուրդ ևս ստանալու եմ վերջնահաշվա՞րկ։ Խնդրում եմ պատասխանի իրավաբան՝ նշելով բոլոր իրավական հիմքերը։ Նախապես շնորհակալություն։

Մանե․

Բարև ձեզ։ Կազմակերպությունում գրացված աշխատակիցը պետք է մեկնի ժամկետային զինվորական ծառայության։ Կասե՞ք՝ ինչպե՞ս պիտի վարվենք տվյալ աշխատակցի հետ՝ ազատե՞նք, թե՞ տարկետում ձևակերպենք։

Էմմա․

Բարև ձեզ, հարցս հետևյալն է․ աշխատողը գողություն է արել և դրա համար ազատվել է աշխատանքից՝ ՀՀ ԱՕ-ի 113-րդ հոդվածի 6-րդ կետով, ճի՞շտ է արդյոք այդ կետի կիրառումն այս դեպքում, եթե՝ ոչ, ո՞րն է պետք նշել։ Ո՞նց պետք է հրամանի ձևակերպումը տալ։ Եթե նման դեպքի համար ունեք ինչ-որ հրամանի ձևանմուշ, գոնե մոտավոր գրեք էլի։ Կանխավ շատ շնորհակալ եմ։

Յանա․

Բարև բոլորին: Հարգելի հաշվապահներ, աշխատողն աշխատանքի չի ներկայանում, անաշխատունակության թերթիկ չի բերում: Ո՞րն է ազատման կարգը այս պարագայում: Եվ քանի՞ օրվա ընթացքում պետք է վճարել վերջնահաշվարկը: Շնորհակալ եմ:

Կիմա․

Բարև ձեզ, հարգելի մասնագետներ, խնդրում եմ ասեք. 

Դպրոցի աշխատակիցը 31.12.2024թ․ -27.01.2025թ․  բերել է անաշխատունակության թերթիկ, աշխատանքի ներկայանալ 28.01.2025թ, սակայն 26.01.2025թ․ նորից վատացել է ու մինչ օրս գտնվում է հիվանդանոցում։ Հիվանդանոցից չի բերել անաշխատունակության թերթիկ, միայն տեղեկանք, որ բուժվում է այս հիվանդանոցում։

Հարցս հետևյալն է․ աշխատակցին պետք է ազատել աշխատանքից, արդեն 3 ամիս չի ներկայացել աշխատանքի (ասեմ, որ առաջին բյուլետենը վճարվել է, եթե բերի բյուլետեն՝ կվճարվի նաև վերջին երկու ամիսը)։ Շնորհակալություն։ 

Ռուզան․

Բարև Ձեզ։ Ես աշխատանքից ազատման դիմում եմ գրել փետրվարի 20-ին՝ մարտի 1-ից աշխատանքից ազատելու համար։ Դիմումս հետ են ուղարկել մարտի 12 ին՝ նշելով, որ ուղղակի նպատակահարմար չէ։ Մինչ այդ որևէ պատասխան չի տրվել ինձ։ Արդյո՞ք իրավունք կա այդքան ուշացման և նմանատիպ պատասխանի։ Եվ կարո՞ղ եմ ես տվյալ դեպքում չներկայանալ աշխատանքի։

Գոհար․

Բարև Ձեզ, հարգելի մասնագետներ, օգնեք խնդրում եմ. Աշխատողն ընկերության մեքենան վթարի է ենթարկել, վնասել է մեքենայում եղած բեռը, չի տեղեկացրել ոչ ԱՊՊԱ-յին, ոչ գործատուին, նախապես կանխիկ գումար է վերցրել տնօրենից պարտքով: Երբ տնօրենն իմացել է պատահածի մասին, փոխհատուցում է պահանջել, աշխատողը դիմել է շանտաժի, իբր իրեն սպառնացել են, ծեծել են: Գործատուն աշխատանքից ազատման ի՞նչ ընթացակարգ պետք է վարի, արդյո՞ք 113-րդ հոդվածի 6-րդ կետը հիմք չէ առանց ծանուցման և կարգապահական տույժերի հեռացման։

Արմինե․

Բարև Ձեզ, հարգելի ոլորտի մասնագետներ, խնդրում եմ օգնել հետևյալ հարցում. եթե աշխատանքային պայմանագիրը գործատուն կարող է լուծել 113-րդ հոդվածի 1-ին մասի 2-րդ կետի և 113-րդ հոդվածի 2-րդ մասի նախատեսված հիմքերով, եթե իր մոտ առկա հնարավորությունների սահմաններում աշխատողին առաջարկել է նրա մասնագիտական պատրաստվածությանը, որակավորմանը, առողջական վիճակին համապատասխան այլ աշխատանք, իսկ աշխատողը հրաժարվել է առաջարկված աշխատանքից: Գործատուի մոտ համապատասխան հնարավորությունների բացակայության դեպքում պայմանագիրը լուծվում է առանց աշխատողին այլ աշխատանք առաջարկելու, ապա՝ տվյալ պարագայում կրկին ծանուցու՞մ է 2 ամիս առաջ և վճարելու՞ է աշխատավարձ: Նախապես շնորհակալություն։

Արտյոմ․

Բարև Ձեզ”

Ես 15.07.2022 թ-ից մինչև 15.12.24թ գտնվել եմ հարկադիր պարապուրդում։ Վերականգնվել եմ 16.12.2024 թ.- ին և իմ դիմումի համաձայն դուրս եմ եկել աշխատանքից 24.12.24թ։ Ուզում եմ իմանալ՝ վերջնահաշվարկի համար հարկադիր պարապուրդի ամբողջ ժամանակահատվածը հաշվարկվու՞մ է որպես չօգտագործված արձակուրդային օր և պե՞տք է այդ ժամանակահատվածի համար տրամադրվի վերջնահաշվարկ։

Արմեն․

Բարև ձեզ։ Աշխատողին պետք է աշխատանքից ազատել Աշխատանքային օրենսգրքի 113 հոդվածի 1-ին մասի 2-րդ կետի հիմքով։ Աշխատողին պետք է տրամադրել ծանուցում, հետո ազատել աշխատանքից հրամանի համաձայն։ Խնդիրը կայանում է նրանում, որ աշխատողը գտնվում է արտերկրում, և պետք է նրան ծանուցել տեսազանգի և մեյլի միջոցով։ Ինչպե՞ս ստեղծել իրավական ճիշտ հիմքեր։ Արդյո՞ք խնդիր կառաջանա, եթե աշխատողը հրաժարվի ստորագրել աշխատանքից ազատման հրամանը։

Աննա․

Բարև Ձեզ: Հարցս հետևյալն է՝ եթե աշխատողի հաստիքը փակվում է, բայց նրան առաջարկվում է այլ հաստիք նույն կազմակերպությունում նախքինից ցածր աշխատավարձով: Ինչպե՞ս ճիշտ վարվել այս դեպքում, արդյո՞ք ճիշտ կլինի նրան ծանուցել հաստիքի կրճատման մասին և կնքել համաձայնագիր աշխատանքային պայմանագրում փոփոխություններ կատարելու վերաբերյալ:

Սանյա․

Ոստիկանության ծառայողին հաստիքի կրճատման հիմքով ազատելիս արձակման նպաստ վճավու՞մ է։