Սարիբեկ.
Հարգելի գործընկերներ, եթե աշխատողը կատարել է հաստիքացուցակում նշված գործառույթներից ավել աշխատանք (աշխատանք, որը նախատեսված է եղել այլ հաստիքով, որը կրճատվել է)` այդ դեպքում աշխատողը կարո՞ղ է աշխատավարձի ավելացման հարց բարձրացնել, թե՞ ոչ: Կանխավ շնորհակալ եմ։
Այո, համաձայն ԱՕ Հոդված 188.Աշխատանքի վարձատրությունը աշխատանքի ծավալի ավելացման դեպքում
1. Եթե սահմանված նորմաների համեմատությամբ ավելանում է աշխատողի աշխատանքի ծավալը, ապա նրա աշխատանքը վարձատրվում է կատարված աշխատանքի ծավալին համապատասխան:
Եթե այդ հաստիքը կրճատվել է և էլ գոյություն չունի, այդ դեպքում չի կարող, իսկ եթե ուղղակի հաստիքը կա և հարմար աշխատող դեռ չկա, ժամանակավոր զբաղեցնում է՝ այդ դեպքում կարող է աշխատավարձի բարձրացում պահանջել:
Այո, աշխատողը իրավունք ունի աշխատավարձի ավելացման հարց բարձրացնելու:
Այո, իհարկե,աշխատանքի ծավալը ավելանում է:
Կարող է պահանջել լրավճար կամ պարգևատրում,
Եթե այդ աշխատանքի ծավալը ավելացել է մեկ ամսով, կարող եք պարգևատրել, բայց քանի որ հաստիք է կրճատվել, ուստի աշխատանքի ծավալի ավելացման համար պետք է աշխատավարձ բարձրացվի։
Այո, ղեկավարվելով ՀՀ 188 հոդվածի դրույթներով, աշխատանքի ծավալների ավելացման կապակցությամբ Գործատուն իր հայեցողությամբ կարող է վճարել լրացուցիչ աշխատավարձ: