Մարինե.
Բարև Ձեզ: Կարո՞ղ եմ աշխատավարձից պահում անել, եթե աշխատողը չի ներկայացել աշխատանքի և հիվանդության թերթիկ չի բերել։ ԱՕ-ում հիմք չգտա, եթե կա՞, խնդրում եմ տալ հղում։
Կայք հաշվապահների համար և ոչ միայն
Կայք հաշվապահների համար և ոչ միայն
Եթե աշխատողը չի ներկայացել աշխատանքի` ի՞նչ աշխատավարձի մասին է խոսքը: Այդ օրերի համար դնում եք բացակա և չեք վճարում: Տնօրենը առանց հիմքի/դիմումի/ կարող է այդ աշխատողին ազատել աշխատանքից` բացակայությունների պատճառով, աշխատանքային օրենսգրքում կա կետ դրա մասին:
Հոդվածը կասե՞ք:
ԱՕ Հոդված 113.Աշխատանքային պայմանագրի լուծումը գործատուի նախաձեռնությամբ
1. Գործատուն իրավունք ունի աշխատողի հետ լուծելու անորոշ ժամկետով կնքված աշխատանքային պայմանագիրը, ինչպես նաև որոշակի ժամկետով կնքված աշխատանքային պայմանագիրը նախքան դրա գործողության ժամկետի լրանալը անհարգելի պատճառով ամբողջ աշխատանքային օրվա (հերթափոխի) ընթացքում աշխատողի աշխատանքի չներկայանալու դեպքում:
Կարող եք աշխատավարձից պահում անել, սակայն բացակայելու պատճառների մասին բացատրագրի հիման վրա, որ անհարկի չլինի, այլ հիմնավոր: Կամ եթե համաձայն եք կողմերով, չվճարվող արձակուրդ ձևակերպեք, ստաժի հաշվարկը որ չխախտվի:
ԱՕ-ով հոդված չգտա, որ կարելի է աշխատավարձից պահում անել։ Եվ պահում անելու դեպքում ինչպե՞ս արձանագրել փաստաթղթով։
Նայեք 213-218,220-230 հոդվածները,դրա համար եմ գրել որ պետք է ներկայացնի բացատրագիր. Հոդված 226.
Կարգապահական տույժի կիրառման կարգը 1. Մինչև կարգապահական տույժի կիրառումը գործատուն պետք է աշխատողից գրավոր կերպով պահանջի խախտման մասին գրավոր բացատրություն՝ տրամադրելով ողջամիտ ժամկետ: Եթե գործատուի սահմանած ողջամիտ ժամկետում աշխատողն առանց հարգելի պատճառների չի ներկայացնում գրավոր բացատրություն, ապա կարգապահական տույժը կարող է կիրառվել առանց գրավոր բացատրության:
Եթե չի ներկայացել, դնում եք անհարգելի բացակա և չեք վճարում։
Աշխատավարձը օրենքով, իրավական այլ ակտերով սահմանված կամ աշխատանքային պայմանագրով նախատեսված աշխատանքները կատարելու դիմաց աշխատողին վճարվող հատուցումն է:
Շնորհակալություն
Հարգելի Մարինե, դուք կարող եք չաշխատած օրերի համար պահել աշխատավարձից, բայց կարող է լինել հարգելի պատճառով բացակայություններ, որի դեպքում պահում չեն անում, պարզաբանեք Ձեր տնօրենի հետ:
Շնորհակալություն
Համաձայն ՀՀ ԱՕ 113 հոդվածի 9-րդ կետի. անհարգելի պատճառով ամբողջ աշխատանքային օրվա (հերթափոխի) ընթացքում աշխատողի` աշխատանքի չներկայանալու դեպքում։
Համաձայն ՀՀ ԱՕ 113 հոդվածի 9-րդ կետի. անհարգելի պատճառով ամբողջ աշխատանքային օրվա (հերթափոխի) ընթացքում աշխատողի` աշխատանքի չներկայանալու դեպքում Գործատուն իրավունք ունի լուծել աշխատանքային պայմանագիրը աշխատողի հետ։
Եթե աշխատանքից բացակայելը աշխատողի մեղքով է կամ անհարգելի, Դուք իրավունք ունեք աշխատավարձ չհաշվարկեք, առանձին դեպքում կարող եք աշխատանքից ազատել:
Անհարգելի բացակայության հիմքով այդ օրերի համար չեք վճարում։