Լուսինե.
Բարև ձեզ։ Սեպտեմբերի 30-ից գտնվում եմ ֆիզարձակուրդում, անաշխատունակության թերթիկը ներկայացրել եմ աշխատավայր, բայց դեռ չեմ վճարվել։ Ցանկանում եմ իմանալ` արդյո՞ք գոյություն ունի ժամանակ, որի ընթացքում պետք է ստանամ նպաստը։ Եվ եթե մասնավոր հիմնարկ է, հնարավո՞ր է, որ չվճարեն։ Գրանցված աշխատող եմ։
Բարև Ձեզ։ Օրենքի համաձայն՝ վարձու աշխատողի նպաստը հաշվարկում, նշանակում և վճարում է գործատուն՝ անհրաժեշտ փաստաթղթերը ներկայացնելուց հետո՝ առաջիկա աշխատավարձի վճարման համար օրենսդրությամբ սահմանված ժամկետում։ Եթե գրանցված աշխատող եք, ապա գործատուն չի կարող չվճարել մայրության նպաստը։
Իսկ եթե անձնագրում ունեմ փաստացի հաշվառման հասցե, դա կարո՞ղ է խոչընդոտ հանդիսանալ մայրության և խնամքի նպաստից օգտվելու համար, և նշեմ,որ անձնագրում նշված հասցեում ներկա պահին չեմ ապրում։
Անձնագրի հասցեն նպաստի հետ կապ չունի, իսկ նպաստը ըստ օրենքի պետք է արդեն ստացած լինեիք, մի հատ հարցրեք ինչի չեն վճարում, պատճառը:
Նպաստը պետք է ստացած լինեիք սեպտեմբերի աշխատավարձի ժամանակ, եթե համապատասխան թղթերը ներկայացրել եք գործատուին:
Սեպտեմբերի 30-ին ներկայացրած մայրության նպաստի թերթիկը կարող է վճարվել սեպտեմբեր ամսվա աշխատավարձի հետ միասին, վճարումը կարող է ընկնել հոկտեմբեր ամսվա մեջ: