Մարիամ.
Բարև ձեզ, հարգելի հաշվապահներ։
Կխնդրեմ՝ ինձ օգնեք կողմնորոշվել, թե ինչքան վերջնահաշվարկ է ինձ սպասվում։ 01.06.20թ.֊ին պատրաստվում եմ ազատման դիմում ներկայացնել։ Ըստ պայմանագրի և գրանցված աշխատավարձս 80 000 դրամ է։ Փաստացի ավելի բարձր է։ Վերջնահաշվարկն ըստ գրանցվա՞ծ աշխատավարձի է արվում, թե՞ փաստացի։ 2020 թվականին արձակուրդ չեմ վերցրել։ Համաճարակի պատճառով 1 ամիս հարկադրված պարապուրդի եմ գնացել, որը չի վճարվել։ Կանխավ շնորհակալություն օգնության համար։
Վերջնահաշվարկը կատարվում է ըստ գրանցված աշխատավարձի, բացի դրանից դուք չեք նշել, թե երբվանից եք աշխատում, կամ ավելի ճիշտ, որ ժամանակահատվածի համար պետք է հաշվարկել հասանելիք արձակուրդի օրերի քանակը։
Ամենամյա արձակուրդը չօգտագործելու համար դրամական հատուցումը վճարվում է աշխատանքային պայմանագիրը լուծելիս: Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակով: Հատուցումը վճարվում է չօգտագործված բոլոր արձակուրդների համար:
Բարև ձեզ, հարգելի Ալլա։ Շնորհակալություն հարցին պատասխանելու համար։
Կազմակերպությունում գրանցված աշխատող եմ 01.06.2019թ.-ից։
01.06.2020թ.-ին պատրաստվում եմ ազատման դիմում գրել։
Գրանցված աշխատավարձս 80 000 դրամ է։
2020թ.-ին արձակուրդ չեմ վերցրել։
ԿԽՆԴՐԵՄ՝ ինձ օգնեք հաշվել վերջնահաշվարկի գումարի չափը։
Կանխավ շնորհակալություն:
Բարև Ձեզ, Մարիամ։ Նախ նշեմ, որ վերջնահաշվարկը կատարվում է ըստ գրանցված աշխատավարձի։ Նախ հաշվարկվում է միջին ամսական աշխատավարձը, որը Ձեր դեպքում 80 000 է, եթե այլ հավելավճարներ ու պարգևավճարներ չեք ստացել, այնուհետեև հնգօրյա աշխատաժամանակի դեպքում բաժանվում է 21-ի, իսկ վեցօրյայի դեպքում՝ 25-ի, և բազմապատկվում հասանելիք արձակուրդային օրերի քանակով։ Սա չօգտագործված արձակուրդի մասով է, որն, ընդունենք, Ձեր դեպքում 20 օր է (իրականում կարող եք ճշտել գործատուից, որքան չօգտագործված արձակուրդային օրեր ունեք)։
Եվ այսպես, 80 000 / 21 * 20 = 76 190
Վերջնահաշվարկը իրենից ներկայացնում է չօգտագործված արձակուրդի փոխհատուցումը + չվճարված աշխատավարձը (Ձեր դեպքում դա կլինի մայիս ամսվա աշխատավարձը, քանի որ նշել եք, որ 01.06.2020թ․ ցանկանում եք ազատվել աշխատանքից)։
Հավանաբար 80 000 դրամ ստանում եք ըստ գրանցվածի, քանի որ 68 000 դրամից պակաս չպետք է լինի աշխատավարձը: Այս դեպքում հաշվարկային մեծությունը 108 725 դրամ կլինի, վերը նշված հաշվարկը կկատարվի դրա նկատմամբ, բայց կբազմապատկվի ոչ թե 20-ով, այլ Ձեր չօգտագործած արձակուրդի օրերի թվով, որից էլ կնվազեցվի 23 տոկոս եկամտային հարկ, 2.5 տոկոս սոցիալական վճար։