«

»

Июн 08 2020

Նպաստների հաշվարկման ժամանակ արդյո՞ք հաշվի են առնվում բոլոր ամիսները

Անուշ.

Բարև ձեզ: Նպաստների հաշվարկման ժամանակ հաշվի՞ են առնվում բոլոր ամիսները (անկախ նրանից՝ այդ ամսին աշխատողը եղել է արձակուրդում, թե ոչ), և արձակուրդայինի ստացած գումարը գումարվու՞մ է ԱՎՈՒՄ-ին։

Ֆեյսբուքյան մեկնաբանություններ

7 մեկնաբանություն

Перейти полю для комментария

  1. Meri
    Meri

    Վարձու աշխատողի միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկու հերթական օրացուցային ամիսների (այսուհետ` հաշվարկային ժամանակահատված) համար տվյալ գործատուի կողմից վարձու աշխատողին վճարված (վճարման ենթակա) եկամուտը տասներկուսի բաժանելու միջոցով: Սույն մասի իմաստով եկամուտ են համարվում սույն օրենքով սահմանված նպաստը, ինչպես նաև եկամտային հարկի հաշվարկման օբյեկտ համարվող` Հայաստանի Հանրապետության օրենսդրությամբ սահմանված աշխատավարձը և դրան հավասարեցված այլ վճարումները:

  2. Tigran
    Tigran

    Նպաստների հաշվարկման ժամանակ, այո, հաշվի են առնվում նախորդող բոլոր 12 ամիսները, այդ թվում արձակուրդայինի ստացած գումարը ևս ներառվում է:

    1. Аватар
      Lianna Telunts

      Տիգրան, իսկ պարգևատրումը նու՞յնպես գումարվում է այդ ամսվա աշխատավարձին, թե՞ 1/12-րդ մասով է մտնում հաշվարկի մեջ:

      1. Tigran
        Tigran

        Լիաննա, քանի որ միջին աշխատավարձի հաշվարկման կարգը միասնական է, այո, միջինի հաշվարկում պարգևատրումները պետք է վերցնել 1/12-ի չափով:

  3. Karine
    Karine

    Միջին ամսական աշխատավարձը հաշվարկելիս վերցնում են նախորդ 12 ամիսներին հաշվարկած, այդ թվում նաև արձակուրդային վճարներների միջին ամսական թիվը։

  4. Аватар
    Դավիթ

    Հարգելի գործընկերներ, արդյո՞ք և՛ անաշխատունակության, և՛ մայրության նպաստների ժամանակ նույն ձև է հաշվարկվում միջին աշխատավարձը, թե՞ միայն մայրության նպաստի դեպքում են հաշվի առնվում բոլոր ամիսները, իսկ անաշխատունակության նպաստի հաշվարկման ժամանակ չեն ներառվում այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում:

  5. Tigran
    Tigran

    Անաշխատունակության նպաստի հաշվարկման ժամանակ ևս ներառվում են այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում: Այո, կա մի քիչ թյուրըմբռնման խնդիր այն հաշվով, որ նպաստների ժամանակ հաշվի են առնվում բոլոր եկամուտները, իսկ արձակուրդայինի ժամանակ չպետք է ներառվեն այն ամիսները, որոնց ընթացքում աշխատողը եղել է ժամանակավոր անաշխատունակության մեջ և (կամ) արձակուրդում և (կամ) ոչ իր մեղքով պարապուրդում:

Մեկնաբանել

Վաստակի՛ր գումար՝ այս նյութը մեկնաբանելով

Աջակցություն կայքին idram ID 796528160