Գայանե.
Շնորհակալություն մեր հարցերին պատասխանելու համար։
Եթե աշխատողը ֆիզարձակուրդում է և իր 140 օրը լրացել է, բայց ինքը չի ներկայացնում դիմում, կարո՞ղ եմ իր անաշխատունակության թերթիկը հիմք ընդունել և համարել աշխատանքի մեջ:
Կայք հաշվապահների համար և ոչ միայն
Պետք է կապ հաստատել աշխատողի հետ, թեկուզ օնլայն պետք է դիմում ուղարկի, որ խնդրում է երեխայի համար նախատեսված արձակուրդ, կարող է մինչև անգամ լինի բարդ ծննդաբերություն և երկարացվի անաշխատունակության թերթիկը:
ԱՕ Հոդված 114.Գործատուի նախաձեռնությամբ աշխատանքային պայմանագիրը լուծելու արգելքը
1. Աշխատանքային պայմանագրի լուծումը գործատուի նախաձեռնությամբ արգելվում է հղի կանանց հետ հղիության մասին գործատուին տեղեկանք ներկայացնելու օրվանից մինչև հղիության և ծննդաբերության արձակուրդի ավարտման օրվանից հետո մեկ ամիսը լրանալը.
2. Եթե աշխատողը սույն հոդվածի 1-ին մասով նախատեսված ժամանակահատվածների ավարտից հետո չի ներկայանում աշխատանքի, ապա գործատուն սույն գլխով նախատեսված հիմքերով կարող է լուծել աշխատանքային պայմանագիրը:
Հարգելի Գայանե, աշխատակիցը արդեն գտնվում է երեխայի խնամքի արձակուրդում, ներկայացրեք գրանցման հայտը, որպեսզի կարողանա երեխայի խնամքի նպաստ ստանալ։ 140 օր հետո նա չպետք է վերադառնա աշխատանքի, եթե իհարկե իր ցանկությամբ չվերադառնա։ Եվ իրեն նույնպես տեղյակ պահեք, որ դիմի սոց. ապ. ծառայության իր տարածքային բաժին՝ նպաստը ստանալու համար։
Կապնվեք, պարզեք թե ինչու՞ չի ներկայանում կամ երեխայի խնամքի արձակուրդի դիմում չի ներկայացնում, երկու կողմերիդ համար էլ կարևոր է, ազատել չեք կարող: