Category: Հարց ու պատասխան

Հասմիկ.

Բարև ձեզ։ Ուսանողական տարիների առկա ուսուցումը համարվո՞ւմ է ստաժ, և ավարտելուց հետո կարո՞ղ եմ համալսարան ներկայանալ, որպեսզի աշխատանքային գրքույկում գրանցվի։

Կանխավ շնորակալություն:

Նարինե.

Բարև ձեզ, կոլեգաներ:

Չվճարվող արձակուրդի դեպքում հրաման տալի՞ս ենք, թե՞ ոչ:

Գայանե.

Բարև ձեզ: Արդյո՞ք օրենքի խախտում է աշխատող ազատել և ընդունել աշխատող մեկ հրամանով:

Դիանա.

Բարև ձեզ։ Կարո՞ղ եք ասել, թե պարգևատրումը միջին ամսականի մեջ ինչպես է հաշվարկվում՝ արձակուրդայինի հաշվարկման համար:

Արմինե.

Աշխատողն ամենամյա հերթական արձակուրդում գտնվելու ժամանակահատվածում մահացել է։ Մահվան նպաստ, արձակուրդի ավել օրերի հետ պահում, ինչպիսի՞ քայլեր պետք է կատարվեն:

Սահակ.

Բարև ձեզ: Ուզում էի իմանալ՝ արդյոք հիմա անհրաժեշտություն կա՞ հրամանագիրք վարելու։ Լինելու կամ չլինելու դեպքում էլ խնդրում եմ օրենքի հղում կատարել։ Շնորհակալություն:

Արմեն.

Բարև ձեզ։ Կասեք, խնդրեմ, նոր բացվող ԱՁ-ն, որը զբաղվելու է թեյի, սուրճի և չորամրգերի արտադրությամբ, ԵԱՏՄ մտնելու համար ի՞նչ ընթացակարգ պետք է անցնի, կխնդրեմ՝ մանրամասն ներկայացնեք զրոյից:

Կանխավ շնորհակալ եմ։

Գոհար.

Բարև ձեզ, հարգելի հաշվապահներ։ Եթե աշխատակիցը վնասել է իրեն տրամադրված նոութբուքը, նա վնասը պետք է փոխհատուցի գույքի մնացորդային արժեքո՞վ, թե՞ սկզբնական արժեքով։ Նախապես շնորհակալություն։

Կարինե.

Հարգելի հաշվապահներ, ասեք, խնդրում եմ, եթե գնում ես արձակուրդ քո հաշվին, ապա տարեկան հասանելիք արձակուրդից օրեր կրճատվու՞մ են։

Սիրանուշ.

Բարև ձեզ: Կարո՞ղ եք ինձ օգնել՝ ինչպես ուղարկել շահութահարկի էլեկտրոնային հաշվետվություն, եթե տվյալ ՀՈԱԿ-ը չի իրականացնում շահութահարկով գործարքներ, այսինքն՝ պետք է լինի 0 բոլոր դաշտերում, բայց ոչ մի կերպ չի ստացվում։

Կանխավ շնորհակալ եմ։

Արեգ.

Բարև ձեզ: Շրջանառության հարկ վճարող ԱՁ եմ:

Նամակ եմ ստացել ՊԵԿ-ից առ այն, որ 2018թ.-ի համար շահութահարկի և սոց. վճարների հաշվետվություններ չեմ ներկայացրել: ՊԵԿ-ում ասացին, որ պետք է լրացնել 240 և 244 ձևերը ու վճարել 60 հզ + 60 հզ համապատասխանաբար շահութահարկի և սոց. վճարի համար:

2 հարց`
1. ճի՞շտ եմ հասկանում, որ 240-ի 107 կետում ընտրում եմ 60 000 և միայն այս կետն եմ լրացնում:
2. 244-ում որպես շահութահարկի բազա ի՞նչ է պետք լրացնել:

Աստղիկ.

Բարև ձեզ, խնդրում եմ, օգնեք: Աշխատանքի եմ ընդունվել 01.08.2018թ., ազատվել եմ 01.06.2019թ.: Չեմ օգտագործել ինձ հասանելի արձակուրդը (22 օր): Արդյո՞ք ես հանգիստ կարող եմ գործատուից պահանջել արձակուրդային գումար։ Եվ ի՞նչ հիմքեր կարող է ներկայացնել նա չվճարելու համար։

Սիրանուշ.

Բարև ձեզ, հարգելի գործընկերներ:

ՍՊԸ-ն պատրաստվում է զբաղվել բեռնափոխադրումներով դեպի Ռուսաստան և Վրաստան, ինչպես նաև զբաղվում է սալաքարերի արտադրությամբ: Ես ՍՊԸ-ի հաշվապահություն առաջին անգամ եմ անելու, ինչի՞ց սկսեմ ու ի՞նչ ժամկետներում, և ի՞նչ հարկատեսակներ պետք է վճարվի հարկային մարմին:

Արաքսյա.

Բարև ձեզ: Ես ուզում եմ իմանալ՝ ներառական կրթության գործընթացում աշխատող լոգոպեդի շաբաթական աշխատաժամանակը որքան է: Ես կարո՞ղ եմ հիմք ընդունել ՀՀ կառավարության 2007 թվականի փետրվարի 1-ի N 201-Ն որոշման N 5 հավելվածը։

Գևորգ.

Բարև ձեզ։

Հասարակական կազմակերպությանը պետությունը պարտադիր կերպով գույք և աշխատասենյակ տրամադրու՞մ է, թե՞ ոչ։ Եվ​ ՀԿ նախագահը ստանու՞մ է պետության կողմից աշխատավարձ, թե՞ ոչ (եթե չի զբաղվում ձեռնարկատիրությամբ):

Կանխավ շնորհակալ Եմ։

Կարինե.

Բարև ձեզ: Ո՞վ ունի Տեղական ինքնակառավարման վերջին գործող օրենքը, խնդրում եմ, ուղարկեք իմ մեյլին՝ semjonovka շնիկ list.ru: Շնորհակալություն:

Սիրվարդ.

Բարև ձեզ: Հարցս հետևյալն է՝ կարո՞ղ է առևտրով զբաղվող ՍՊԸ-ն իր շահութահարկի հաշվին որոշակի բարեգործություն կատարել:

Մանվել.

Բարև ձեզ։ Ասացեք, խնդրեմ, արտադրանքի ինքնարժեքի մեջ ներառվող աշխատավարձի ծախսումները ի՞նչ համամասնությամբ են արտացոլվում, ինչպե՞ս են հաշվարկվում:

Լիլիթ.

Բարև ձեզ: Ներեցեք, եթե երեխայի խնամքի նպաստը թղթերը ձևակերպելու պատճառով առաջին ամիսը չենք ստացել, կասե՞ք՝ այդ գումարը երբ կարող ենք ստանալ:

Սուսաննա.

Բարև ձեզ: Ես մայիսի 2-24-ի համար ներկայացրել եմ անաշխատունակության թերթիկ, քանի որ հիվանդ եմ եղել։ Իմ մաքուր աշխատավարձը 85 398 դրամ է, իսկ կեղտոտը` մոտ 112 000 դրամ։ Չէի՞ք ասի, թե որքան գումար պետք է ստանամ այս ամիս, ինչպե՞ս է դա հաշվարկվում։

Շնորհակալություն։

Նարինե.

Բարև ձեզ: Խնդրում եմ, ինձ մի հարցով օգնեք: Եթե աշխատողի հետ կնքել ենք քաղաքացիաիրավական պայմանագիր, որքա՞ն պետք է լինի եկամտային հարկը, և հանձնման-ընդունման արձանագրության մեջ պե՞տք է ներառվի նաև հարկի չափը, թե՞ զուտ եկամուտը:

Նախապես շնորհակալություն:

Բարև ձեզ, կասե՞ք՝ կինը քանի՞ ամսվա գրանցված աշխատող պետք է լինի, որպեսզի կարողանա ստանալ ֆիզ. արձակուրդի գումարը:

Ռուզաննա.

Բարև ձեզ: Խնդրում եմ, պատասխանեք: Եթե աշխատողը գործից ազատվել է մայիսի 2-ին, ազատման հայտը ուղարկել եմ հենց այդ օրը, ի՞նչ եք կարծում՝ ճի՞շտ եմ արել: Նախապես շնորհակալություն:

Սրբուհի.

Ինչպե՞ս հաշվել անաշխատունակության թերթիկը:

Արմինե.

Բարև ձեզ։ Ուզում եմ ճարտարապետական նախագծային կազմակերպություն հիմնել։ Կհուշե՞ք՝ ինչպես ավելի ճիշտ կլինի աշխատել՝ որպես Ա/Ձ՞, թե՞ ՍՊԸ։

Քրիստինե.

Բարև ձեզ: Քաղաքացիաիրավական պայմանագիրը լրանալուց հետո կարո՞ղ ենք պայմանագիրը երկարացնել որոշակի ժամկետով` կնքելով համաձայնագիր աշխ. պայմանագրում փոփոխություն և լրացում կատարելու մասին:

Շնորհակալություն:

Լևոն.

Բարև ձեզ: Կարո՞ղ եք ասել՝ արդյո՞ք գործատուն իրավունք ունի չտալ վերջնահաշվարկ՝ պատճառաբանելով, որ ես արձակուրդ եմ գնացել ու նոր եմ ազատվել աշխատանքից:

Նառա.

Կարո՞ղ եք ինձ օգնել հետևյալ հարցի հետ կապված: Առհասարակ ուսուցիչներին ամենամյա արձակուրդը տրամադրվել է հուլիսի 1-ից՝ 48 օրով։ Ինձ հետաքրքրում է՝ կա՞ արդյոք այդպիսի օրենք, որի հիման վրա տնօրենի ժամանակավոր պաշտոնակատարը աշխատակիցների մի մասին հունիսի 1-ից ուղարկի արձակուրդ՝ անկախ նրանից աշխատակիցը դա ուզում է, թե ոչ։ Շնորհակալություն:

Ռուզաննա.

Բարև ձեզ: Խնդրում եմ, ինձ մի հարցով օգնեք: Եթե աշխատողի հետ կնքել ենք քաղիրավական պայմանագիր, նրան աշխատավարձ վճարելուց հարկայինը պետք է հաշիվ ուղարկի՞, կազմենք հանձնման-ընդունման արձանագրություն և գումարը փոխանցենք աշխատողի տարանցիկ հաշվի՞ն: Նախապես շնորհակալություն:

Ասյա.

Բարև ձեզ:

Հարգելի գործընկերներ, եթե ՍՊԸ-ն բացվել է և նորից դադարեցվել է առանց գործունեություն ծավալելու, այժմ լուծարվում է, ի՞նչ հաշվետվություն պետք է ներկայացնի հարկայինին: