Ավելացված արժեքի հարկի և ակցիզային հարկի միասնական հաշվարկի լրացման հետ կապված
Յանա․
260. Ավելացված արժեքի հարկի և ակցիզային հարկի միասնական հաշվարկ հաշվետվությունը լրացնելիս 18-րդ կետը լրացնելիս վերցնում ենք տվյալ ամսում ստորագրված հաշիվ ապրանքագրերը, թե՞ տվյալ ամսում մատակարարվածը: Եթե հունվար ամսվա մատակարարվածը, օրինակ էլեկտրաէներգիան, ստացել եմ փետրվարին, ինչպե՞ս արտացոլեմ հունվար ամսվա հաշվետվության մեջ:
ՌԴ ռեզիդենտ ֆիզիկական անձը տպագրական ծառայություն է մատուցում
Մանե․
Բարև Ձեզ, կարո՞ղ եք օգնել հետևյալ հարցում․ ՌԴ ռեզիդենտ ֆիզիկական անձը տպագրական ծառայություն է մատուցում, որի դիմաց ստանում է վճարում ՀՀ ռեզիդենտ ՍՊԸ-ից։ Հարցս հետևյալն է․ արդյո՞ք առաջանում է եկամտային հարկ վճարման մասով, և խնդրում եմ օրենքի հղում։ Շնորհակալ եմ։
Քաղիրավական պայմանագիր կնքելիս
Անի․
Բարև ձեզ: Հարգելի՛ հաշվապահներ, քաղիրավական պայմանագիր կնքելիս հրաման գրվու՞մ է, և աշխատանքի ընդունման դիմում վերցվու՞մ է աշխատողից, իսկ ազատման ժամանակ հրամա՞ն: Պայմանագիրը պետք է կնքվի 3 ամսով հուլիսի 6-ից, վարձատրությունը՝ 3 ամսվա համար 50 000 դրամ միանվագ պայմանագրի վերջում: Եկամտայինի հաշվետվության մեջ հաջորդող հուլիս և օգոստոս ամիսները ի՞նչ պետք է լրացնել՝ 0, թե՞… ։ Քաղաքացիաիրավական պայմանագրի դեպքում աշխատակցին տաբելի մեջ պե՞տք է ներառել, թե՞…
Կանխավ շնորհակալություն:
Դիզելային վառելիքի ներմուծում և մանրածախ վաճառք
Արթուր․
Բարև Ձեզ։ Դիզելային վառելիքի ներմուծման և մանրածախ վաճառքի հետ կապված ո՞վ կարող է ասել՝ ի՞նչ հարկման դաշտով պետք է աշխատել, և արդյո՞ք անհրաժեշտ է լիցենզիա։
Լրավճար տրամադրելու դեպքում
Լաուրա.
Լրավճար հատկացնելու դեպքում հրամանի մեջ 178-րդ հոդվածի 3-րդ կետի 5-րդ մասը նշելուց բացի այլ հոդված ևս պետք է նշվի՞:
Բուժաշխատողի հերթապահության վերաբերյալ
Լաուրա․
Բարև ձեզ։ Բուժաշխատողը նոր է ընդունվել աշխատանքի, արդյո՞ք կա նման օրենք, որ աշխատողը շաբաթ, կիրակի օրերին չպետք է հերթապահի։
ԱՁ բացելուց հետո գործունեությունը սկսելու դիմում
Դիանա․
ԱՁ-ն բացելուց հետո ինչքա՞ն ժամանակում կարող ենք գործունեության սկսման դիմում՝ 207 ձևը տալ, և մի հարց էլ խնդրում եմ՝ մինչև սկսում տալը նոր գրանցված ԱՁ-ն ի՞նչ կարգավիճակ ունի, հարկեր հաշվարկվու՞մ են։ Նախապես շնորհակալ եմ։
Արդյո՞ք առաջանում է եկամտային հարկի պարտավորություն
Աննա․
Բարև Ձեզ։ Խնդրում եմ ասեք՝ ՍՊԸ-ն եթե ֆիզիկական անձից ձեռք բերի, օրինակ, գրքեր, պե՞տք է եկամտային հարկ հաշվարկվի, թե՞ միայն գնման ակտ ու վերջ։ Ու նաև եթե ձեռք է բերում օֆիսային գույք կանխիկ կամ մեկ այլ ապրանք ոչ վաճառքի նպատակով, այդ դեպքում ՀԴՄ կտրոնի վրա պարտադի՞ր է, որ նշվի ՀՎՀՀ-ն, իսկ եթե չի նշվում, ի՞նչ հետևանքներ կարող է լինել։ Կանխավ շնորհակալ եմ։
Աշխատողը գտնվում է երեխայի խնամքի արձակուրդում
Դիանա․
Խնդրում եմ ասել. եթե ԱՁ-ն ունի 1 աշխատող , որը գտնվում է մինչև 3 տարեկան երեխայի խնամքի արձակուրդում, նրա համար էլ չե՞նք հանձնում 189 ձևը խնամքի արձակուրդ գնալու օրվանից։ Նախապես շնորհակալ եմ։
Էլեկտրոնային պայմանագիր ստանալու համար
Դիանա.
Բարև ձեզ: Խնդրում եմ ասել՝ ԱՁ-ն բացելուց հետո պե՞տք է դիմել հարկային մարմին էլեկտրոնային պայմանագիր ստանալու համար, ինչքա՞ն ժամանակում կստանամ էլեկտրոնային պայմանագիրը: Եվ մի հարց էլ խնդրում եմ՝ էլեկտրոնային պայմանագրում լիազորի կոդերը նույնպես կան, թե՞ դա պետք չի, եթե քո անունով է ԱՁ-ն: Կանխավ շնորհակալ եմ:
Ակցիզային հարկով հարկման ենթակա ապրանքի դեպքում հարկման բազան
Անահիտ․
Բարև ձեզ, հարգելի հաշվապահներ, ակցիզային հարկով հարկման ենթակա ապրանքի դեպքում որպես հարկման բազա ապրանքի նետտո ծավալն է հաշվի առնվում, թե՞ բրուտտո։ Եվ եթե օրենքի հղում կա՝ խնդրում եմ տրամադրեք։
Կանխավ շնորհակալ եմ։
Գործունեությունը վերսկսելու դիմումի օրինակ
Դիանա․
Բարև ձեզ, հարգելիներս, խնդրում եմ ցույց տալ գործունեությունը վերսկսելու դիմումի օրինակ, այն էլեկտրոնայի՞ն է, թե՞ թղթային, և մի հարց էլ խնդրում եմ՝ այդ դիմումը ԱՁ-ն բացելուց հետո էլ է պետք ներկայացնել, թե՞ դադարեցումից հետո գործունեությունը վերսկսելու ժամանակ է միայն պետք։ Նախապես շնորհակալ եմ։
Ջերմոցում աշխատանքը համարվու՞մ է արդյոք առողջության համար վնասակար
Լիլիթ․
Բարև ձեզ: Եթե աշխատանքային շաբաթվա տևողությունը 35 ժամ է, դա կրճա՞տ աշխատանքի տևողություն է։ Ջերմոցում աշխատանքը համարվու՞մ է արդյոք առողջության համար վնասակար։
Անաշխատունակության թերթիկի հաշվառման ձև
Խաթուն․
Անաշխատունակության թերթիկի հաշվառման ձև կասե՞ք՝ ինչպե՞ս ներբեռնենք։
Հիմնական միջոցը ի՞նչ արժեքով է հաշվառվում հաշվեկշռում
Բարև Ձեզ։
Լիզինգի վաղաժամկետ մարումից հետո հիմնական միջոցը ի՞նչ արժեքով է հաշվառվում հաշվեկշռում։
Արդյո՞ք հաշվարկվում է դրոշմանիշային վճար անաշխատունակության նպաստից
Գայանե․
Բարև Ձեզ։ Կասե՞ք՝ անաշխատունակության նպաստից դրոշմանիշային վճար հաշվարկվու՞մ է, թե՞ ոչ։
Հիմնադրամների հաշվետվության վերաբերյալ
Մերի․
Բարև ձեզ։ Հարցս վերաբերում է հիմնադրամի 0-ական հաշվետվության ներկայացմանը։ Կայքում տեղեկացա, որ ներկայացման վերջնաժամկետը հուլիսի 1-ն է։ Ամբողջ 2020-թ-ին հիմնադրամը չի գործել և եղել է վերագրանցման փուլում, ապրիլին կատարվել է գրանցումը։ Հիմա, կարիք կա՞ արդյոք ներկայացնելու հաշվատվություն, և քանի որ ID-ի հետ խնդիր ունեմ, հաշվետվությունը չերկայացնելու դեպքում տույժ/տուգանք կլինի՞ այս պարագայում։
Շնորհակալություն։
Արձակուրդի հաշվարկման համար
Հարգելի հաշվապահներ, արձակուրդի հաշվարկման համար եթե հաշվարկված միջին ամսականը փոքր է նվազագույնից՝ հիմք է վերցվում նվազագույ՞նը:
Ֆիսկալ հասույթի և հասույթի տարբերությունը
Հ.Դավթյան.
Բարև Ձեզ: Խնդրում եմ նշել՝ ֆիսկալ հասույթի և հասույթի տարբերությունը։ Դա նշված է օրինակ այստեղ՝ ԷԼԵԿՏՐՈՆԱՅԻՆ ՀՍԿԻՉ ԴՐԱՄԱՐԿՂԱՅԻՆ ՄԵՔԵՆԱՆԵՐԻ ՏԵԽՆԻԿԱԿԱՆ ՊԱՀԱՆՋՆԵՐԸ 9-րդ կետի 6) և 7) պարբերություններում։ Ստորև՝
6) «հասույթի» բաղադրիչ տարրերի ամփոփ գումարները, ընդհանուր վաճառքի ԱԱՀի գումարը, եթե գործարքն իրականացնողը ԱԱՀ վճարող է, և գործարքը ենթակա է ԱԱՀ-ով հարկման, վերադարձի ԱԱՀ-ի գումարը, եթե գործարքն իրականացնողը ԱԱՀ վճարող է, և գործարքը ենթակա է ԱԱՀ-ով հարկման, ընդհանուր հասույթի գումարն ու հասույթի ԱԱՀ-ի գումարը, եթե գործարքն իրականացնողը ԱԱՀ վճարող է, և գործարքը ենթակա է ԱԱՀ-ով հարկման:
7) «ֆիսկալ հասույթի» բաղադրիչ տարրերի ամփոփ գումարները, ֆիսկալ հասույթի գումարն ու ֆիսկալ հասույթի ԱԱՀ-ի գումարը, եթե գործարքն իրականացնողը ԱԱՀ վճարող է, և գործարքը ենթակա է ԱԱՀ-ով հարկման:
Արդյո՞ք պետք է շահութահարկի հաշվետվություն ներկայացնել
Մարինե.
Եթե միկրոյով աշխատող ԱՁ զբոսավար է, որը 2020-ի ընթացքում գործունեություն չի ծավալել ու փետրվարին հայտով դադարեցրել է գործունեությունը, սակայն կորոնայի ընթացքում աջակցություն է ստացել, պե՞տք է այդ մասով մինչեւ 2021-ի ապրիլի 20-ը շահութահարկի հաշվետվություն տար (որը մինչ այդ չէր ներկայացնում) եւ շահութահարկ վճարեր ստացված աջակցության համար:
Օրենքի ո՞ր կետով կարելի է պարտքն անհուսալի ճանաչել
Սյուզաննա.
Բարև ձեզ: Խնդրում եմ օգնել։
Գործընկեր կազմակերպությունը (սնանկ) պարտք է 2019թ. հոկտեմբեր ամսից մոտ 3 մլն ՀՀ դրամ։ Կարո՞ղ ենք արդյոք պարտքն անհուսալի ճանաչել, և եթե այո, ի՞նչ օրենքներով ու որոշումներով առաջնորդվել։
Կանխավ շնորհակալություն։
Վերջնահաշվարկ
Անի.
Բարև ձեզ: Կօգնե՞ք մի հարցով: Աշխատակիցն ընդունվել է աշխատանքի 1 տարի առաջ և գնացել է արձակուրդ: Վերադառնալուց հետո ցանկանում է ազատվել աշխատանքից: Ինչպե՞ս կատարել վերջնահաշվարկ, եթե էլ աշխատած օրեր չկա: Կանխավ շնորհակալություն:
Կազմակերպությունը ֆիզ. անձից ձեռք է բերել սարքավորում
Անի.
Բարև ձեզ: Խնդրում եմ օգնեք մի հարցով: Կազմակերպությունը, որն աշխատում է ԱԱՀ-ով, ձեռք է բերում սարքավորում՝ որպես հիմնական միջոց ֆիզ. անձից: Այս դեպքում հարկվու՞մ է միայն կազմակերպությունը՝ եկամտային հարկով 10%, թե՞ ֆիզ. անձն էլ: Եվ եթե սարքը փաստաթուղթ չունի, ինչպե՞ս վարվել: Շնորհակալ եմ:
Հիմնադրամների տարեկան զրոյական հաշվետվության ներկայացման վերաբերյալ
Ռուզաննա Ղազարյան.
Բարև ձեզ: Մի քանի օր առաջ ես ինքս ինտերնետում կարդացի հիմնադրամների տարեկան զրոյական հաշվետվության էլեկտրոնային կարգով ներկայացման ժամկետների մասին, որտեղ նշված էր, որ հաշվետվությունը պետք է ներկայացվի մինչև հունիս ամիսը: Դեռ նշված էլ էր, որ ցանկալի է, որ հաշվետվությունը ներկայացվի ժամկետի ավարտից 20 օր առաջ: Սակայն հիմա այդ իրավական ակտը չեմ գտնում: Մինչև հունիս ամսվա սկիզբը հաշվետվություն ներկայացնելու մասին ինձ բանավոր ասացին նաև Ազդարարում, ուր ես գնացել էի ս/թ մարտ ամսվա սկզբին, հաշվետվությունն այնտեղ ներկայացնելու համար: Խնդրում եմ, օգնեք գտնել այդ իրավական փաստաթուղթը:
Արդյո՞ք պետք է հաճախորդների հետ ծառայությունների մատուցման պայմանագիր կնքել
Դիանա.
1. Բարև ձեզ: Հարգելիներս, խնդրում եմ ասել, եթե ֆիզ. անձը գտնվում է մինչև 3 տարեկան երեխայի խնամքի արձակուրդում, նա կարո՞ղ է իր անունով Ա/Ձ բացել, թե՞ պետք է դուրս գա աշխատանքից հետո ԱՁ բացի:
2. Խնդրում եմ նշել, եթե ԱՁ-ն հաշվապահական ծառայություն է մատուցում, պե՞տք է արդյոք իր հաճախորդների հետ ծառայությունների մատուցման պայմանագիր ունենա:
Նախապես շնորհակալ եմ:
Աշխատողը չի ներկայանում աշխատանքի
Հայկ․
Բարև Ձեզ, հարգելի մասնագետներ, եթե աշխատակիցը մեկ ամիս է չի ներկայանում աշխատանքի, նրա հետ էլ կապնվել չի լինում, այս դեպքում ի՞նչ հիմքով կարող եմ նրան ազատել աշխատանքից: Վերջնահաշվարկի կամ արձակման նպաստի հետ կապված խնդրում եմ նույնպես մեկնաբանել:
Աշխատողը աշխատանքից ազատման համար դիմել է հեռոխոսազանգի միջոցով
Աստղիկ․
Բարև Ձեզ: Ստացվել է այնպիսի իրավիճակ, որ Աշխատողը (հերթափոխով աշխատող պահակը) 60 օր չվճարվող արձակուրդ է խնդրել Գործատուից և մեկնել ՌԴ: Հեռախոսազանգի միջոցով Գործատուին տեղեկացրել է, որ այլևս չի վերադառնալու: Խնդրում եմ ասեք՝ ՀՀ Աշխատանքային Օրենսգրքի ո՞ր հոդվածի հիմքով իրավունք ունի Գործատուն ազատել Աշխատողին աշխատանքից։
Կանխավ շնորհակալություն
Ինչպե՞ս է հաշվարկվում մաքսային ժամանակավոր պահեստում բեռի պահպանման վճարը
Եվա.
Բարև ձեզ: Որքա՞ն արժե և ինչպե՞ս է հաշվարկվում մաքսային ժամանակավոր պահեստում բեռի պահպանման վճարը:
Շնորհակալ եմ:
Արդյո՞ք պետք է վճարել հասանելիք ամենամյա արձակուրդը
Գայանե.
Հարց 1. Համավարակի պատճառով կազմակերպությունը 2020թ. պարապուրդում է գտնվել և աշխատողները վարձատրվել են 2/3-ով: 2020թ. համար ամենամյա արձակուրդ վճարվու՞մ է, թե՞ ոչ:
Հարց 2. Աշխատողը 12 ամսում՝ 5 ամիսը լրիվ դրույքով աշխատել է, իսկ 7 ամիսը ստացել է 2/3-ով /պարապուրդի մեջ է գտնվել/, ինչպե՞ս վճարեմ հասանելիք արձակուրդը:
Դրոշմանիշային վճարի վերաբերյալ
Քաջիկ.
Բարև ձեզ: Կխնդրեի պարզաբանել, եթե աշխատողը գնում է արձակուրդ հունիս ամսին, մայիս ամսվա աշխատավարձի հաշվետվությունը առանձին ուղարկել եմ: Հունիսի 3-ից 24 օր գտնվելու է արձակուրդում 20օր հունիս ամսից, 4օր հուլիս ամսից, ինչպես նաև ստացել է պարգևատրում: Աշխատավարձը կազմում է 155 000, պարգևատրումը կազմում է լրիվ աշխատավարձի չափով 155 000: Կխնդրեի բացատրեիք՝ ինչպե՞ս պահել դրոշմանիշային հարկերը ամեն ամսվա հաշվետվության համար:
