Accountant.am

Ռուբ.

Կազմակերպությունը զբաղվում է շինարարությամբ։ Որոշակի ապրանքների գործունեության կազմակերպման համար իրեր են գնվել ֆիզիկական անձից։ Կարո՞ղ եմ կազմել երկկողմանի գնման ակտ։ Եթե այո, ապա ֆիզ. անձին տրված այդ եկամուտի համար միայն պետք է տարվա վերջում ուղարկե՞մ։ Շնորհակալություն:

Գևորգ.

Բարև Ձեզ: Ես ուզում եմ կալյանի (նարգիլեի) համեր ներմուծել Ռուսաստանից, ինձ հետաքրքիր է՝ ո՞նց է մաքսազերծվում: Ի՞նչ է հարկավոր դրա համար:

Արմինե.

Բարև Ձեզ: Ինչքա՞ն կկազմի իմ ֆիզարձակուրդի գումարը: Ուսուցչուհի եմ, մաքուր աշխատավարձը կազմում է 69 000 դրամ։

Արթուր.

Բարև ձեզ: Հարցս հետևյալն է՝ 1) Որքա՞ն է կազմում համայնքային կազմակերպության տնօրենի արձակուրդի օրերի քանակը: 2) Տնօրենի արձակուրդում գտնվելու ժամանակահատվածում, եթե պարտականությունները դրվում են տնօրենի տեղակալի վրա՝ վարձատրությունը ինչպե՞ս է կատարվում: Կա՞ արդյոք օրենքով հիմնավորում: Շնորհակալություն:

Վահան․

Բարև Ձեզ։ Հարցս վերաբերում է կազմակերպությունների փոխկապակցվածությանը, մասնավորապես ՀՕ հոդված 30-ի 1-ին մասին 2-րդ կետին․

2) ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը) պատկանում է անհատ ձեռնարկատեր չհանդիսացող այն ֆիզիկական անձին, որին միաժամանակ պատկանում է այլ ռեզիդենտ առևտրային կազմակերպության կանոնադրական (բաժնեհավաք) կապիտալի 20 տոկոս և ավելի փայաբաժինը (բաժնետոմսը, բաժնեմասը):

Գիտենք, որ, որպես բացառություն, եթե կազմակերպություններից մեկը գործունեության դադարեցման դիմում է տվել, ապա մյուս կազմակերպությունը կարող է համարվել շրջանառության հարկ վճարող։

Հարցս հետևյալն է․ եթե B կազմակերպությունը դադարեցում է տվել 2021թ․ հունվարի 25-ին, և վերսկսել է գործունեությունը մարտի 30-ին, ապա այս դեպքում A կազմակերպությունը կարո՞ղ է ԱԱՀ վճարող համարվել միայն 01.01.2021-24.01.2021 և 30.03.21-31.12.21 ժամանակահատվածներում, իսկ 25.01.21-29.03.21 ժամանակահատվածում համարվել շրջանառության հարկ վճարող։

Նախապես շնորհակալություն։

Հրաձգարանները ի՞նչ հարկատեսակով կարող են աշխատել, և ՀԴՄ-Ն պարտադի՞ր է։

Դիանա․

Բարև ձեզ: Շրջանառության հարկով աշխատելու հայտարարությունը գործունեությունը սկսելուց հետո ինչքա՞ն ժամանակ հետո պետք է ներկայացնենք, ԱՁ-ն բացելուց հետո ե՞րբ ենք գործունեության սկսում տալիս և ո՞ր ձևով: Կանխավ շնորհակալ եմ:

Արայիկ․

Բարև ձեզ, խնդրում եմ գրեք՝ ինչպե՞ս կարող եմ գրանցվել որպես անհատ ձեռնարկատեր օնլայն։

Մառա․

Բարև Ձեզ։ Ինչպե՞ս են վարում տաբելը, և ի՞նչ պատասխանատվություն է նախատեսված տաբել չվարելու համար:

Էմիլի.

Բարև ձեզ, հարգելի հաշվապահներ: Աշխատողը հունիսի 1-ից հունիսի 28-ը իր հասանելիք 20 աշխատանքային օր արձակուրդը գնացել է: Հիմա հունիսին 29-ը և 30-ը աշխատանքային օրեր են: Մայիսի վերջին նա ստացել է մայիսի աշխատավարձը և հունիսի արձակուրդայինը, ամբողջը կազմել է 215 000 դրամ, և դրոշմանիշ պահվել է 5 500 դրամ: Մեկ հարց. հիմա հունիսի վերջին այդ երկու օրվա աշխատած օրերի գումարը կազմում է մոտավորապես 9 000 դրամ, այդտեղից պահվու՞մ է եկամտային հարկ և դրոշմանիշ: Իսկ կասեք՝ նորից այդ երկու օրվա աշխատավարձից 1 500 դրաոշմանիշային վճարը պահվու՞մ է, թե՞ այն ներառված է արդեն այն 5 500-ի մեջ:

Մանե.

Բարև Ձեզ: Ինչպե՞ս են հաշվարկում աշխատողի աշխատած փաստացի ժամերը։ Կանխավ շնորհակալություն։

Լևիկ.

Ես ուսուցիչ եմ, և իմ աշխատավարձը մաքուր կազմում է 96 000 դրամ՝ հաստատուն, բացակա չունեմ: Խնդրում եմ՝ հաշվարկեք իմ արձակուրդայինը։

Քնարի.

Բարև Ձեզ: Որ խնդրեմ, ինձ կասե՞ք` Ա/Ձ և ՍՊԸ-ի տարբերությունը հարկերի մասով, տարեկան եկամտից ի՞նչ հարկեր են վճարվում, եթե կազմակերպությունը աշխատում է որպես միկրոձեռնարկատիրության սուբյեկտ:

Լիաննա.

Բարև բոլորին։ Հարցս այսպիսին է։ Բոլոր կազմակերպությունները պարտավո՞ր են ներկայացնելու տարեկան ֆինանսական հաշվետվություններ։ Ընկերոջս ՍՊԸ-ն, որն աշխատում է շրջհարկի դաշտում, հիմնադրվել է 2020թ., և չի հանձնել այդ հաշվետվությունները։ Ի՞նչ է նախատեսված դրա համար։ Կանխավ շնորհակալ եմ

ԻՐԻՆԱ.

Բարև ձեզ: Խնդրում եմ ասել` հարկային վճարումները ամսի 20-ից հետո վճարելու համար բացի տույժերից ի՞նչ պատասխանատվության է ենթարկվում ՍՊԸ: Իդեպ, վճարումը կատարվել է անկանխիկ 21.06.2021թ. ժամը 14-50, սակայն մուտքագրվել է միասնական հաշվին 22.06.2021թ.:

Նարեկ.

Բարև Ձեզ: ԱԱՀ-ի 62 հոդվածի 6 կետի բ ենթակետում ասվում է, որ ապրանքի մատակարարման կամ աշխատանքի կատարման կամ ծառայության մատուցման այն գործարքների, որոնք իրականացվում են հարկ վճարողի կողմից նախապես ընդունված գրավոր ակտում նշված կամ նախապես ընդունված այլ իրավական ակտում նշված առևտրային զեղչի չափով պակաս արժեքով, և այդ առևտրային զեղչը սույն
ենթակետում նշված ակտերով սահմանված ժամանակահատվածում արտացոլվում է հարկ վճարողի կողմից դուրս գրվող հաշվարկային փաստաթղթերում:
Մեզ մոտ չի գործում զեղչեր, որ նախօրոք կազմվի իրավական ակտ, բայց կան հաճախորդների խումբ, որոնք ունեն զեղչի քարտ 10-30% և ցանկացած պահի կարող են գնել ցանկացած ապրանք քարտի զեղչով, խնդրում եմ ասեք՝ ինչպե՞ս վարվել տվյալ դեպքում:

Դիանա.

Բարև ձեզ: Խնդրում եմ նշել՝ եթե ԱՁ-ն արտադրությամբ է զբաղվում սահմանամերձ համայնքում, աշխատում է շրջհարկով, շահութահարկից ազատվու՞մ է, բայց ներկայացնում է շահութահարկի 0-ական հաշվարկ, և առհասարակ, ազատված լինելով, շահութահարկից 0-ական հաշվարկ ներկայացնել պե՞տք է:

Դիանա.

Բարև ձեզ: ԱՁ-ն իրականացնում է հաշվապահական գործունեություն, աշխատում է շրջհարկով, անհրաժեշտ հաշվետվություններն են.
1. շրջհարկ, 5% եռամսյակ, 2. 244 ձև տարեկան, 3. շահութահարկ 240 ձև տարեկան: Հարկեր 5% շրջհարկ, 5 000դր շահութահարկ ամսական, դրոշմանիշային վճար տարեկան, կախված շրջանառություից, նվազագույնը 18 000դր-ից սկսած, սոց. վճար: Խնդրում եմ նշել՝ սոց. վճարի չափը և արդյո՞ք այլ հաշվետվություն կամ հարկ բաց եմ թողել:
Նաև խնդրում եմ նշել՝ սոց. վճարի չափերը ձեռնարկատիրական գործունեությունից, եթե ԱՁ-ն գործում է միկրոյով և, եթե գործում է շրջհարկով, խնդրում նշել նաև աշխատավարձից պահվող սոց. վճարի չափերը:
Շնորհակալութուն:

Անահիտ.

Բարև ձեզ, հարգելի հաշվապահներ:
Եթե ընկերությունը ԵՏՄ անդամ պետությունից ներմուծում է արել, սակայն ֆիզ. անձից և ՀՎՀՀ չունի, ներմուծման հայտարարությունը տալիս ինչպե՞ս պետք է լրացնեմ վաճառողի ՀՎՀՀ-ի դաշտը։

Կանխավ շնորհակալ եմ։

Աննա.

Բարև Ձեզ: Կխնդրեմ օգնել՝ շտապ է։ ՍՊԸ-ն, որը աշխատում է շրջ. հարկով և մատուցում է ծառայություններ հիմնականում փաստաղթղային, կարո՞ղ է կանխիկացնել հաշվից գումար, մուտքագրել դրամարկղ ու ձեռք բերել ապրանքներ՝ ոչ վաճառքի նպատակով, օրինակ՝ աթոռ, սեղան, եթե այո, ապա բացի դրամարկղի ելքի օրդերից ի՞նչ փաստաթղթեր են անհրաժեշտ դրանք հիմնավորելու համար, եթե չլինի նույնիսկ ՀԴՄ։

Անի.

Բարև Ձեզ: Կբացատրե՞ք խնդրեմ՝ ԱԱՀ-ի զրոյական դրույքով հարկվող և ԱԱՀ-ից ազատված գործարքների տարբերությունը գործնականում ինչու՞մ է կայանում, նաև հարկի հաշվարկի տեսանկյունից։ Կանխավ շնորհակալ եմ )

Անահիտ.

Բարձրագույն կրթության տարիները հաշվվու՞մ են աշխատանքային ստաժի մեջ, գրառումը պարտադի՞ր է աշխատանքային գրքույկում:

Նարինե.

Եթե աշխատակիցն աշխատել է շուրջ 20 տարի, չի օգտվել իր հասանելիք արձակուրդից, աշխատանքային պայմանագիրը լուծարվելիս վերջնահաշվարկի ժամանակ քանի՞ տարին են հաշվարկում:

Արտահանման դեպքում բեռնափոխադրող անհատ ձեռնարկատիրոջ համար ի՞նչ փաստաթղթեր են անհրաժեշտ, եթե բեռնափոխադրող ԱՁ-ն արտահանում է այլ ընկերության ապրանքները:

Միլենա.

Բարև ձեզ։ Կասեք՝ ի՞նչ է նշանակում շրջհարկի դաշտ։ Եվ ինչպե՞ս է իրականացվում հաշվապահությունը։

Դիանա.

Բարև Ձեզ: Խնդրում եմ նշել, եթե ԱՁ-ն ամսական շահութահարկի կանխավճար է վճարում, տարեկան շահութահարկի գումարը կատարված կանխավճարի չափով պակա՞ս է ցույց տալիս, թե՞ դա կապ չունի և պետք է 60 000 դրամն էլ ցույց տա: Նախապես շնորհակալություն:

Դիանա.

Բարև ձեզ: Ես շրջ. հարկով հարկվող ԱՁ եմ, մատուցում եմ մասնագիտական, գիտական ծառայություններ օտարերկրյա կազմակերպությանը։ Լրացնում եմ հաշիվ վավերագիր, աշխատաքների հանձնաման-ընդունման ակտի ստորագրման հետ միաժամանակ։ Միջազգային կազմակերպությունից ստացել եմ վճարում աշխատանքների դիմաց՝ արտարժույթով ԱՁ հաշվին։ Հարցս 2 մաս ունի.
1) Անհրաժե՞շտ է ունենալ արտարժույթային դրամարկղ կանխիկացման համար:
2) Եթե ոչ, կա՞ն այլ հաշվապահական փաստաթղթեր, որոնք պետք է ստեղծել փոխանցումները կանխիկացնելիս։
Շնորհակալություն:

Արուս.

ՍՊԸ-ն, որը աշխատում է շինարարության ոլորտում, միկրոձեռնարկատիրության դաշտում, միասնական հաշվին գումար է ստացել։
Ինչպե՞ս կարող եմ հասկանալ, թե ի՞նչ գործարքից է առաջացել այդ գումարը (քանի որ երբեք ԱԱՀ դաշտում չի աշխատել) և 261 ձևի ո՞ր տողը պետք է լրացնեմ։