Tag: համատեղությամբ

Անի․

Բարև ձեզ: Կարո՞ղ եք օգնել. համատեղությամբ աշխատելու դեպքում հնարավո՞ր է հիմնական աշխատավայրից գնալ ամենամյա արձակուրդ, իսկ մյուս կազմակերպությունում մնալ աշխատանքի մեջ։

Արփի.

Բարև ձեզ:
Կասե՞ք, խնդրում եմ, վարչական տույժ և տուգանք նախատեսվու՞մ է, եթե աշխատողի գրանցման հայտում չի նշվել, որ նա համատեղությամբ աշխատող է 2018թ.-ից, և հիմա խմբագրեմ և ուղարկե՞մ հայտը:

Սեդա.

Բարև ձեզ: Կարո՞ղ եք ասել՝ եթե աշխատողի աշխատանքը համարվում է համատեղությամբ, օրական 2 ժամ, աշխատավարձը կարո՞ղ է 68 000 դրամից ցածր լինել:

Նառա․

Կարո՞ղ եք պատասխանել հետևյալ հարցիս․ եթե ես ֆիզ. արձակուրդ եմ գնում, վերջին 12 ամսվա մեջ աշխատել եմ 2 տարբեր բանկերում, կասե՞ք՝ նախկին աշխատավայրից ի՞նչ փաստաղթեր պետք է ներկայացնեմ և ու՞մ, և եթե 2 գործատուի մոտ եմ աշխատել, տվյալ դեպքում ինչպե՞ս և ո՞վ է վճարում իմ ֆիզ. արձակուրդի գումարը և ինչքա՞ն ժամկետում է պարտավոր վճարել:

Անդրանիկ.

Բարև ձեզ:
Կազմակերպությունում կա աշխատող, ով աշխատանքի է ընդունվել 2011թ.-ից որպես մաթեմատիկայի հիմնական ուսուցիչ: 2017թ. սեպտեմբերից փոխվել է նրա պաշտոնը՝ մաթեմատիկայի ուսուցչից ինֆորմատիկայի ուսուցիչ, և համատեղություն է դարձել: Ես գրանցման հայտով չեմ կատարել այդ փոփոխությունները, կարո՞ղ եմ արդյոք հիմա նոր գրանցման հայտ ուղարկել, որ տվյալ անձը 2017թ.-ից սկսած համատեղություն է, և նոր պաշտոն ավելացնել:

Գոհար.

Բարև ձեզ:
Չէի՞ք ասի՝ համատեղությամբ (միևնույն և տարբեր կազմակերպություններում) աշխատողների համար արդյո՞ք գործատուն պարտավոր է վարել զինապարտների վերաբերյալ գրանցամատյան:
Նախապես շնորհակալ եմ:

Աստղիկ․

Բարև ձեզ: Ես 6 ամիս է ինչ գտնվում եմ ֆիզ. արձակուրդում և աշխատել եմ համատեղությամբ: Այժմ ուզում եմ վերադառնալ աշխատանքի, բայց միայն մեկ գործատուի մոտ: Դա հնարավո՞ր է, թե՞ պարտադիր երկու գործատուների մոտ եմ վերադառնալու աշխատանքի:

Լիլիթ․

Բարև ձեզ, Խնդրում եմ ասել՝ ե՞րբ է ընդունվել համատեղությամբ աշխատողներից դրոշմանիշային վճար պահելու օրենքը: Եվ եթե այսքան ժամանակ համատեղությամբ աշխատողից դրոշմանիշային վճար չի պահվել, քանի որ աշխատել է 0,25 դրույքով և աշխատավարձն էլ նվազագույնն է եղել, ապա ինչպե՞ս ուղղեմ սխալս:

Հայկ․

Բարև ձեզ: Այսպիսի հարց ունեմ․
Աշխատակիցը 2020թ. հունվարից աշխատում է համատեղությամբ՝ շաբաթական 10 ժամ, այսինքն՝ օրական 2 ժամ: Ստանում է մաքուր 50 000 դրամ աշխատավարձ՝ ֆիքսված: Աշխատանքային պայմանագրում նշել եմ ոչ լրիվ աշխատաժամանակ, սակայն աշխատանքի վարձատրության ձևը ի՞նչ պետք է նշել: Եթե ժամավճար գրեմ, արդյո՞ք սխալ չի լինի, քանի որ ամեն ամիս աշխատած ժամերի հանրագումարը կարող է տարբեր լինել:
Կանխավ շնորհակալություն:

Աստղիկ․

Բարև ձեզ։ Ես համատեղությամբ եմ աշխատում և հիմա դիմելու եմ դրոշմանիշային գումարի վերադարձման համար: Ուզում եմ իմանալ՝ իմ աշխատավայրերից ես տեղեկանքներ տանելու՞ եմ ՊԵԿ, թե՞ ոչ: Ի՞նչ ընթացակարգ է լինելու:

Մարգարիտա.

1. Տնօրենին արձակուրդ ուղարկելու համար պե՞տք է արդյոք տնօրենի դիմումը:
2. Աշխատողը կազմակերպությունում աշխատում է համատեղությամբ: Մենք պե՞տք է տրամադրենք տեղեկանք նրա աշխատանքի համար և արձակուրդի ժամանակացույց:
3. Աշխատողին, որը պետք է անցնի պարտադիր բժշկական զննություն, պետք է ընդունել, հետո ուղարկե՞լ բուժզննության, թե՞ ուղարկել բուժզննության, հետո միայն ընդունել աշխատանքի: Խնդրում եմ մանրամասնել:
4. Եթե աշխատողը ազատվել է աշխատանքից և նրան վճարվել է վերջնահաշվարկ, բայց համակարգ չի ներկայացվել ազատման հայտը և միայն 3 ամիս անց կազմակերպությունը հայտ է ներկայացրել ազատման տվյալ ամսվա համար, այդ 3 ամիսը որպես աշխատանքային ստաժ հաշվարկվու՞մ է աշխատողի համար, թե՞ ոչ:
5. Եթե աշխատողը (շաբաթական 24 ժամ ծանրաբեռնվածությամբ) փոխարինում է մեկ այլ աշխատողի արձակուրդի ժամանակ (շաբաթական 40 ժամ ծանրաբեռնվածությամբ, աշխատավարձը՝ 90 000 դրամ), 12 աշխատանքային օր ինչպե՞ս վարձատրել համատեղությամբ աշխատանքի համար: Կարո՞ղ եմ արձակուրդ գնացող աշխատողի աշխատավարձի 50 տոկոսի չափով վարձատրել:

Խնդրում եմ հնարավորության դեպքում պատասխանել:

Ռուբեն․

Բարև ձեզ: Ես աշխատում եմ թանգարանում՝ որպես գիտաշխատող, իսկ դպրոցում՝ ուսուցիչ՝ աշխարհագրության և պատմության: Դպրոցում աշխատել եմ համատեղությամբ, իսկ թանգարանում՝ հիմնական աշխատող: Այս տարի դպրոցում դարձել եմ հիմնական ուսուցիչ: Ուզում եմ իմանալ՝ արդյո՞ք կարող եմ թանգարանում աշխատանքս համատեղության կարգով դարձնել:

Հարություն․

Բարև ձեզ, հարգելի գործընկերներ: Ես համատեղությամբ աշխատում եմ դպրոցում՝ ինֆորմատիկայի ուսուցիչ և օպերատոր 1,5 դրույքով, և համայնքապետարանում՝ առաջատար մասնագետ՝ համայնքային ծառայող: Ինձ ասում են, որ ես իրավունք չունեմ 1,5 դրույքից ավել աշխատել, կարո՞ղ եք պարզաբանում տալ այս հարցի շուրջ, այսինքն՝ ես իրավունք ունե՞մ աշխատելու նման կարգավիճակով:

Սուսաննա.

Բարև ձեզ։ Խնդրում եմ պատասխանել հետևյալ հարցին՝ տնօրենը կարո՞ղ է այլ գործատուի մոտ իրականացնել 0,5 դրույքով մանկավարժական աշխատանք։

Շնորհակալություն։

Հարգելի գործընկերներ,
եթե գործատուն կրճատում է աշխատողին (կազմակերպության գործունեության ծավալի նվազման պատճառով), ապա ի՞նչ վճարումներ է տալիս աշխատողին, եթե համատեղությամբ աշխատանք էր: Պարապուրդ ուղարկելուց առաջ արդյո՞ք իրավունք ունի ազատման հրաման տալ և պարապուրդից վերադառնալուց անմիջապես հետո արձակել աշխատողին առանց արձակման նպաստի:

Շնորհակալություն:

Սարգիս.

Բարև ձեզ։ Եթե անձը, աշխատելով պետական համակարգում, անցնի երկրորդ աշխատանքի ՀԿ-ում ամբողջական դրույքով և չգերազանցի օրական սահմանված 12 ժամը, պարտադի՞ր է կնքվող պայմանագրում նշել, որ համատեղության կարգով է անցնում աշխատանքի։

Արմին.

Բարև ձեզ: Եթե աշխատողը համատեղում է նույն գործատուի մոտ, ապա տվյալ գործատուն ինչպե՞ս է վճարում մայրության նպաստը:

Յուրա.

Բարև ձեզ: Խնդրում եմ պատասխանեք, արդյո՞ք կարող է երաժշտական դպրոցի դասատուն համատեղությամբ աշխատել 3 տեղ՝ ընդհանուր 2.5 դրույքով:

Օլյա.

Եթե աշխատողի հետ լուծվում է աշխատանքային պայմանագիրը, համաձայն ՀՀ ԱՕ 113 հոդվածի 1-ին մասի 1-ին կետի՝ կազմակերպության լուծարման դեպքում, արդյո՞ք տրվում է արձակման նպաստ, եթե աշխատողը համատեղությամբ աշխատում է այլ կազմակերպությունում:

Կարինե.

Հարգելի հաշվապահներ: Համատեղությամբ աշխատողի համար սոց. վճար 3 000 դրամը վճարվում է երկու աշխատավայրերից միասի՞ն, խնդրում եմ պատասխանել:

Նաիրա.

Խնդրում եմ, օգնեք` համատեղության կարգով աշխատողի բյուլետենի հաշվարկն ո՞վ ու ինչպե՞ս է կատարում:

Նարինե.

Բարև ձեզ: Խնդրում եմ պատասխանեք, ըստ օրենքի՝ համատեղության դեպքում երկու աշխատանքի վայրից էլ ֆիզ. արձակուրդ հասնու՞մ է։ Եվ համատեղության դեպքում կարո՞ղ եմ մի աշխատանքային վայրում գտնվել ֆիզ. արձակուրդում, իսկ մյուսում՝ աշխատել։

Շնորհակալություն։

Շուշանիկ.

Բարև ձեզ: Խնդրում եմ ասեք, եթե կազմակերպությունում 1 դրույք տնտեսագետի վրա դրված է նաև 0.5 դրույք գանձապահի պարտականությունը, օրական քանի՞ ժամ պետք է տաբելում լրացվի:

Հ.Գ. Ես գիտեմ, որ շատ տարբեր է համատեղումը և համատեղության կարգով տերմինները:

Մարգարիտա.

Բարև ձեզ: Ինձ հետաքրքրում է՝ կարո՞ղ է արդյոք աշխատողը միաժամանակ 3 տեղ գրանցված լինել 0,5 դրույքով, և դրանից կախված՝ ինչքա՞ն կլինի նրա աշխատավարձը:

Արմեն.

Բարև ձեզ:
Անձը համատեղությամբ աշխատում է երկու աշխատատեղում, որոնք երկուսն էլ գտնվում են բարձր լեռնային գոտում: Այս դեպքում արդյոք երկու գործատուներն էլ պե՞տք է վճարեն բարձր լեռնային գոտում աշխատելու համար աշխատավարձի հավելավճարը, թե՞ միայն մեկ գործատուն: Կանխավ շնորհակալություն:

Մանուշակ.

Բարև ձեզ: Կա՞ արդյոք դրուքաչափի սահմնափակում համատեղությամբ աշխատանքի ժամանակ, եթե կա, ապա որքա՞ն պետք է կազմի համատեղությամբ աշխատանքի դրույքաչափը: Կանխավ շնորհակալություն:

Սիրուշո.

Խնդրում եմ ասեք` իրավունք ունի՞ անձը համատեղությամբ աշխատել 2 վայրում, լիարժեք մեկական դրույքներով, թե մի տեղում պետք է լինի մեկ, իսկ մյուսում կես դրույք, և համատեղության դեպքում օրական քանի՞ ժամ իրավունք ունի աշխատել, նաև բանակի 1 000 դրամը ո՞ր աշխատավայրից է պահվելու:

Manya.

Հարգելի հաշվապահներ, եթե երկու տեղ եմ աշխատում, երկու տեղիս գործատուն էլ պարտադիր կենշաթոշակային վճարը պե՞տք է փոխանցի, թե՞ ոչ: Շնորհակալություն:

Անն Մ.

Օրինակա՞ն է արդյոք համատեղությամբ աշխատող քաղաքացուն, ով գտնվում է հղիության և ծննդաբերության արձակուրդում, ազատել աշխատանքից` կազմակերպության լուծարման հիմքով (ՀՀ Աշխատանքային օրենսգրքի 113 հոդվածի 1-ին կետի 1-ին մաս): Նույն օրենսգրքի 114 հոոդվածի 1-ին կետի 2-րդ մասի իմպերատիվ պահանջը այն է` գործատուի կողմից սեփական նախաձեռնությամբ հղիության և ծննդաբերության արձակուրդում գտնվող անձին ազատելու արգելքը վերաբերում է հիմնակա՞ն աշխատողին, թե՞ արգելք է նաև համատեղությամբ աշխատողի համար:

Շիրազ Հ.

Բարև ձեզ: Ես կարո՞ղ եմ համատեղել հաշվապահական աշխատանքս երաժշտական դպրոցի ուսուցչի աշխատանքի հետ: Երկու մասնագիտություններով էլ ունեմ համապատասխան կրթություն, և արվեստի դպրոցում աշխատանքս սկսվում է կեսօրից: Շնորհակալություն: