Tag: հարկեր և տուրքեր

Հեղինե․

Բարև ձեզ: Հարգելի հաշվապահներ, խնդրում եմ օգեք կողմնորոշվելու: Հայկական ընկերությունը ծառայություն է մատուցում ռուսական մի ընկերության, որի դիմաց ստանում է եկամուտ: Հետո մեկ այլ կազմակերպություն իրեն ծառայություն է մատուցում, որի դիմաց ինքն է վճարում: 2 ծառայաթյուններն էլ տարբեր են, իրար հետ կապ չունեցող: Ֆիրմայի գործունեությունը թույլատրում է երկուսով էլ զբաղվել :

Հարց 1. Շրջհարկով աշխատելու պարագայում հարկը հաշվարկելիս արդյո՞ք ճիշտ է նվազեցնել ծախսը:

2. Նվազեցման պարագայում հարկատեսակը նշանակություն ունի՞, այսինքն ԱԱՀ-ի դեպքում կարելի է, շրջհարկի դեպքում՝ ոչ:

Սվետլանա Սարգսյան․

Բարև Ձեզ, խնդրում եմ օգնել։ Շրջ. հարկով աշխատող ՍՊԸ-ն գտնվում է ժամանակավոր դադարում հոկտեմբեր ամսից։ Մինչև փետրվարի 20-ը պիտի՞լրացնի 201 ձև և նորից 207-ը, քանի որ չգիտի, թե երբ է վերսկսելու։ Թե՞ միայն 201 ձևը։ Շնորհակալ եմ։

Վիկտոր․

Բարև Ձեզ։ Բջջային հավելվածների հրատարակության համար (Apple Store, Google Play) ո՞ր դասակարգիչը պիտի նշվի։ Այսինքն՝ եկամուտը ձևավորվում է օգտատերերի կողմից՝ հրատարակված հավելվածներին բաժանորդագրություններից։ Համապատասխան դասակարգիչը չգտա, հաշվարկներում նշել եմ՝ J62.01 Ծրագրային ապահովման մշակում

1․ Ճի՞շտ եմ նշել, թե ավելի լավ է փոխել J58.29.0 Այլ համակարգչային ծրագրերի հրատարակություն։ Սա մոտ է, բայց “համակարգչային ծրագիր” և “հեռախոսային հավելված” մի քիչ տարբեր բաներ են։ Կամ միգուցե այլ տարբերակ կառաջարկեք։

2․ Ամեն դեպքում դա էական նշանակություն ունի՞։ Երկու դասակարգիչներն էլ շրջանառության հարկով են։ Արժե՞ փոխել։

Գոհար․

Կազմակերպությունը զբաղվում է մասնագիտացված շինարարական գործունեությամբ: 2025թ ՀՀ տարածքում իրականացրել է տվյալ գործունեություն, որի համար ըստ օրենսդրության պարտավոր էր գործուղում ձևակերպել, սակայն գործուղման գումարները ժամանակին չեն վճարվել: Կարո՞ղ է արդյոք 2026թ-ին վճարել։ Արդյո՞ք հարկային պարտավորություն կառաջանա այդ դեպքում։

Անահիտ․

Բարև Ձեզ: Արդյո՞ք ՀԿ-ի համար ներկայացնում են դիմում հատուկ հարկման համակարգի ընտրման համար մինչև փետրվարի 20-ը:

Հապետ․

Անհատ ձեռնարկատերը զբաղվում է սալիկների արտադրությամբ և գտնվում է միկրոձեռնարկատիրական գոծունեության հարման ռեժիմում: Ունի նաև արևային կայան: Պարզվել է, որ այն ոչ թե ֆիզիկական անձով է, այլ ԱՁ-ով է և ավելցուկ էլ. էներգիայի գումարը ՀԵՑ -ից ստանալու համար պետք է դուրս գրվի հաշիվ: Արդյո՞ք հաշիվ դուրս գրելուց հետո ԱՁ -ն կմնա նույն հարկման ռեժիմում։

Լանա․

Բարև ձեզ, կարո՞ղ եք ասել՝ եթե ԱՁ-ն շրջհարկով է աշխատել 2025թ-ին, սակայն շրջանառություն չի ունեցել, սոց․ վճար և շահութահարկի հաշվետվություն պե՞տք է ուղարկել ու վճարել (երկուսը միասին 120 000դրամ)։

Լիլիթ․

Շրջ․ հարկի հաշվարկի ժամանակ Ա/Ձ – ի համար լիցենզիայի տարեկան պետ տուրքը՝ 50 000 դրամը համարվու՞մ է նվազեցվող ծախս։

Հասմիկ․

Հարգելի հաշվապահներ, խնդրում եմ տեղեկացրեք՝ արտասահմանյան առցանց պարբերագրերի համար Freelance կարգավիճակով պատմություններ գրելու աշխատանքը ի՞նչ հարկատեսակի է դասվելու։ Ես որպես ի՞նչ պետք է գրանցվեմ և որքա՞ն հարկ պետք է վճարեմ։ Կարո՞ղ եմ գործել որպես ֆիզ․ անձ միկրոձեռնարկատիրության դաշտում։ Շնորհակալություն։

Սեդա.

Բարև Ձեզ, ԱՁ-ն զբաղվում է ձեռագործ խաղալիքների ու կախազարդերի արտադրությամբ ու վաճառքով (2025 թվականից), հարկեր չեն գանձվել, վճարել եմ միայն դրոշմանիշային վճարը, շրջանառությունը չի գերազանցում 1.8 մլն-ը։ Այս տարի լինելու՞ են փոփոխություններ, որ կազդեն իմ վրա, կամ արդյո՞ք շրջհարկի դաշտ մտնելու եմ:

Լիլիթ.

Բարև Ձեզ: ԱՁ-ն 2025թ.-ի մայիսին գնել է ՀԾ բազա՝ լինելով շրջանառության հարկ վճարող: Հուլիսից անցել է ԱԱՀ դաշտ: Արդյո՞ք շահութահարկում կարող ենք նվազեցնել դա, ու եթե այո որքա՞ն մասը:

Աննա Գրիգորյան․

Բարի օր, ես պատրաստվում եմ ձեռագործ գրքեր ստեղծել և պատվերով օնլայն վաճառք իրականացնել, ունեմ ժամանակավորապես դադարեցված ԱՁ։ Այս դեպքում միկրոձեռնարկատիրություն, առանց աշպատողների, ի՞նչ հավետվություններ են նախատեսվում` տարեկան մեկ անգամ, թե՞ եռամսյակով, բանկի քաղվածքը հաշվետվության համար բավարա՞ր է։

Արամ․

Առևտրային գործունեթյամբ զբաղվող ընկերությունը ՍՊԱ աշխատում է շրջանառության հարկի դաշտում 10%։ Խնդրում եմ ասեք՝ նշվածներից որո՞նք են համարվում հարկի նվազեցման գումարներ՝ ՀԴՄ սպասարկման, Վաճառքի ծրագրի վճար, Ապրանքի ձեռքբերման վճար Ընդհանուր մաքսային արժեք, Մաքսատան տերմինալի վճարչ, Մաքսազերծող ընկերության կատարած ծառայությունների վճար: Դրոշմանիշային վճարը կամ աշխատավարձը համարվու՞մ են նվազեցնեղ գումար: Կանխավ շնորհակալություն օնգության համար:

Հապետ.

Բարև Ձեզ, կոլեգաներ: Ընկերությունը, որը զբաղվում է բետոնի արտադրությամբ, ցանկանում է վաճառել իր բեռնատար (բետոնախառնիչ) ավտոմեքենան: Մնացորդային արժեքը զրո է: 2026թ-ի համար կարո՞ղ է ներկայացնել միկրոձեռնարկատիրության համակարգում գործունեություն իրականացնելու դիմում և կատարել վերը նշված գործարքը։

Անի․

Բարև Ձեզ։ Խնդրում եմ պատասխանել հարցիս․ եթե ԱՁ-ն իր քարտից գնում է կատարել (անձնական), հիմա խանութն ասում է՝ կարող է հաշիվ դուրս գրել, արդյո՞ք դա անհրաժեշտ է։ ԱՁ-ն աշխատում է շրջհարկով օնլայն տանից՝ ծախսեր չի կատարում։

Արթուր․

2019 թ-ի դեկտեմբերին ՀՀ եմ ներմուծել մեքենա, մաքսազերծել եմ նույն տարում ու այդ ստատուսով մնացել մինչև 2025 թ-ի դեկտեմբերին, մեքենան կանգնել է հաշվառման իմ անունով, ու այդ պահին նվիրատվություն եմ արել կնոջս, ինչի համար բացի հայտնի վճարներից գանձել են նաև 45 600 պետ տուրք։ Ասացեք խնդրեմ՝ ի՞նչ տուրք էր դա, ինչպե՞ս է հաշվարկվել այդ թիվը, որ մարմնից ճշտել և անհրաժեշտության դեպքում հետ ստանալ այդ գումարը, եթե 2020ից հետո երբեք մեքենա ձեռք չեմ բերել և չեմ վաճառել։ Նախապես շնորհակալ եմ։

Ռիմա․

Բարև ձեզ։ ԱՁ բացվել է նոյեմբերին և չի լրացվել որպես միկրոձեռնարկատիրություն, հունվարին նոր լրացրել եմ, սակայն ստացել եմ ծանուցում ՀՀ ՊԵԿ ռիսկերի վերլուծության վարչության կամերալ ուսումնասիրությունների բաժնից։ Ինձ կասե՞ք՝ ինչպե՞ս վճարեմ այդ պարտավորությունը, նոյեմբեր-դեկտեմբեր եղել է 140 000 եկամուտ, և ինչ որ հաշվետվություններ ևս սնհրաժե՞շտ է ներկայացնել, թե՞ ոչ։

Լիլիթ․

Բարև ձեզ։ ԱՁ-ն իրականացնում է պոլիէթիլենային խողովակների զոդման աշխատանքներ։ Խնդրում եմ օգնեք ճիշտ դասակարգչի ընտրության հարցում և հուշեք, թե կարո՞ղ է արդյոք միկրո հարկման համակարգում աշխատել։ Նախապես շնորհակալ եմ։

Արսեն․

Բարև ձեզ։ ԱՁ-ն (1974թ-ից հետո ծնված) աշխատում է շրջանառության հարկով ՏՏ ոլորտում, չունի աշխատողներ։

1. Արդյո՞ք պետք է կատարել կենսաթոշակային կուտակային պարտադիր վճարում, և եթե այո, ի՞նչ ձևով է կատարվում հաշվարկը, արդյո՞ք կա վերին շեմ, որից հետո այլևս չի հարկվում։

2. Ձև 240 և 244 ե՞ն միայն տարեկան հաշվետվությունները: Ձև 244-ում 6-րդ և 8-րդ կետերում ի՞նչ պետք է լրացնել:

Լակա․

Բարև ձեզ, հարգելի հաշվապահներ, այսպիսի մի հարց ունեմ․ կազմակերպությունը ԱԱՀ վճարող է, ներմուծել է ձեռքի ժամացույցներ և նվիրել իր աշխատակիցներին և գործընկեր կազմակերպությունների ղեկավարներին։ Ինչպե՞ս ծախս ճանաչել, հարկվու՞մ է, թե՞ ոչ, կարո՞ղ եք նշել օրենքի հոդված։ Կանխավ շնորհակալ եմ։

Ալեքսանդր Չիլինգարյան․

Բարև Ձեզ: Ֆիզ անձանց վճարված շահաբաժնի եկամտային հարկի վերադարձի նոր փոփոխված Ձև 2 կա: Այն գործում է 2025-ի սկզբից: Կարո՞ղ եք տրամադրել այդ նոր Ձևը։

Հովհաննես․

Բարև Ձեզ։ Աշխատում ենք շրջանառության հարկի դաշտում։ Ցանկանում եմ իմանալ՝ 2025թ-ի համար վճարած 60 000 սոց, 60 000 շահութահարկ և դրոշմանիշային վճարները կարո՞ղ եմ ծախս ճանաչել 2026թ առաջին եռամսյակի շրջհարկի հաշվետվության ժամանակ։ Շնորհակալություն։

Ալլա․

Բարև Ձեզ։ ԱՁ-ն, որն աշխատում է շրջանառության հարկով, դեկտեմբերի 26-ին անցել է ԱԱՀ շեմը՝ 3մլն-ով։ Դեկտեմբերի ԱԱՀ-ի հաշվետվության մեջ ապրանքային մնացորդի ԴՏ-ը ԱԱՀ-ը, որից կա իրացում, ի՞նչ չափով պետք է հաշվանցվի, ո՞ր հոդվածի համաձայն։

Սեյրան․

Բարև ձեզ: Շրջանառության հարկով աշխատող ԱՁ-ն “189. ՀԱՇՎԱՐԿ՝ Եկամտային հարկի և սոցիալական վճարի ամսական” և “286. Շրջանառության հարկի հաշվարկ (01.01.25 թ. –ից հետո ընկած հաշվետու ժամանակաշրջանների համար)” ձևերից բացի այլ հավետվություն ներկայացնու՞մ է։

Հասմիկ․

Բարև Ձեզ, հարգելի հաշվապահներ։ Եթե ԱՁ-ն գործունեությունը դեկտեմբեր ամսով դադարեցրել է, պե՞տք է արդյոք 2026 թվականին ներկայացնի “201. Շրջանառության հարկ վճարող համարվելու վերաբերյալ հայտարարություն” ձևը։

Անուշ․

Բարև ձեզ, հարգելի հաշվապահներ։ Շրջանառության հարկով աշխատող ԱՁ-ն ցանկանում է զբաղվել հագուստի և զարդերի վաճառքով, ապրանքները գնում է արտասահմանյան տարբեր խանութներից, որպես անհատ, ինչպես նաև պատրաստվում կամ կարվում է Հայաստանում անհատ անձի կողմից: Ինչպե՞ս պետք է կազմակերպել ապրանքի մուտքի գրանցումը, ի՞նչ փաստաթղթավորում է հարկավոր, ի՞նչ հարկեր և հաշվետվություններ են անհրաժեշտ ուղարկել:

Նոնա․

Բարև Ձեզ: Ինչ-որ X կազմակերպության աշխատակիցների տեղափոխումը մեկ բնակավայրից մյուսը կարո՞ղ է համարվել միկրոձեռնարկություն, թե՞ ոչ:

Հայկ․

Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.

Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել

Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա

Հարց 3. Տեղափոխության բեռնագրում նշված գումարները ենթակա՞ են հարկման շրջհարկով

Շնորհակալություն։

Լիլիա․

Բարև ձեզ։ Կասե՞ք՝ արտելը միկրոյով կարո՞ղ է աշխատել և աշխատող պահել, պե՞տք է գրանցվի որպես ԱՁ, թե՞ կարող է ֆիզ․ անձով աշխատել։

Ալբերտ․

Բարև Ձեզ, հաշվապահներ ջան, մեկ հարց ունեմ․ հագուստի և կոշիկի խանութ սրահ է, 2025 թվականին անցել է 24 միլիոն շրջանառությունը, և հունվարի 1-ից պետք է անցնեմ անվանացանկի, բայց ունեմ այսպիսի խնդիր՝ ես խանութում ունեմ օրինակ կանացի մայկաներ, որ այդ ապրանքներին չունեմ ձեռքբերման փասթաթուղթ, այդ դեպքում ի՞նչ է լինում և ի՞նչ է նշանակում, եթե ապրանքի ձեռքբերման փասթաթուղթ ունես, ապա հարկերդ կլինի ցածր, եթե չունես՝ կլինի բարձր։ Շնորհակալություն։