Category Archive: Այլ

Mar 29 2018

Արդյո՞ք նպաստը նվազեցվող ծախս է

Lil1981.

Հարգելի հաշվապահներ, խնդրում եք պատասխանեք` արդյո՞ք արձակման նպաստը շահութահարկի հաշվարկի ժամանակ նվազեցվող ծախս համարվում է, թե ոչ: Եթե այո, ապա խնդրում եմ նշեք` որ հոդվածի համաձայն:

Mar 29 2018

Նկարահանում օպերատիվ հետախուզական միջոցառումների ընթացքում

Artur_Avetisyan.

Բարև ձեզ: Ո՞վ կարող է պատասխանել` օպերները ստուգման ընթացքում (օպերատիվ հետախուզական միջոցառումներ), իրավունք ունե՞ն նկարահանել մեքենան և մեքենայի ներսում եղած ապրանքները: Ըստ օրենքի նայում եմ, որ արտաքին նկարահանում կարող են կատարել, բայց ըստ “դատական” օրենսգրքի` միայն դատարանի որոշման հիման վրա: Ակնկալում են շուտ պատասխանի: Հարգանքներով Արթուր:

Mar 22 2018

Ինչպիսի՞ հաշվապահական ձևակերպում տալ

Արտավազդ.

Էլ. ցանցից ստացած հարկային հաշվում հոսանքի արժեքի մեջ արտացոլված է նաև պետության կողմից սուբսիդավորված գումար: Խնդրում եմ պատասխանել` ինչպիսի՞ հաշվապահական ձևակերպում տալ:

Mar 21 2018

Էլեկտրոնային հաշվի դուրս գրում ֆիզիկական անձին

Իրացնում ենք ապրանք ինտերնետ խանութի միջոցով Հայաստանից, անկանխիկ: Ինչպե՞ս դուրս գրել հաշիվ ֆիզիկական անձին.
ա) երբ նա Հայաստանում է, բայց ոչ բոլոր անձնական տվյալները կան:
բ) անձը ՀՀ-ից դուրս է:

Mar 19 2018

ՀԴՄ-ների անվանացակների լրացման համար

V.Sargsyan.

Բարև ձեզ, հարգելի հաշվապահներ:

ՀԴՄ-ների անվանացակների լրացման համար ի՞նչ է հարկավոր: Գերազանցել ենք շեմը և անվանացանկը պարտադիր է: Կա կազմակերպություն կամ անհատ, ով կարող է լրացնել անվանացանկը: Խնդրում եմ արձանգանքել:

Mar 19 2018

Կազմակերպությունը պետք է զբաղվի հանրային սննդի գործունեությամբ

Սաթենիկ.

Հարգելի հաշվապահներ, խնդրում եմ օգնել: Կազմակերպությունը պետք է զբաղվի հանրային սննդի գործունեությամբ, այսինքն հանդիսանում է արտոնագրային հարկ վճարող: Դրամարկղային գիրք վարելը պարտադի՞ր է արդյոք, թե՞ ոչ: Իսկ ՀԴՄ պետք է ունենա, թե կարող է նաև չունենալ:

Mar 15 2018

Բենզինի և դիզելային վառելիքի ծախսի նորմաներ

Հարություն.

Հարգելի գործընկերներ, որտե՞ղ կարող եմ կարդալ բենզինի և դիզելային վառելիքի ծախսի նորմաների մասին: Շնորհակալություն:

Mar 15 2018

Կոստյումի արտադրամաս բացելու համար

Sergey Karapetyan.

Բարև ձեզ, հարգելի հաշվապահներ: Ցանկանում եմ բացել կոստյումի արտադրամաս, կտորը ստանալու եմ ԵՏՄ-ից, այսինքն ոնց հասկանում եմ` մաքսազերծելու կարիք չի լինի: Կպատասխանեք` ոնց ճիշտ կլինի` ԱՁ-ով ծավալեմ գործունեություն, թե ՍՊԸ-ով, և ինչ հարկատեսակներ կգործեն:
Շնորհակալություն:

Feb 26 2018

Կարո՞ղ է հասարակական կազմակերպությունը դուրս գրել հաշիվ իրեն փոխանցած գումարի համար

Narchik.

Բարև ձեզ: Հարցս վերաբերվում է նրան, թե կարող է հասարակական կազմակերպությունը դուրս գրել հաշիվ իրեն փոխանցած գումարի համար, եթե այդ գումարով կատարել ենք աշխատանքի վարձատրություններ, փոխանցել ենք տպագրական ծախսեր և այլն: Գումարը տրվել է որպես դրամաշնորհ:

Feb 21 2018

Սանիտարական գրքույկի վերաբերյալ

Գոհար.

Բարև ձեզ: Կասե՞ք` սանիտարական գրքույկում, եթե ստուգման ժամկետը լրացել է, կարո՞ղ ենք արդյոք նոր ստուգման մեջ այն կիրառենք:

Feb 19 2018

Ինչպե՞ս ճիշտ ձևակերպել զեղչով վաճառքը

Anahit.

Բարև ձեզ: Խնդրում եմ պատասխանել իմ հարցին: Ինչպե՞ս ճիշտ ձևակերպել զեղչով ապրանքի վաճառքը: Սկզբից վաճառվեց մի գնով, հետագայում զեղչվեց և վաճառվեց ավելի էժան: Ինչպե՞ս դա ճիշտ ձևակերպել: Կանխավ շնորհակալություն:

Feb 19 2018

Անդադար շահույթով գործունեություն վարած ՍՊԸ

Aram.

Բարև ձեզ, հարգելի հաշվապահներ և գործարարներ։ Ինձ հարկավոր է ՍՊԸ՝ առանց բալանսի, առանց պարտավորությունների, բայց վերջին 3-4 ամսիների ընթացքում անդադար շահույթով գործունեություն վարած, պատրաստ եմ վճարել և կատարել բոլոր գործարքից բխող անհրաժեշտ ծախսերը։ Շատ շնորհակալ կլինեմ, եթե օգնեք։ Կանխավ շնորհակալ եմ, սպասում եմ ձեր արձագանքներին։

Feb 15 2018

Կազմակերպությունը առցանց ավիատոմս է գնում

Armine.

Բարև ձեզ: Մեր կազմակերպությունը օնլայն ավիատոմս է գնում: Արդյո՞ք մենք պետք է ոչ ռեզիդենտի շահութահարկ վճարենք այս դեպքում:

Feb 15 2018

Դրոշմապիտակների ձեռք բերման համար վճարված գումարի հաշվանցման վերաբերյալ

Մանե.

Դրոշմապիտակների ձեռք բերման համար վճարված գումարը հարկային պարտավորությունների դիմաց հաշվանցման դիմումի ձևերը հանվել են, և տվյալ օրենքը ուժը կորցրած են ճանաչել, որևէ մեկը տեղյա՞կ է, թե ինչ պետք է լինեն այդ գումարները և ինչպես պետք է հաշվանցվեն, եթե այլևս այդ օրենքը չի գործում:

Feb 15 2018

ՀԴՄ-ով վաճառքը գերազանցում է ստացված հաշիվ-ապրանքագրերի գումարին

Արմեն.

Բարև ձեզ։ Խնդիրը հետևյալում է. հարկայինից տեղեկացրել են, որ ՀԴՄ-ով վաճառքը գերազանցում է ստացված հաշիվ-ապրանքագրերի գումարին։ Ի՞նչ պետք է արվի նման դեպքերում։ Հաշվապահ չեմ, կներեք թերի կամ ոչ մասնագիտական հարցադրման համար։

Feb 08 2018

Արդյո՞ք պետական քոլեջ ՊՈԱԿ-ի ուսման վարձավճարները ենթակա են նվազեցման

nushik.

Արդյո՞ք պետական քոլեջ ՊՈԱԿ-ի ուսման վարձավճարները ենթակա են նվազեցման շահութահարկի հաշվարկի ժամանակ: Խնդրում եմ ձեր կարծիքը:

Feb 08 2018

Ընկերության բաժնեմասի նվիրատվությունը ենթակա՞ է նոտարական վավերացման

Լիլիթ.

Ընկերության բաժնեմասի նվիրատվությունը ենթակա՞ է նոտարական վավերացման, և արդյո՞ք մյուս բաժնետերերը պիտի համաձայնություն տան:

Feb 08 2018

e-invoicing ծրագրով հաշիվներ դուրս չեն գրվել

Աիդա.

Կազմակերպությունը աշխատում է ԱԱՀ-ով և պայմանագրով ծառայություն է մատուցում ոչ ռեզիդենտ օտարերկրյա կազմակերպությանը, որը հարկվում է 0% ԱԱՀ: e-invoicing-ով հաշիվներ դուրս չեն գրվել, միայն առկա են հաշիվ-ապրանքագրեր և ակտեր: Կարո՞ղ եմ արդյոք փետրվար ամսում էլ. հաշիվներ գրվել անցած դեկտեմբեր 2017թ․ ամիսների համար: ԱԱՀ հաշվարկում նշված պայմանագրով գումարները առկա են:

Feb 08 2018

Հաշվապահական ծրագիրը ներբեռնելիս սխալ է գրում

Best Arm.

Բարև ձեզ:
Ինչու՞ է ՀԾ -Հաշվետար ներբեռնելիս սա գրում.
“Սերվերի անունը սխալ է
Ստուգեք ցանցային միացումները
-1 A network-related or instance-specific error occurred while establishing a connection to SQL Server. The server was not found or was not accessible. Verify that the instance name is correct and that SQL Server is configured to allow remote connections. (provider: SQL Network Interfaces, error: 26 – Error Locating Server/Instance Specified)”:

Feb 05 2018

Կազմակերպությունը ծառայություն է մատուցում արտասահմանյան ընկերությանը

zaven.

Կազմակերպությունը ծառայություն է մատուցում արտասահմանյան ընկերությանը, և ծառայությունների մատուցման վայրը գտնվում է ՀՀ մաքսային սահմանից դուրս: Արդյո՞ք անհրաժեշտ է դուրս գրել որևէ էլեկտրոնային պաստաթուղթ և ինչու՞:

Feb 05 2018

Դրոշմապիտակների ձեռքբերման հայտի լրացման կարգ

Լուսինե.

Բարև ձեզ: Խնդրում եմ հուշեք տեղական դրոշմապիտակների ձեռքբերման հայտի լրացման կարգը: 2018-ին առաջին հայտը հաջողությամբ հանձնվել է, բայց հիմա մնացած ապրանքատեսակների համար չի ստացվում լրացնել: Կարմիրով գրվում է, որ հաշվետվությունը լրացված չէ: Եթե տեղյակ եք, թե ինչ պետք է անել, խնդրում եմ շուտ արձագանքել: Կանխավ շնորհակալություն:

Feb 05 2018

Էլեկտրոնային հաշիվ դուրս գրելու հետ կապված

Նարինե.

Բարև ձեզ, խնդրում եմ օգնել` ինչպե՞ս հարկային հաշիվ դուրս գրելիս ստացված թիվը ստանամ առանց մնացորդի: Կանխավ շնորհակալություն:

Jan 18 2018

Կոմիսիայի պայմանագրի վերաբերյալ

Varduhi.

Կարո՞ղ եք ասել` արդյո՞ք շրջանառության հարկով աշխատող Ա/Ձ-ն կարող է առք ու վաճառքով զբաղվել կոմիսիայի պայմանագրով` ԱԱՀ-ով աշխատող ՍՊԸ-ի հետ: Նախապես շնորհակալություն:

Jan 16 2018

Կազմակերպությունը կատարում է մոնտաժման աշխատանքներ

Արթուր.

Հարգելի հաշվապահներ, հարցս հետևյալն է. կազմակերպությունը կատարում է մոնտաժման աշխատանքներ (ծառայություն), որի ընթացքում ծախսվում են նյութեր: Այս նյութերը պետք է վաճառք ձևակերպել, թե ուղղակի դուրս գրել տվյալ ժամանակահատվածում` որպես մատուցված ծառայության գծով ծախս:

Jan 16 2018

Ընտանեկան ձեռնարկատիրությունում զբաղված անձինք

Արմեն.

Հարգելի գործընկերներ, արդյո՞ք ընտանեկան ձեռնարկատիրությունում զբաղված անձինք կարող են այլ տեղ էլ աշխատել համատեղությամբ: Շնորհակալություն:

Jan 16 2018

Ապրանքների ներմուծում ինտերնետ-խանութի միջոցով

amalia.

Բարև ձեզ, խնդրում եմ օգնել ինձ:
Ցանկանում եմ Հայաստան ներմուծել որոշ ապրանքներ ԱԼԻԲԱԲԱ կայքից: Ունեմ մի քանի հարց.

1. Մեծաքանակ պատվերներ տալու և դրանք հետո վերավաճառելու համառ համար անհրաժե՞շտ է բացել ԱՁ
2. Ինչպե՞ս հաշվարկեմ, թե որքան մաքս պետք է վճարեմ ապրանքի համար
3. Եվ կա՞ մարդ, որը տեղյակ է կայքից և կայքի ապահովությունից
Նախապես շնորհակալություն:

Jan 16 2018

Խմորեղենի արտադրամաս բացելու համար

Գևորգ.

Բարև ձեզ: Ես փորձում եմ բացել խմորեղենի արտադրամաս, խնդրում եմ ասեք` որտե՞ղ դիմեմ որպես Ա/Ձ գրանցվելու համար, ու ասեք` որտե՞ղ դիմեմ լիցենզիա ձեռք բերելու համար:

Jan 09 2018

Դպրոցը գյուղապետարանից ստացել է 600 000 դրամ գումար

Linamari.

Բարև ձեզ: Խնդրում եմ շտապ օգնել հետևյալ հարցով. դպրոցը գյուղապետարանից ստացել է 600 000 դրամ գումար դասարանը վերանորոգելու համար, ինչպե՞ս կազմակերպել ամբողջ հաշվապահական ձևակերպումները, որ հետագայում խնդիրներ չունենամ: Խնդրում եմ ուղարկել հիմքերը (ձևերը) lianatel շնիկ mail.ru և տնօրինման կարգերը:

Կանխավ շնորհակալություն:

Jan 09 2018

Անհատույց օգտագործում

Արդյո՞ք կարող է ՍՊԸ իր միջոցներով վարձակալած տարածքը անհատույց տալ օգնագործաման Ա/Ձ-ի: Եթե այո` ի՞նչ պարտավորություններ կառաջանան  Ա/Ձ-ի և ՍՊԸ համար:

Dec 13 2017

Առցանց առևտուր անելու համար

TAmara.

Ուզում եմ առցանց սոց. ցանցերի միջոցով գովազդ անել և վաճառել ապրանքներ, բայց իմ անունով ԱՁ կամ ՍՊԸ չունեմ, կարո՞ղ եմ, թե՞ հարկային դաշտ պետք է մտնել, ու եթե ԱՁ բացեմ, կարո՞ղ եմ տարբեր ապրանքներ վաճառել` թանկարժեք մետաղից սկսած` վերջացրած կահույքով կամ մեխով:

Dec 13 2017

Կարո՞ղ է արդյոք կազմակերպությունը փոխառություն տալ ֆիզիկական անձի

Mary.

Կարո՞ղ է արդյոք կազմակերպությունը փոխառություն տալ ֆիզիկական անձի:

Dec 13 2017

Նոր ՀԴՄ գրանցման հետ կապված

Nune.

Ես անհատ ձեռնարկատեր եմ, գործունեությունս վարսավիրական ծառայությունների մատուցումն է: Իմ նոր սերնդի ՀԴՄ հետ տեխնիկապես և ծրագրային պրոբլեմներ են առաջացել, և երկար ժամանակ է հարկավոր, որպեսզի համապատասխան ծառայությունները վերանորոգեն: Նրանք, որպեսզի աշխատանքներս չընդհատվեն, առաջարկում են ժամանակավորապես փոխարինող նոր սերնդի ՀԴՄ մինչև իմ ՀԴՄ վերանորոգելը:

Խնդրում եմ օգնեք` ի՞նչ դիմումներ պետք է (էլեկտրոնային տարբերակով, թե անձամբ) ներկայացնեմ տարածքային հարկային մարմին, որպեսզի փոխարինող ՀԴՄ-ն ժամանակավորապես գրանցեն: Կամ ի՞նչ գործողություններ կատարեմ: Կանխավ շնորհակալություն:

Dec 11 2017

Առցանց խանութ բացելու համար

Ողջույն:
Եթե դժվար չէ, չեի՞ք ասի մանրամասնորեն՝
1) Ի՞նչ փաստաթղթեր են անհրաժեշտ առցանց խանութ բացելու համար:
2) Առցանց խանութ բացելու համար արդյո՞ք անհրաժեշտ է ՀԴՄ սարք:
3) Ինչքա՞ն հարկ պետք է վճարեմ:
4) Եվ առձեռն գնված ապրանքն հանձնելու համար արդյո՞ք ես պետք է բացի վճարվող հարկերից կրկին հարկ վճարեմ:
5) Առցանց խանութի համար ՍՊԸ-ով գրանցելու Visa, MasterCard, ArcaCard հաշիվներ բացելու համար ի՞նչ փաստաթղթեր և ինչքա՞ն գումար է անհրաժեշտ:
Հուսով եմ հնարավորինս շուտ կարձագանքեք հաղորդագրությանս:
Կանխավ շնորհակալություն!!!

Dec 06 2017

ԱՁ-ն իրականացրել է արտոնագրային վճարով գործունեություն, սակայն հայտարարություն չի ներկայացրել

Irina.

Բարև ձեզ:
ԱՁ-ն իրականացրել է արտոնագրային վճարով գործունեություն, մեկ ամսվա ընթացքում երկու անգամ, սակայն հայտարարություն չի ներկայացրել և արտոնագրային վճար չի վճարել: Փաստը ակտավորելուց հետո կենթարկվի ամսական վճարի վեցապատիկին: Հարց` արդյո՞ք մինչ այդ ստուգումը հարկավոր է վճարել այդ վճարը և բացի այդ վեցապատիկը էլ ի՞նչ պատասխանատվություն է առաջանալու, օրինակ ապօրինի գործունեության համար “Հարկերի մասին” օրենքի 26 հոդվածի համաձայն:

Կանխավ շնորհակալ եմ:

Dec 06 2017

Հաշվապահի միջազգային դիպլոմ ստանալու համար

Արփինե.

Հարգելի հաշվապահներ, որտե՞ղ կարող եմ վերապատրաստվել և ստանալ միջազգային դիպլոմ, ես հաշվապահ եմ, բայց 5 տարի չեմ աշխատել այդ ոլորտում:

Dec 06 2017

Դիմպլոմային աշխատանքի թեմա

Աննա.

Բարև ձեզ: Խնդրում եմ օգնել` հաշվապահության կամ տնտեսագիտության ոլորտում ինձ դիպլոմային աշխատանքի թեմաներ առաջարկել: Ուզում եմ հետաքրքիր թեմա լինի, ինչ որ նոր բան: Նախապես շնորհակալ եմ 🙂

Dec 06 2017

Հաշվապահական ծրագրի վերաբերյալ ուսուցողական տեսանյութեր

Երվանդ.

Բարև ձեզ: Կարո՞ղ եք ասել` 1C հաշվավահական ծրագիրը հնարավոր է youtube-ով սովորել: Հայաստանում օգտագործվող ծրագրից տարբերվու՞մ է: Կա՞ ինչ որ մեկը, որ ինքնուրույն սովորել է:

Dec 06 2017

Կազմակերպության անունը և լոգոն գրանցելու համար

Բարև ձեզ, խնդրում եմ օգնել հասկանալ. ունեմ Ա/Ձ, հարկային դաշտում գրանցվել եմ, ցանկանում եմ տեղեկանալ` որտե՞ղ պետք է մոտենամ կազմակերպությանս անունը և լոգոն պետականորեն հաստատելու համար: Նախապես շնորհակալ եմ:

Nov 22 2017

Ֆինանսների Նախարարության հաշվապահի որակավորման քննության հարցեր

Satenik.

Հարգելի հաշվապահներ, խնդրում եմ, եթե դժվար չէ, ինձ էլ ուղարկեք Ֆինանսների Նախարարության հաշվապահի որակավորման քննության հարցերը, պատասխանները և խնդիրները իրենց լուծումներով:

Իմ էլ հասցեն` shakobyan շնիկ mail.ru

Կանխավ շնորհակալություն:

Nov 22 2017

Լիազորի գրանցման համար հայտի ներկայացում

Narchik.

Հարգելի կոլեգաներ, խնդրում եմ բացատրեք ինձ` ի՞նչ է նշանակում լիազորի գրանցման համար հայտի ներկայացումը, և ի՞նչ պետք է անի կազմակերպությունը:

Nov 22 2017

Ի՞նչ կարգով է կատարվում չտեղափոխվող գույքի օտարումը

Lilit9381.

ՓԲԸ-ների միացման դեպքում միացվող ընկերության չտեղափոխվող գույքի օտարումը (դուրսգրումը) ի՞նչ կարգով է կատարվում:

Nov 20 2017

Արդյո՞ք ՍՊԸ-ն կարող է ֆիզ. անձանցից ներգրավել փոխառություն

Ս.Ա..

Հարգելիներս, պետական մարմինները չկարողացան պատասխանել, հույսս դուք եք ))
1. Արդյո՞ք ՍՊԸ-ն կարող է ֆիզ. անձանցից ներգրավել փոխառություն
ա. եթե այո, ապա ի՞նչ ծավալով ու ի՞նչ հաճախականությամբ
բ. եթե այո, ապա արդյո՞ք կարող է գումարը փոխանցել իր բանկային քարտից, կամ այլ միջոցներով

Եթե գիտեք, ապա գրեք նաև սահմանափակումների և այլնի մասին, կամ ո՞ր օրենսդրական ակտն է կարգավորում այս ոլորտը:

Կանխավ շնորհակալ եմ:

Nov 15 2017

Ապրանքի գնի սահմանում

Զառա.

Ինչպե՞ս ապրանքը թանկացնել 14 տոկոսով և իջեցնել 14 տոկոսով:

Nov 15 2017

ՀՀ ԱՕ-ի վերջնական փոփոխված տարբերակ

Clara.

Հարգելի աշխատակիցներ, ո՞ր կայքից կարող եմ գտնել ՀՀ ԱՕ-ի վերջնական փոփոխված տարբերակը: Եվ ուզում եմ իմանալ` արդյո՞ք այդ կայքում մշտապես լրացվում են տեղի ունեցող փոփոխությունները:

Oct 28 2017

Աշխատողը կորցրել է աշխատանքային գրքույկը

Մարիամ.

Բարև ձեզ, ես դուրս եմ եկել աշխանքից: Ինչպե՞ս կարող եմ իմանալ` քանի տարվա ստաժ ունեմ օնլայն տարբերակով, ես կորցրել եմ աշխատանքային գրքույկս:

Oct 24 2017

Եթե կազմակերպության միակ հիմնադիրը նաև տնօրեն է

Margarit.

Բարև ձեզ, հարգելի հաշվապահներ, եթե հնարավոր է` պատասխանեք իմ հետևյալ հարցին.
Եթե կազմակերպության միակ հիմնադիրը նաև տնօրեն է, ապա տնօրենի աշխատավարձը նվազեցնելու համար, հիմնադիր ժողովի արձանագրությունը պարտադի՞ր է, թե՞ հիմնադրի որոշումը բավական է:
Եթե կա որևէ օրենքից հղում, խնդրում եմ նշեք: Շնորհակալ կլինեմ, եթե պատասխանեք:

Oct 24 2017

Առցանց առևտուր իրականացնելու համար

Արթուր.

Բարև ձեզ:
Ես կցանկանայի իմանալ` օնլայն մանրածախ առևուր իրականցնելիս Ա/Ձ-ով ՀԴՄ պե՞տք է ունենալ, և ի՞նչ հարկատեսակով եմ հարկվելու:

Շնորհակալություն:

Oct 24 2017

Դասընթացների կազմակերպման գործունեություն

Դասընթացների կազմակերպմամբ զբաղվելու համար նպատակահարմար է գրանցվել որպես անհատ ձեռնարկատեր, թե՞ փակ բաժնետիրական ընկերություն: Արդյո՞ք պարտադիր պայման է ՀԴՄ-ի առկայությունը, թե՞ ոչ: Կանխավ շնորհակալ եմ:

Oct 24 2017

Գործուղման ձևակերպում

Բարև ձեզ, ես սկսնակ հաշվապահ եմ, որ խնդրեմ, ինձ կասե՞ք` ինչպես ձևակերպեմ գործուղումը, եթե աշխատակիցը 2 օրով մեկնել է Սիսիան, ներկայացրել է գիշերակացի հաշիվ-ապրանքագիր 1 օրվա համար և վառելիքի ՀԴՄ: Ուղղակի խնդրում եմ ինձ ասել` ի՞նչ փաստաթղթով պետք է ձևակերպել ծախսերը և ինչպե՞ս: Կանխավ շնորհակալ եմ:

Oct 17 2017

Կազմակերպությունը ստացել է նվիրատվություն

Բարև ձեզ, հարգելի մասնագետներ:

Մեր կազմակերպությունը (ՍՊԸ) մրցույթում հաղթելու արդյունքում ստացել է մրցանակ 2 235 000 ՀՀ դրամի չափով: Մրցույթը կազմակերպած հիմնադրամի և մեր ՍՊԸ-ի միջև կնքվել է նվիրաբերության պայմանագիր:

Խնդրում եմ ասել` ինչպե՞ս է հարկվելու տվյալ նվիրաբերությունը:

Նշեմ, որ ՍՊԸ-ն հարկվում է ԱԱՀ-ով և օգտվում է ՏՏ ոլորտին տրվող հարկային արտոնություններից:

Older posts «